علي سلمان والبي بي
سي –
كنت أعرف عن
مقابلة نورة على البي بي سي بس إتخذت قرار إنه ما أطالعه .. وخاصة إحنا في أيام
صوم وسمعت إنه طلع من غير حجاب .. وبعدين الواحد ما يبي يلوع جبده في هالشهر
الفضيل .. بس مافي فايدة .. سوسوبحرين @sosobahrain قعدت
تعاتبني ليش ما كتبت عنه في الرسالة الماضية .. وجفت المقابلة .. وليتني ما جفتها
.. ويه أم حمار نوره قاعدة تكذب وتكذب وتكذب والدنيا رمضان .. الله يسامحج يا سوسو
...
علي .. قاعد مجابل وحده شحلوها ولابسه
بنطلون حده ضيق يبي ينشق .. وهو قاعد يتغزل ويقول .. إيه عليه اللي ورا كاميرا
فلافه .. طول الوقت ونورة ميته عليه .. مادري شصار بعد ما خلص التصوير
الحقيقة .. وقلنا الدنيا رمضان .. واللهم
أنا صايم .. بس فاخلوني في الموضوع .. أول شي علي سلمان جذب فيه إدعى إنه عربي .. علي
سلمان إيراني المولد وبعده إيراني و بيموت إيراني .. إن شاءالله جريب ..
نورة سلمان حاول قد ما يقدر يتفادى الكلام
عن إيران .. والمذيعة الحليوة شيطونه .. عرفت إن نوارة قاعد يناور يحاول يبتعد عن
السؤال .. وما عطته فرصة .. وحطته بزاوية .. وإضطر يقول إنه ما يبي إيران .. بس
كان يحاول يتذاكى وهو غبي .. في كل مرة رفض فيها إيران ربط معها رفض السعودية ..
كان يقول إيه .. أنا ما أبي إيران .. بس بعد ما أبي السعودية .. طل فيك وفي اللي
يابتك .. هذي ترى مو مسبة .. إيه .. اللهم إني صايم ..
السبال (هذي بعد مب مسبة هاي دلع ) قعد
يكذب .. قوات الدرع تلبس زي الشرطة البحرينية و يقوموا بالإعتداء على الشعب .. صج
إنك ما تستحي يالتيس .. لا مافي ولا واحد سعودي أو إماراتي لبس البذلة العسكرية
البحرينية .. وليش يعني .. ؟؟ الشرطة الموجودة قايمة بالواجب وأكثر .. ولو يعطوهم
شوية عنان جان ما بقى بحراني يتذكر إسمه .. على فكرة عنان هني من الفصحى .. من
أطلق العنان .. إيه .. مب أسود الويه كوفي شوب عنان.. القصد .. إدعائات الوفاق هذي موجودة من شهر
مارس 2011 .. وعمي بسيوني تكلم فيها وبالتفصيل .. وقال مافي .. جذب ما حصل .. ولا تدخل
الدرع في أي عملية .. نورة .. تتذكر الأباتشي ..!!؟؟ نفس الشي يا بعد قلب منصور
الجمري المفتوح إنت .. كله فبركات ..
لما المذيعة حاصرت الجعو بخصوص الحوار وإن
الوفاق رفضت مبادرة ولي العهد وكل مطالبكم موجودة فيها .. قال المبادرة إنعرضت
علينا يوم 13 مارس والدرع دخل في 15 وسوا الوضع أسوأ .. فا يقول فض الله حلجه إحنا
ما رفضناها .. إيه .. والموضوع إنه ما كان في وقت .. بس .. يعني يبي يقول .. لو
أعطونه وقت جان وافقنا بلا شك .. هو ما قالها طبعا بط الله سره .. بس يبي جمهور
البي بي سي اللي ما يعرف الحقايق يفتكر إنه إنظلم .. عطوه مبادرة بس بنية التطهير
بالدبابات وعلى الجمهور التفرق ..
مجيد العلوي قال إن الوفاق مرتين ضيعوا
الفرص للوصول لحل الأزمة و الحصول على مكتسبات سياسية ... مجيد وايد يجامل الوفاق
.. لإنهم ضيعوا فرص بالهبل .. وأنا قلتها من قبل .. الحمد لله الذي جعل أعدائنا من
الحمقى .. تصوروا لو إن الوفاق فيها تيس عاقل ووافق على مبادرة ولي العهد في مارس
2011 .. تصوروا .. حتى التفكير فيها مصيبة ...
تتذكرون المبادئ السبعة اللي طرحهم ولي
العهد ..؟؟ ورفضوهم طبعا .. هاي هم .. . مجلس نواب كامل الصلاحيات.. حكومة تمثل ارادة الشعب .. دوائر انتخابية عادل .. التجنيس .. محاربة الفساد المالي و الاداري
.. أملاك الدولة .. معالجة الاحتقان
الطائفي.. رفضوها كلها ... وحطوا شروط تعجيزية قمة بالغباء السياسي .. ومن شروطهم
كان مجلس تأسيسي .. وإستقالة الحكومة .. وحكومة أزمات .. وبلاوي .. إنزين ..
تعالوا قعدوا وبنتكلم في كل اللي تبونه .. قالوا لا .. وولي العهد ينتظر بالساعات
ولا حتى يقولون عيب نتصل عليه ونعتذر ما بنروح ... لا .. خبر خير .. وليش يتصلون
.. ما طلعوا على قناة العالم وقالوا النظام جدامه ساعات ويطيح .. !!؟؟ حسبوها غلط
..
غالبية الشيعة
في ذاك الوقت كانوا مع المبادرة .. وموافقين .. ومباركين .. إلا مشيمع والوفاق ..
والسنفور العود .. ما كانوا يبون حل سياسي .. لإنهم توهموا إن النظام ساقط ..
والتعليمات من إيران كانت تقول لا تنازل .. يلا خلصونا من آل خليفة .. الوفاق كان
لهم نظرة وطموح غير اللي كان عند الشارع الشيعي .. أنا فتحت على سخيفة الوسخ عدد 13مارس 2011 وكان يوم أحد .. إفتحوا عليها .. وإقروا تعليقات الشيعة .. لا تعبوا
روحكم إدوروها .. بس إضغط هني وبتحصلها .. عشان لايقولون قاعدين نألف .. لا أبوي
.. هاي كلامكم ..
والحين السافل
علي سلمان وبكل وقاحة يقعد على البي بي سي ويطالب بحوار ومن غير شروط ... روح إلحق
أمك يالتيس .. وهقت ربعك ودخلتهم وياك في
دوامة .. ووهقتنا معاك .. والحين ما إنت بعارف شلون تطلع منها .. ما تعرف يا ترى
نزيد العنف اللي بالشارع .. ولا نقول تهدئة .. ولا يمكن نطالب بحوار .. بس من اللي
بيسمع لنا .. وهو يعرف إنه بروحته للحوار ما بيطلع بإي شي .. مب مثل مارس 2011 .. هاي
نتيجة لما اليهال يتحدون الرياييل في لعبتهم ..
ما أبي أرد على
كل نقطة ذكرها الزنديق ولا كل كذبة قطها علينا .. بس النقطة اللي ذكرها إن الناس
في أمريكا تتظاهر جدام البيت الأبيض هي كلمة حق أراد بها باطل .. أول شي ..
التظاهرات جدام البيت الأبيض ما تكون يومية على مدار السنة.. ثاني شي ياخذون ترخيص
بالمكان والتوقيت .. ثالث شي يكون معاهم شرطة وما يخلون أحد يطلع عن المسار ..
وبعدين الجماعة ما يخذون مولوتوف معاهم على المسيرة .. ويقعدون يرقصون ويغنون ..
وإذا برايك الكل مسموحله يتظاهر جدام البيت الأبيض .. خلنا نجوف مسيرة مناصرة لحزب
اللات أو للقاعدة أو حتى منظمة إرهابية أمريكية مثل الكي كي كي ..!! كل تبن وإسكت
...
عيسى
سيار –
الأخو كاتب في
سخيفة الوسخ .. والأخو عار على عائلة سيار .. وعار أكبر على السنة .. سخيفة الوسخ
نجحت إنها تجمع المنبوذين من السنة أمثال هالطرطنقي و بنت الشروقي .. هذيله عندهم
نظرة مقلوبة على الأحداث .. مادري .. هل عندهم حقد على النظام والحكومة .. أو هو
حقد على السنة .. أو عندهم أمراض نفسية مثل كره الذات .. !!؟؟ أيا كانت فهي تعور
لما الجرح في الكف ..
يوم الأربعاء
كتب هالسخيف مقال وقال فيه "وعلى رغم اعتقاد حفنةٍ من المأجورين ممن باعوا
نفوسهم مقابل المال في سوق النخاسة الدينية والإعلامية من أجل بث نار الفرقة وكراهية
الآخر بأنهم قادرون ومن يقف وراءهم على ضرب مطالب الشعب البحريني في مقتل، فإن الشعب
البحريني يقول لكم أنتم واهمون، فالشخوص تذهب وتبقى الشعوب وبيننا وبينكم التاريخ."
عيب يقول عن
الأشخاص اللي وقفوا ودافعوا عن البحرين ونظام البحرين وسنة البحرين بإنهم مأجورين
.. أو باعوا أنفسهم .. من سعيد الحمد لسوسن لهشام والمحميد وإبراهيم الشيخ وسوار
والقائمة طويلة هذيله شرفاء يا سيد عيسى سيار .. والآلاف من المواطنين الشرفاء
اللي صار همهم الدفاع عن البحرين في التوتير على حساب وقتهم وعملهم .. ومن غير مقابل .. ولا حتى كلمة شكر من أحد
..
من إنت عشان
تشكك بذممنا يا فاشل ..!!؟؟ ومن متى صارت مطالب الوفاق تمثل مطالب شعب البحرين ..
!!؟؟ إنت في ضلال بعيد يالحبيب .. كلامك ما يرضيني ولا يرضي سنة البحرين ولاحتى
شرفاء الشيعة .. ما يرضي إلا أسيادك في وعد والوفاق .. لا تتجرأ وتتكلم بإسم شعب
البحرين .. شعب البحرين ما يبي جمهورية إسلامية ... وشعب البحرين منك بريء ..
أما بالنسبة
للفتنة والطائفية .. فجوف من اللي نشرها كثقافة .. من اللي نصب المشانق في دوار
مجلس التعاون .. من اللي نصب من روحه قاضي وجلاد .. ومن اللي يحدد هالشخص يقعد
وهالشخص يرحل .. ومن اللي قال "إحنا قاعدين وإنتوا اللي طالعين " .. من
يا عيسى .. من ..؟؟ إرجع إلى صوابك عسى الله يهديك .. بس عليك العوض .. وعيب على
الشنب اللي في ويهك ..
حملة
وفاقية جديدة –
اللي يتابع اللي
يكتبونة الرافضة على توتير يلاحظ حملة مكثفة وموجهة إلى الخارج .. وكلها باللغة
الإنجليزية .. منها محاولة لكسب التعاطف الدولي ومنها حملة تشوية منظم ضد البحرين
.. واللي يكتبون معروفين .. بس ليش للحين السكوت عنهم ..؟؟ حرية رأي يمكن ..!! هاي
من صوب التوتير .. من صوب الوفاق قاعدين يركزون على نقطتين .. الأولى .. إن هم
يبون الحوار .. وإن أطراف في الحكومة تبي الحوار والإصلاح .. بس في أطراف ثانية
(متطرفة) لهم مصلحة في إبقاء الوضع على ما هو عليه .. وما يبون حوار .. وهم اللي
أفشلوا كل محاولات الحوار الجاد .. يا زعم ..
إنزين ... يا
ريت الوفاق يصيروا رياييل ولو بالغلط ويقولون لنا من في الحكومة يبي الحوار ويبي
يعطيكم الأولى والتالي .. ومن هي الأطراف الثانية اللي لها السلطة على الحكومة
إنها ما تدخل حوار ..!!؟؟ أنا شخصيا ضد أي حوار مع الخونة .. معقولة يقصدوني أنا
..!!؟؟ الصراحة ما دريت إن لي السلطة على الحكومة .. بس الحين دريت .. ومن الصبح
باروح أطالب في بيت إسكان في الدرة .. !! ولا بارويهم شغلهم .. إيييه .. وبعدين ..
ما أجوف لي مصلحة في إستمرار الوضع على ما هو عليه ... الأشغال متعطلة .. ومتأذين
من تقطع الشوارع و التايرات و خلافه .. فلو تكرمت الوفاق يشرحون شلون إحنا
المعارضين للحوار منتفعين من هالوضع ..!!
ما أبي أعيد عن
الفرص اللي ضيعوها من أجل حوار جاد .. توني متكلم فيها ... بس أتمنى يطلع منهم
ريال واحد ويصارح الشيعة .. يقولهم .. ترى إحنا غلطنا .. و ضعنا وضيعناكم معانا ..
وإحنا مب كفو .. وما نعرف .. ممكن هالشي يصير ..؟؟ كفاية لوم الغير .. من حكومة ..
من سنة .. من معارضين .. من أمريكا .. لبريطانيا .. لمحمد عرب .. كفاية .. لوموا
روحكم .. حاسبوا ذاتكم .. ترى شي زين .. وبعدين كونوا صريحين مع أنفسكم .. وبنوصل
لحل ..
الشي الثاني
اللي قاعدين يحلبونه .. المداهمات .. من خليل مرزوق لقاسم حسين لبابا سنفور
..قاعدين يتكلمون عن إنتهاكات حرمة البيوت .. وإحنا الحمدلله نعيش في دولة قانون
.. مافي شرطي يدخل بيت من غير إذن من النيابة .. طبعا هذي في الإجراءات الإعتيادية
.. أما اللي يقطون مولوتوف وسهام من فوق الأسطح فهم من إنتهك حرمة البيوت .. وفي
كل القوانين الدولية .. وأولها أمريكا تسمح للشرطة بدخول بيت من غير إذن دام إنه
فيه جريمة ترتكب في تلك اللحظة ..
أو هذيلة
الإرهابيين يرتكبون جريمة في الشارع وبعدين ينحاشون في بيوت الناس .. وبالأمر ..
اللي ما يخلي بيته مفتوح للإرهابيين بيحرقونه له أو يكسرونه .. إستغلوا إحترام
الداخلية للقانون وحرمة البيوت .. بس الوضع على الأرض تغير .. واللعبة مكشوفة ..
والصبر نفذ .. واقول لإصحاب البيوت مثل ما تبون الداخلية تحترم بيوتكم إنتوا
إحترموا القانون .. ولا تخافوا من الإرهابيين .. وأنا متأكد إن محد راح يدخل عليكم
.. مثل أول .. خبز خبزتوه .. إكلوه .. وهنا وعافية ..
إيران
والدياي –
هذي إيران ..
البلد اللي مسويه روحها (سوبر باور) الخليج العربي .. وتحط راسها في راس أمريكا ..
وتتدخل في شؤون البحرين .. وسوريا .. ولبنان .. واليمن .. ومسوية روحها قوة نووية
.. هذي هي .. شعبها مب محصل ديايه يتفطر عليها .. طوابير دياي في السوق عشان ديايه
.. طوابير طويلة تحت صورة الزنديق خامنيىء وهم ينتظرون بالساعات عشان ديايه ..
أتسائل .. جم واحد واقف في الطابور خاطره يفصخ الجوتي ويحذفه في ويه النتن خامنيىء
..!!؟؟
الديايه في
إيران ذكرني بكتاب الزعفراني .. اللي في مسرحية على هامان يا فرعون .. واللي يقول
فيه .. الديايه .. بإلف ناقة ..
الديييييايييييييه .. ألف ناااااااااقققققة ... إيه .. وكله من خامنيىء والثور
اللي وياه نجاد .. عجزوا عن توفير ديايه للشعب المكلوب على أمره .. في الوقت اللي
يطرشون الملايين وربما المليارات خارج إيران لدعم بشار الكلب .. وقناة العالم ..
وحزب اللات .. والوفاق .. وفي ديرتهم الإيراني يوعان .. الريال طايح في المخدرات
.. وإخته وزوجته يتزوجون متعة عشان إيبون ديايه ذيج الليلة .. حتى الدياية صاروا
مب محصلينها ..
واللي صج يقهر
إنهم يهددون العالم بمضيق هرمز .. بيبندونه يازعم .. ونائب رئيس الأركان المجوسي
يقول إيران لن ترضى بسقوط نظام الأسد .. الحين قبل تقعدون تقولون كلام إنتوا مب
قده .. وفروا أكل لشعبكم اللي بيقاتل وياكم .. سندكم .. وفروا لهم بترول لسياراتهم
.. معقولة في بلد البترول اللتر أغلى من أوروبا .. !!؟؟ يدل على أن أولوياتكم خرطي
مثل مذهبكم .. الدييييييايييييية .. ألف إيرانيييييه ... !!!!؟؟
كربلاء
–
لو لك خاطر تقرا
سخيفة الوسخ على النت .. ولو إني ما أنصح فيها في نهار رمضان عشان ما تجرح صيامك
.. بس لو لك خاطر وفتحت موقعها .. بيطلعلك إعلان شكبره .. يقول .. إمتلك منزلك في
كربلاء ..!!! الحين يتشكون ما عندهم بيوت في البحرين .. وما يقدرون يشترون بيت
يسكنونه في ديرتهم يا زعم رايحين يشترون في كربلاء .. و5 نجوم بعد ..!!؟؟
من حوالي 3 أو 4
سنين كانت في عصابات شيعية نشطت في البحرين .. وكانت تشتغل على المساكين من الشيعة
... توهمهم مرة بإرباح خيالية .. ومرة باعوهم شقق في كربلاء .. عند الروضتين يا
زعم .. علشان يروحون الجنة سيده .. وكله طلع خرطي .. لا كان في أرباح .. ولا كان
في شقق في كربلاء .. والناس خسروا ملايين الدنانير .. ملايين .. ويقولون ما عندنا
بيزات .. قاطعين يدهم ويطرون عليها .. بس في عندهم دنانير يشترون بيوت في كربلاء
..
تدخل الإعلان
وأول شي بيطلعلك ... كن جارا للإمام الحسين ..! ياه أنا أبي أكون جار الإمام .. بس
في الجنة عاد .. هني في الدنيا شنو بتستفيد بالله عليك ..؟؟ تسكن في كربلاء ولا في
سوق السمج .. نفس الشي .. بس محصلين ناس يقصون عليهم ويحلبون منهم فلوس ..
وحاطينلهم صور شوية معممين يباركون المشروع .. آية الله ذي وآية الله ذاك .. وهم
طبعا أول من أخذ المعلوم ... ورزق الهبل عالمجانين ..
الرفق
بالحيوان –
في خبر جفته
وأنا أتصفح سخيفة الوسخ الإلكترونية .. ومعجب بالإعلان الكربلائي .. وقاعد أفكر
أشترى شقة في المشروع عشان نروح نصيف كل سنة .. إيه يا خوك .. ملينا من أوروبا ..
ونبي مكان متعرض يتفجر في أي لحظة .. والكهرباء توصله ساعتين في اليوم .. أجوف
شطحت شوي .. خلني أرجع للموضوع .. الخبر يقول : "أفاد مدير مشروع التحكم بأعداد
الكلاب الضالة في البحرين (CNR) التابع لجمعية البحرين للرفق بالحيوان، عوض
بخش، بأن «فريقاً من الجمعية سيقوم بإجراء مسح ميداني لحصر الكلاب الضالة في البحرين
بهدف إخصائها لتقليل تكاثرها، في الفترة من 1 حتى 8 أغسطس/ آب 2012" ...
أشوف الكلاب
منخشه هاليومين .. الخبر إنتشر عندهم ..وكل سوالفهم عاتوتير الكلبي هو هالموضوع ..
موضوع كبير .. في كلب إسمه روكي كاتب .. كل واحد يخلي باله من لغاليغه .. كلب ثاني
إسمه (تايغر) كتب .. شهالخرابيط .. اليوم أنا إسمي تايغر وفحل وما خليت كلبه إلا
ويبت منها أروح الحين أغير إسمي لنورة سلمان مثلا ..!! كلب .. ثالث كتب .. أطالب
بجمعيات المجتمع المدني التدخل لوقف المجازر .. وبان كي مون أصدر بيان إستنكار ..
وروسيا تطالب بحماية خصاوي كلاب البحرين ... بس هيلاري أصدرت بيان تؤيد فيه
الإخصاء .. وقالت أنا سويت في بيل جذي من قبل وتأدب ..!
ويقولون
الطوابير على طيران الخليج .. والكلاب قاعدة تسافر بلدان ما فيها تخصي .. مثل
أوروبا .. ويقعدون ينابحون هناك .. وبعض الكلاب الذكور قاعدين يسوون روحهم نثيات
.. وقاموا يحطون ميك أب و يلبسون عبايات بعد .. وبالمناسبة الليلة في مسيرات في كل
الديرة تحت إسم (كرامة الخصاوي) .. في المقابل سيقوم السيد عوض بخش بعملية
(إسحقووووهم)..
الناس اللي
ساكنه يم القرى متضايقين من الكلاب بالذات .. قاعدين يتكاثرون بشكل جنوني في
الشوارع .. والشوارع تربي .. والكلبات خب ما عندهم مانع .. ما تقول لا .. في
الشارع ..في الدوار .. في خيمة .. ما تقول لا .. هاي بالنسبة لهم متعة .. وتعرف يا
سيد بخش إن ولد كلب الشارع يسمونه (جعو) .. والجعاوة تارسة الديرة .. ولذلك أتفهم
بل وأطالب إنه السيد بخش يخصي كل الجعاوة .. صغار أو كبار .. وبعدين .. ليش
التمييز ..؟؟ ليش بس الكلاب الذكور بس اللي ينخصون ..؟؟ ليش بعد مب النثيات ..؟؟
أدري تبون تسون جنس ثالث .. على شاكلة جعو نبيل رجب .. بس تفكونه من الإثنين ..
لإنه إفرض في جعو حساوي طاف من الجسر .. و الجعوات بيكونوا حدهم .. إيه ... مافي
عندهم ذكورة .. كلهم صاروا جنس ثالث .. وبقية السالفة عندكم .. فأقترح مثل الذكور ينخصون .. النثيات بعد ينربطون .. إيه .. ويا
سيد بخش .. إبخشهم ولا تحاتي .. وإذا محتاج مساعدة .. أطلب من دولة رئيس وزراء الأردن الدكتور الخصاونة .. وما راح يتأخر عليك .. وجذي ..
DR. KNOW
