{مِنَ
الْمُؤْمِنِينَ رِجَالٌ صَدَقُوا مَا عَاهَدُوا اللَّهَ عَلَيْهِ فَمِنْهُم مَّن قَضَى
نَحْبَهُ وَمِنْهُم مَّن يَنتَظِرُ وَمَا بَدَّلُوا تَبْدِيلاً }
رحم الله صقر
السنة .. وأسكنه فسيح جناته .. وأبدله دارا خيرا من داره ... وأهلا خيرا من أهله
.. ونقه من الذنوب والخطايا كما ينقى الثوب الأبيض من الدنس ... اللهم وسع مدخله
وأكرم نزله ... وأجعل قبره روضة من رياض الجنة ...
إن كان الموت
علينا حق .. فإن بعض الرجال تخلد في قلوبنا ولا تموت .. وتحيا على صفحات التاريخ
.. وهكذا سيعيش نايف .. وهكذا أيضا يموت أشباه الرجال ..
المهرج علي سلمان –
بمناسبة الكلام عن أشباه الرجال ... لو
سألت نفسك شنو أغبى خطاب سياسي سمعناه في البحرين ... ما بتحصل أغبى من خطاب علي
سلمان الأخير في تهريج سار .. من بدايته إلى نهايته غباء وراثي طائفي ... يثبت إن
الشيعة ومشايخهم مجموعة خرفانية متخلفة بعقلية
متحجرة تعفنت في مزابل ديانتهم ... كان الخطاب سلسة من 40 دقيقة من المتناقضات ...
الصراحة .. 40 دقيقة من الكوميديا الشيعية ...
أول ما لفت إنتباهي ... إن هذا المتشيخ
يلقي خطابا بالفصحى .. وغير كل قواعد اللغة العربية .. نصب الفاعل وجر المفعول وكسر
المبتدأ ورفع الخبر ... يعني نسف مبادىء اللغة ... وطبعا ... شنو تتوقعون من فارسي
..!؟؟ ... واحد دارس في تاهران .. أصله فارسي .. من وين له يعرف العربي .. ؟؟
وتتعجبون إنه يبي الخليج يتسمى بالخليج الفارسي ... شنقول بس في حكومتنا اللي جنست
هالأشكال وبلشتنا فيهم ...
ثاني شي لفت إنتباهي ... إن حضرته نسب روحه
وأتباعه إلى النبي (صلى الله عليه وسلم) وآل البيت الكرام وبعض الصحابة .. ما حدد
أي صحابة اللي ينتسب لهم جنابه .. يعني طلعنه إحنا بلوشي ... بس كان كريم ... ما
نسبنا إحنا السنة إلى أبولهب ... أو أسوأ ... إلى يزيد يمقن ...!!
الواضح إن علي سلمان الملقب بنورة .. يحس
إنه راكب في الكرسي الوراني .. وسبقوه على الزعامة أشخاص أمثال الخواجة وبن رجب
ومشيمع وغيرهم .. وهو بيتم نكره في وجود بابا سنفور مسح الله ظله وبط سره ... فحاول
هالقزم إنه يتطاول على العمالقة .. لكن وينه ووين ... نورة .. وطوال الأزمة عايش
في أمان من الإعتقال ومن المسائلة .. بعكس نبول رجب والخواجة .. لاشك إن الشيعة
يقولون ... إنزين ليش ..؟؟ محد قاله إشمعنى إنت لا ..؟؟ وإبتدوا يشكون فيه إنه هو
فعلا عميل للحكومة مثل ما كانت الإشاعات تقول .. وحتى لوما كان .. محد طلع في
مسيرة عشان خاطرة مثل ما سووا للضب الخواجة .. ولا إعتصام مثل ما سووا لنبول ...
يبي يستفز الحكومة يعتقلونه .. أو دخيل الله إستدعاء للنيابة على الأقل .. أو شي
.. بس أبي أحس إني مناضل ... حتى زعاماتهم مصنعة .. مفبركة .. مثل قضيتهم ..
ودينهم ...
قال في خطابه .. وهو مستحي .. المولوتوف ..
انا ضده ... التسقيط .. ماحبه .. وبعدين يرجع ويقول إن الشارع يتحرك بفتوى من
كلمتين .. يعني اللي يقدر يحرك الشارع بكلمتين ... يقدر يوقفه بكلمه ..!! طبعا لو
يبي .. هو ما قالهم لا تسقطون ولاقال لا تحرقون .. بس قال أنا ما حبه .. مثل اللي
يقول حق زوجته ماحب تزنين .. بس ما وقفها .. ما إتخذ إجراء معها .. لا .. بس هو ما
يحب .. ولو إن أخبارها توصله أول بإول .. ويدري مع من ووين وشلون .. بس الريال ما
يحب .. طبعا إفتراضا إن علي سلمان ريال ...
وبمناسبة الكلام عن الفتوى بكلمتين اللي
تخلي كل شيعي يلبس كفن .. عساهم يتكفنون ... قولوا آمين ... يعني الكلام اللي
كانوا يقولونه نبي دولة مدنية طلع كله خرطي ... هو يعترف بعظمة لسانة الزفر ... إن
الشيعة يتحركون بإوامر من المرجع مالهم ... اللي هو بابا سنفور ... بكلمتين ...
وكل واحد يركب له قرون ويقول إمباااع ... خروفج قوديني ... يعني يوم بابا سنفور
قال إسحقووووه .. كانت فتوة تحريض .. يعني أمر منه بالعنف ضد الشرطة ... ونتج عنه
إستشهاد أحمد الظفيري ... هو يقر إن الشيطان تيسي غاشم هو المسؤول عن قتله .. وعن
كل العنف .. يدل على الغباء المذهبي ..
التهديد باللجوء إلى فتوى جهادية ما كان
التهديد الوحيد .. نبهنا حضرته إن عنده قوة تعادل ضعف اللي إستعملوه ... وللحين ما
طلعت .. في إنتظار فتوى .. أو شي ما يندرى شنو ... عن أي قوة يتكلم هالمخنث .. ؟؟؟
شفناهم ... يفصخون نعلهم ويدابجون على شارع خليفة .. وفي الدوار هدوا سياراتهم
وراحوا يراكضون .. حتى الرياييل هدوا عيالهم ونسوانهم وشردوا ... جفناهم يلبسون
عبايات نسوان .. جفناهم ينحاشون ويا الحمام وفي توانكي الماي ... جفناهم يصدرون
النسوان في المسيرات وتنخش الرياييل وراهم .. ما بقى إلا رياييلهم يلبسون صدرية
وشلحه بعد .. يا عيب الشوم على هيك مراجل ... !!
نسيت .. جفنه الريال طول وعرض وشنبات يتوبل
على روحه ... تف على هالشنب اللي يدعي الرجولة ... جفنه ريال يقعد يولول وينتحب
مثل المره اللي مات ولدها بمجرد القبض عليه ... وجفنه الشرطي الريال يحاول يهديه
... تف "عليكن" واحد واحد .. ما فيكم ريال .. تف عليك يا نورة إنت ومرجعيتك
الجبانة اللي تتحامي ورا السفارات الأجنبية و المنظمات العميلة ... طلع اللي عندك
كله يا علي .. خلينا نجوف إذ إنت ريال .. ولاتخلي .. ولاتهدد ... بس طلع .. هاي
الميدان يا حميدان .. بس ربعك أكبر تضحية وجهاد يسوونه صاير على ساحات التوتير
والفيسبوك .. بس هاي اللي يقدرون عليه ... يخافووووون ... جبناء ... عناتر في
التوتير ... وفي الشارع يمشون مثل الفيران المختنه ... تف عليكم من جنس واطي ...
وبعدين الحبيب يطالب بإستفتاء .. ردينا ...
أقولك ... ما نبي .. طز فيك .. الحين إنت تبي تساوي بين صوت الشيعي وصوت السني
..!!؟؟ بأعطيك إياها من الآخر ... إنت وطايفتك فقدتوا حقكم في المواطنة .. صرتوا
مثلكم مثل العامل البنغالي المنتهية إقامته .. بالعكس حتى هالعامل مسكين يبي يترزق
الله وبس .. لايبي يقتل ولاينهب ولايحرق ولاشي ... يبي يكسب فلوسه بتعبه ويعيل
إسرته .. أما إنتوا تبون تبوقون وطن بإكمله ... والإستفتاء المزعوم هو أداة السرقة
...
تخلفون مثل الأرانب والشارع يربي .. وكلمة
توديهم وكلمة تيبهم .. وتبون إبن الشارع يصوت إذا خليفة بن سلمان والنظام بكبره
يقعد أو يمشي .. !!؟؟ عيال شوارع .... يصوتون ..؟؟ إنزين فهمني ... شلون ..؟؟؟ أبي
أفهم شلون الديرة حاويتكم .. علي سلمان يدري إن عنده القوة العددية .. ويدري إنه
يتحكم فيها عن طريق الحاخام بابا سنفور كوهين ... ويعرف إن السنة كسالى ما يصوتون
.. ويعرف إن أي إستفتاء راح يكسب .. وتعرفون شي .. لو خسر علي سلمان الإستفتاء
بيقول مزور ومجنسين وخرابيط .. فعلى الصوبين إحنا خسرانين .. فا أقولك ... مافي إستفتاء .. مش بوزك .. وجذي وهلون
...
محمد التاجر وسكينة
مرة ثانية –
بعض الإخوة ما عجبهم كلامي عن الفاجر
وعشيقته .. يا جماعة .. أنا شذنبي ..؟؟؟ أنا تكلمت عن شي الكل يعرفه والكل شافه
والكل لاعت جبده منه .. ما دخلت في عرضهم ولاطلعت منه .. هم اللي سووا في روحهم ..
وهم اللي جنوا على روحهم ... إسئلوا الشخص اللي ركب الكاميرا في الصالة واللي عارف
إنه الفاجر يسوي شغله هناك .. إسئلوا الفاجر اللي يتكلم عن الشرف وهوما يعرف شنو
الشرف .. هل الشرف إن ينام مع زوجة الريال في الشاليه في الليل ويدافع عنه في
المحاكم في النهار ..!!؟؟
إحنا نتعامل مع ناس تجردوا من كل
الأخلاقيات مب بس ملابسهم .. فصخوا أخلاقياتهم وتركوها على أرض الشاليه مع الهافات
والصداري .. عرفنا منهم إن اللي تلبس العباية والشيله مب بالضرورة مرة شريفة ...
وعرفنا إن الشخص المحترم في عيون الناس ممكن يمارس أشياء غير محترمة في غياب الناس
... عرفنا إن المرة اللي تبيع شرف زوجها ممكن وبكل سهولة تبيع وطن بإكمله ... كنا
نعتقد إن بس جزء بسيط منهم اللي باعوا شرفهم .. ما كنا ندري إن عوام نسوانهم للبيع
... أو للإيجار .. أو حق الإنتفاع ...
مشكلتنا مع مجموعة ما يهمها إلا مصالحها
الخاصة ... سواء كانت مادية أو معنوية أو جسمانية .. تاجروا بقضية إختلقوها ..
وباعوها على الغلابه البسطاء .. ورقصوا على جراحهم وزينوا لهم السما بنجوم الحرية
المفقودة وخلوهم ينامون في الشوارع وهم ناموا مع نسوانهم .. بإسم المتعة إستباحوا
المحرمات .. وبإسم الديموقراطية إستباحوا الوطن ... بإسم العدالة إستباحوا حرمة
البحرين على الفضائيات ..
إحنا قضيتنا مع مجموعة فاجرة .. مالها مبدأ
ولاأخلاق والدين عندهم (أستيك منه وفيه) .. يعني يتمدد ... عادي .. المهم .. يكون
عندهم فلل مريحة وسيارات فخمة وشاليهات للعربدة وفلوس تارسة حساباتهم .. والأهم ..
يبون الزعامة .. وإستعباد للناس ويسخرونهم خرفان لهم ... سادية ونرجسية على الأخر
.. ويطلعون عقدهم على بعضهم البعض .. ويتنافسون من بينهم على تجميع الغنايم ..
ويمكن سووهم غنم .. و حتى الغنم لها قيمة ... أما الناس فمالهم قيمة .. مثلهم مثل
فيش على طاولة القمار ... يقطونهم ويراهنون فيهم ..ولايفكرون ... في غيرهم إذا
خسروا ...
قضيتنا مع ناس ما تستحي ولاتعرف الحيا ..
لو تستحي سكينة جان إنتحرت من العار ... أوعلى الأقل شردت من الديرة ... لو
هالفيديو لوحدة أردنية أو من الصعيد جان ما طلع عليها النهار .. لو أهلها مب
موجودين .. لأهل القرية هم اللي شرحوها وقطعوها وغسلوا عارها بدمها .. ولكن ما
يعرفون العار .. لو يعرفون العار والعيب ما طلعوا على الفضائيات يسبون البحرين و
قادتها وشرفائها .. تجنسوا وأكلوا من خير البلد وتعلموا وطعنوا في الظهر .. هذي هي
الخسة .. ويمكن أنا شخصيا أتسامح في مسألة الزنى على أساس إن حسابهم عند الله ..
ومن أكون عشان أحاسبهم .. ولكن اللي خان البحرين .. حسابه معاي .. واليوم ..
إهداء –
في سخيفة الوسخ أهدت إحدى الطالبات
المتفوقات نجاحها .. ليس لوالديها .. ولا للحكومة اللي صرفت عليها وعلمتها بالمجان
.. لا .. لنبيل رجب والخواجة ..! ومتأكد إنها راح تروح تطلب بعثة .. مب من نبيل
رجب ولامن الضب .. من الحكومة !!
سهيل القصيبي –
من وين طلع الحبيب ذي ..؟؟؟ لو بقى ساكت
وبقى بس يكتب جم توتاية جان أحسن له وأبرك لنا .. الأخو يبي يسوي مصالحة إجتماعية
.. ناقصينك ..؟؟ بين من ومن .. ؟؟ وليش ..؟؟ أي واحد يطالب بهالشي ما يعرف شنو
اللي صار على مدى سنة ونص تقريبا .. الظاهر اليوجا مططت تفكيره سنتيمتر أزيد من المطلوب ..
يلا يالحبيب .. سوي مصالحة إجتماعية ...
زهراء .. صالحها .. وصالح الظفيري ... والمعمري والسردي .. وضروري الشرطي اللي
إنداست عليه تايرات السيارة .. يتصالح .. ومدام إحنا في مصالحة إجتماعية .. خلينا
نصالح الباكستانيين اللي ماتوا غدرا ... هم جزء من المجتمع .. معاهم إقامات ... بس
ماتوا .. ولا تنسى عرفان الله يرحم والديك .. صالحه يا خوي تكفى .. بس كلمه بلغة
الإشارة .. لسانه مقطوع ..
عن أي مصالحة تتكلم يا سهيل .. ؟؟ شنو
المصالحة الإجتماعية ..؟؟ رمضان ياي .. شرايك نطرش ثريد على الدراز وبني جمرة ..؟؟
ولا نطرش أهلنا خلي العكري يسويلهم عملية ما يحتاجونها ..؟؟ فهمني شنو المصالحة يا
سهيل فهمني بطيت جبدي ... تبي حوار مدني ..؟؟ من صجك ..؟؟ أصلا أهم يقولون ما
عندنا مشكلة مع السنة .. مشكلتنا مع الحكومة وبس .. فليش نتصالح مع ناس مب زعلانين
معانا ..!!؟؟ مادري والله ..
إحنا ما عندنا مشكلة وياهم .. بس يوقفون
التحرق وقطع الشوارع والإرهاب المنظم وغير المنظم ويوقفون الكذب ليل نهار عن
البحرين .. ما عندنا مشكلة ... أما بالنسبة للحوار المدني ما أظن له داعي ياخوي ..
لهم دينهم ولنا ديننا ... هم موجودين في البحرين ... لهم أشغالهم ولنا أشغالنا ..
لهم ربعهم ولنا ربعنا .. مافي رابط بينا .. كل الجسور اللي كانت موجودة بينا حطوا
عليها تايرات وحرقوها ..
يمكن إنت قصدك تبينه نوقف مقاطعة لمحلاتهم
... هاي اللي تبيه ..؟؟ إنزين أقولك ... مهما صار ومهما تصالحت الأطراف ... إحنا
ناس مالنا شغل .. لا بنروح جواد ولا بنشتري من الحواج .. إنتهينا من هالموضوع ..
ومافي قوة على الأرض تجبرني إني أشتري منهم ... مابي يا أخي ..عندك مشكلة ...؟؟؟
المشكلة عندكم إنتوا التجار .. عندكم إن اللغة اللي تفهمونها هي لغة الدينار
والمصالح وبس .. ما عندكم إعتبارات ثانية ..مستعدين تسامحون وتنسون وتبيعون
وتشترون .... الشعب لا .. إنتوا أثبتوا إنكم منفصلين عن الشعب وأوجاعه .. والحين
تبي مصالحة .. !!
ياريت يا أخ سهيل تسلي روحك وتقرا التويتات
من الخونة ... ليكون بتزعل أسميهم خونه ... لاتزعل واللي يسلمك .. إيه .. إقرا
توتيتاهم من تم إعلان وفاة الأمير نايف .. إذا إنت مرتاح من الكلام اللي إنكتب ...
فخير وبركة .. إمشي في المصالحة ... بس بنكون عارفين إنك منهم وفيهم .. وإذا ما
كنت مرتاح من اللي إنكتب .. فهدك من سالفة المصالحة عسى الله يهديك ... وإحترم
تفكيرنا وذكائنا ولاتحاول تبرر الكلام اللي كتبوه ولاتقول هاي فئة صغيرة .. لا ..
هاي تفكيرهم ..
طولت في الحجي .. بس ملاحظة صغيرونه ...
جفت يا سهيل إنه اللي بارك جمعيتك مادري شنو تسميها هم إثنين ... ولي العهد وعلي
سلمان .. وبس .. لا السنة تبي ... ولا الشيعة تبي .. فاشرايك إنتوا الثلاثة قعدوا
مع بعض وطلبوا من ترن ترن وتصالحوا .. وما نبي نعرف ...
سؤال أخير أخوي – إنت صج زرت الدوار ويا نسيبك
..؟؟ مممممم ... وجم مرة ...؟؟؟
مصر والعسكر
والحرامية –
إنتكاسة كبيرة لثورة مصر .. العسكر قرروا
الإنتخابات ... قبل ما يتم التصويت .. وأمريكا قررت .. وإسرائيل قررت ... لو الشعب
المصري بإكمله يصوت لمرسي .. شفيق راح يفوز بالرئاسة .. وبنسبة 99.9% ... يمكن حتى
صوت مرسي بيروح لشفيق أفندي .. لا وبيعطونه برلمان جديد ما فيه أغلبية إسلامية ..
بيرتبونها .. إيه ... وأوامر جديدة بالقيض على الناس .. يعني العسكر يعرفون إن في
الأسبوع الياي مصر راح يرجع لها العنف .. وأكبر من العام ... والله يستر .. لإني
اجوف حمامات دم .. إذا صار تزوير .. وبيصير ..
هاي الربيع العربي وبلاويه ... للحين الناس
في ليبيا تموت ... ومافي أمان ... تونس ... الي تعيش على السواح ... فاضية منهم
... وحظر تجوال ... اليمن ... بالأسلحة الثقيلة و الطيارات ... سوريا ... القتلى
بالآلاف كل أسبوع ... للأسف بعض الناس تترحم على أيام مبارك وبن علي .. وحتى في
ليبيا ... يترحمون على القذافي .. على الأقل كان مسليهم بنكات دمها خفيف .. الحين
شنو عندهم ..!!؟ دمار .. وخراب ... وفوضى ... وأخرتها ... يفرضون عليهم رئيس ولا
ديموقراطية ولا هباب .. وطز فيكم يا عرب ...
أحكام القضاء
البحريني –
شاقول .. هزيلة .. مخجلة .. تبط الجبد ...
مقززة ... منفرة .. محبطة .. وما فيها أدنى عدالة .. القضاء البحريني أثبت إنه ...
إففففففف ... ما أبي أقول ... الكلمة اللي باقولها يحاسب عليها القانون ... طبعا
لو في قانون ... هو في قانون .. بس ما يطبق على طائفة معينة ... الأحكام تنزل
عليهم بردا وسلاما ... اللي كان عليهم أحكام ب 15 سنة .. صارت بقدرة قادر .. أيام
معدودة ... إبشر يا مشيمع .. أجوف الإفراج جريب .. والجماعة اللي عليهم إعدام ..
بياخذون أشهر ...
ولكن إذا حظك العاثر جعلك من الطائفة – ما بي
أقول أي وحدة بس هي تمثل الأمة الإسلامية
- وسويت جنحة صغيرونه هالقد ... راحت عليك .. هم لما يروحون المحكمة يروحون
بجيش صغير من المحامين .. حتى لو الجرم صغير .. ومئات المداخلات والمرافعات ..
خلوا المحاكم أشبه بالسيرك .. والمحاكم صارت أحكامها سياسية .. وتتأثر بالضغوط
الخارجية ... وين أيام زمان لما كان القانون يطبق ... راحوا الطيبين ... صج كانوا
يحصلون إعفاء .. بس على الأقل المحكمة سوت دورها .. الحين ... حتى ما نوصل لمرحلة
الإعفاءات...
جوفوا .. أنا ماخذ موقف من القضاء البحريني
.. وقررت أقاطع المحاكم ... وكلمت كل المحامين مالوتي يسحبون كل القضايا ...
وإعتمدت ستاربكس في السيتي محكمة إبتدائية رسمية .. على الأقل تاخذ فرابتشينو تبرد
على قلبك وإنت تستمع للحكم .. اللي بيكون سريع .. ومافي تأجيل ... وأي واحد يحب
يرفع علي قضية يرفعها هناك .. رسوم القضية ما تتعدى دينارين أو 3 ... يعني أرخص من
الحكومة ... شتبون بعد ... !!؟
عشان نكون منصفين .. من حوالي 4 شهور
النيابة سحبت كل الإعترافات .. وسحبت كل الأدلة .. وسحبت كل القضايا اللي دخلت في
تصنيف الرأي وخرابيط بسيوني .. وأكبر جريمة بقت عليهم إنهم ما مسحوا الأرضية خلال فترة
الإحتلال الشيعي للسلمانية ... شبيسوي القاضي غير اللي سواه ... فالقرار قرار
سياسي .. وإحنا عارفين ...
مشكلة الحكم القضائي السياسي .. ومثل ما
جفنه من الكادر الطبي الإرهابي .. أخذوا يتبجحون بالبراءة .. وبإنهم إنظلموا ..
ويطالبون برد إعتبار وتعويضات ويفضحون النظام في المؤتمرات الصحافية .. بكل وقاحة
وقلة أدب .. وهم مجرمون ... يمكن القاضي طبق القانون ولكنه أهمل العدالة ... على
أية حال ... إحنا حاكمناهم ... وأحكامنا تعلنهم مجرمين ..
إلى الإخوة والأخوات مبطوطي الجبود ...
حافظوا على جبودكم .. في أحكام جديدة .. بتبط راسكم ... وكل حكم وإنتوا بخير .. يحيا
العدل.. وهلون..
الفرق بينا وبينهم –
هني أتكلم عن الفرق بين الرياييل والنسوان
.. طبعا بتقول إن الفروقات وايد .. أها .. وايد .. بس تلاحظون شلون البنت دايما
إطلع في روحها عيوب ..!؟ مثلا .. أفففف .. متينه .. إففف شعري زيتي ... خدودي
ناشفه .. أظافري .. خصري .. طويلة .. قصيرة .. حتى إطلع في روحها عيب مب فيها ...
ملابسي مب عدله .. الجوتي موضة أولة العام .. الساعة مادري شفيها ... وأهم شي كل
النسوان يتفقون عليه إن مؤخراتهم كلها عودة .. كإنه في ستاندرد سايز لها .. وهم
كلهم طافوا الحجم .. مافي مرة مؤخرتها تعجبها ...
المرة تدخل غرفة قياس ملابس في محل .. بدل
ما تجوف شلون الفستان عليها وقصته .. تستغل فرصة وجود منظرة من السقف للأرض وتقعد
إتجيك أجزاء جسمها .. من شعرها ... لإصابع ريلوها .. فرصة ... منظرة شكبرها .. وهي بروحها ..وهي
متأكدة إنها بروحها .. بس بعد تتلفت لمزيد من التأكد إنها بروحها في حجرة متر في
متر .. أوكي أنا بروحي .. وطبعا لازم تسوي
نص فره وإطالع المؤخرة في المنظرة ... هاي ضروري.. بل بل مريمو .. وايد كبرانه ..
يبيلها دايت من الزين ...
مافي يوم يمر على المرة من غير ما تقول ...
أه يا عمري .. متنانة واييييد ... وييييه ... بانتحر اليوم خلاص .. وتتصل على
رفيجتها .. أمووون بانتحر ... متنانه .. أمون طبعا بتوقف معاها وتواسيها .. حبيبتي
لاقيني حالا في (ليلو) ونتكلم في الموضوع ... وتطلب صحن سلطة في ورقتين خس ونص
طماطماية .. بس ما يمنع بعدها تغسل السلطة بقطعتين كيك .. بس فكرة الإنتحار تتلاشى
تدريجيا ..
قمة الدراما عند النسوان ... لما تكون
معزومة على عرس ... الإستعداد يبتدي من قبل أسبوع .. ويكون عندها خزانة
ماشاءالله تفتح فيها 4 بوتيكات .. وكل
النسوان يتفقون على جملة وحدة ... ما عندي شي ألبسه ... إفففف ... شاسوي ياربي ...
تنتظر تدخل إلهي .. طبعا لازم تجرب كل اللي في الخزانة ... والغريب في النسوان ...
عندهم ذاكرة في المخ مخصصة للفساتين .. فاتعرف هالفستان متى لبسته ولعرس من ومن
جافه ومن علقت عليه ... وطبعا دام إن الفستان اللي بذيج الحسبة إنلبس مرة خلاص ...
ينحال عالتقاعد المبكر .. ما يصير ينلبس مرتين ... بعدين تصير كارثة ... وإذا
البنت لبست هالفستان لسبب خارج عن إرادتها .. تجوفها قاعدة وتبي تخش روحها وكأنها
تقول يا أرض إبلعيني ...
طبعا .. وبدون أدنى شك ... الزيارة للصالون
واجبه .. تسريحة ضرورية .. ومكياج .. ومناكير وبديكير .. وممكن واكس بعد .. يعني
حوالي الساعتين .. بس هالوقت ما يروح هدر ... يكون البي بي والأيفون شغالين مع
صديقات معزومات على العرس .. ويتم تبادل معلومات عن أدق تفاصيل الملابس المقترحة
.. ونقاط الإلتقاء ومن بتروح مع من ... يعني خطة عسكرية متكاملة .. في نهاية المطاف وبعد ما تتأخر ساعة عن
العرس ... تكون حصلت نفنوف تحشر نفسها فيه .. بس تحاول إنها ما تاخذ نفس عميق ..
في إنتظار العروس .. تتسلى النسوان اللي على طاولة وحده بتجييك ملابس الحريم
الثانيين .. وتحديد إذا كانت المجوهرات زركون ولا ألماس ... من الصفات العجيبة
للمرة إنها تقدر تحدد بالضبط كم قيراط لابسه فلانه من على مسافة 30 متر ... عادة اللي
قاعدات على الطاولة يعرفون بعضهم .. بس حتى لو ما كانوا على معرفه مسبقه .. ومن
غير مقدمات .. وحده تقول .. مادري شسمج بس جوفي فلانه شلابسه .. والثانية تقول ...
إيه والله صدقتي توني باقول .. ومنها يصيرون أعز الأحباب ويتبادلون البي بي بن...
لما تتكرم عليهم العروس وتدش .. هني كل
الملاحظات الملابسية تتوقف عن المعازيم .. وتتوجه كلها على العروس ... ويفصصونها
.. شقد الصدر عريان .. وطول .. ولون الفستان .. ومحاولات معرفة مصمم الفستان ما
تنتهي ... وطبعا سعره ... وبيستمرون على هالحال لمدة لاتقل عن أسبوع بعد العرس ...
غالبا العروس تكون سربت سعره إلى صديقة .. وهاي كفاية إن جميع المدعوات بيعرفونه
عن طريق نقل من فم إلى أذن .. وتحصل إن سعر الفستان يبتدي بعشرة ألآلاف دينار .. بس لما يوصل الخبر للي
قاعدات في الطاولات الخلفية السعر يكون وصل المئة ألف بالراحة...
الريال .. ما عنده هالمشكلة ... تجوف الدبه
متر جدامة .. حتى ما يقدر يجوف أصابع ريوله .. ونص راسه من غير شعر .. ورقبته
صايره داخل القفص الصدري .. وريوله معكوفة...بس تجوفه يوقف جدام المنظرة .. يقول أيه علي ... والله أنا حلو ... مذوبهم ... كيدهم ... يييياه ييياه
.. شهالحلاة .. عيني علي باردة ... يلف يبي يجوف مؤخرته في المنظرة .. المحاولة
تكون فاشلة .. لإن مهما لف ما راح يوصل للنقطة المطلوبة إنه ياخذ نظرة جيدة عليها
.. لإن الدبة تعيق الإلتفات حوالين محور الدوران .. فا يكتفي ويقول ... ليش أطالع ... كل شي حلو .. ومنسق ... فديتني ...
ومادام كل شي تمام وعال العال ... ما يحتاي
لريجيم وبلاوي الريجيم .. في الأعراس تكون عنده فرصة عشان يقوم بمسابقة أولومبية ويا ربعه
.. منو اللي عنده لياقة أكبر في الأكل .... وكثر من اللحوم والعيوش ... السلطة ما يلتفت لها .. تاخذ
مكان في المعدة مخصص للحوم .. إذا كان
بوفيه .. الريال ياخذ أكبر صحن يحصله .. ويتلتله .. يسوي هرم خوفو مصغر في صحن ..
ويخلط كل شي على بعض .. وما عنده مشكله في الموضوع .. لإن كل شي أصلا بيصب في
المعدة ... وبيختلط ..
إستعداد الريال للذهاب للعرس يبتدي قبل
الموعد بحوالي 20 دقيقة ... الثوب اللي كان لابسه الصبح في الشغل يؤدي الغرض .. بس
يشمه يتأكد من خلوه من روايح العرق وما شابه .. إذا فيه.. أبدا مب معضلة ... بس يمر على مبخرة العود وهو طالع .. الريال يوفر عامل الوقت ... أبدا مب محتاج يضيع وقت يمشط شعره لإنه الغترة إخترعوها عشان ما بتبين إذا إمشط أولا ... ودايما يكون على الموعد... في العرس .. الريال
أبدا ما يطالع فلان شلابس .. أعتقد إن لو واحد راح مفصخ أكثر من نص الموجودين ما
راح يلاحظون .... وجذي وهلون ...
DR. KNOW
السلام عليكم ورحمة الله وبركاته
ردحذفيعطيك ألف عافية على كل اللي فضفضته، أنت ترتاح من اللي يقرقر داخل النفس ، واحنا بعد نرتاح شوي في من يتكلم عنا ويعبر عما في داخلنا من هموم ، لا ندري متى بتصير أحلام في خبر كان.
شوي شوي على المرأة ترى اللي صاير صج ، بس مسكينة إذا ما سوت هلون الرجل بيدور على الأجمل والرشيقة والانيقة ،بس مع الاسف مايشوف نفسه.
بانتظار المزيد ....