مجيد
العلوي –
أعتقد كلكم
تعرفون وزير العمل السابق .. سعادة الوزير واحد من أكبر بلاوينا .. تأصلت في عهده
الطائفية في وزارات الدولة وخاصة العمل .. وتعرفون حضرته أعلن مقاطعته لمجلس
الوزراء في فبراير العام .. وبعدين تمت إقالته .. والحمد لله .. بس بعد خراب مالطة
والبصرة .. بس الأخو للحين ينفث سمومة في البحرين وسنة البحرين .. بعد الجهد
الجبار اللي قام فيه شيوخنا الأفاضل مراد والمعاودة والمهندي والغرير ومن ساندهم
في توفير الغذاء والدواء لإخواننا في سوريا .. مجيد كتب تغريدة يتطنز فيها على
مشايخنا وقال فيها : حدثان عظيمان أمس: الأميركان وصلوا المريخ. عبد الحليم مراد ورفاقه
وصلوا باب الهوى. الحمد لله على كل حال. #Bahrain #NASA #ASALAH .. لا ومطرشها على ناسا
بعد ..
بس فيه تغريدة
سوالها ريتويت وخلاها في المفضلة عنده وتقول : 4 مالهم دخل في الدين .. عمامة
العماني ومسباح الكويتي ومادري شنو الإمارتي .. وصلاة السعودي .. يعني الأخو تطاول
على شعب السعودية بإكمله وجردهم من عماد دين الله اللي هم لهم شرف رعاية بيت الله
ومسجد رسول الأمة .. بصريح العبارة هو كفرهم ...!! ما أبي أدخل في كل تغريدة عنده لإني ما راح أخلص
.. بس كل تغريدة عنده فيها من السم ما فيها ..
خلونا نشوف
هالوزير السابق .. مدعي الشرف والأمانة .. واللي قاعد يحارب الطائفية يا زعم ..
ولما نفتح سيرة مجيد مثل ما نفتح بالوعة .. ما يطلع منها إلا الخياس .. أول شي لازم نعرفه إنه حرامي .. بتقول شنو سرق
..؟؟ أقولك .. أول شي باقه هو إسمه .. الأخو سرق إسم عائلة العلوي .. هو إسمه مجيد
الخباز .. بس الخباز إسم ماله وزن في البحرين .. بعكس عائلة العلوي وهم سادة ..
مجيد ما يقدر يدعي إنه سيد لإنه أصلا مب علوي .. يقولون والعلم عند الله .. حتى
لقب دكتور بايقة..!! بقدرة قادر قدم روحة على قناة فضائية بإنه دكتور في العلوم
السياسية .. وعلى ذمة واحد من اللي عاشوا معاه في لندن إنه لا دكتور ولاهم يحزنون
.. والدولة تعرف إنه ما عنده الشهادة بس ساكتة عنه .. يعطيك العافية أبوي .. عفوا
.. قصدي دكتور ..
تعرفون إن
"الدكتور" العلوي كان منفي في لندن زود عن العشرين سنة .. ولما صار كلام
إنه بيرجع .. وما ودي أدخل في تفاصيلها .. بس ما عندي مانع .. في ذيج الأيام كان
يقول إنه يحب يخدم بلده في منصب مثل - وزارة – مثلا بس ما بتكون تحت الشيخ خليفة
بن سلمان ...يعني الأخو ما كان يحب بوعلي طال عمره .. بس بما إنه النفاق يجري في
عروقه مجرى الدم .. قرر أن يتنازل عن قيمة ومبادئة من أجل الوزارة ... ويقبل وزارة
تحت قيادة الشيخ خليفة .. يعني مبادئه مثل ما قال سعيد صالح " أستيك منه
وفيه" ..
في لندن كان
رفيجه الروح بالروح سعيد الشهابي .. وكانوا الإثنين في حركة أشرار البحرين .. أو
أحرار ... أو هرار .. اللي هي .. أول شي سواه الدكتور .. إنقلب على سعيد .. وطلع
على شاشة العربية .. ووصف حركة أحرار البحرين بإنهم مجموعة " مخربين
وإرهابيين" .. هو قال مب أنا .. واحد منهم وفيهم .. ويوون يعاتبونه إحنا ..
والله حاله حالتهم .. الموضوع ما توقف هني .. الدكتور قام ووشى برفاق دربه ..
ومنهم من دخل السجن بسبب وشايته .. ليش كل ذي ..!!؟؟ أها .. علشان الوزارة ..
والمنصب والفلوس ..
لما صار وزير ..
وطبعا راجع من منفاه بعد سنوات طويلة .. وما عنده بيت .. الحكومة عطته بيت .. في
مدينة زايد .. أخذه طبعا .. بس رفض يسكن فيه .. قال لهم .. شنو ذي البيت .. فيلا
عادية ما تليق بسعادة وزير .. وبعدين كل اللي هناك سنة .. ضباط وقضاة ومادري شنو
.. لا يبا ما أقدر أسكن فيه .. !!! من حقه يتدلل ..
الحكومة قالواله
.. إنزين سعادة الدكتور شوفلك بيت .. فالريال إستأجر بيت من حاجي حسن .. والحكومة
كانت تدفع للوزير بدل سكن على أساس إنه يدفعه للحجي .. بس هو قرر إنه هو أبدى
بالفلوس من الريال صاحب العقار .. وما دفعله وطنش .. وحجي حسن معروف بخير .. وشيعي
... فصبر على الريال .. بس لمتى ..!!؟؟ راحوا كلموه إدفع يا دكتور .. لا ما بادفع
يقول لهم وبكل وقاحة .. فإشتكوا للحكومة ترى ولدكم ما قاعد يدفع .. شوفوا لنا صرفة
وياه ..
الحكومة قالت له
.. شتبي يا دكتور ..؟؟ قال الصراحة لازم تشتروا لي بيت .. إييييه .. قالوا له زين
.. بس رجع علينا بيت مدينة زايد .. قال يلا عاد .. صار لي .. وصار أخذ ورد في
الموضوع .. المهم .. خلى البيت عنده ليومنا وما رجعه .. وقالوا له روح شوفلك بيت
يناسبك .. رجع لهم وقال حصلت بيت (إنما لقطة) في باربار .. خبركم جريب من المآتم
.. والبحارنة .. وحلو .. وإشتروا له .. 460 ألف دينار إندفعت من فلوس الحكومة ..
يعني المال العام .. فلوسي وفلوسك يا مواطن .. ياللي تنتظر 20 سنة لبيت إسكان ...
المهم .. الريال
إستلم البيت .. بس ما سكن فيه .. لا .. قام وأجره .. نعم أجره على السفارة
العراقية وصار سكن السفير الرسمي ورفع عليه علم العراق .. وأجار البيت 2400 دينار
شهري .. هو يستلمه .. البيت بإسمه .. ومب مهم من اللي دفع ثمن البيت .. بالطقاق ..
والدكتور رفض يترك البيت اللي متأجره وما يدفع أجاره .. كلموه الجماعة .. تعال
أبويي .. إدفع أو إطلع .. في ذاك الوقت كان سعادته وزير العمل وتحت إيديه صلاحيات
.. فقال لعيال حجي حسن .. خلونا نوصل لإتفاق .. إنتوا ما شاءالله شركات كبيرة
وعندكم عمالة جيش .. وإنتوا ما تقصرون في عيال البلد .. إنتوا تخدمون البلد وعيال
البلد .. إيه وإطرشون كل سنة بعثات لعيال الشيعة .. فا شرايكم نعفيكم من رسوم سوق العمل ونقول صافي
يا لبن ..!!؟؟
طبعا العرض مغري
.. عليهم رسوم بمئات الآف من الدنانير سنوية .. بجرة قلم من سعادته صاروا معفيين
من الرسوم اللي إحنا ندفعها لحد ما توقفت الحين بسبب الأحداث .. واللي كان يتخلف
عن الدفع توقف معاملاته وسجلاته .. بس هو عنده الصلاحية يشيلها عاللي يعطيله سكن
مجاني .. وصل الخبر للشركات المنافسة .. وقالوا شمعنى شركة حجي حسن وإحنا لا ..
!!؟؟ معاهم حق ... وكاد يتسبب بإزمة للحكومة .. فإضطرت الحكومة تلغي قرار الدكتور
.. وطبعا ما عجبه .. لإنه الحين لازم يشوف له حل ويا راعي الحلال ..
خبركم .. طلع من
الوزارة .. وللحين في بيت جحي حسن وللحين ما يدفع الأجار .. والحجي يبي فلوسه ..
والدكتور الحين يبي الحكومة تدفع عنه .. !!! هذا هو الدكتور الكذاب .. المتسلق ..
المنافق .. الطائفي .. وفوق شينه يتكلم عن المجاهدين من أهل السنة .. ويوافق على
تكفير أهل السعودية .. حسبنا الله ونعم الوكيل ..
 |
| المحرقي يتكلم عن العلوي |
نقطة عالهامش ..
كإن الفساد اللي راكبه من ساسه لكرياسه بالنسبة للبيوت مب كفاية .. كشف بعض النواب
تجاوزات مالية كان يستلمها من هيئة تننظيم سوء الهمل .. عفوا سوق العمل .. ومبالغ
إستلمها بقيمة 24 ألف دينار ...وبعدين وبقدرة قادر لفلفوا الموضوع ... وللعلم وإذا
حبيتوا تعرفون ليش يكره الشيخ مراد .. فإن الشيخ كان أحد أعضاء اللجنة اللي كشفت
الموضوع .. ممممممم ... إذا عرف السبب ..
مجيد
الخباز محظوظ .. وعرف وين مصلحته وإستغلها .. وهو إنسان بإمكانات متواضعة .. حتى
ما يعرف يكتب مقال .. وأتذكر مرة الجمري نشرله موضوع وقال أنشره بالإخطاء اللغوية
مثل ما هو .. إنسان حده بسطة خضرة في السوق المركزي .. طولت عليكم .. بس في قصة
باقولها بإختصار .. إشترى حق ولده من ماكدونالدز في البديع هابي ميل ومعاه شوية
أطفال .. في البيت إكتشفوا إن بعض علب الهابي ميل ناقصة اللعبة .. ثاني يوم راح
لمكادونالدز وقال لهم أنا الوزير .. وأطالب في اللعبة .. !! إذا يطالب في لعبة
هابي ميل ما يتجاوز سعرها ال 100 فلس .. تتوقع بيترك بيت مدينة زايد ...!!!!؟؟؟
المعاودة
يا كايدهم –
زيارة المعاودة
والوفد اللي وياه لسوريا هالإسبوع باطة جبود بعض الناس ياااااااوووو ... وبعض
هذيله الناس قاموا يكتبون في الجرايد يااااااااوووو .. من الحره يااااااوووو... ومابي
أقول إنهم البحارنة حفاظا على اللحمة المدعومة ... يااااااووووو ... المهم .. زيارته
حتى وصلت لتلفزيون حزب اللات المعروف بإسم الدمار .. وقاموا يحللونها .. ويتابعون
التويتات .. ومن ال IP
يقولون هو ما دخل سوريا وإنما كان في الأردن على الحدود .. وعندنا في البحرين
تعالت الأصوات الشيعية المكذبة والمستنكرة والمستهزئة للزيارة .. "إن أنكر
الأصوات لصوت الحمير" .. ومن هذه الأصوات صوت الزنديق المجوسي كاتب سخيفة
الوسخ قاسم حسين ..
هذا المنحط كتب
مقالين اللي شفتهم ويمقن أكثر عن زيارة المشايخ .. يوم الخميس مقال بعنوان
"من الذي مولكم" .. موضوع في سم أكثر 100 حية من فصيلة الكوبرا اللي
عساهم ينهشون في لحمه .. بس حتى الحياية بتعاف لحمه النجس .. يبتدي مقاله ويقول
" ألف سؤالٍ وسؤالٍ يطرحه الشارع البحريني عن تسلل ثلاثة نواب بحرينيين وقاضٍ
بوزارة العدل، من منتسبي جمعية الأصالة السلفية، إلى الأراضي السورية لتقديم مساعداتٍ
باسم شعب البحرين إلى أحد أطراف القتال في ذلك القطر العربي الشقيق المنكوب.."
لا يا قاسم ..
مافي ألف سؤال .. هو سؤال واحد أسأله لمشايخنا .. متى إن شاءالله بتروحون المرة
اليايه ..!!؟ وبعدين خلنا نكون واضحين .. التبرعات في هذه الرحلة
"الجهادية" مقدمة لإخوانه السوريين بإسم شعب البحرين السني .. وبس ..
إنت ليش زعلان ..!!؟؟ الأمر ما يعنيكم إنتوا الروافض .. لاتعب روحك .. وروح المعبد
.. وشوفلك إمام وألطم عليه ..
على أي .. تسأل
حضرتك .. "من الذي مولكم" .. وباجاوبك .. ممكن أجاوب .. ؟؟ إيه ممكن ليش
ما أجاوب .. مدونتي وأنا حر .. أنا مولتهم ... نعم أنا .. وأقولها وبكل فخر .. أنا
مولتهم ومعاي أهلي .. أهل السنة والجماعة .. عائلتي كبيرة شوي .. مئات الآلاف يا
قاسم .. كلنا عائلة وحدة .. وكلنا دفعنا .. علشان ندفع البلاء عن إخوانه .. هذي مب
منه منا .. لا .. هاي واجب .. واجب شرعي وواجب إنساني .. إنت يمكن ما تفهمه لإنكم
مجردين من الإثنين ..
إنت سؤالك
"من مولكم" مسموم .. إنت تدري زين مازين من اللي مول .. بس إنت تبي توصل
معلومة .. بإسلوب الهمز واللمز الرخيص اللي تتميز فيه "الوسخ" .. تبي
تقول إنه ال 11 مليون دولار اللي وصلت البحرين مع مسافر أمريكي ما راحت لدفع رواتب
الأمريكان .. ولكن راحت مع الشيخ المعاودة لسوريا .. ! لا .. إطمن .. هاي فلوسنا
اللي راحت .. لموها مشايخنا من أهل المساجد .. إذا تقصد إن ثورة سوريا أو مشايخنا
عملاء للإمريكان فخسئت ..
وينتقل قاسم ويتسائل
.. ليش ما جمع المعاودة فلوس لإهل غزة ولبنان .. وهذي إفتراء وكذب .. جمعنا لإهلنا
في غزة .. وراحوا مشايخنا وقضاتنا ومب محتاجينك تزايد علينا .. وأنا أعرف يقينا ..
وأقولها عن علم .. من اللي راح .. وأعرف شلون راحوا والمشاكل اللي صادفتهم .. ومن
إستقبلهم وشنو سووا هناك .. فكفاك كذبا ..
أما عن لبنان ..
أقول .. أنا شخصيا تبرعت .. وشاركت في مسيرات عند السفارة الأمريكية .. والصراحة
.. أأسف على كل دينار دفعته وكل دقيقة ضيعتها
من عمري أتظاهر نصرة لحزب اللات .. وأأسف إني كنت مخدوع .. وما تستاهلون ..
بقية أسئلتك ..
مثل شقصة العيادات الميدانية الثلاث .. فا لا تشغل بالك .. هذيله ديوانيات ..
الناس يروحون يقعدون ويلعبون كيرم فيها وكوت 6 بعد .. هاي قصتهم .. مب علشان
يداوون الجرحى من مقاتلين ومدنيين .. لا .. ديوانيات أبوي .. وبقية الأسئلة باجاوب
عليها بكلمتين .. مب شغلك ..
نقطة أخيرة بس
.. تقول في أخر مقالك .. إن المشايخ سببوا مشاكل لوزارة الخارجية وورطوا الدولة
والنظام كإنه إنت قلبك على الدولة وعلى وزارة الخارجية والداخلية .. من متى قلوبكم
على الدولة ..!!!؟؟ إنتوا اللي نازلين تشرشحون البحرين في كل المحافل الدولية
ولاهمكم لا وزارة خارجية ولا غيرها .. ولما تحصلون إدانة للدولة تتسابقون بنشرها
على صفحات "الوسخ" .. وإذا كانت إدانة صغيرونه .. مافي مانع تقوم أماني
المسقطي وتضخمها ..
محد متضايق من
الرحلة إلا البحارنة وإيران وحزب اللات .. أما إحنا نقول جزى الله مشايخنا كل خير
.. وشكر الله سعيهم في الخير .. وكتبه في ميزان حسناتهم .. وموتوا بغيظكم يا روافض
..
بابا
سنفور –
إستغل السردار
العود عيسى قاسم منبر الجمعة وأصدر تهديدا للحكومة .. طلعوا رموزنا قبل يوم 14 وإلا
..!!! ما بتكلم عن إستغلال منبر ديني ليتوعد ويهدد .. شي تعودنا عليه .. بس هم
فاهمين الموضوع بالغلط .. يعني بدل ما يروح وفد يقابل جلالة الملك .. برئاسته مثلا
.. وياخذ وياه ولد الجمري ونورة .. إيه نورة تمام .. ويقعدون وياه .. ويكلمونه
بالطيب .. وبالكلمة الحلوة .. ترى ملكنا طيب .. وعفى عن رموزهم من قبل .. وما
أستبعد يعفي مرة ثانية .. بس بالتهديد .. ما أظن ..
سنفور بالتهديد
ماله .. حط هيبة الدولة على المحك .. حتى لو جلالة الملك بيصدر عفو مثل ما هو يسوي
كل سنة قبل العيد .. الحين المستشارين بيقولونله .. لا طال عمرك .. ترى بابا سنفور
بيقول شفتوا ..!!؟ الدولة ما تيي إلا بالعين الحمرة ذي .. إيه العين اليسار ذي اللي
طالعه لفوق ذي وتفتر في كل الإتجاهات مثل عين الضفدع ..
أما إذا الحكومة
ما إستجابت للتهديد .. فعليه إنه ينفذ تهديده .. وخلينا نشوف مراجلك يا ولد قاسم
.. هذا الميدان يا حميدان .. بس لا تقول أي وأخ و أح .. ولا تقول عيوني يحرقوني من
المسيل .. إيه .. نبهت ..
بس اللي أبي
أعرفه .. شنو قصتهم مع الرموز ..؟؟ كل شي عندهم رموز .. رموز دينية .. رموز سياسية
.. دوار مجلس التعاون الخليجي باقوه وسووه رمز للحرية .. ما عندكم شي حقيقي إنتوا
..؟؟ والله حالة ويا رموزكم .. بس للتذكير .. واحد من رموزكم كان يسوي السبعة
وذمتها في لندن عاصمة الضباب .. هاي يمثل رمز التساهل الديني .. وواحد رمز عود لبس عباية وإنحاش في تانكي ماي ..
هذي يمثل رمز الشجاعة .. وفي رمز للمتعة والتمتع .. المباحة عندكم وحتى الغير
مباحة .. وفي رمز للسرقة .. وفي رمز للرمز... وفي رامز بعد .. تدرون بس يكفيكم
رمزية ...
الأردن
–
بمناسبة وصول
الأمريكان إلى المريخ .. وبمناسبة الألعاب الأوليمبية والذهب والفضة .. ومن باب
أعطاء كل ذي حق حقه .. أحب أهني نشامى الأردن على الإنجاز التاريخي ودخول موسوعة
جينيز على أكبر قرص فلافل في تاريخ البشرية .. هذا الإنجاز ما كان ليكون لولا
الإرادة والعزيمة والإصرار على دخول التاريخ من بوابة المطبخ الواسعة .. قرص فلافل
وزنه 76 كيلو .. شي يبيض الويه ..
المشكلة .. مب
محصلين رغيف خبز يقدر يحتوي القرص .. والمشكلة الثانية .. شوي ثقيل ينشال باليد ..
وخاصة بعد ما تحط عليه طماط وطحينية .. حتى الرباعة الإمارتية ما تعبر تشيله ..
حدها 58 كيلو .. بس هالمشكلة حلوها .. إطلب من المطعم الساندويتش يوصلك معلق بكرين
.. ويتم وياك ليه تخلصه .. بالعافية ..
بسنا إنجازات يا
حسين بسنا بسنا .. أل مريخ أل ..
مريم
جمال –
 |
| من هو المواطن الحق .. هذه ؟؟ |
بمناسبة الكلام
عن الإنجازات .. خذ عندك هالإنجاز .. ميدالية برونزية لمريم جمال بإسم البحرين
..بس الروافض مب عاجبهم .. لإنه يقولون مريم أثيوبية مجنسة .. وهالشي مضايقهم ..
لإنهم ما يعترفون بالمجنسين .. لإنه مجنس يعني غير شيعي .. أما الشيعة المجنسين من
إيران والمحمرة والأحساء فذيلة يوافقون النسيج الإجتماعي ولذلك هم مواطنين وأصليين
بعد .. بس تبون الصج .. هو يوم حزين لما كل شي يردونه إلى مجنس وغير مجنس بدل ما
كلنا نفرح بإنجاز بإسم البحرين ...
 |
| أم هؤلاء ..!!؟؟ |
عندهم إعتراضات
عالتجنيس .. إن الجنسية تروح لناس غير أكفاء .. إنزين .. يعني المفروض .. المفروض
.. تستانسون لمريم .. سوت شي للبلد .. إنتوا شنو سويتوا ؟؟؟ هذي آياتو .. مثلا ..
الثنتين تجنسوا في فترة قريبة من بعض .. يحتاج أكمل ..!!!؟؟؟؟
عندي شعور غريب
.. لناس مثلكم تدعي حب الوطن ويا زعم قاعدين تقدمون تضحيات لإنه البحرين عزيزة
وغالية عليكم .. بس أشوفكم تفرحون لزعل
البحرين .. وتزعلون لفرحها .. حب عجيب غريب .. بس إذا هاي حبكم .. فا الله يستر من
كرهكم ..
الصمت
–
مادري ليش
إنتشرت على توتير هالأيام تغريدات عن الصمت ..!! وأغلبها إن ما كانت كلها من بنات
.. الرياييل ما يحبون يسكتون .. فتشوف اللي تقول إخترت الصمت .. واللي تقول أنا
صامته إذن أنا موجوده .. واللي تقول أصمت بس مب عن ضعف .. وأصمت علشان ما أخسر
الغاليين .. واللي تقول كثير من الكلمات خلف الصمت ..في البداية شفتها أوكي .. بس
هالتغريدات زادت عن حدها .. وصارت تلوع الجبد ... والناس عبالهم إنهم يسوون الشي
الصح بإلتزامهم الصمت ..
إسمحوالي .. بس
عندي ملاحظتين .. الأوليه .. الصمت غباء .. الله سبحانه أعطانه "لسانا
وشفتين" .. مب علشان نبندهم ونصك عليهم .. لا ولكن علشان نتواصل مع الناس
الثانية وخاصة اللي يعزون علينا .. ونقولهم .. ترى إنتوا غلطتوا .. وإنتوا غاليين
ومن حقي أعاتبكم .. و أبي أعرف ليش .. وهني يصير تواصل .. والمشكلة اللي خلتك
تلتزم الصمت يمكن يكون لها حل .. وسوء التفاهم يزول .. بس الأكيد إذا الخيار هو
الصمت فمعناه إن المشكلة ما راح تزول ..
الملاحظة
الثانية .. اللي يبي يصمت .. يصمت من غير ما يقول ترى با صمت .. ها .. ما سمعت
..؟؟ ترى أنا صامته .. وباقولها وبصوت عالي ترى أنا صامته .. وما راح أقول شي لإني
إخترت أصمت ..!! ويدزون 200 تغريدة .. بس هم صامتين .. خوش صمت والله .. مثل اللي
يقول ترى أنا زعلان .. بس ما بقولك إني زعلان .. بس أنا زعلان .. أفيييييه .. بط
البرمة وقول .. تكلم .. ترى مب عيب في حقك ..
عندي وجهة نظر
.. اللي يقولون مابي أقول شي .. أو أنا صامته .. أو بعطيك المعاملة الصامتة .. هم
أكثر الناس اللي يتكلمون .. وما يقدرون يسكتون من أساسه .. ومشحونين كلام .. بس
محتاجين اللي صامتين عنه يتنقرش فيهم .. لما يقولون أنا صامته .. يعني إنت يابو
صروال تعال كلمني عاد .. ترى وحشتني ومحتاجة أكلمك .. بس وين بو الصروال يفهم
الحجي ..!!؟؟ هو يسمع أنا صامته .. معناها عنده .. ييياه .. الساعة المباركة ..
وأنا بعد صامت ..
مشكلة العلاقات
إنه مافي مصارحة ومكاشفة .. تمسكنا بإشياء تافهة .. مثل .. أنا نفسي عزيزة .. شلون
أتكلم معاه .. وكبريائي ما يسمح .. وأنا ما أتعوض .. والأمر والأدهى لما تحاول تنقل
كلام خاص للطرف الثاني في مكان عام مثل توتير وبكلام مبهم .. والمسكين ما يعرف يا
ترى هالكلام لي أو لإحد ثاني أو مجرد تفاهات .. لما ننخش ورا كلام ما يلزمنا نبين
شقد إحنا ضعاف أو علاقاتنا ضعيفة أو مجرد جبناء... وغني يا وحيد ..
الألمبياد
في السرداب –
مع الميدالية
البرونزية للبحرين والبشاير تهل .. وأحب أعطيكم بشارة من السرداب .. الإمام الفاني
عشر عج عج .. أو مثل ما إحنا الإئمة ناديه .. يا عجل .. أو ساعات ندلعه ونقوله يا
ميمو .. ميمو وهو يطالع الألمبياد قال لي يا إمام فالف عشر .. ما شوف وايد من
ربعنا في الألمبياد .. حق ويهههه ..؟؟؟ قلت له .. قصر عمرك .. ربعك مشغولين .. ما
عندهم وقت حق ألعاب .. كله بس يذبحون في الناس ويسوون مؤامرات وإعتصامات وإضطربات
.. ما عندهم وقت .. إيه ..
قصر عمره وإنبط
سره قال .. لا أبوييي .. لازم يرفهون عن نفسهم شوي .. ويتنافسون .. خب مب لازم كله
يذبحون .. وأمر أتباعه يوقفون عنف ويروحون الألمبياد .. قلت له .. بس قصر عمرك
الألمبياد خلاص قرب ينتهي .. إستغرب .. وتمعر وجهه .. وشال شعر حواجبه اللي كان
داخل حلجة .. وقال .. ومتى المرة الياية ..؟؟ قلت له بعد 4 سنوات في ريو .. جان
يستانس .. وقال ريو ..!!؟؟ عجييييببب ... وأحب أبشركم إن ميمو قرر إنه بنفسه يشارك
في الألمبياد .. قال .. يا خوك ريو ما تتفوت ياخوك .. مب مثل لندن .. أروح لندن
كأني ما طلعت من السرداب يا خوك .. كلها بحارنه .. بس ريو .. عجييبببببه .. أروح
مناك منها أشارك في الإلمبياد ومنها أتمتع في البرازيليات .. إيييييه .. حلو ..
قال لي .. بس ..
وكلتك .. إنشر الخبر .. أنا بشارك .. قلتله .. بس إنت يا عجل عمرك 1370 سنة .. وين
بتقبض وياهم عيال الملاكمة والتيكواندو والجري ذيله .. كلهم على 20 سنة ..!!؟؟ جان
تمعر وجهه المكرنش مرة ثانية .. وقال .. وإنت منو قال ليك إني رايح أصارع وأشيل
أفقال ..!!؟؟ قلتله عيل ..؟؟ قال أنا أمبى أروح مسابقة السباحة الإستعراضية ... !!
قلتله ..ها ..؟؟ قال ويش فيك ..؟؟ ما تشوف شحليلهم .. أجسام .. ومفاصيخ .. وفخووود
..
قلتله بس إنثبر
يالهيس .. إحنا في نهار رمضان يا أسود الويه .. شلون إطالع وإنت صايم ..؟؟ رد علي وبراءة
الأطفال في عينيه وهو يشرب شاي ماي ورد .. نسيت ..!! المهم أمبى اشارك .. قلتله ..
بس قصر عمرك .. هذي للنسوان بس ..!! قال .. أوووه .. أشوف .. أها .. إنزين أبويي
.. أنا باسوي فريق وأدربه ... ويش رايك ..؟؟ ممممم .. قلتله ..منو في بالك ...؟؟
قال هادي البنيه سكينة مالت ولد التاجر .. و آياتو .. قلتله .. بس هذي سكينة
جاموسة .. هذي تنزل الماي بيصير فيضان في البرجة ..!! وآياتو تغرق في البانيو .. جوف غيرهم ..
المهم .. أبشركم
إن في فريق أوليمبي تحت قيادة ميمو للسباحة الإستعراضية .. بمشاركة بنات ضيف ..
ورولا الصفار .. وفاطمة حجي .. إيه .. ولا تنسون بنات الخواجة .. وفي نفس الوقت .. قرر إنبط سره وأنمحى ظله إنه
يكتب رسالة للجنة الأوليمبية .. يعترض فيها على مسابقات ما منها فايدة .. مثل رمي
الرمح والقلة والقرص .. ويتم إستبدالها بإشياء مفيدة مثل رمي المولوتوف والأسهم ..
عشان يضمن فوز البحارنه بميداليات ... وبعدين الشعلة الأوليمبية ما منها فايدة ..
يقول ما يطلع منها دخنة سودة ولا روايح .. وطالب الوفاق إنها تسوي ديزاين لإلعاب
ريو من التواير .. والحين ماقدر أقول غير عج عج ..
DR. KNOW
