رسائل خاصة بس بدون زعل 51

مبارك على مصر الأحكام ...

بالذمة ... دي أحكام دي ...؟؟ إيه المسخرة دي .. مش مصدق نفسي ياجدعان .. قضاء إيه ومستقل إيه ..؟؟ الطبخة كبيرة يا إخونا .. أكبر من الشعب .. ومن الربيع والخريف العربي ... طبخة مقاديرها دم الشهدا و الديموقراطية المزعومة .. ومحدش معزوم يطفح غير الأمريكان والأسرائليين و أحمد شفيق .. الطبق كله مصر .. والشاطر اللي ياخودلوا حته هبرا .. والشعب الغلبان .. برضك عاطابور العيش يستنى دوره للقمة ديموقراطية ... وساكن في العشوائيات ويقول أدينا صابرين ... بس قالولنا في بتاعة إسمها ديموقراطية .. وهيقضوا عالفساد .. ويطلع لنا من طيبات خير مصر .. أتاري كله كلام ووعود وزي ما عودنا مبارك 30 سنة .. مالناش غير الخوازيق ... من أسوان للزقازيق  .. ناكلها على الريق ... من مبارك وأحمد شفيق ..

إيه كان لازمة الغلب والتضحيات دي ..؟؟ ضحكتوا على شعب مصر ... وعشمتوه بحلق الديموقراطية قام وخرم ودانه ...وأخرتها زغردي يا إنشراح ... اللي جاي أوسخ من اللي راح ... العسكر عايزين اللي يفهمهم ويفهموه .. اللي يحبهم ويحبوه .. عايزين (شفشق) .. أمال هيحبوا واحد يقول كامب دافيد لازم تتعدل ..؟؟ وصفقة الغاز لإسرائيل تتوقف .. طب ده كلام ..؟؟ ما ينفعش .. ده ... ما يحكمش ... وإن حكم ..؟؟؟ هو إحنا لسه هنستنا لما نشوفوا يحكم  .. ؟؟ لا ... مش ممكن .. الحياة لازم تسير .. زي ما رسمها فخامة الريس .. مبارك وعياله .. وبعدين .. مين اللي هيخرجوا من حكم المؤبد لدواعي إنسانية .. مش حبيبه (شفشق) ... !!!؟؟

من أيام ثورة يوليو ومصر ماتعرفش إلا حكم العسكر .. هي كده .. راجل عسكري لازم يحكم مصر .. ده منزل في كل الكتب .. إلا السماوية طبعا ..  يا عيني على جمالك يا مصر وإنتي بالبدلة الميري ..  والراجل شفيق ده .. عسكري من الطراز اللي هو .. وراجل له صولات وجولات .. مش في ساحات المعارك .. معارك إيه يابا ..؟؟ لا .. في صفقات الأسلحة ... والعمولات والذي منه .. وبعدين مش هو أخر رئيس وزرا لمبارك ..؟؟ومش هو اللي قال عن الجماعات اللي في التحرير .. دول شوية عيال أديهم بونبون وهيروحوا ..؟؟ عيال ..؟ بونبون يا شفيق ..؟؟ بالذمة يا راجل .. مش مختشي من نفسك ..؟؟ معلهش .. اللي إختشوا ماتوا مع الديموقراطية ... عمار يا مصر ..

أنا عاوز أقول كلمة أخيرة ... ربنا يعوض عليكوا .. البقية في حياتكوا يا إخوانه .. في الديموقراطية .. في القانون .. في القضاء ... في الأمل ... ما الأمل برضك قتلوا .. في المحاكم ... هما لما يقولوا قضاء .. ما يقصدوش تطبيق القانون وإسترجاع الحق والقصاص ... زي ما أنا وإنتا فاهمين ... لا ... دول قصدهم القضاء على الأمل .. وعلى الحياة .. وعلى الكرامة ... وعلى الحرية ... وطبعا القضاء عالقانون .. بلا ديموقراطية بلا هباب .. جابت لنا إيه المسخوطة اللي إسمها ديمو ... إيه يا خويا ... ؟؟؟

في قصيدة ... شعر يعني .. كلام بس هايل ... لازم على كل مصري وكل عربي يدور عليه ويقراه .. دلوقت ... مش بعدين ... كإنها إتكتبت النهارده ... واللي كتبها .. الله يرحمه ..كان عظيم .. إبن مصر .. وكان حاسس مصر وعارف مصر ... طب ما دوروش عليها ... دوس على الأزرق ده وإنتا تقراها ... لإنها من مصر ولمصر  .. ومصر بتتكلم عن نفسها ...

            أنا إن قدر الإله مماتي         لا ترى الشرق يرفع الرأس بعدي

إنتوا ناسنا وأهلينا وسندنا .. وعايزنكوا تشدوا حيلكوا .. واللي عمل الثورة العظيمة يقدر بعون الله ينتصر على الباطل وعلى المؤمرات .. عظيمة يا مصر ..

الوفاق وهرار الحوار –

رجعت هالكلمة البغيضة نسمعها .. الحوار .. ورجعت الوفاق تقول .. سلمية ... ونبي حوار من غير شروط .. ومب حاطين شروط .. وطل في عينكم .. يبون الحوار على أساس مبادىء ولي العهد الستة مادري سبعة .. إيه .. ووثيقة ورق التواليت مالتهم .. بس ... يعني ما يبون شروط .. وإذا ما كان هالشرطين .. عفوا هالأسس مرتكز الحوار .. يعني ما يبون حوار ...

جوفوا .. أول شي ... الحمد لله الذي جعل الغباء سمة أعدائنا ... ولو قبلوا مبادىء ولي العهد في حينها جان إحنا رحنا وطي .. وحيص بيص .. لكن الله ستر .. وكملهم بغبائهم... وفوتوا على روحهم فرصة لن تعوض .. وبهذه المناسبة الكريمة .. وبالأصالة عن نفسي .. ومن هذا المنبر .. ونيابة عن شعب البحرين الوفي سنته وشيعته ... أتقدم بخالص الشكر والتقدير  للوفاق على رفضها المبادرة في ذاك الوقت .. وأشكر الإخوة المتشددين اللي عبالهم الحكومة في عداد الساقطة .. أشكركم من كل قلبي .. وأقول راحت عليكم وسلموا على الخالة العزيزة ...

تتذكرون لما حطوا 12 شرط عشان يدشوا الحوار ..!!؟؟ الحين صاروا بس شرطين .. بس الأغبيا عبالهم إحنا مثلهم أغبيا ... ما نعرف إن ال 12 شرط صاروا داخل اللي يسموها وثيقة المنامة .. ولذلك ..وعليه .. فأحب أن أقول للوفاق .. هدكم من الهرار ومن الخوار ومافي حوار .. وخلوا بسيوني ولورا دبيوي وغبائكم ينفعكم ...

نبيل بنت رجب –

أبلغ رد على زلابية مان - نبيل بنت رجب..إص عن أهل امحرق..وماضر نهر الفرات لو خاض بعض الكلاب فيه..كفو انت أهل امحرق؟ اتخسى انت والزباله اللى حولك واللى تدافع عنك – مع تحيات إمحرقاوي عتيج

فتوى غبية –

العادة أتحاشى إني أتكلم عن رجال الدين .. لإني أحبهم ... وأقدرهم .. حتى لو ما عجبني كلامهم .. يبقى لهم مكانة ومركز .. بس ... وأخخخخ من بس ذي ... في هالشيخ .. اللي إسمه عبدالله بن عبدالعزيز الراجحي .. حفظه الله وهداه ... الحبيب رد على سؤال من واحد مصري .. وهاي صورة السؤال والفتوى ...

واحد مصري يسأل شيخ سعودي .. اصوت للإخوان ولا لشفيق !!!؟؟ قبل لا أدخل في جواب الشيخ ... السؤال نفسه سؤال غبي .. وما يصدر إلا من واحد غبي .. يا أخي .. وماحب يكون لي أخ غبي ... بس مجازا أخي ... يعني من قلة مشايخ مصر ..؟؟ ما فيك تسأل واحد من اللي يعرف وضع مصر ..؟؟ بدل ما تسأل واحد ساكن ويا القباقب ..! تبي شيخ سلفي .. مصر متروسه منهم .. أنا والله مب فاهم القصد من السؤال .. هل إحنا محتاجين نسأل المشايخ شلون نصوت ..؟؟؟ هاي مصيبة .. إذن معناته ...إحنا ما عندنا قرار نفسنا ولانعرف شنو الديموقراطية .. ولما تيينا فرصة نشارك بالديموقراطية ... نروح حق شيخ دين .. أو صحفي .. أو دكتور أو أي شخص ونقوله ... فيدني ولك الثواب .. عيل شخلينا للولي السفيه ...!!!؟؟؟ ذيج السنة اللي عندنا طلعوا القائمة الإيمانية ... تبينه نسوي مثلهم بعد ... !!؟؟ أستغفر الله .. يا خسارة العقل في راس حلي ...

المهم الشيخ ما كذب خبر .. وجاوب .. لو قال ما عرف ... جان إحترمته ... الإمام مالك كان يقول ما عرف أكثر ما كان يجاوب .. الشيخ الراجحي جاوب .. وقال .. لا ذي ولا ذي .. وصوت لإهل الحل والعقد ...!!! وقال إن التصويت لإحد المرشحين وحتى مرشح الإخوان .. المصلي العابد الحافظ لكتاب الله (ولنا الظاهر ولا أزكيه) ..هو إنحراف عن دين الله وخيانة للعباد ...!! أستغفر الله

أول شي ... من هم أهل الحل والعقد ... هم ناس كلهم ميتين .. وبعدين ..مب على قائمة المرشحين من أساسه .. وبعدين مب هذا نظام البلد ..وبعدين .. في أي عصر الأخو .. وبعدين .. وبعدين ... شاقول عنه ...

للتوضيح  – حتى علماء المسلمين يختلفون من هم أهل الحل والعقد .. وهناك 5 تفسيرات .. الأولى هم العلماء المجاهدين .. فا يأتي شخص مثل بن لادن أو الظواهري اليوم ويقول أنا عالم ومجاهد وأستحق الولاية عليكم ..!!

الثانية – هم من 3 فئات – العلماء – الأمراء – والوجهاء

الثالثة – السادة والأشراف والأعيان , ويدخل منها ضمنا أصحاب السلطة والعلماء.

الرابعة – أفاضل المسلمين المؤتمنون على أمرهم .

الخامسة – أولوا الأمر – كما في الآية الكريمة

إنزين – يفهمنا الشيخ صاحب الفتوى من يقترح علينا يكون أهل عقد وحل ..؟؟ وشلون بنحصل على توافق مصري عليهم ..؟؟ شرايك يا شيخ بالإنتخاب مثلا ...!!!؟؟ يعني مثل ما يسوون الحين .. ولا تبي مثل ما إنتخب المسلمين أبو بكر رضي الله عنه .. يجتمعون في مسجد .. ويعينونه حاكم عليهم .. بس المشكلة شيخنا الحبيب مافي مسجد يسع 80 مليون ... وبعدين الصوت ما يوصل للناس اللي في الصفوف الخلفية .. وتدري أيام أبو بكر ما كان في ميكروفونات .. فا أهل الحل والعقد ما إستعملوها ... ومانبي نبتدع عاد الحين ..

إيه ..وتعال ... والعشرة مليون قبطي .. !!؟ نبي فتوى لو سمحت .. يصير يدخلون المسجد الكبير ذي ..!!؟؟  سؤال يا شيخ ... متى أخر مره هالسيستم – يعني النظام يا شيخ – تم تطبيقة ..؟؟؟ ممممم ... يمكن أنا غلطان .. بس أعتقد أخر واحد كان على بن أبي طالب – كرم الله وجهه .. يعني من 1400 سنة بس .. والظاهر إنت كنت موجود يومها ...

وبعدين يا شيخ .. إتق الله .. التصويت لإنسان مسلم مجاهد قضى في السجون من عمره ما قضى وحارب من أجل نصرة دينه ووطنه وأبناء وطنه .. تقول عنه إنحراف عن دين الله ..!!؟؟ يا أخي إتق الله ...حتى لو ما تتفق معاه في مذهبه ... فالواجب أن تقول للسائل أن يصوت لمن يراه أقل الضررين ..!! فإذا كان شفيق علماني وعليه شبهات .. فالأوجب تقوله .. مرسي أقل ضرر من شفيق وعليه صوت له ..

يأ اخي .. إذا أصبت في فتواك فلك أجران ..وإذا أخطئت فلك أجر ... إنت رحت جنوب وايد يا شيخ .. ولا حتى كنت قريب .. الله يهديك .. أمثال هذه الفتاوى تنفر الناس من المشايخ ...وللأسف من الدين .. نبي مشايخ يواكبون العصر .. مشايخ تعرف إن الفتوى أيام إبن تيمية وكانت صالحة في هذاك العصر يمكن ما تصلح لعصرنا هذا .. المشايخ من المفترض هم اللي يعلمونه الجديد في العلوم والتكنولوجيا والفلك والبطيخ .. مب شيوخ عايشين في معركة الجمل .. هذا والله أعلم ...

بحرين رفاعي –  @bahrainiriffai

بعد غيبة طويلة .. إجازة .. إجازة وضع .. رجع علينا الرفاعي وبقوة ... لإن الغيبة تمخض عنها فيديو شرس عالخونة .. نورت التوتير .. وأحب أقول .. في ناس يحبون رفاعي ..وناس يختلفون معاه .. بس محد يختلف إنه هو من المقاتلين الشرسين وما يجامل ولا يتزحزح عن الدفاع عن البحرين .. عساك عالقوة

محمد التاجر وعشيقته الدبه سكينة –

كلكم شفتوا صور هالمهرج التاجر مع المربية الفاضلة سكينة عبدالكريم .. ويبين إنها من عائلة جدا محافظة .. راحت شاليه رقم 6 وهي لابسه عبايه ومحجبه قبل ما تفصخ اللي هست واللي  ماميش ... ولو كان لها إسم عائلة جان عرفنا حسبها ونسبها بس جنها لقيطة مثل بقية ربعها .. بس الحقيقة أول مرة أجوف ريال يستقبل مره حتى لو كانت من إياهم .. وهو لابس .. سروال ..  مادري شيسمونه ذي .. بس الواضح إنه كان الوقت شتا.. الريال يبي يدفى ..

مادري .. أقوله الله يخسك على ذوقك في النسوان .. ولا أقول لها إهي على ذوقها في الرياييل .. ولا تدرون ...  وافق شن طبقة .. يعني شبيكونون .. الخبيثون للخبيثات ... قرا عليها كلمتين وعطاها الفلاف دنانير (3 دنانير بحرينية) .. يمكن بعد هو ما يعترف بعملتنا ويدفع لها بالدولار ... أو بالتومان .. ما يندره ... المهم .. قرا عليها .. فصارت حلاله .. سمعت إنها متزوجة .. صج هالحجي ..؟؟ زوجها ما عنده مانع تتمتع .. ؟ إنزين ... مممممم.. ديانتهم تسمح ..؟؟؟

المهم لفت نظري زوجته الأصلية ... أم عياله .. طبعا إفتراضا إنهم كلهم منه .. وإحنا ما نشكك أبدا .. بس ... إذا المره مسموح لها تتمتع مثل الريال ... فكل شي جايز ... المهم ... زوجته .. إستشارية أمراض نسا وولادة .. وتخصصها مفيد في حالات ما بعد التمتع ... كتبت توتاية على حسابها في توتير ... قالت فيها ...

"أحبك زوجي الغالي وافتخر كوني زوجة محمد التاجر مهما حاول اعداء الله ورسوله تشويه صورتك ستبقى عظيما يا والد ابنائي" ...

الحين أي صورة اللي شوهناها ..؟؟؟ الصور والفيديو واضح .. وما فيه تشويه .. وأكثر من التشويه اللي سواه حق روحه ما نقدر نشوه ... وما قصر أهو ... بس يالدبه ... يا عديمة الغيرة والشرف .. يا حمارة القايلة ..  إنتي بتسامحي ريلج الزاني وتوقفين معاه إنتي كيفج ... محد له عليج .. بس تقولين عنا "أعداء الله ورسوله" ..!!؟؟  نزل عليج وحي يقول إنه إنتي وريلج أحباب الله ورسوله ..؟؟ من متى الزاني حبيب الله ..؟؟ الشره مب عليج ... الشره على اللي ما يطبق الشرع والحدود ... جان اليوم قاعدين نرجم فيه بالحصى هو والدبه أم حمار اللي وياه ...

وبعدين شقصته الريال ذي .. ليش يحب الدبب ... سكينة ما شالله عليها ... عليها كل فخذ جنه سلندر غاز.. وزوجته عليها كل فخذ جنه سلندر بعد... بس عقب ما يفجرونه ربعكم .. !! إذا بيزني .. وهو حر طبعا يزني مثل ما يبي بس لا يعطينا دروس عن الشرف ... إذا بيزني خله يشوفله على الأقل وحده حلوه ... وحده تفتح النفس شوي .. آيات موجوده ... خخخخخ سوري نسيت .. جنها الياثوم ... أم براطم ويه القرقفانه ..  الثيران مالهم غير البقر ... و يلالالا .. يبيلج يا أم الديفان  جدر نفيش عشان يعطيج الأجواء... ويذكرج بأيام الدوار في خيمة 6 ... وإستانسي على ريلج في الفيديو ..

على فكره... يقولون إن ريل (سكوون) في السجن .. وقامت هي و (وقفت) محامي يدافع عنه ... وهالمحامي طلع .. من غير الأستاذ التاجر ... !!! والأستاذ ما قصر فيها .. (وقف) لها .. و (وقف) معاها .. وصار للجملة (وقفت محامي) معني جديد .. وطبعا .. هو (قام) يترافع عنه ريلها .. وكل شوي يدخل ويطلع من دهاليز المحاكم ويشرب كوفي .. وفتح قضية لسكوون وريلها .. يا ترى جم قضية غير سكوون فتح ؟

عندي بس سؤال أخير في هالموضوع ... ليش الوفاق وربعها وقفوا يدافعون عن الفاجر .. عفوا .. التاجر .. ونسوا البنت ..!!؟؟ ولا كإن الأمر يعنيها .. أو إن هي لاتعنيهم ..!! في النهاية هم يعتبرون النسوان مجرد ... ممممم .. غرض ... ممتلكات مباحة .. شي للرجل يتمتع فيه ويستانس ويريح بعد تعب وجهاد في المحاكم وعلى الفضائيات .. وهي .. بالطقاق ... وأكيد ريلها بيتفهم هو بعد مثل زوجة الفاجر .. ويلا .. حطلك جدر نفيش وطالع الفيديو على زوجتك تتلوط .. وكله جهاد ..

ما عرفت تحتويني –

من جم يوم – طلعت من السرداب ورحت ستاربكس السيتي .. أنا كله أتكلم عنهم .. تقول بيعطوني فلوس عشان أسويلهم دعاية .. أبد ... ولاحتى قهوة ببلاش ... إنزين باراويهم .. مب وقتهم الحين .. الحين خلونا في موضوعنا .. كان في بنتين قاعدات على يميني .. وحده منهم قاعدة تتشكى للثانية عن زوجها .. وما سكتت .. يا لسان قول وأنا أزيد... إففففف .. ما تقول إلا بالعة نشرة أخبارة قناة العالم تتكلم عن البحرين .... رفيجتها ما فتحت بوزها بس تهز في راسها .. وجنها تكتب "نوتس" ...المهم .. بعد حوالي ساعة قالت .. وأنا ترى ما سويت شي .. ولا قلت شي ... هو ما عرف يحتويني ...!! ورفيجتها وافقتها .. إيه حبيبتي .. ما عرف يحتويج ..

المهم .. وبالصدفة السعيدة .. وفي نفس المكان .. واحد وزوجتة شباب حلوين قعدوا .. هي شايلة أكياس كوم ... ومحملته أكياس بعد من مختلف المحلات .. قلت في خاطري ماشاءالله ... زوجين سعيدين الله يهنيهم .. وكأني ضربتهم عين ... صار بينهم نقاش .. وكلمة مني وكلمة مناك .. وذكرت فيها والدته وخواته ووحده إسمها مريوم ... وهو ما قصر بجم كلمة .. المهم قامت عن الطاولة .. خذت 3 خطوات .. وقفت .. لفت راسها يسار .. ويها إعتفس .... وسكتت ثواني قبل لا تنطق ... وبعدين قالت أنا رايحة السيارة .. إنت ماعرفت تحتويني  ...!!

أنا الحقيقة ما عرف شالسالفة.. بس هالجملة ليه قالتها المرة .. أي مره .. تبط جبدي .. شنو يعني ما تعرف تحتويني ..!! ؟ ها ؟ إهي جملة تدين المرة وأفعالها وما تساعدها .. لإنه الله يسلمكم دايما أسمع في نشرات الأخبار ..مثلا .. "هذا ويصل المبعوث الأممي إلى دمشق في محاولة لإحتواء الأزمة" ... وبعدين تسمع عالجزيرة ..." ولم تفلح مساعى كوفي عنان من إحتواء الأزمة"... المعنى ... إن الإحتواء هو لإزمة .. يعني لما المدام تقول ما عرفت تحتويني ... يعني أنا أزمة بمناكير وإكسسوارات وكعب عالي ... وإنت ما عرفت تحتويها مثل كوفي عنان ما عرف ..!! شلون المرة تقول عن روحها أنا أزمة  ..؟؟

هاي من ناحية .. وممكن معناها ... إنت يالثور ما عرفت تفهمني .. إيييييه ... هني مشكلة ثانية ... أول شي - المرة مب مثل أي جهاز .. لما تتزوجها أبوها ما يعطيك (المانيول) مالها... إذا عصبت .. إفتح على صفحة 3514 من كتاب أزمات إبنتي .. صفحة التعصيب .. مافي .. جان محد غلب .. للأسف مافي (مانيول) .. حتى لو في أكيد ماراح يفيد بشي لإنه لازم يتم تحديث المعلومات فيه كل يوم ... !! أي كل يوم ...؟ قول كل ساعة ...

وطبعا .. جملة ما عرفت تحتويني ذي ما تطلع في أول الحجي ...لا ... لها إتيكيت ولها بروتوكول ... في البداية يكون في كلام عن "الأزمة" اللي راح تصير .. وغالبا وفي هالمرحلة الريال للحين ما يدري عنها .. فا يتفاجأ .. كعادته طبعا ... ويكون نوعا ما (كوول) .. وهاي شي ما يعجب المره .. وهني يبتدي الوطيس يحمى .. وتتحول لمعركة .. وتترتفع الأصوات .. العادة من الريال في الأول ... على مبدأ خذوهم بالصوت .. تقوم المره وترفع صوتها لطبقات السوبرانو الأوبرالية .. الريال يقول هاااااا ..؟؟ ويرفع صوته لطبقات ألتو ... وهاي اللي تبيه المره .. فجاءة ... تسكت .. سكووووون ... وتعطيه ظهرها ... وتلف راسها على الناحية اليسار ويصاحبه إرتفاع حاد في طرف الشفة اليمين .. وإرتفاع أكبر من حاد في الحاجب الأيسر .. ويكون الإرتفاع الحاجبي أوضح لو كان الحاجب تاتو .. وبصوت خافت .. يادوب ينسمع ... تقط الجملة ... ما عرفت تحتويني ... الريال الحين يتدوده ... هو سمع الجملة .. بس متدوده وما يعرف شيقول ... فيسأل ... شنو قلتي .. ؟؟ فتبتسم هي بذيج الإبتسامة .. لإنه من يسأل هي تعرف إنها سجلت إنتصار ... وتبتدي إنسحابها إلى المطبخ تجوف لها شي تزلطة محتفلة بإنتصارها .. وهي تمشي بخطوات شبه عسكرية ... وتعيد عليه .. ما عرفت تحتويني ..   إلى الثلاجة در ...

المرة تستخدم هالجملة لما تبي يكون لها الكلمة الأخيرة وفي نفس الوقت تعطي ضربة قاضية .. وبعدها أي كلام ماراح ينفع وياها .. لإنها قالت ..ما عرفت تحتويني ... يعني تمارس عليه إرهاب فكري ولا إرهاب الوفاق ... والمسكين .. يدور في راسه الحين على كلمة يقولها .. وما يحصل  .. خلاص تخسبق ... ما عرفت تحتويني مالها رد ..  قالت لي إني ما عرفت أحتويها .. يعني أنا فشلت ..ممممم .. أنا فاشل .. وتتثبت هالفكرة في راسة .. ويصير يدور على شي يطلعه من هالفشل .. وتحول الموضوع من التركيز على المشكلة الرئيسية... إلى مشكلة ثانية خاصة في الريال .. وهي أصلا ربما مب موجودة فيه ... بس المرة رسخت في راسة الفشل ...

ما عرفت تحتويني ... يعطي المرة حجم أكبر بوايد من حجمها .. بمعنى ... هدك من إن الحياة أخذ وعطى ..و هدك من الحلوة والمرة .. وهدك من المشاركة ... الحين تصير القضية مركزة على المره .. يعني لازم تدللني يا بو صروال .. وتعرف شلون إدلعني .. وأنا أدري إني غلطانة ... بس المفروض إنت ما تقول إني غلطانة ... المفروض إنت (تحتوي) غلطي وتعتذر لي ... إيييه .. والمشكلة بتنتهي ... بس إنت ما عرفت تحتويني ...

وطبعا ... لازم بيمر على الزوجين هذاك الوقت من كل شهر ... المره إيصير فيها تحول .. من حنونة و مثيرة .. وشياكة ومكياج ...  إلى ... كأنك والعياذ بالله تشارك فراشك مع عيسى قاسم .. تف تف تف .. وفي هذوله الأيام بالذات .. المره تتوقع منك إنك تتفهم وتحتويها أكثر من أي وقت ... إيش ما قالت وسوت .. لازم تحتويها .. وهني (تحتويني) بمعنى طنش ولاتعصب .. ترى جسمي كله ماي وبطني يعورني وهرموناتي قاعدة تناقز .. فأحسن لك تلتزم الصمت ... تنثبر وتسكت ... بس يا ويلك إذا سكت .. بتقولك ... لا والله ..؟؟ أجوف إلا ضارب علي بوز .. وما تتكلم ... أكلم الطوفة أنا ..؟؟ الريال يبي يقصر الشر ويقول ... سوري حبيبتي أفكر بمشاكل في الشغل ... طبعا هو لايفكر بالشغل ولاهباب ... بس يحاول يجوف حق روحه عذر يطلع فيه من البيت ويروح يقعد ويا الربع في كوفي شوب ويشيش .. والمره تقوم تقوله ... لا والله ..؟؟ أجوف إلا قمت وتحتجى بعد .. !!!؟؟

معشر الريايل ... جوفوا أبوي ... خذوها من قصيرها ... ترى أبد ما بتنتصرون على المره ... وتعلموا شلون تحتونها .. كل واحد يكون محضرله وسيلة إحتواء .. من كلام معسول .. من عطر .. من قطعة مجوهرات ... من سيارة ... من ورد .. كل حسب مقدرته واللي يعرف إنه بيحتوي زوجته ...الريال خسران المعركة من بدايتها .. لإن الريال ما عنده خطة عسكرية ... بعكس المره .. اللي قاعدة على مدى أيام وربما أشهر تخطط لهالمناسبة اللي تعرف إنها راح تحصل ... وتستفيد من مواقف رفيجاتها ومعاركهن السابقة .. لما وحده تقول لثانية عن مواجهة مع زوجها , الثانية تسجل "نوتس" ... لإنه بتحتاجله أكيد ... الريايل ما يتكلمون في هالأشيا ويا ربعهم... يازعم يسون روحهم أسود جدام بعض ... ويعطون بعض الإنطباع إنه في بيته الكلمة كلمته .. وما عنده ياما أرحميني ..

 يا أخوان .. النسوان عندهم – ما عرفت تحتويني – الحين الدور عليكم تكونوا مستعدين لمواجهة إرهاب هذه الجملة ... وما يتبعها من أثار .. وحدوا صفوفكم .. بلوروا أفكاركم .. منصورين .. والناصر الله ..  أنا بلغت وإنتوا حرين ...

DR. KNOW