" السنّة و الشيعة إخوة في الدين الاسلامي الحنيف .. و من يرى غير ذلك فليكف شره عنا و يذهب الى كوكب آخر"
وزير الخارجية البحريني
هذي قصة مصورة وسريعة أقولها للإخوة
والأخوات اللي بعدهم مترددين يروحون #كوكب_آخر .. أقولها عسى أنها تبين لكم
الحقائق وتعم الفائدة . وتأكدوا إن المسؤولين الحكوميين ما بيقترحوا أو يقرروا شي
إلا وفيه فايدة لكم .. بس لو بعض الناس يشكرون .. إييييييه ...
إبتدت
الحكاية لما تلقينا أوامر بالرحيل إلى #كوكب_آخر .. وطبعا الموضوع مب بالبساطة
اللي إنتوا فاكرينها .. الواحد يروح قطر ألف شغلة وشغلة يسويها .. فما بالكم برحلة
إلى #كوكب_آخر .. !! فا قمت أنا وجماعتي التوتيرية بدراسة الموضوع من كل جوانبة ..
وإتضح لنا إنه محتاجين مكوك فضائي .. فتم تشكيل لجنة فنية متخصصة بتصميم وبناء
المكوك .. وما قصروا الشباب .. رجعوا بتصميم حديث ويناسب جو البحرين .. وهذ صورته
...
للإسف إتضح إنه المكوك بياخذله وقت عبال ما
يبرز .. وخاصة إنه صادفتنه بعض المشاكل التقنية .. فإتصلنا بطيران الخليج ..
وقالوا .. إيه .. مكوكات عندنا .. بس لكم عليهم شوي .. قالوا الله يسلمكم شريناهم
من ناسا مستعملين شوي .. أعطونه أسعار حليوة .. وقلنا ليش لا .. شبيصير يعني ..
ورحلات الكواكب صارت أمينة هالأيام .. مب مثل أول ..
إبتدى الحماس ياخذنه .. واليهال يلبسون
هدوم السفر إلى #كوكب_آخر .. وأنا أساعدهم أحط لهم الأوكسجين .. ويرتبون أغراضهم
.. وفي أخر لحظة قررنا ناخذ قطوتنا (مستر قطو) .. يا حليله إستانس حددددده ...
وراح ولبس بروحه .. ودقايق وهو جاهز ...
بعد ما خلصنا إجراءات السفر .. وتوزين
العفش وما دري شنو .. توجهنا إلى المكوك .. بس طولنا على الأرض .. رحت غرفة
القيادة وسألت الدريول .. ليش التأخير ..؟؟ فقال السلطات نزلوا العفش .. إكتشفوا
مجموعة من الوفاق مندسين بين الركاب .. قلت .. أووهههو .. مصيبة بعد لاحقينا
#كوكب_آخر ..!!؟ حمدنا ربنا إنه تم إكتشافهم قبل لا يطيح الفاس في الراس .. وخاصة
إنه تم إكتشاف (ممنوعات) معاهم .. بالضبط .. مولوتوف .. وفي التحقيق إعترفوا إنهم
كانوا بيقطونه علينا خلال الرحلة ..
ولكن الموضوع ما إنتهى للإسف .. تم إكتشاف
راكبين من ضمن الرايحين محطوطين على القائمة السودا .. وطبعا تم إنزالهم لإنهم
مصنفين إنهم يبقون في البحرين .. الأولي كان عيسى قاسم ما غيره .. قال إنه رايح
هناك عشان يأسس مرجعية .. ويقول إنه السفارة الأمريكية سوت له الحجز ...
أما الثاني فكان ... إيه .. علي سلمان ..
يقول إنه رايح يسوي فرع للوفاق هناك .. ويدرب الشباب على المولوتوف .. لما قالوله
ما في مولوتوف هناك والسياسة ممنوعة أصلا .. جان قال .. ممممم .. إنزين .. ممكن
أسس جمعية الجنس الفالف ..!!!؟؟ قالواله .. يلا إنزل .. إذلف .. ما نمباك ..
المهم .. بعد كل هالتأخيرات .. وما تضايقنا
الحقيقة .. أول رحله وهالمشاكل تصير .. وإنطلقت المكوكات .. كان الحقيقة منظر مهيب
.. سما البحرين تغطت بالمكوكات .. والصوت وايد عالي .. والبحارنة تحت يطالعون ..
عبالهم المهدي قرر يطلع .. وكان في مسئول طلع فوق السطح يقول ترى كنت أتغشمر وياكم
.. بس فات الفوت ..
بعض البنات الدلايع .. خبركم .. خذولهم
مكوك بروحهم .. إشتروه من ناسا ... على ستايل باربي يا زعم .. إففف .. يبطون الجبد
.. وخذوا ليلو وياهم عشان الوجبات ..
صراحة .. الرحلة ممتعة .. أولها بس في
خضخضة وايد .. وصوت المحرك جنه سيارة كريسيدا مالت حلايلي من الدراز .. بس بعدين
من عدينا الغلاف الجوي .. كان هدووووووء .. بس الزين ما يكمل .. كان فيه ياهل
بروحه .. قعد يصيح ويصارخ .. وكل شوي يقول .. مرغ .. مرغ .. أثرى الياهل يبي دياي ..يسكتونه
بحلاوة .. ياخذها ويصيح .. ويبي دياي .. أنا الصراحة منزعج الحين .. وراي سفرة
حوالي 10 سنين ضوئية... أبي أضيع وقت وأرقد ...
مب أسمع ياهل يصارخ .. جان أبطل الدريشة .. وأحذفه .. والمسافرين يصفقون ..
والمضيفات يرقصون .. والدريول شكرني .. وناسة ...
في كان واحد أهو ورفيجته طايرين حذاني ..
ما يدلون الدرب .. ويحبون بعض يا حليلهم .. وقعدوا معانا طول الرحله ..
أول ما وصلوا تزوجوا .. وسوينا حفلة تحن
وترن .. سمعنا جيرانه في الكواكب المجاورة
.. وكان أول عرس على #كوكب_آخر ..
يمكن تتسألون .. شلون عن الأكل خلال الرحلة ..!!؟؟
سؤال مهم .. كان على الرحلة بقر .. وكانوا يحلبونهم كل يوم .. وكان اليهال ياكلون
السيريال وهم مستانسين .. وإذا ما تصدقون هاي صورة البقرة و الخبير الأمريكي
يحلبها ..
أول ما وصلت المطار إستأجرت سيارة .. وخذت
اليهال .. في طريجنا للفيلا اللي حجزتها ..
العيال إستانسوا لما شافوا أهم مطعم بالنسبة
لهم موجود هناك ..
وحصلنا مطاعم حده رومانسية على حدود
#كوكب_آخر .. القعدة فيها ترد الروح
ومن أول يوم راحوا البنات يتشرون في المول كوكب_آخر سنتر .. وكل الماركات موجودة .. إستانسوا على فيرساتشي ..
أما الحين باراويكم صور البيت اللي طلعلي من إسكان #كوكب_آخر .. إيه .. ليش تتعجبون .. بيت إسكان .. وجاهز قبل لا توصل .. إيه .. على #كوكب_آخر بيت الإسكان ينتظرك مو إنت اللي تنتظره .. !!! عجيييييب ها !!
وهذي قطعة الأرض اللي تيي مع البيت .. طلعلي بحر بطول 200 كيلو ..!! نعم .. أنا ما بغيت أرض عودة ...
وهذي غرفة النوم .. صغيرونه شوي .. بس ما أقعد فيها وايد ...
وهذي صورة جارتنا بحرينية وكلي فخر في قعدة رومانسية مع الجو..!!
ها .. أحد يحب إيي ..؟؟؟ بسرعة لإنه سمعت أن دولة خليجية شقيقة عندها فلوس من الغاز والخرابيط يبون يشترون كوكبنا .. يلا سرعوا ..
DR. KNOW
ليست هناك تعليقات:
إرسال تعليق