رسائل خاصة بس بدون زعل 55

سلمية 5 طن –

إعلان وزارة الداخلية عن إكتشاف 5 طن من مواد شديدة الإنفجار أمر خطير وله دلالات كثيرة .. أول شي تبادر لذهني .. هاي اللي إكتشفوه .. شنو عن اللي ما إكتشفوه ..؟؟ إحنا نتكلم عن 5000 كيلو من متفجرات .. يعني كمية لو إنفجرت البحرين بتغرق ... إحنا مب متعودين عالجراخيات في البحرين فما بالك بخمسة طن متفجرات ..!!؟؟

السؤال الثاني اللي في بالي ... وين بتستخدم ..؟؟ ما أعتقد إن المجرمين كانوا بيدخلون في مواجهة مع الأمن أو الجيش فيها .. مب مالت مواجهات ذي .. هاي كانت معدة إنها تستخدم عشوائيا ضد مدنيين و أمنيين ... في أماكن فيها تجمعات .. المجمعات التجارية والمساجد  أمثلة .. أكيد مساجد سنة طبعا .. إذن .. الجعاوة قرروا إنهم في مرحلة جديدة .. المولوتوف فيها بيصير لعبة يهالو .. وتحرق التواير للمتعة والتدفئة في صيف البحرين .. الحين إنتقلوا إلى مرحلة الإرهاب الفعلي والحقيقي .. وطز يا سلمية ..

المتفجرات معناها إنهم يأسوا من أي حل سلمي سياسي .. يعني .. ما يبون .. وبينا من التيوس من يصدق إنه في أمل من الحوار .. وربما بعقلية ساذجة وغبية تصوروا إنه هو الحل الوحيد .. حل بطنهم .. قولوا آمين ... المبادارات الغبية اللي يطلقها البعض للتقريب هم ردوا عليها ... بالمتفجرات ... وللأخ اللي يطالب بالحوار .. بس لما تقعد على الطاولة طالع تحت كرسيك .. ما يندرى شتلاقي ...

السؤال الثالث .. شلون ..؟؟؟ شلون دخلت هالكمية للبلاد ..!؟ هالقد هم عندهم القدرة تجاوز خفر السواحل ..؟؟ مابي أقول المطار ولا الجسر .. أعتقد إنها عن طريج البحر .. ومن وين مصدرها ..؟ طبعا .. ما عندي معلومات .. بس أجزم إنه مصدرها .. إيران .. أو العراق .. أو لبنان ... وغالبا إيران .. يسلمون المتفجرات لصيادين إرهابيين في عرض البحر .. وأكيدا على مراحل .. ولا من شاف ولا من دري .. وإحنا يا غافل لك الله ..

المطمئن في الموضوع إن أجهزة المخابرات قاعدة تشتغل .. بصمت .. ولكن .. أنبه إلا أن هاي اللي إكتشفوه .. وكيلوجرام واحد بيسبب من الضرر الكثير .. ويجب توفير الحماية على مداخل المجمعات التجارية وأماكن التجمعات .. وإحنا ما عندنا مشكلة نتفتش .. سلاحنا الوحيد اللي نشيلة في روحتنا للمجمعات هو البطاقات الإئتمانية المتلتلة أصلا .. ويا دوب تحصل عليها جم دينار .. ورجاء حار .. إذا بتخلون ناس تفتش .. لا تخلون جعاوة .. لإن إذا هم اللي بيفتشون ... مثل اللي يخلي الثعلب ويا الدياي ويروح ينام ليله الطويل مطمن ..

تعرفون شنو اللي يقهر ... يطلع علي سبالمان و قواد فيروز ويشككون .. ويتطنزون على الخمسة طن .. ويعتبرونها فبركة حكومية .. وهم ما شالله عليهم .. سلميين .. وما يعرفون العنف ... ولا قط إشتركوا في العنف .. ولا يبون العنف .. هاي القهر ..

إحنا وصلنا لهالمرحلة .. لإن التهاون الحكومي في العقاب الرادع وصلنا لهني ... رجاءا .. محد يزعل .. أبي أبط البرمة اليوم ... أحكام تافهة .. أحكام هزيلة .. هذا إن وجدت أصلا .. إسقاط تهم .. إلغاء إعترافات ... هاي النتيجة .. الأطباء الخونة طلعوهم براءة .. ومدرسين جامعيين .. براءة .. وموظفين .. براءة ... بطيتوا جبودنا بهالبراءة .. صار القضاء السياسي في البحرين بإحكامه .. أضحوكة .. مب بس هني في الداخل .. لا أبوي .. حتى في الخارج .. وأعطى المجال للي يسوى وما يسوى يتكلم علينا .. عملنا حساب لمنظمات العالم .. والحكومة أهملت الداخل .. وهاي النتيجة ...

المرحلة اللي إحنا داخلين فيها محتاجة رجال .. رجال ما تعرف التردد .. رجال ما تقعد على السور .. لاهم داخل ولاهم برع .. رجال تعرف إنه زمن الشوزن والمسيل إنتهى .. ورجال قادرة على الردع في الشارع .. من غير إنتظار محاكمات تافهة .. السلاح في يد رجل الأمن ... هو القاضي .. فبركات أكياس الدم إنتهت .. إنتهت .. وما أبي أقول أكثر .. خلني ساكت .. وبس .. غيرت رأيي .. مابي أبط برم اليوم .. !!

علي سبالمان –

جفتوا صورة هالنجس المخنث علي سلمان .. المعروف عالميا وحسب غوغل بإسم نورة ..وهو ضارب كوع ويطالع بث مباشر للعمليات الإرهابية اللي يسويها الخرفان اللي عنده مع رجال الأمن .. مركبين كاميرات مراقبة وتصوير وبث وموصولة لبيته .. وهوقاعد يدير العمليات العسكرية .. خف علينا يا فيلد مارشل مونتجمري .. يا ثعلب الصحراء يا روميل .. ههههههه .. إنت الحقيقة فأر المجاري يا نورة ..

شنو هالمهازل .. من صجة لسان الكلب ذي ..؟؟ سؤال للداخلية .. مسموح لإي واحد يركب كاميرات في الشوارع ويوصلها لتلفزيون بو 50 بوصة في بيته ..؟؟  مسموح ..؟؟ والمشكلة إن هالطرطنجي يقص على أمه بإن "حراكهم" سلمي .. عساهم شلل ما يتحركون من وراه .. يعني يدري بالمواجهات ويتابعها .. لو إنه ريال ينزل وياهم بدل التلفزيون .. يلا .. يقط مولوتوف .. ما نسينا يوم فلع الناس بالحصى .. أكا يعرف يقط .. بس دلوع الماما .. الشيخ لولوي ما يقدر على المسيل ...

جفناه من أسبوع شايل ورد ويبي يمشي في مسيرة .. من أول طلقة مسيل .. لف بشته على وسطه وقعد يدابج مثل رقاصة بلدي في شارع محمد علي .. وبعدين سووها دراما هندي ... وما إستحى يدعي إنه أخذ رصاصتين مطاطي في ظهره وكتفه .. وكله كذب بس أصول الفبركة .. وواحد من كتاب "الوسخ" كتب ووصف وألف مقال شطولة شعرضة في ملحمة يوم الجمعة مثل ما قال .. هاي اللي يعرفونه ... الكذب والتفبرك .. ويمه إلحقيني ..

بنجوف فيك يوم يا نورة .. ويومك جريب .. صدقني جريب .. إنت والكاهن العود مالك ... وأنا بطالعك على تلفزيوني .. وإنت مدندل من حبل .. وحتى في موتك .. تترقوص ..

إشارة V –

مللونه الجعاوة .. مادري من قص عليهم وقال لهم يأشروا بإصابعم إشارة النصر .. وقاموا يرفعون أصابعهم وهم طالعين من السجن .. ووهم يحرقون الديرة ..ووهم يعتدون على الآمنيين .. شسالفتهم .. نبول الحيوان رجب كل مرة يطلع من الحجز يرفع .. بنت الخواجة بعد .. حتى نورة .. بل بل .. بس إنه الحيوان الصفوي دشتي يطلع من السجن ويرفع إشارة النصر ليش ..!!!؟؟ هالكلب ولد الحمار طلع بكفالة عن قضية تزوير شيك ب 600 ألف دينار كويتي .. لو عندهم شوية حيا لرفض دفع الكفالة وبقى بالسجن .. ولا خلى أحد يجوفه ..

هذيلة ناس ما عندهم شرف ولاخجل ولا حياء .. يعني .. في أكثر من المحامي التاجر ... لا والقهر يسمونه المحامي الشريف .. عيل الخبيث شنو عندهم .. !!!؟؟ شلون نتفاهم معاهم .. وشلون نتعايش مع ناس عندها الشرف أن ترتكب الزنا .. وتسرق .. وتقتل .. وتقطع الشوارع .. والحين .. من الشرف إنك تزور .. تف عليكم من جعاوة صفوية .. مثلهم مثل الخنازير .. تف ..

فتوى شيعية –

طلع علينا معمم شيعي لبناني قذر بفتوى قذرة لاتمت إلا لمذهب نجس .. الكلب اللبناني أصدر فتوى تبيح قتل اللاجئيين السوريين في لبنان .. لعنة الله عليك وعلى مذهبك ومن إتبعك .. يفتي بقتل ناس مشردين ..بدون مآوى .. أطفال ونساء .. شردوا من قتل بشار الكلب فيأمر أتباعه من جنود حزب اللات ومناف والعزة بقتلهم .. ويحرم إطعام جائعهم .. ومداوة مريضهم .. هالقد وصلت فيكم الخسة ..؟؟؟ أي مذهب ذي .. والله إستحى الكفرة من الهندوس والبوذيين إنهم يقولوها .. بس .. أقولها .. الروافض أشد كفرا وإشراكا من الهندوس .. وأشد دموية ... لعنهم الله ودمرهم من كل بلاد العالم ... وأولهم بلدنا ..

سؤال .. متى بتوصل فتوى لروافض البحرين بقتل أهل السنة والجماعة ... !!؟؟ أعتقد إنه يوم بابا سنفور الكاهن العود قال ... إسحقوووووه ... كانت بداية الطريج لفتوى صريحة بقتلنا ... وبعده يطلع علينا حمار يبي يقرب وجهات النظر وياهم ..الله المستعان ..

مرسي انهزم يامينز –

بقلم مدام X

من اشهر الجمل الكوميديه في مسرحيه مدرسه المشاغبين ...تحولت بفضل من الله سبحانه الى مرسي فاز يارجااااله ..  ودقي يامزيكا .. سبحانه يؤتي الملك من يشاء وينزع الملك ممن يشاء

غريب جدا ان يفوز برئاسه جمهوريه مصر العربيه ليس فقط شخص كان معتقل من قبل النظام السابق .. فالمعتقلين ماشاء الله من كل صنف ولون ... لكن الغريب فعلا ان يكون من الجماعه اللي تعرضت للمطارده والقمع والتنكيل والتعذيب والاعتقال والهجره والهجوم الاعلامي الشرس على مدى عقود من الزمن ...

وكأن المصريين ((مالي شغل في نسب الفوز وهالكلام )) يبون يعوضونهم ويختارونهم ليحكموا مصر نكايه في كل الانظمه السابقه ...والحق يقال ان الاخوان الجماعه الاكثر تنظيما وحشدا ولها رؤيه واهداف مو مثل البعض يطلع نبت شيطاني .. فالمرشحين الاخرين من ناصري او ليبرالي او غيره مهما كانت الاصوات اللي حصلوها فهي لم تكن كافيه لتحملهم الى كرسي الرياسه ولا حتى لجوله الاعاده ...

ومهما حاول البعض التقليل من قدرمرسي  او من دلالات فوزه لانه مرشح خيار ثاني وان النسبه اللي فاز بها لاتمثل اجماع الشعب فان مجرد وصوله لجوله ثانيه مع كل الهجوم الاعلامي من القنوات والجرايد وبرامج التوك شو يعتبر نجاح سااااحق فمابالكم بالفوز النهائي

الرجل تعرض لحمله شعواء فعلا وقيل فيه وفي الاخوان مالم يقله مالك  في الخمر... حتى عندنا هني كتبت مقالات تخوف وتحذر من الاخوان وخطرهم القادم حسسوني ان خلاص ايران انقرضت والوفاق انمحت من الوجود والجعاوه جاهم مرض معدي وتخلصنا منهم وماعاد لنا وعلينا خطر الا الاخوان ...

مدري يعني الاخوان هم اللي سووا كامب ديفيد؟ .. هم اللي صكوا معبر رفح ؟ .. هم اللي خربوا اقتصاد مصر وباعوا المؤسسات الاقتصاديه برخص التراب وخصخصوا المصانع؟ ..

الاخوان هم اللي خربوا الزراعه وجابوا للمصريين الاسمده المسرطنه وجابوا لهم الفشل الكلوي واعلى نسبه سرطان للاطفال؟ ... هم اللي رفعوا سن الزواج فوق 30 سنه؟ وتسببوا في ازمه سكن؟ وازمه وظايف؟ وهجروا المصريين في كل بلاد الدنيا؟...

سبحان الله

لا ويجون الفنانين ويناصرون احمد شفيق بكل صفاقه عقب ماكانوا مسويين نفسهم ثوار في التحرير ... يعني تخيلوا وحده مثل وفاء عامر توقف علي منصه مدينه نصر وتقول ان فاز مرسي احنا مستعدين نستقبل الرصاص في صدورنا .... صدقا صدقا لاتعليق ... ولا صابرين اللي تقول جنود مصر انذكروا في القران من 7000 سنه ... بذمتكم شنو ارد عليها ؟ ...  غير المسؤول المتين المستوى المصاب بفوبيا الاخوان وبحاله متقدمه ومستعصيه ومتاخره بعد....

ماقول الا من انتم ؟ فعلا من انتم ؟

مرسي فاز وبانتخاب الشعب وبصناديق الاقتراع واحمد شفيق بارك له وانتهت السالفه واصبح رئيس جمهوريه مصر العربيه واللي موعاجبه يطق راسه في اي طوفه يبيها ... وزغرطي يا انشراح اللي جاي احلا من اللي راح ... لولولولوولولولي ....

واهديكم اغنيه  ... المصريين اهمه

 في الدنيا اول امه

جيل بعد جيل متقدمين

المصريين اهمه

حيويه وعزم وهمه

متحضرين ومؤمنين

نقطه اخيره ... لست من الاخوان بس يعجبني تصميمهم وتنظيمهم ولايعجبني اللي تعرضوا له من حملات تشويه ...

ضاحي خلفان –

إبتلينا في الخليج في قلة من الناس ولكنها ظاهرة وصوتها عالي .. وللأسف يعطون أهل الخليج صفات سيئة تلاحق بقية شعب الخليج .. من هذيله الناس .. عبدالله بوالخير .. أحلام .. سعاد المجنونة المطيري .. والحين إنضم إليهم الخرفان ضاحي خلفان .. صراحة .. مدري من وين طلع هالثور .. لا عنده فكر .. ولا منطق .. ولا حتى منصب يؤهله لإن يتهجم على مصر ورئيسها وشعبها اللي إختار الرئيس .. إنت شاكو يا خرفان ....!!؟؟؟

قلت من قبل .. هاي الشخص مسؤوليته الحفاظ على أمن دبي .. مدير شرطة دبي .. بعد مب كل الإتحاد .. وحاط دوبه دوب الإخوان .. يا حصان حط بالك على الإيرانيين اللي تارسين ديرتك .. واللي يكسرون كل يوم الحصار على إيران .. وإنت ساكت .. إطالع الصوب الثاني .. يا أخي محد قالك حب الإخوان .. ولا تحب مصر ولا رئيسها ولا حتى شعبها .. بس إذا بتدخل روحك في السياسة .. في أعراف دبلوماسية تعلمها في الأول .. وبعدين تعال تكلم .. يا أخي .. من واجبك أن تساند إخوانك المسلمين وتشد أزرهم .. وإن أخطأوا .. إنصح .. وبالتي هي أحسن ..

تتهكم على حسن البنا ليش ..!!؟؟ وهو ميت .. ونحسبه شهيدا .. ليش يا أخي .. هدك من الأعراف الدبلوماسية .. هاي مب من أطباع البدو ولا أهل الخليج ... تتطنز على أن يكون حاكم مصر من العوام .. ليش .. ؟  ليش تستعدي مصر .. ليش ..؟؟ خلك معانا في البلاوي اللي عندنا والتهديدات الإيرانية .. وكل الخليج مهدد مب بس البحرين .. وراح نحتاج وقفة قوية من مصر .. مشكلة كبيرة لما يجتمع لسان طويل مع مخ قصير .. الله يصلحك ويهديك .. طحت من عيني .. فضحتنا ..

ومثل ما قالت مدام X   أنا مب إخوانجي .. بل من أكثر الناس علمانية .. ولكن الحق حق ..

 إنزين الحين فاصل وننتقل لشي خفيف .. هالأخبار باطة جبدي اليوم ..

ممتلكات –

لا .. ما أتكلم عن هالشركة الفاشلة اللي قاعدة تستنزف فلوس الشعب .. أتكلم عن ممتلكات الريال والمرة و كيف يتعاملوا معاهم .. اليوم بنبتدي بالمرة ... إيه يوم جذي .. ويوم جذي .. حفاظا على الحيادية ... كلمة الحق أقولها .. إن النسوان يحبون المشاركة .. يعني المرة ما عندها مشكلة أبدا تستلف طقم مجوهرات من رفيجتها تروح فيه عرس .. عادي .. والرفيجة أبدا ما عندها مانع تعطيها ..  حتى الأجنبيات بعد .. يييياه .. حتى زوجة شارلز وزوجة إبنه يتسلفون مجوهرات من الملكة إليزابيث .. شكلها ليزا مخزنة وايد والبنات هادين عليها .. 

 البنات حتى يتشاركون في الملابس .. مريوم بتروح عرس تاخذ من رفيجتها فستان .. ومب مشكلة إن رفيجتها كانت لابسته على عرس أو إثنين من قبل .. فا شكله عليها غير .. ولو إنه هالشي ما يطوف على النسوان الثانية اللي في العرس ... ما جنه مريوم لابسه فستان ندوي ..!؟؟ إيه .. بس وايد أحلى عليها ترى .. ندوي صايرة دبة وما يطلع حلو عليها ..

والحلو إن النسوان ما عندهم مشكلة لو اللي استلفت الفستان تحط فيه دبابيس ... إتضيق .. إتوسع .. عادي .. بالعكس لو الوحده تسلف فستان تكون متوقعة هالشي .. وحتى هي تقولها ضيقيه من الخصر .. وبندي الصدر ترى إنتي أكبر .. هاي شي جميل ترى ويحسب للمرة .. وعلى فكرة يتبادلون حتى الملابس الداخلية .. !!

بس المرة ما تحب تسلف فلوس .. وما تحب تستلف .. تحس إنها إهانة .. أي شي إلا الفلوس .. ..الفلوس عند المرة شي ما يتفرط فيه .. لإنه يمكن ما ترجع لها ..  

الريال بعد ما عنده مشكلة في إنه يشارك أشياءة الخاصة مع رفجانه .. بس النقطة .. الريال ما يطلب من ريال مهما بلغت صداقتهم أي شي .. إلا إستلاف بس فلوس .. وإستلاف الفلوس بين الرياييل ترى جدا عادي .. ومافي قعدة بين رياييل إلا تنتهي بواحد أو أكثر يستلف من أحد .. والريال ما يقدر يرد رفيجة إن طلبه .. ما عنده يسلفه .. يقوم يستلف من أحد عشان يسلف رفيجة .. بس مافي ريال يقول حق رفيجة سلفني ثوب أروح فيه عرس .. أوحتى بشت .. أو غترة ... لا الكلام ذي ما يدور عندنا ... تصور عبود يقول لمرزوق سلفني صروال ..!!

أي شي عند الريال مب ملكه .. يعني ممكن إنه يكتب أرض بإسم زوجته .. بيت بإسم ولده .. شركة بإسم عيالة .. ما يهتم المرة صرفت كذا .. الريال يعتبر إن كل شي في البيت وما يملك ملك لزوجته وعياله ... إلا شغلتين ... أولهم السيارة ..!! أكره شي عند الريال إن زوجته تستعمل سيارته .. وإن إضطر يعطيها في حالة طارئة .. لازم يسمعها كلام .. إلا الكرسي متغير .. شلون أرجع مكان الكرسي اللي متعود عليه أنا الحين ..!!؟ ما قلتلج لاتغيرين مكان الكرسي ..!؟ والمرايا كلها متغيرة .. إففففف ... حتى ريحة السيارة تغيرت ... وين ريحة العفنة راحت ..!؟ الحين السيارة ريحتها مصنع عطور فرنسي ... ما في فايدة وياج .. أخر مره تستعملين سيارتي .. والله حالة ويا النسوان ...

وثاني شي الريال لايمكن يشارك أحد فيه ... الريموت كونترول .. أول ما يوصل الريال البيت .. لازم يسلمونه عهدة الريموت .. لازم يكون بيده .. رجولته تنقص إذا المرة خلت الريموت بيدها .. كإنه العصمة إنتقلت لها .. يحس إنه فقد السيطرة على بيته .. على عرين الأسد .. ما يصير .. مسألة الريموت ذي إذا المرة ما تداركتها بحكمة ممكن تؤدي إلى الطلاق .. !! نعم مسألة جدا خطيرة ..  من جذي قمنا نجوف إن البيوت صار فيها تلفزيونات أكثر من ستوديوهات تلفزيون البحرين ..كل فرد من الأسرة صار عنده على الأقل تلفزيون واحد ..

مسألة الريموت ذي تولد مع الأولاد الذكور .. من الصغر .. فا تجوف إن المشاكل مع إخواته البنات سببها الريموت ... هاي شي في الجينات الذكورية .. في جين مخصوص إسمه جين الريموت ...  وعلى فكره اللي في يده الريموت .. في يده (الكونترول) .. يعني السيطرة .. أو التحكم .. هو أصلا كان إسمه ريموت فور مان .. بس الشركات المصنعة خافوا من غضب النسوان .. وجذي ..

DR. KNOW

رسائل خاصة بس بدون زعل 54

إنجليزي دي يا مرسي ؟-

وأخيرا إنفض مولد الرئاسة المصرية .. وبإغلبية بسيطة .. وبإنتخابات مرت بسلام وشفافية .. وفاز العم مرسي .. رجل بسيط من العامة .. من الشعب .. لايملك الملايين ولا الأطيان ولا العمارات .. ناضل وعارض وسجن .. سبحان مغير الأحوال .. من كان بالأمس مسجونا أصبح على قمة الدولة .. وسجانه يقبع في السجن ذليلا .. لاحول له ولا قوة .. ذهبت أمجادة الزائفة إلى نفايات التاريخ ..

مهمة مرسي ستكون شاقة وعسيرة .. البلاد في حالة مزرية لا تسر عدو ولا حبيب .. الإقتصاد مهشم .. المجتمع منقسم على ذاته .. الوضع السياسي أشبه كمن يمشي معصوب العينين في حقل ألغام .. التحديات كبيرة  .. وإحتمالية الفشل في إدارة البلد أكبر من فرص النجاح .. المتربصون خلف الكواليس بإنتظار كبوات الرئيس الجديد كثر .. ولن تكون في قلوبهم رحمة سياسية ..

ثم هناك العسكر .. سيجعلون من حياة مرسي سلسلة لا تنتهي من التصادمات .. العسكر نصبوا أنفسهم حماة لمصر على الطريقة الأتاتوركية .. كما هو حال العسكر في تركيا حماة العلمانية .. فعسكر مصر يسيرون على النهج التركي لإحداث موازنة بين طموحات الإخوان وخوف العلمانيين والأقباط وغيرهم .. التعديلات الدستورية الأخيرة وحل البرلمان هو محاولة (عسكرية) لتقليم أجنحة مرسي والإخوان وإبقاء جانب من السلطة في يد العسكر... لابد إن العسكر سيجدون مرارة التخلي عن السلطة بعد أن تذوقوا حلاوتها ..

فشل مرسي والإخوان سيكون مريرا .. ليس فقط على مصر .. بل على كل الحركات الإسلامية المتطلعة للجلوس على مقاعد السلطة .. وسيجعل من المواطن العربي يفكر ويعيد التفكير مليا عند أي إنتخابات يكون الإسلاميون طرفا فيها ..   

جريمة قتل .. مخدرات .. زنى .. الوفاق .. والمؤذن عرفان –

تتسائل .. شنو يجمع جريمة مع زنى ومخدارت مع المؤذن عرفان شفاه الله وعافاه .. ما أحتاج أذكركم إن عرفان هو المؤذن اللي الإرهابيين الصفويين إعتدوا عليه وقطعوا لسانه .. عسى أياديهم وألسنتهم تنشل .. في يوم الثلاثاء في كان موضوع في جريدة الوسخ  يتكلم عن جريمة بشعة تأمرت فيها الزوجة مع 3 رجال (يقال إنها علاقات جنسية معهم) وقتلوا زوجها غدرا .. ضربوه بحديد على راسه وتأكدوا إنه مات .. هي ما إعترفت بالجريمة .. بس إعترفت بتعاطي المخدرات ... ونعم الأخلاق ...  جريمة هزت المجتمع البحريني وقتها ... الحاصل .. إتضح من سجلات المحكمة إن واحد من المتهمين شارد من العدالة ... وعليه حكم بالسجن لمدة 10 سنوات .. وجريمته .. المشاركة بقطع لسان المؤذن ... بس ..

الوفاق اللي ما تعترف أصلا بحدوث الجريمة بحق عرفان .. وتقول إنه حادث مفبرك .. وهمي .. سيناريو وإخراج حكومي .. وإن المتهمين كلهم أبرياء من دم .. عفوا .. قصدي من لسان عرفان .. تفضلوا .. جوفوا الأبرياء .. جماعة مدمنة على المخدرات وملوثة بأوساخ الرذيلة والقذارة .. وخلونا نقولها بصراحة .. القاتلة شيعية .. والقتلة شيعة .. وزوجها المغدور سني .. أقول إنه اللي يحرقون ويقطعون الشوارع وحرمونا الأمن والأمان واللي قتلوا الشيهد الظفيري و الشهيدة زهراء هم من عينة قاتل زوج عشيقتة .. هم من أرباب السوابق وأصحاب المخدرات والرذيلة ... هذه هي الفئة اللي نتعامل معها ومع إجرامها .. والروافض يقولون ... سلمييييييية ...!! أقول حتى إرهابيين لقب وايد عود عليكم .. على الأقل الإرهابي هو في الأصل سياسي بس ضيع الطريج .. أنتم مجرمون .... مجرمون .. وبس ..

 الصلح خير  –

 هذي مشاركة وعجبتني من إحدى الأخوات .. باسميها مدام X

الصلح خير قوم نتصالح وانسى اللي كان بيننا امبارح  .... مدري لمن هذي الاغنيه بس هالايام تطري علي وايد مدري ليش .. واضح ان المغنيه متزاعله مع زوجها او حبيبها ويوم قعدت الصبح تحسفت فغنت له هالاغنيه .. وفي مجمل الاحوال ترى الصلح خير فعلا ... صلح تصالح صالحا مصلوح صويلح ... كلها تؤدي نفس الغرض وهو المصالحه والصلح كما جاء في الكتاب الشهير التفاسير الميدانيه في المصطلحات البحرينيه ...

كثر الكلام عن المصالحه الوطنيه في البحرين هالايام ... هو اساسا ماتوقف من فتره ما بس هالايام زاد ... ماتم احد ماتكلم عن المصالحه وضرورتها .. العويه والمنكسره .. البحريني وغير البحريني ... اللي له شغل واللي ماله شغل .. ماتم جنسيات ماقالت لنا تصالحوا حتى يقولون طلعوا مظاهرات في القطب المتجمد بس مدري الشمالي او الجنوبي يطالبون بالحوار والمصالحه .. حتى اني اتوقع خدامتنا تجي في يوم وتقول ماما انتي لازم سوي مسالهه هدي مشكل وايد مافي زين ..

الزبده ان المصالحه الوطنيه صارت مهنه من لامهنه له .. اوكي يالربع ماقلنا شي الحوار زين ولحمه طري اوووه اقصد ان الحوار زين ويقرب وجهات النظر .. والمصالحه بعد بس عاد من يصالح من ؟ وشلون ؟ وعلى اي اساس ؟ .. يعني الحين مثلا لما صار مشكله على جزر حوار ورحنا مع قطر لمحكمه العدل الدوليه كان باتفاق الطرفين .. مايصير نروح بروحنا وقطر حارتنه ماتبي ..

نفس الشي الحوار والمصالحه لازم تكون بموافقه الطرفين .... طيب النقطه الثانيه .. مولازم اللي غلط واخطأ يعتذر ويقول سامحوني؟ ويجي اللي غلطوا عليه ويقول اوكي سامحتك .. طيب اذا اللي غلط ماتسامح ولا اعترف ولا قال اني "ندمانه" اوووه اقصد ماقال انا اسف ... شلون تتصالح معاه؟

النقطه الثالثه الادمي يتصالح  مع واحد دزه في الشارع ... واحد اخذ مكانه في باركات السيتي وهو صار له سنه ينتظر .. واحد طلع عليه عند التقاطع وكسر موتره .. وهالامور العاديه .. بس شلون وهل وكيف ومتى تتصالح مع شخص حرق ديرتك ودمرها وخرب سمعتها واقتصادها وتبلي عليك وعلى الحكومه وكذب وشلخ وفبرك وماتم عاير ماتكلم فيك وفي ديرتك وشتر فيك؟

لا لحظه لحظه مو بس هلون ..

الا هاجم بيوت ربعك وجيرانك وسد الشوارع وحرق التواير وهجم على الطلبه في الجامعه ولاحق البنات في الشوارع وكسر الليتات وهاجم قوات الامن وقتل من قتل منهم وجرح من جرح وقتل المسن والشاب والوافدين وروع الحريم والاطفال وعطل مصالح العباد وحذف المولتوف في الشوارع وهاجم الناس بالحصى ...

اكمل ولايكفي ... ؟؟

اوكي نكمل وتعاون مع دول اجنبيه تعتبر معاديه وطالب بقوات اجنبيه تدخل ديرته وتستبيح سيادتها ... ودار الكره الارضيه شرق وغرب شمال وجنوب يتقـوّل على ديرته واهل ديرته بالكذب ويطالب باحتلالها لتحقيق اهدافه ... بعد تبون ...؟؟؟

ياللا هي خاربه خاربه ..

شلون تتصالح مع من قال ارحلوا والموت لكم ولال خليفه وعلى السنه الرحيل ..؟ اللي منعوا عنا وعن الوافدين العلاج واحتجزوهم وهددوهم وعذبوهم .. ؟؟ مع اللي امتنعوا عن التدريس وتركوا الطلبه وتخلوا عن مسؤولياتهم التعليميه والتربويه ونقلوا معاركهم للمدارس والمستشفيات واماكن العمل ...؟

تصدقون وانا اكتب هالكلام صدقا صدقا استغربت من اللي يطلبون المصالحه .. عنبوكم .. مجرد الكتابه وتذكر الاحداث يعور القلب ويبكي العين وانتوا ماعندكم حاسيه كلش .. في ذمتكم ذمه شلون تتصالحون مع ناس سووا كل هذا .... لا صج صج فهموني علموني .. كل فعل من الافعال اللي انذكرت جريمه شكبرها بروحها فمابالكم لو اجتمعت مع بعض .. سبحان الله يمكن انتوا بعد تشوفون شي مانشوفه ..

هو الاكيد ان احنا شفنا شي انتوا ماشفتوه يامال عينكم البط والوز والفراااااخ ... طيب انا ممكن اعذر دعاة المصالحه اللي موبحرينيين على اعتبار انهم علل  ومايدرون وين الله قاطهم ..بس البحرينيين شنو عذرهم ؟ كانوا في غيبوبه من فبراير 2011 ... ؟هل صادهم فقدان ذاكره ؟ او غسيل دماغ ؟ او زهايمر .. ؟

مدري بصراحه ودي الاقي لهم عذر ... والله ودي الاقي لهم عذر لاني منحرجه لهم ونيابه عنهم.. الويعه انهم مايتأدبون ولايتعلمون عقب كل فشيله والثانيه من دعوات الحوار مايسكتون ويسترون على نفسهم الا يطلعون لنا طلعات غبيه من جد ... يعني خلاص ياويه استح لكن ابد الويه بليته ...

 فيه شي مهم بعد...  شلون بيسوون مصالحه .. ؟

يعني بيجمعون اللي راحوا الفاتح اول وثاني تجمع في 2011 واللي راحوا دوار العار والشنار وكل واحد يفتر على المجموعه الثانيه ويتصالح معاهم وبالدور ورا بعض ...؟ مدري بصراحه شنو الخطه مالتهم والسيستم ... المفروض يفكرون في الخطه والاليه لتنفيذ المصالحه قبل المصالحه نفسها عشان مايتوهقون ويتفشلون قدام الملا والعالمين .. ايه بعد الزم ماعليهم برستيجهم وصورتهم قدام الدول المتقدمه ... اقول قولي هذا واستغفر الله لي ولكم واهديكم اغنيه فات الميعاد لام كلثوم ...

ما نتكلم ..

مافي ريال في الدنيا ... في كل بلاد العالم ..إلا وسمع هالشكوى من زوجته .. إنت ليش ما تحب تتكلم معاي ...!!!؟؟  النسوان في قعداتهم ويا ربيعاتهم دايما يتشكون لبعض إن ريلها ما يكلمها .. وهذي في الحقيقة شكوى ظالمة في حق الريال .. الريال يتكلم في البيت .. دايما يسأل .. شون للغدا ..؟ وين رايحة ..؟ وين الريموت ..؟ العيال رقدوا ..؟؟ يعني يتكلم أكا ... بس كل مافي الموضوع .. هو يسأل سؤال يحتاج جوابه كلمة وحدة فقط ..  طبعا .. المرة ما تعتبر إن ذي كفاية .. ولو هي سألت الريال سؤال بغرض جر الريال لمحادثة .. مثل .. شلون كان يومك ..؟ شرايك نروح عندي أمي اليوم عمري ..؟ ما سوينا ترتيبات وين بنسافر السنة حبيبي ..؟ شقالولك في المستشفى عمري ..؟  وجذي ...بس الجواب يكون بكلمة وحدة .. زين ..لا .. مافي .. باجوف .. تعبان ... بعدين ..

مجموعة الأجوبة ذي .. وهالكلمات ذي .. تكفى الريال إنه تكون كامل المفردات اللي يعرفها ... ويتعامل بها .. طبعا في البيت بس .. وتحديدا مع زوجته .. أما خارج البيت .. ماشالله عليه .. لسانه ما يوقف .. ويا ربعه .. يتنقل مع ربعه من موضوع لموضوع بكل سهولة ورياحية .. والمرة تعرف إنه برع البيت بالع 10 محطات فضائية .. أما في البيت فينعقد لسانه .. وتتذكر المرة أيام الخطوبة .. لما كان يتكلم معاها بالساعات .. ويغازلها بغير ملل .. وتتذكر لما كان يقولها .. خاطري أنام وأصحى على صوتج .. بعد سنوات قليلة من الزواج .. يقول خاطري أنام وأصحى من غير صوتج ...!!

الريال معذور ترى .. يرجع البيت بعد يوم طويل في الشغل .. ويمكن قعد مع ربعه على قهوة... وتكلم وما خلى .. وبطاريته خلصت .. يوصل البيت يبي الهدوء .. يعيد شحن بطاريتة لليوم الثاني .. المرة الكلام عندها يشتغل عالكهربا .. أو كرهبا مثل ما يقول المحرقيين .. يعني ما عندها بطارية تخلص .. وشغالة 24 ساعة .. وتكون تنتظر ريلها يوصل يعطيها حنان وإنتباه .. وحضرة سي السيد يبي يقعد على الكنبه بهدوء ويطالع تلفزيون وبس ..

الرياييل فيهم غباء .. ما يعرفون يحتوون النسوان ..!! وتكلمنا عن هالموضوع من قبل .. الحين المرة تبي تحس بإهميتها للريال .. وإنه مهتم فيها .. يا أخي يا ريال عطها شوية إنتباه حتى لو مب من قلبك بس هي بتتشقق من الوناسة .. ما تبي زوجتك مستانسة ..؟؟ مثلا .. إنت مالك مزاج موليه .. والمرة .. تبي تتكلم .. خلها تتكلم .. وكل نص دقيقة إنت عليك تقول هالكلمات .. والله ..؟؟ متى ..؟؟ إيييه .. أها .. معاج حق عمري .. إن شاءالله حياتي .. أكيد عمري .. هذي الكلمات تكفي لمحادثة مدتها ساعة و 40 دقيقة .. وفي نهايتها المرة جدا سعيدة .. رياييل .. لا تنسون إضافة تعابير على الوجه .. ويه تعجب .. ويه فرح .. ويه حب .. جذي .. عنبوكم .. ما تعلمتوا شي من رشدي أباظه و فريد شوقي و إسماعيل ياسين ..!!؟

والنسوان بعد .. الله يهديهم ... ساعات الريال يبي يتنقرش فيها ويدلعها .. يقوم يقولها .. الله عليج شحلوج الليلة عمري .. بدل ما هي تاخذ هالجملة وتدابج بها وترد عليه وإنت حبيبي وسيم الليلة .. تقوم تقول .. حلوة إلا أوفف .. متنانة .. وشعري يبيله لون .. وأظافري يبيلهم مانكير .. وفستاني صاير جنه خيشة بصل .. ليش عاد ليش .. تتشكون طول اليوم ريلكم ما يكلمكم و يهتم فيكم .. الحين حزة اللي طلعت منه كلمة حلوة وإيجابية .. تردون عليه بكلمات قشرة وسلبية .. الريال بيتثاقل يقول كلام حلو مرة ثانية .. !

أحيانا النسوان يسألون الريال أسئلة في منتهى الغباء .. الغرض منها إنهم يبون يطلعون كلمة إطراء حلوة من الريال .. بس بعد ما يعرفون .. مثلا ..  تحبني ..!!؟؟ هاي من أغبى الأسئلة الحقيقة .. يعني ريلج هالقد غبي وبيقول لا ما أحبج ..!؟ طبعا هو بيقلب السؤال في راسه الأول أحسن ما يكون سؤال فيه مصيده ولا شي .. ممممممم .. أعتقد إنها تبيني أجاوب إيه أحبج .. فا باقولها وأسكتها .. فيقول .. أحبج عمري .. المرة ما تسكت بعد ما سمعت جواب السؤال الغبي .. وتتبعه بسؤال أغبى ... شقد ..؟؟؟ الريال الحين صج صج يقلبها في راسه .. إنزين .. شنو أقولها ذي الحين .. لو الحب بالكيلوجرام جان وزنته وقلتلها .. بس لا ما ينفع .. لو بالكيلومتر جان قالتلها قد مني والصين ... فا يقول .. أحبج وايد .. وايد وايد .. هاي الجواب مب مقنع للمرة .. تبي كمية .. تبي شي تقدر تقدره .. فايقول قد عدد النجوم عمري .. إذا هي شاطرة تروح فوق السطح وتقعد تعد .. بس هي تدري إنه وايد .. و ما تصدقه بس .. تقبل الإجابة على مضض .. وتقوله عسى ربي يسلمك حبيبي .. !!

مشكلة الرياييل ... إنه النسوان تعلموا منهم .. وصاروا هم بعد يتعاملون بالصمت أو بقلة الكلام .. الريال صج إنه ما يحب يتكلم وايد .. بس ما يعجبه إن المرة ما تتكلم .. وما يعجبه ينقلب السحر عالساحر .. فا هني يحصل تصادم ... لإن المرة ليه سكتت يعني غضبانه أوزعلانه .. أما الريال فا هاي طبيعته .. أصلا .. صمت المرة ما يدوم وايد .. ما تقدر .. تجوفها تتكلم 6 ساعات بلا إنقطاع ويا ريلها وتهاوشه .. وبعدين تتذكر إنها في مرحلة الصمت .. فا تقول .. مابي أقول شي ..خلني ساكتة أحسن .. !!

DR. KNOW

رسائل خاصة بس بدون زعل 53

محمد البوفلاسة –

وايد الكلام هاليومين عن هذا الشخص .. وإنقسمت البحرين .. كإنه ناقصين إنقسمات .. بين ضد محمد وبين مع .. حاكموه على توتير من دون الإستناد إلى أدلة .. وطلعله حكم بالبراءة من الجماعات الشيعية .. وحكم بالإدانة من الموالاة .. والغريب إن جماعات سنية كبيرة إنضمت إلى الشيعة وقالت إنه مظلوم .. ومنهم إئتلاف شباب الفاتح وغيرهم  ...  

ما يهمني هالشخص مذنب او لا .. ما يهمني في الموضوع هو شيئين .. أول شي .. القاعدة القانونية إن المتهم بريء حتى تثبت إدانته .. وهذي القاعدة ما طبقت هني .. من كل الأطراف .. وأول من كسر القاعدة المحامي ماله .. وبتصريحة للوسط .. وحضرته أصدر حكم ببرائته .. وهاي اللي دفع الناس الثانية إنهم يدينونه .. يعني ببساطة القانون والعدالة لم يطبق في هالحالة ..

بس النقطة الأهم .. هو نظرية المؤامرة .. يعني الحكومة دبرت له الإتهام .. أنا شخصيا أرفض هذي النظرية .. مهما بلغت "الوساخة" إذا صح التعبير .. بإجهزة المخابرات البحرينية فلن تصل إلى هذا المستوى الحقير .. ما أقدر أستوعبها .. وعلينا أن نتقبل إن شكوى من داخل بيته وأهله هي السبب ورا القبض عليه .. والباقي متروك للتحقيقات و القضاء .. ترى سياسيا .. هذا الشخص لا في العير ولا في النفير .. وإعتقادي لو الحكومة تبي تسوي مؤامرة جان سوتها على علي سلمان ولا كتاب الوسط الوسخين و غيرهم وغيرهم ..

هل وصل فينا الحال إنه ما نثق بالإجهزة الأمنية والنظام القضائي البحريني ..!!؟ إذا الجماعات الشيعية ما تثق فهذا شيء مفهوم ومتوقع .. أما إن الجماعات السنية هي اللي تشكك بالنوايا الحكومية وأساليب عمل الأجهزة الأمنية فالحقيقة هاي شي جدا مؤسف .. لو أن هالإتهام الموجه لبوفلاسه كان في أمريكا أو بريطانيا لواحد من مواطنيهم لسووا نفس الشيء .. وما يدلعون في هذي المسائل ... وبيبقى في السجن لحين المحاكمة مع رفض كفالة في أغلب الأحيان .. لإنه يعتبرون المتحرش خطر عالمجتمع ..

علينا كلنا إن ننتظر التحقيقات .. وننتظر حكم المحكمة إذا وصلت للمحكمة .. وبعدين نتكلم .. بس في كل الأحوال .. فيه بنت قاصر في الموضوع .. وعلينا كمجتمع المحافظة على سمعتها وعلى صحتها النفسية والأضرار اللي بتلاحقها طول عمرها .. فالكل ياكل تبن ويسكت ..

مصر ..مصر .. تحيا مصر –

إنتهت الإنتخابات .. ومصر صار فيها 4 رؤوساء .. واحد ما يندرى هو ميت ولاحي .. في المستشفى ولا في السجن .. والمجلس العسكري يرأس مصر صارله سنة ونص تقريبا .. وإثنين كل واحد يدعي إنه هو الرئيس المنتخب .. مصر صارت خبيصة .. مصر ما راح ترجع مثل الأول .. لإن مبارك راح .. بس أذنابه للحين موجودة .. راس الحية بعده ما مات ..

ثورة مصر فشلت في تقديم رئيس من غير ما يكون له أجنده .. ما أصدق إن مرسي وشفيق أحسن إثنين من 90 مليون .. ! هاي اللي قدرتوا عليه ..؟؟ والرئيس الياي بيكون محكوم للمجلس العسكري .. اللي يبي يخلي السلطات بيده .. والرئيس صلاحياته محدودة .. وحتى البرلمان ... اللي يبيه العسكر يسونه .. كإنه مكتوب على مصر إن تكون تحت حكم عسكري ... العسكر بيتأكدون إن سياسات مصر الخارجية بالإضافة للداخلية ما تتغير عن ما حدده مبارك .. اللي كانت التطبيق لإهداف ومراد السياسة الأمريكية والإسرائلية ..

المستقبل غير مبشر لمصر .. عندي إحساس مضيق صدري .. النفق المظلم اللي مصر فيه مب نفق مترو أنفاق .. نفق أجوف فيه فوضى وعنف ودم .. أتمنى اللي أجوفها ما يصير .. فال الله ولا فالي .. وأتمنى تعدي الأمور بخير وسلام ..

نورة سبالمان –

ما صار للرافضي المخنث أسبوعين على تهديده لقوة دفاع البحرين .. مب للداخلية .. لا .. للقوة .. بإنه عنده قوة جبارة لم يستخدمها بعد .. وقلتله .. هذا الميدان يا حميدان .. وقلتله راوني مراجلك يا علوي ... ما جذب خبر .. اليوم كان التحدي .. وأحب أعطيكم نتيجة اليوم .. الداخلية 1 – الخونة الروافض 0 ..

نورة لف بشته .. وهد نعاله .. وقعد يدابج .. و9 شبيحة محاوطينه .. يركض مثل البنية الصغيرة في الكي جي وقت الهده .. عيب .. عيب على الوساخة اللي في ويهك وتسميها لحية وشنب .. محسوب ريال .. ما كنت باقول شي لو ما هدد القوة .. إذا ما قدرت على شوية أفراد من الداخلية بتقدر على القوة والحرس الوطني يا برنثه ..!!! ؟؟

والمصيبة .. المصيبة .. لازم يسوون منه بطل .. الوفاق أعلنت إنه تصاوب .. بعيار مطاطي في الكتف والظهر .. مب مشكلة عودة لنورة .. لإنه متعود ينام على بطنه أصلا .. فما بينحرم النوم .. مرة وحده مطاطي عاد ..!!؟؟ ومع إنه ماخذ طلقين في جسمه أزال الله ظله ... بس ما حتاج ينعرض على دكتور .. معقوله يا نوارة .. رصاصتين وما تحتاج دكتور ..!!؟؟ قويه ذي ودي أصدقها يا خوك ... بس ماقدر .. ما قدر..

سوى نورة اللي يبيه .. طلع في مسيرة ويا جم جعو صفوي مجنس .. وحامل ورد بايقينه من الشارع .. وكاميرات الفيديو شغاله .. وإستعدوا لجنازة يشبعون فيها رقص .. وبعدها .. هات ياجزيرة .. وهات يا بي بي سي .. وغني يا قناة العالم الواطي .. ورقصي يا منار ... وكإنه القنوات الصفوية ما كانت كفاية .. الحين إنضمت لهم قناة الميادين ... الصفوي غسان بن جدو .. تمويل إيراني .. بحماية حزب اللات ومناف والعزة ...

نبي طبيبة أمراض نسا وولادة تكشف على إصابة نورة ... وبالمرة تسويلها فحص (بابسمير) .. وفحص حمل .. نبي نتأكد إنه مافي جنين وقت الإصابة .. مب قاصرين منظمة اليونيسيف تبهدلنا بعد .. بس تدرون أحلى شي .. المغردين المجوس قاعدين يشكرون ألهتهم والأئمة الإمعة إن الإصابة يت في البودي جارد مال نورة ولا يت في نوارة .. غباء بقوة  .. الصفوي على الموالي أو المولاني .. هم قالوا الإسمين .. كله واحد .. إيراني .. وما بقى إمام ما شفعوه عشان يطيب هالحيوان ..

حريتكم بالتعبير ما تتجاوز القوانين اللي تنظم علاقة الحاكم بالمحكوم .. وحريتكم بالتعبير تتوقف لما تتجاوزون على حريتي في العيش بسلام والتنقل بسلام .. البلد مب كيفكم .. وإذا إنتوا صج إخوانه ... إنتوا إخوان الشياطين بس أكيد مب إخوانه ... بس إذا هالكلام صج .. إحترموا مشاعرنا .. عنبوكم .. عبالكم الديرة ديرتكم .. وإنتوا قاعدين فيها بإقامات منتهية ...

كلمة أخيرة لرجال الداخلية .. في المسيرة غير مرخصة الياية .. اللي هي باجر .. نتمنى عليكم عدم إستخدام المطاطي .. هاي غير مقبول .. وعيب .. إيه .. شيلوا المطاط عنه واللي يسلمكم .. وعساكم عالقوة ...   

تلفزيون البحرين –

طلعت علينا وكالة أنباء البحرين بخبر عجيب غريب .. تلفزيون البحرين وحسب إحصائية خبير مزادات تيوس .. يقول إنه هالتلفزيون في المرتبة الثالثة ورا قناتين من قنوات الإم بي سي .. !!بس يا جماعة .. القيامة قربت .. إذا بي تي في صار في المرتبة الثالثة ... أبي أحد يكفخني .. يمكن أنا راقد ... يا جماعة .. إحنا نتكلم عن أغبى تلفزيون شرق من موزامبيق .. قبل الأزمة ما كنت أدري وين قناة البحرين على الريسيفر .. ودخت السبع دوخات أطلعه .. ومن حوالي شهر وقفوا الإرسال على العربسات .. والحين أصلا ما عندي .. ولا حاولت أطلعه .. ولا أبي أطلعه ... وليشششششششششش ...!!!؟

أغلب الناس يطالعون تلفزيون الهم ذي في رمضان .. يمكن اللي يتابعون المسلسلات .. بس الغالبية العظمى يطالعون آذان المغرب والفجر ... وغير جذي إنسى  .. مع إحترامي للقائمين عليه .. أو بدون إحترامي .. جهاز فاشل .. هابط .. ممل .. جربوع .. لا حد يسألني شنو الجربوع .. بس أعرف إنها كلمة مصرية بس ما عرف شنو بالضبط .. واللي يعرف يقول لي... لو تلفزيونات العالم غرف في بيت .. تلفزيون البحرين بيكون تواليت السايق ..

أتمنى من اللي كتب الخبر يستحي على دمه شوي .. ويراجع نفسه .. ويقول كنت أمزح وياكم ترى .. كذبة إبريل متأخرة شهرين ...

مخ الرجل X   مخ المرأة –

مخ الرجل

نواصل الكلام عن الفروقات بين الريال والمرة ... وأحب أتوقف اليوم في راس كل منهم .. نبتدي بالريال .. أسهل شوي .. وما راح يطول الحجي ... هاي صورة لمخ الرجل ... عبارة عن كبت (خزانة) .. وفيها مجموعة من الأدراج ..  مب وايد أدراج .. كل درج فيه مختص بشي معين .. فمثلا .. درج خاص للرياضة .. طبعا مب اللي يسويها .. لا .. للمباريات اللي على التلفزيون ... بمجرد فتح هذا الدرج .. كل الأدراج الثانية تبند أتوماتيكيا ... عندي الحين مبارة .. خذي اليهال ودشوا داخل .. ما أبي إزعاج .. زين ..؟؟ ولما فريقه يسجل هدف بيسمعون صراخه في الشرقية .. بس هذا الإزعاج النوعي مقبول عند الريال دام هو اللي يسويه .. ويعتبر جزء لا يتجزأ من الدرج الرياضي ..

فيه درج للشغل .. ما يحب يفتحه .. بس مضطر.. والعجيب إن هذا الدرج ممكن يكون مفتوح وفي نفس الوقت ممكن أي درج ثاني يفتح .. في درج الربع والأصدقاء .. يحتوي على عدد محدود من الأشخاص اللي يطلع وياهم ويشيشون ويستلفون من بعض .. في درج الراتب .. ينفتح أول كل شهر ولمدة 3 أيام .. وبعدين يبند .. أصغر درج موجود درج الملابس .. فيه ثوبين وإثنينهم وسخين .. مهمة الدرج إن يقرر للريال أي واحد فيهم أقل وساخة من الثاني يلبسه وهو في طريجه للباب ...

الريال عنده درج غريب ... إسمه درج المرأة ... غريب لإنه يعتمد .. إذا كانت المرة اللي داخل الدرج زوجته فهو نادرا ما يفتحه .. وبالأحرى يحاول يتحاشى فتحه... والود وده يسكر عليه بالشمع الأحمر ... وقبل ما يفتحه لازم يقرا المعوذات ... أما إذا كانت حبيبة أو صديقة فيحاول قد ما يقدر يخليه مفتوح طول الوقت .. وهذا الدرج مفتوح لإي عدد من البنات يدخل فيه ... ميزة الدرج إنه له طاقة إستيعابية كبيرة ... إلا إذا في مبارة طبعا ... فا بيبند أتوماتيكيا ويتوقف عن الإستقبال مؤقتا...

تكلمت عن مخ الرجل بإسهاب .. مخ بسيط .. ما يجمع شغلتين في نفس الوقت .. ولا يفتح درجين مع بعض .. إلا مثل ما قلنا في درج الشغل .. الكبت يفتح ويبند بكل سهوله ويسر .. ولو إنه ساعات يجيم وما يفتح .. بس هاي أبدا مب مشكله ... في هالحالة .. الريال يكون في حالة إنعدام وزن .. ويستغل الوقت في التفكير في لا شيء ... الريال هو الكائن الحي الوحيد اللي يقدر يسوي هذه الحركة .. ويقدر يسويها لساعات طويلة .. زوجته تقوله ... شتسوي عبود ... ممممم ... أفكر ... بشنو تفكر عمري ... ممممم في لاشي ... الزوجة تحاول إطلعه من هذه الحالة بكافة الوسائل الصوتية والمرئية ولكن جميع المحاولات مصيرها الفشل ... من الناحية الفسيولوجية ... ويه الريال يكون مسهبل ... يعني عيونه مفتوحه .. بس لوطاف شي جدامة ما راح يجوفه ... كأنه ماخذ جرعة هيروين زايدة ...

الشي الثاني ... خلال هذه الحالة .. تجوف إن السروال إرتفع جم سنتيميتر لفوق ... والفانيلة إرتفعت وكشفت البطن للحجاب الحاجز .. وبحركة بطيئة جدا .. يده اليمين تتحرك على بطنه يتحسس الشعر الموجود هناك وبعدين تزحف تحت السروال ... ليه تغطى نص الكف تحت السروال تتوقف اليد عن الحركة نهائيا ...وتبقى على هالحال لساعات .. أما اليد اليسار .. فلها حرية أكبر في المناورة .. فممكن تكون ورا الراس تسنده في حالة إنه طاح بفعل الجاذبية ... أو ممكن تتوقف على منطقة البطن .. وتحديدا الأصبع السبابه يدخل في السرة .. ويحوس بحركات شبه دائرية .. وغالبا ما يحصل بعض القطع النقدية من فئة الخمسين فلس أو أقل ...

وجذي .. يكون الرجل أنهى كل مراحل التفكير و فتح الأدراج في يومه .. ويقدر الحين ينام ليلته ..

مخ المرأة

أما المرة ... فالصورة عن مخها جدا واقعية ... ماخذها بروفيسور في لندن كلينك لمريضة وكانت مخدرة .. هاي الطريقة الوحيدة اللي ممكن تصور مخ المرة .. وحتى وهي مخدرة ... بس مخها صاحي .. وجايفت الدكتور .. وتقول في سرها .. عبالك ما جفت ..؟؟ لا أبوي جايفتك .. بس أقوملك باراويك .. تصور مخي وأنا مخدرة .. ها ..!!؟؟ إنزين .. يا أنا يا إنت .. بس أخلص لي حساب معاك ...

ولو كانت المرة مخدرة بالكامل .. فمخها لايزال بكامل قواه العقلية ... وشغال .. ويعرض لها على جهاز   3-D  أدق تفاصيل  ممرات هارودز حتى لو عمرها ما راحته ..!! مخ المرة .. ماله بداية ولانهاية ... عبارة عن شبكة عنكبوتية خاصة فيها ... إنترنت ... وبإمكانها فتح عشرات الروابط في نفس اللحظة والثانية وبسرعة مذهلة ..

المرة ممكن جدا تكون في سوالف ويا ربيعاتها .. وفي نفس الوقت تكلم زوجها على التليفون وتعطيه ليسته أغراض إيبها من كارفور .. وتعطيه تعليمات عن لايروح يقعد في ستاربكس ويا د. نو .. وعلى التليفون الثاني تكلم المدرسة تشتكي على مدرسة ولدها .. وتسوي مانيكير وبديكير كله نفس اللحظة.. وما يطوفها على التليفون الثالث تعطي أوامر للخدامة ... المرة تكون في حجرة العمليات تولد بيبي .. وتكون تصارخ من الآلم وتسبسب في زوجها اللي سواها جذي...  ومخها يفكر في  الشوكليت والورد ولون غرفة البيبي .. وهي تصارخ من صوب ... وأصابعها على البي بي إطرش برودكاست .. الدكتورة تقول الحين أنا توسعت 9 سنتيميتر الحين .. والطلق كل 3 دقايق .. ما باقي وايد الحين .. ويييه باموت .. وتصارخ على الدكتورة .. يلا دكتورة طلعي البيبي بسرعة نسيت أتصل على (ليلو) ... وإطرش مسج حق ريلها .. ترى الغرفة مب عاجبتني .. قولهم يغيرونها على بال ما يزلط البيبي ..

لكل واير في مخ المرة في له مفتاح .. محد يعرف أماكنهم وطريقة تشغيلهم إلا المرة نفسها ... الريال ..وبطريق الصدفة دايما يضرب واحد من السويتشات أو ربما أكثر .. فا يصير إن المرة وكردة فعل على ضرب المفاتيح تجوفها تضحك وتصيح في نفس اللحظة .. فمثلا .. أقول ندوي .. أنا ترى وايد أحبج عمري .. المرة تبتسم .. عمري إنتي .. الإبتسامة أكبر .. جفت رولكس في المحل وقلت بتحلينها على يدج ... المرة تضحك وعيونها تبرق .. بس عمري إنتي بتعرفين الحين أو بعدين .. تختفي الضحكة شوي .. أنا عمري باتزوج عليج ... الصياح يبتدي ... عمري لا تصيحين .. شريت لج فيلا في أسبانيا ... ضحك وصياح مع بعض ...

بعكس الريال اللي مخه يتكون من جم درج بس .. الوايرات في مخ المرة كل واحد منهم له غرض .. ومن الممكن إن كل واير يتفرع منه عدة أسلاك صغيرة .. أكبر كايبل في مخ المرة مخصص للريال .. ولكن يتفرع منه أسلاك كثيرة .. واحد للدلع .. وواحد للطلب .. واحد للثقة .. واحد للهواش .. واحد للحب .. واحد عشان أسود عيشتك يا بوصروال (أكبر كيبل موجود) ... وهلم جرا... وفي أسلاك مب موصله بشي بتاتا .. هاي الأسلاك بالذات تسبب للريال أكبر إزعاج في حياته .. النسوان يسموها أسلاك الصمت القاتل .. مهمة الأسلاك بس تطلع من مؤخرة الراس فالريال يعرف إنه مسوي هباب .. بس ما يعرف شنو هو... وبما إنه الواير غير متصل في شي ... فيحصل صمت ...

مخ المرة .. بعكس مخ الريال .. يحب التفاصيل .. وكل ما كانت دقيقة يكون أحسن .. يوصل الأهل للمستشفى .. يسألون ها .. ولدت .. يقول إيه الحمدلله ... يقولون له بالبركة .. شيابت ...؟؟؟ الريال يطالع فيهم متعجب من السؤال ... أههههه ... يابت بيبي .. إيه إيه ندري بيبي .. بس شنو عاد .. ولد ولا بنت ..؟؟ أههه مممم ما سألت .. بس قالوا لي بيبي ... إنزين روح إسئل ييييياه ... يروح يجوفله ممرضة يسألها ... تقوله ..ولد ... يقولهم .. يابت ولد .. يباركونله .. ويتربى في عزك ... بعدين إخته تسئل ... جم طوله ..؟؟ مممم مادري ... إنزين جم وزنه ...؟؟ إيش داراني أنا .. جنه قالوا 20 كيلو..!!  إنزين طبيعي ولا قيصرية .. شلون زوجتك ... شبه  منو... هني ينرفز ... إففففف يابت ولد وخلاص ييييييياه ... إففففففف ...

لما المرة توصل للحجرة .. ويلتم حواليها الأهل والصديقات .. لازم تعطيهم تطور الأحداث بالدقيقة .. وترجع بتسلسل الأحداث من يوم تم تلقيح البويضة .. إلى المشاكل خلال الحمل .. إلى لحظة الوصول إلى المستشفى .. والساعة جم إبتدى الطلق .. وشلون ما قدروا يدخلون الإيبيدورول في ظهرها .. لإنها كانت مشغولة ترد على مسجات .. وبعدين النقاش بين الدكاترة .. نسوي قيصيرية ولا ننتظر .. بإختصار كل شي .. وتعطيهم حتى لون البلاط في غرفة الولادة ..  والتفاصيل هذي لازم تنعاد لكل وحده تزورها .. وإذا دخلت وحده وكانت هي في نص القصة .. لازم توقف وتعيد من الأول .. النسوان الموجودات ما عندهم مشكلة يسمعون هالتفاصيل مرة وثنين وثلاث ... والحاضرة منهم تعلم الغايبة .. علشان ضروري جدا إن النسوان يعيشون الحدث ... لإنه الحين تأرخ ...

التفاصيل الدقيقة هذي .. بتم تخزينها في مخ كل النسوان إلى كانوا في الحدث أو سمعوه .. وبيتم عايش معاهم طول حياتهم ... الريال لا .. ما عنده هالسوالف .. أغلب الرياييل ما يعرفون تواريخ ميلاد عيالهم .. ولا يوم زواجه ... هذي أشياء عبارة عن اشياء حصلت .. بس التفاصيل مالتها مب مهمه .. مثلا .. بصفتي ريال .. الأسبوع الماضي كنت مريض .. يسألوني الصبيان ها دكتور وينك .. أقول مريض .. كلهم قالوا أجر وعافية .. وبس ... إنتهى الموضوع على جذي ... أما البنات لما سألوا .. وقلتلهم نفس الشي .. مريض .. هني يبون يعرفون التفاصيل .. ليش .. ومن متى .. رحت المستشفى ... من الدكتور .. سويت أشعة .. إكس ولا مقطعية .. وجم الحرارة كانت ..وجم الحين .. وشنو أكلت اليوم .. كل ذي عشان يبون يعيشون معاناتي معاي .. ومع كل معلومة تحس إن المرة إنتقل لها المرض وصارت مريضة بنفس الأعراض ...

المرة تحب تشارك ريلها بالإحداث اللي صارت معها خلال اليوم .. والريال .. أخر همه .. تييله وهو قاعد يطالع تلفزيون ... مجرد إنه يطالع التلفزيون .. فهذا معناته إنه مخه ما يستوعب شي ثاني .. المرة تسرد .. حبيبي رحت أنا ومريوم السيتي اليوم وقعدنا على ستاربكس .. وسلمنا على د. نو .. وجفنه ندوي ويا إخت ريل إختها .. وفي الطلعة بغيت أسوي حادث بالسيارة .. الله ستر .. رحنا السيف .. ومريت أجوف هدية لسارة .. ووووو ... والريال يكتفي بالرد .. أها .. إيه .. أها .. زين .. أوكي .. أها .. بغض النظر إنه مشغول بالتلفزيون وأدراج مخه مبنده.. هاي تفاصيل ما يحب يسمعها .. أصلا مافي خلايا يخزن فيها المعلومات ..

إحنا الرياييل نحب نسمع النتيجة النهائية وبس .. والمرة مصرة إنها إطلع كل شي .. من هني تبتدي الخلافات .. وهاي موضوع ثاني .. وجذي وهلون ...

DR. KNOW