يا جماعة ترى أنا اليوم جبدي منبط حده ..
لأن في ناس "تستحي ما تختتشيشش" ...ومصخوها .. فرجاءا ...وقولة فطوم حيص
بيص ...رجاءا ... إستحملوني .. و خلني أطلع اللي في قلبي ...أفففففف ...
إلى جمعية الوفاق –
بلغوني الجماعة إنكم رفضتوا المشاركة في
لجنة توصيات عمي بسيوني.. إنزين والأخير وياكم؟؟؟ مبادارات ولي العهد ورفضتوها و
إنتخابات و قاطعتوها وحوار وطني و إنسحبتوا .. شتبون إنتوا ...يعني عاجبكم الحال
في العراق؟ تبون البحرين تصير مثلها؟ .. شوفوا عاد ...أنا مطول صبري عليكم ...
إيييه ...لا تشوفوني ساكت تاخذون راحتكم ... لالالالا ... ترى قالت لكم أم كلثوم –
للصبر حدود ... وبعدين أنا قلت لعلي سلمان
أمس يوم يكلمني يبي مشورة طبية ...وما قدر أقول شكان يبي لأن السرية الطبية
تمنعني ... ولا تحاولون ...ما باقول ... المهم ... قلتله ...نوروه ...قال نعم ... قلتله شتبي إنت ؟...
قال مضاد وشي للحرقة و أمشي ... قلتله ...أتكلم عن لجنة التوصيات يالخبل ....قال
إيييييييه ... و تمايل وهو يقول و إبتسم ... الشعب دكتور يمبه حكومة إنقاذ وطني و
يمبه إستقالة الحكومة و إعتذار و تعويظات و إطلاق المساجين و محاكمة الرؤوس ...وبس
... إيييه و نسيت ... الشعب بعد يمبه دستور جديد و دوائر عادلة و حكومة منتخبة ... قلتله بس إسكت ...سليمة إتجبك إنت و كل
والشعب اللي يقول هالحجي .. ردينا على نفس السالفه؟... ما عندكم سالفة ..
شوف أبويي ..باقوليك .. الشعب ما يريد اللي
تمبونه ... إنت حق ويه ما تفتهم الحشي ... ما نمبه... إحنا خلف شبدي مو ظايعين
ينقذونا ... لا ... إنتون اللي ظعتوا ... وبسيوني ترى أنقدكم .. وإنتون ما تمبون
تتنقذون ... ويش نسوي وياكم ؟؟؟ ويوم أقول ليك تمبى أحد يدز فيك شوية عقل الجماعة
هبوا علي ... والله إنت يمبالك طق ليه الله ياخذ روحك .. وبعدين عفر ويه إنتون ما
تعترفون بالبلاوي اللي سويتونها و تعتذرون عليها و تستقيلون و تقدمون كل المجرمين اللي
قتلوا و خطفوا و حرقوا و أرهبوا ها؟ حق ويه ؟؟
جان
عصب و يقول – ربعنا ما سووا شي ...ربعنا سلميين ... وقعد يدابج على التليفون وجنه
يرقص عراقي ويقول - سلمية ...سلمية ... جان أقوله سلمية في عينك.... الريال مصمم
يبي إطلاق سراح كللللللللل المساجين بما فيهم القتلة اللي عليهم أحكام إعدام ... و
حكومة إنقاذ وطني برئاسة مشيمع !! بسسسسسسسسسسسس ... وإبراهيم شريف من السجن لوزير
.. و الله خوش حكومة إنقاذ.... أقولك شي ... تعرف الديري ؟؟؟ ما حصلت غيره ؟؟ يلا
يلا روح إذلف ودور ربعك ..إنت و حكومة المادري شنو ...يلا...
إلى حليمة بولند -
أول شي – حبيت أعرف, قبيلة آل بولند في أي
منطقة من الجزيرة العربية سكنوا؟ أنا قريت كل الكتب اللي صدرت عن تاريخ القبايل
العربية للأسف ما حصلت وايد , بس في كتاب "جربان إيران في ديار العربان"
قال شايف بن مغرور المزوراني المتوفى في عام 1902 إن أول ظهور لقبائل آل بولند كان
في منتصف عام 1980 حيث نزحوا من منطقة تعرف "بجنوب تهران" حيث إنتشر
فيها الجرب الأحمر و إستقروا في الكويت في منطقة حولي . و المعروف عنهم الشدة في
الهشك بشك و يقول المزوراني إن رجالهم ينافسون نسائهم في الدلع حتى بالكاد تسطيع
تفريق الرجل عن المرأة – ويقول, وهذا يحسب لهم لإنهم آولي عزم ومياعة. ويضيف –
وتظهر فيهم إمرأة عظيمة على قدر كبير من الجمال بسبب عمليات تجميل إسمها (أليمة) ثم غيرت إسمها إلى (هليمة ) و عندما
إستقر بهم المقام في حولي تم تغيره إلى )حليمة(, عرفت بين أصدقائها
الثلاثة (بحليمة اللئيمة) .. الحقيقة هاي
اللي حصلته عنكم من غير زيادة و لا نقصان .. و المزوراني مشهود له بالصدق و نقل
الأخبار بإمانة حتى بعد وفاته بإكثر من 100 عام لم يتوقف عن نقل أخبار القبايل...
إنزين يا بنت بولند – أنا مب قاهرني شي إلا
مكوتج الأسفنجية ذي ...و خاطري أعرف شي واحد بس .... ليشششششش !!!؟؟ شنو القصد من
تكبير المكوى الأصلية ؟ مايصير ما يكون عندج وحده .. مو عاجبتج الأصلية؟ صغيرة؟
أنا أجوف البنات اللي عندهم مكوة عودة يحاولون يخشونها بكل الطرق ...ما يخلون رجيم
...ما يخلون ملابس واسعة ...أي شي بس ما تبين ... إنتي العكس أجوف ...تكبرينها
بسرج خيل و تلبسين ملابس ما تدش إلا بفازلين ... شنو الحكمة أبي أعرف !!؟ أنتي
طبعا ما تردين لإنج ما دفعت رسوم الإشتراك في مدونتي فما ما بتشوفين هالرسالة الخاصة
...فأنا بجاوب عنج , ممكن ؟؟ مشكورررررة يالشيخة ما قصرتي ... بس قبل ما جاوب
...أحب أن أوضح للإخوة في أرجاء الوطن العربي ولاتفيا وجنوب حوض الأمازون اللي
يتابعوني إن لفظ المكوة هو لفظ كويتي صميم يختص به أهل الكويت الكرام دون غيرهم
لتعريف المؤخرة .. و هي تكتب بالتاء المربوطة أو بالألف المعكوفة مادري المشطوفة
... شنو المعكوفة ذي بعد !ّ!.. المهم فهمتوا القصد ... أما عن سبب التسمية فلربما
إن الشخص حين يجلس على كرسي فينفرد قماش الكرسي من أثر الجلوس و الحرارة الناتجة
عن الجلوس, فيقال كوى الكرسي ... ولربما إنه قبل دخول الكهرباء إلى الكويت ..كان
الشخص يجلس على ثوبه قبل ما يدق سلف الوانيت و يطلع يغازل في السالمية ..و أمه
تناديه فيقول ماقدر أيي الحين قاعد أكوي ثوبي يمه ... وجذي ...أخذتوا الفكرة ؟...
إنزين
نرجع لل ست هليمة ... أنا في إعتقادي إنها
تعتقد إن الكويتين بالذات و العربان عامة تربطهم علاقة خاصة بالمكوة... و إنهم أي
رجال العرب و البويات يحبون المكوة و إنهم منجذبون لها .. وعليه فالفاضلة (أليمة)
حبت أن تزيد من إنتشارها و قبولها بين الرجال حتى يصير لها شعبية ... وتصير مشهورة و يصير عليها طلب من الفضائيات و
يكبر الجيك مالها... فإذن هناك علاقة مطردة بين حجم المكوة و الجيك كلما كبرت
الأولى زاد الثاني ... هذا من ناحية... من ناحة ثانية تبي هالمذيعة أن تكون (سكس
سيمبل sex symbol ) يعني مثل مارلين بنت مونرو بزمانها ...و
تبينا نعرف إن هي جذي ما فوقها فوق .. وقامت هالمحترمة بالتدلع و التميع على الأخر
و تتكلم كأن عمرها 14 سنة بسذاجة مبتذلة .. أبي أبوي ...يبولي أمي .. مالت ... يعني
فوق إن العرب يحبون المكوة العودة , يحبون البنات الصغار ! يا سلام ... وبعدين
شوفوا و هي تتكلم في صوب و تطالع بطرف عيونها بصوب ثاني .. هاي قمة الدلع كما
تعتقد جنابها ... بس عشان نخلص من هالموضوع ...طبعا ما يكمل الدلع إلا إذا تكلمت
لبناني ... ياي تإبشيني شو مهضومي... يعني وين الدلع إذا قالت ديايه !! مثل ما قال حسين الرضا ... فا لازم تقلب لسانها
لبناني ...
إنزين ليش هالموضوع .. و مكاوي ..و كلاوي و
مادري شنو؟؟ ... إنزين بالعدال عاااااد ... با قولكم ... اللي تسويه المرة ذي في
إهانة لكل مرة عربية مسلمة ... إختزال كيان المرأة من أم و زوجة و بنت و فكر و علم
و صبر إلى كون المرأة مجرد ....مكوة !! (كلام كبير يا دكتور ..كبيييييييرررر) ...
إيييه ... كون جمال المرأة المتمثل في حيائها و طيبة قلبها و حشمتها وكل ما أتاها
الله ... يصير مركز في خلفيتها ! و هذا التعريف الجمالي نرفضة نحن الذكور قبل أن
ترفضه الإناث من مجتمعنا ..
وكرجال أيضا نرفض أن نكون على مستوى
الإضمحلال الفكري اللي تبيه هذه المخلوقة إن نترك تركيزنا منصب على مؤخرتها
المبروكه ... والحق يقال – فأجزم إن مؤخرتها بها أضعاف الذكاء اللي في راسها ..
ويا ريتها إلا تركيب ! شوفي يا بنت بولند – جمال المرة مب بس بعمليات التجميل و
الميك أب و الشعر المستعار و الحواجب المنتوفة و المكوة المركبة و لا الصدر
المرفوع ...لا يا ماما ... جمال المرأة بدينها وعقلها أولا و بعدين الاشياء الثانية ...
العقل ممكن جدا يدوم العمر كله و لكن الجمال ممكن يبوش بعد أول ولد ...و خاصة عند
الإيرانيات أمثالج.. فرجاء لا تستخفي بعقول الرجال و لا بإجساد النساء و إتقى الله
...
وبعدين كلمة أخيرة – إحنا دول الخليج
العربي كلنا أمة وحده .. أفراحنا وحده و أحزانا وحده... و ما نرضه على نطفة
إيرانية ,الخير اللي هي فيه من خير الكويت و كل الخليج... ما نرضى أحد يسب فيهم ..
و المصيبة لما "أحد" معدوم الأصول تسب و تلعن أهل بلدها وأهل السعودية! مسامحه ما بي أزيد...
ودموع التماسيح ما تمشي علينا... مصخوها الإيرانيين .. في الكويت يسبون...و في
البحرين يبون الحكم ...!!
علياء المهدي –
تذكرون هاي البنت المصرية اللي قلتلكم
سالفتها في رسائل خاصة 4 ؟ هاذي بارك الله فيكم سووا وياها لقاء على ال CNN و متابعة للكلام اللي قلته
و للأمانة الصحفية اللي أنا ملتزم فيها لإني مسوي قسم قناة العالم للأمانة المهنية
الصحفية و ماخذ كورس شطوله في مجلة (الوسيط)..و ساقط للحين 10 مرات في إمتحان
جمعية الصحفيين البحرينية ... يعني عندي مؤهلات مهنية ما شالله عليها ... المهم
... تقول هالبنت الله يصلحها أو ياخذ روحها ... تقول ... إنها ملحدة ... إيييه
...تقول علنا جذي إنها ملحدة ... يعني أبو لهب كان كافر ... و هي ملحدة خير شر ...
وتقول إنها تبي بنات العرب ينفتحون على الممارسة الجنسية و إنها – حسب كلامها –
تسعى لنشر ثقافة الجنس !! و تقول إنها فقدت عذريتها من سنتين لما كانت 18 سنة
لواحد عمره 60 سنة ! هممممم – تعرفين عايض؟؟؟؟
توتاية –
@MOI ممكن نعرف ليش قوانين الدولة ما تطبق على الشيعة؟؟ الميكروفونات و المحاولة الإنقلابية مثال ! #BAHRAIN
SMS–
لميس و وحدة من بنات الخواجة في مصر يحاولون دفع مبالغ مالية لصحفيين مصريين ليساندوا ثورتهم المزعومة.
تهنئة خاصة –
يا نجاتي – يا نجاتي ...أنفخ البلالين عشان عاشورا يا نجاتي ...و عشان عيد ميلاد اللئيمة أليمة يا نجاتي ...يلا تحرك
بي بي برودكاست –
تخاصم أبو لهب مع إبي الحكم حتى شهر كل
منهما سيفه في وجه الأخر فقال أبو لهب صارخا – هذه ساعتك يا أبا الحكم – فرد عليه
و قال ...نعم ..إنها كارتييه .. فضحك الجميع وعمت المسخرة في أرجاء الصحراء و طقت
لميس إصبع و كنسلو الموضوع ...وجذي
DR. KNOW
ليست هناك تعليقات:
إرسال تعليق