اليوم الرسالة عن الغباء ..
محمد العثمان –
تتذكرون هالحبيب اللي كان كاتب صحفي ..
وكان عضو في التجمع .. و في اللجنة المركزية بعد ... وفي ليلة .. لم هدومه .. وأخذ
طيارة وعلى لندن .. شرد يا زعم .. وهو طالع من المطار طول بعرض و ماعليه شي .. بس
حب يسوي من روحه بطل .. مثل ما سوى البوفلاسة والتميمي .. بس مب عندنا .. بطل مع
الروافض .. مع علي سلمان وعصاباته ..
الأخو منزل مقال .. نزل عند عبد الدولار
عطوني .. المعروف بعبدالباري عطوان .. وأعطانا سرد تاريخي بمعلومات أما مغلوطة أو
ناقصة .. وطلع إن حكومة البحرين من بداية العشرينات إلى يومك حكومة ظالمة ..
وجائرة .. وقمعية من الطراز الأول .. يعني نفس كلام الوفاق .. والأخو تكلم عن
الإصلاح .. كإن التجمع وهو صحوا اليوم على كلمة إصلاح .. وأخذوا المعنى الوفاقي
للإصلاح ..
بس هو قال في مقاله .. خلي الشيعة يعطون
السنة "طمأنينة" وبعدين مافي مشكلة .. يعني الأخو يقول لهم خذوا الحكم
بس .. أوعدونا إنكم بتكونوا زينين ويانا .. لا تذبحونا .. يلا .. عطونا وعد ..
وطبعا علي سلمان بيعطيك بدل الوعد ألف .. بس أعطينا الحكم .. صج إنك غبي ..
والأغبى منه التجمع بقيادة هاشم والحويحي و
الشيخ المحمود .. اللي طلعوا التقرير السياسي الغبي .. وباعوا أهل الفاتح في سوق
المقاصيص قبل لا ينحرق .. وتبنوا وثيقة المنامة و سموها مشروعهم السياسي .. غباء
..
جوفوا .. البحرين بلد سني .. بحكومة سنية
.. فيها طائفة شيعية .. وفيها مقيمين من الكل الجنسيات .. والملل .. والكل له حقوق
وعليه واجبات ... واللي مب عاجبه نظامنا السياسي .. يلحق العثمان لندن ..
25 فشيلة –
الوفاق حطت كل ثقلها ... وضد الحكومة ...
وضد الإرادة الشعبية .. وقررت غصبا عن الكل بتطلع بخمسة وعشرين مسيرة في نفس الوقت
.. يعني بيشلون البحرين ويبينون قوتهم ..وفي أول يوم رمضان ... مسيرات مليونية ..
ساعة الفطور .. طبعا هم فُطّر .. ورد الله كيدهم في نحورهم .. فشلوا .. أغلب المناطق
ما طلعوا خير شر .. وبعض المناطق طلع منهم أفراد ينعدون على اليد .. حتى قادة
الوفاق ما طلعوا .. وأعتقد لسببين رئيسين
:
الأول .. الوفاق خسرت كل تأثيرها على
الشارع الشيعي .. أيام اللي علي سلمان
يقول طلعوا .. ربعه يبتدون يناقزون .. هالأيام إنتهت .. الإخفاقات المتكررة
والغباء في إدارة الأزمة سبب للوفاق أزمة مع شارعها ..
الثاني .. إن الشارع الشيعي مل .. نعم ملوا من التحرق ومن
المولوتوف .. ومن سد الشوارع .. ملوا .. وأخرتها ..!!؟ أعتقد إن الشيعة وصلوا
لقناعة إن عذاباتهم مصدرها الوفاق وليس الحكومة .. والشارع يتسائل .. صبرنا وضحينا
وطالبنا .. وشنو حصلنا .. !!؟ الشيعي يعرف إنه وضعه المادي والإجتماعي صار أسوء بكثير
عن قبل فبراير 2011 .. ويبي يحاسب الوفاق .. بس ما يقدر .. للحين في خوف من
المرجعية .. وهذي بحد ذاته غباء ..
الوفاق كشفت نفسها .. صارت ما تقدر تهددنا
بالمسيرات .. وصارت الحكومة تقدر تاخذ موقف يتماشى مع المطالب الشعبية من مواطنين
ومقيمين وشيعة بوقف مهازل المسيرات اليومية ... وتعطيل أمور الناس .. إتضحت الصورة
والوفاق طلعت أوهن من بيت العنكبوت ... في أسبوع واحد 35 مسيرة فاشلة .. بس عاد ..
عنبوكم .. إستحوا عاد .. ولا تقولون مسيرة مرة ثانية .. ترى بازعل منكم .. فضحتونا
بين الثوار وطلعتوا ... مممممم ... ممممم.... برانثات غبية ..
التجربة الإيرلندية –
ولد الجمري منصورو ما غيره .. صارله فترة
ما كتب .. ما يندرى هو مريض ولا ماخذ إجازة ومسافر أوروبا .. ولاقاعد يحضر لجائزة
عالمية يستلمها .. مادري عنه ولا أبي أدري ... بس قبل غيبته .. كان يطالب بتطبيق
التجربة الإيرلندية على الوضع في البحرين .. على إعتبار إن الأزمة طائفية مثل ما
كانت في إيرلندا .. بس طبعا هو ما يعترف إنها طائفية بتاتا .. وإذا كانت طائفية
فهذي لإن الحكومة (طائفانت) الأزمة .. يعني هي أزمة طائفية مفتعلة ..
على أي .. الدكتور يجوف إن الخروج من
الأزمة هو بتطبيق التجربة الإيرلندية وتقاسم السلطات بين السنة والشيعة .. إلى
أخره .. بس .. اللي ما يقولك إياه الدكتور .. روح جوف إيرلندا اليوم شصار فيها بعد
التجربة مالتهم .. فقر .. غلاء فاحش .. فساد حكومي .. جريمة منتشرة .. إنعدام
الأمن والأمان بسبب المجرمين .. ضرايب فاحشة .. ديموقراطية مزيفة .. محاصصة طائفية
.. ما يذكرك بمكان ثاني ... ممممممممممممم .. ممكن العراق .. !!!
روح يا دكتور وإخذ المرتجفة معاك وقعدوا
أسبوع .. وعيش التجربة كأنك إيرلندي .. وإقعد مع الإيرلندين في البارات .. المكان
المحبب لهم .. وإذا بعد الأسبوع بعدك مصر
على التجربة الإيرلندية تعال وقولنا عنها .. بس أنا باقولك .. ما راح تعجبك .. وإذا
إنت صادق مع نفسك .. بتعترف بفشل هالتجربة .. مثل ما الإيرلنديين يلعنون الساعة
اللي تمت فيها .. هاي اللي تبيه للبحرين
..!!؟؟
والله
إحنا في خير ونعمة .. بس إنتوا مب مقدرين ... لا ضرايب عندنا .. والتعليم والصحة
مجاني ومساعدات تسوي بيزنس .. ومشاريع إسكانية .. صج إنها تتأخر بس ناس وايد كل
سنة يستفيدون .. الأكل والدواء موجود ومتوفر .. شنعد .. والحين تبينا نصير مثل
الإيرلنديين ... إذا وايد عاجبك حالهم .. أقول روح هناك .. وعيش هناك .. وخلنا
نجوف ليه مرضت لاتقولهم ودوني المستشفى العسكري ... اللي في الرفاع .. اللي
يعالجني ببلاش !!!
إيه صج .. بمناسبة الكلام عن العسكري ..
أهني أسرة سخيفة الوسخ بنجاح عملية القلب المفتوح المجانية لمنصور .. وأحب أعتذر
للجمري .. أنا كنت أقول إنك ما عندك قلب .. بس تبين إني كنت غلطان وطلع عندك قلب
إكتشفوه الإطباء .. الأخبار من العسكري إن العملية إستغرقت 10 ساعات .. منها ساعتين
للعملية .. و8 ساعات والأطباء يحاولون يدورون على قلبه .. بس في الأخير حصلوه .. وطلع
مليان حقد .. وأسود .. ومسدود .. على الله يكونوا نظفوه الحين ..
سجون 7 نجوم –
سخيفة الوسخ ما غيرها .. شنت حملة ضد
الحكومة طبعا .. كل يوم عندها حملة .. كل يوم عندهم حملة لإرجاع المفصولين ..
وحملة لإرجاع الكادر الطبي الخائن .. وكإن ما في طب في البلد من غيرهم .. والناس
بتموت في الشوارع وقاعات الإنتظار في السلمانية .. وبعدين حملة على البنات الثلاث
اللي يدرسون طب في السعودية وعليهم منع سفر لإنهم خونة ... ومابي أعدد باقي
الحملات .. ما بننتهي ..
الحين عندهم حملة على السجن .. عدة مواضيع
وعدة كتاب كتبوا في نفس اليوم .. يوم الأثنين عن هالموضوع .. الحمار السياسي الغبي
زاني إبن القردان يتهكم على سجن جو ويعطينا سرد تاريخي عنه و بتهكم يقول إنه سجن 7
نجوم .. كله علشان 4 أجهزة تكييف إختربوا .. الصراحة ما عندي معلومات عن المكيفات
الأربع .. بس إنه الحكومة ما تبي تصلحهم بس عشان تعبهم أعتقد إنه في تجني عالحكومة
.. والحكومة إذا بتعذب ما راح تغلب ..
ولك تسأل من المسجانين ..؟؟ هذيله الله يسلمكم
إرهابيين .. أما محكوم عليهم أو في مراحل مختلفة من التقاضي .. اللي قطعوا لسان
المؤذن والمتهمين بالشروع بقتل شرطي والمتهمين بخطف شرطة .. يعني مجرمين تجردوا من
كل المعاني البحرينية .. ولو الإتهامات ذي عليهم في إيران جان من زمان جفتهم
معلقين من كرين ..
بعدين سووا لقاء مع أهالي الإرهابيين المساجين
.. يتشكون من إن الخدمات الصحية (مش ولا بد) .. خفوا علينا يا منظمة الصحة
العالمية يا أطباء بلا حدود .. أنا أعرف يقينا إن المساجين يحصلون رعاية صحية أحسن
أغلب سكان البحرين .. واللي ماله علاج في السجن ياخذونة السلمانية .. بس الحين
العسكري .. وياخذون كامل الفحصوات والأدوية .. واللي محتاج يرقدونه هناك .. ولكم
في الضب الخواجة ومشيمع دليلين ..
الجماعة ما ذاقوا السجون في بلدان ثانية ..
ما نبي نقول سجون عربية .. لا .. سجون أمريكا .. وليتكم تجوفوها .. جوانتانيمو ..
قول هاي سجن عسكري .. ذقوا سجن مثل سجن جوليت في شيكاغو .. ولا سنغ سنغ في
نيويورك .. وحزتها بتقولون نبي إجازة في منتجع سجن جو ... لإنه فعلا بالمقارنة مع
سجون ثانية .. 7 نجوم .. الحكومة مدلعتكم يالإرهابيين ..
سخيفة الوسخ –
في مقال نزل يوم الأثنين لواحد يعرف نفسه
بكاتب بحريني وإسمه محمد عبدالله .. ويتكلم فيه عن سوريا .. وهو ينتقد نظام الأسد
بس مب هاي المهم .. قريت التعليقات اللي على المقال .. وشي يبين مدى الغباء والجهل
والطائفية عند المعلقين الروافض .. واحد منهم كتب .. الله ينصر بشار على الجيش
العميل .. وواحد يقول إستمع لتحليل الصادق الأمين حسن نصر اللات .. وواحد يتهم دول
عربية والصهيونية .. وواحد يقول ما يبون الأسد لإن له مواقفه وفزعاته مع المضطهدين
.. يعني شي قمة في الطائفية الغبية .. وين كان دفاعهم عن صدام ..!!؟؟ صدام كان
يأوي كل المضطهدين لا .. وكان ضد الأنظمة "الرجعية " .. شمعنى الأسد إيه
وصدام لا ..!!؟؟
إعتذار العراق –
ناس وايد تفاجئت من (إعتذار) حكومة العراق
عن إستقبال اللآجئين السوريين .. أنا مب من هالناس .. بلد متغلغل من إيران وهي
اللي تحكمه .. بلد مقتدى الزفت صاحب المليشيا المسلحة اللي قاعدة تذبح في السوريين
في دمشق ودرعا وغيرهم .. يعني شنو الواحد بيتوقع غير جذي ... !!؟؟
لا تستغربوا من بلد يحكمه المجوس والصفويون
إنهم يخذلوا إخوانكم .. الود ودهم يذبحوهم على الحدود .. ومب بس العراق وحتى لبنان
بعد .. لإنه طايح تحت سيطرة حزب اللات .. ويمنعون عن السنة الدواء والطعام .. وما
نسينا إن أحد مشايخهم حلل قتل اللاجئين .. وكتبت عنه من قبل وحطيت الفتوى
الشيطانية مالته .. أبد ما نسينا .. بس الدنيا دين وسداد .. كما تدين تدان .. أيام
حرب حزب اللات نزح ألالآف اللبنانيين إلى سوريا .. وإستقبلتهم العائلات السورية مب
الحكومة الأسدية .. ونفس الشي صار مع أكثر من مليون ونص لاجىء عراقي .. هاهم يردون
لكم الجميل يا أهل سوريا ..
اليوم
المالكي تذكر إنه في يوم ما كان لاجىء في سوريا يبيع الخواتم على نواصي الطرق .. اليوم
(سمح) بإستقبال السوريين .. مشكور يابا .. المالكي غبي .. وإلى زوال ..
طيران الخليج –
فتاوى رمضانية غبية –
دخل علينا الشهر الفضيل .. فمعناته مسلسلات
على مدار الساعة .. وبرامج مسابقات سخيفة ... وبرامج طبخ وكأن التاس في مجاعة مب
صيام .. ولكن خلوا عنكم كل ذيله الحين .. نتكلم عن ظاهرة خاصة برمضان .. لا مب
الخيم الرمضانية .. هاي موضوع ثاني ... الفتاوى .. كل سنة لازم نفس الأسئلة تنعاد
.. ونفس اللي سئلوا العام هم اللي يسألون السنة .. مادري شفيهم ..هل نسوا الإجابة
مثلا ..؟؟ ولا يمكن هالسنة الإجابة بتختلف عن العام ..!؟ أو هم على هالدرجة
العالية من الغباء أو الإستغباء .. ما يندرى ..كل واحد وظروفه ..
لازم نسمع سؤال عن فرشاية الأسنان ..لازم
.. ما يستوي رمضان من غير هالسؤال .. عنده ضروس جمل وخايف عليهم .. ويبي يعرف ..
ومن كثر ما سأل السؤال ما يقوله كامل .. مثلا شيخنا .. هل يجوز إستعمال فرشاة
الأسنان والمعجون في نهار رمضان ..!؟ هاي سؤال وافي .. هو يقول .. شيخ .. الفرشاة
.. بس ويسكت .. والشيخ من كثر ما سمع السؤال يعرف المقصد .. فيجاوب ..
سؤال ثاني .. شيخنا .. البخور .. والشيخ
يجاوب .. شيخ البخاخ الله يسلمك .. شيخ الإبر .. وجذي .. المشايخ حفظوها والناس
حفظوها .. بس السائل جنه أول مرة يصوم .. أو أول مرة يستعمل فرشاية أسنان .. عجيبة
والله .. بس كله كوم .. و الأسئلة الجنسية كوم .. من باب لاحياء في الدين .. حبكت
يعني ..!!؟؟ خلاص .. 11 شهر ما فصخ الصروال والحين ما يقدر يظل لابسه .. والله
حاله .. شنو يعني بتفوشر عالشيخ مثلا ..!!؟؟ لا حبيبي .. مشايخنا مب قساوسة
كاثوليك .. شيوخنا شبعانين الله يسلمك .. وأغلبهم بدل الوحدة عنده ثنتين وثلاث ...
فخل أسئلتك حق نفسك ...
هالأسئلة تعتبر في الغالب من الفروع ومب من
الأصول في الدين .. وبعضها أمور خلافية .. يعني بعض المشايخ يرى إن البخور يفطر بينما مشايخ ثانية تقول لا ما يفطر
.. ونفس الشي بالنسبة لفرشاية الأسنان وغيرها .. الحين .. كإن الريال ضمن إن صيامه
سليم مئة في المئة وما عليه غبار إلا مسألة الفرشاية ذي ...بس الغيبة والنميمة
والبصر اللي مسوي ليزر فيجن عنده مب مشكلة .. المهم الفرشاية .. مب مهم عنده إنه
موظف ورايح متأخر ساعتين عالدوام .. مب لإنه كان في حلقات ذكر وقيام ليل .. لا
لإنه كان في خيمة رمضانية يشيش .. مب مشكلة عنده إنه يكذب على مديره بسبب التأخير
.. بس البخور مشكلة عوده عنده ..
تركنا المهم اللي هو العبادة نفسها
وإهتمينا بالأمور الثانوية التافهة .. لو إيمانا قوي ما إحتجنا لمفتى لكل صغيرة
وكبيرة .. قلب المؤمن دليله ... يقدر يميز .. وبعدين يا أخي ما تعرف إذا البخور
يفطر أو لا .. تجنبه .. لازم تتبخر يعني .. !!؟؟ شنو القصد من إثارة المسائل
الفقهية الخلافية ..ها ..!!؟؟ إيه .. العلماء إختلفوا .. إنت تعتقد إن هالشيخ أقرب
للصواب .. ومرتاح يا أخي خذ برأية .. الإختلاف مفروض يكون رحمة للناس .. بس كون
إنك تسأل شيخ بنية سيئة مضيعة للوقت وما يخدم المسلمين .. وعن الغباء في طلب الفتاوى ..
كريدي ماكس –
مسويين إعلان على تلفزيون البحرين .. والحقيقة
أقولها .. من أغبى الإعلانات اللي جفتها في حياتي .. بإي مقياس تبيه .. الإعلان
غبي .. وساذج .. ويهين عقلية المشاهد .. ديك أزرق ضايع ..!!؟؟ تمثيل رديء .. إخراج
ولا أزفت .. تصوير ولا أسواء .. بخلاف اللي قلته عندي مشكلتين مع هالإعلان .. إنه
في أحد يا زعم فكر في الفكرة ونفذها .. بس المخجل إنه في مدير غبي في كريدي ماكس
وافق عليها ..!! هاي المصيبة ..
المشكلة الثانية .. في أخر الإعلان ..
يقولون جملة وقفت عندها .. مع كريدي ماكس إنت دايما الرابح ...!! وقلت شنو الربح
اللي إيي من شركة تعتمد الربا كوسيلة ربحية لها .. وفوق ذي تحملك جمايل .. إنت يا
مستهلك عبارة عن سمكة بالنسبة لهم .. بعدك مستانس في الماي تسبح ويا التيار بإمان
الله .. لا لك ولا عليك .. وبعدين يقطون الميدار يبون يصيدونك .. ويغرونك بالديج
.. ولما يصيدونك .. يطلعونك برع الماي .. وإدفع يا مسكين .. 21% فايدة .. وتبي
تتأخر في دفع القسط ..مب مشكلة .. تأخر .. في عليك غرامة .. وتعال .. يمكن تموت
قبل لا تدفع الفاتورة .. مممم .. إنزين بناخذ عليك تأمين عالحياة .. وبتطلع فوق
الحد مالك اللي إحنا حددناه ... مافي مشكلة .. بس إدفع غرامة .. إيه صج .. مضطرين
نحسب عليك إشتراك سنوي بعد .. إيه مثل المجلات ... إيه صج ونسينا نقولك أبوي ..
الفايدة فوق ما هي ربوية .. بنسويها ربح مركب مب بسيط .. إيه .. يعني بتدفع فايدة
عالفايدة وفايدة عالرسوم بعد .. ويا ويلك يا ظلام ليلك إن ما دفعت .. المحاكم
فاتحة طول السنة .. وإنت موقع على كل شي .. وما يبيلها .. الحكم لنا ..
مب بس كريدي ماكس .. كل البنوك اللي تعطي
قروض وخاصة البطاقات الإئتمانية نفس الشي .. تذكرني بمسرحية تاجر البندقية لشكيسبير
.. عن التاجر اليهودي .. بس هذاك كان يبي رطل من لحم الزبون .. البنوك هالأيام
يبون بالكيلو .. وما يخلون لحم ولا عظم .. وعلى فكرة البنوك ما يبون الشخص الغني
اللي رصيده ماشاءالله .. ما يستفيدون منه وايد .. وخاصة اللي يدفع الفاتورة
بالكامل ... لا يبون الموظف المشحون ديون ويا دوب يقدر يدفع أقل دفعة من الفاتورة
.. عيل شلون بتتراكم عليه الفوايد ..!!؟
إن سحبوك .. بتدخل في دوامة ما تقدر تطلع
منها .. واللي تشتريه بدينار .. لو تحسبه بعد سنة بيطلع عليك أغلى من بيع السوق
... أخوي .. إذا معاك كاش إشتر .. ما معاك وما تقدر تدفع بالكامل .. إنسى ولا
تشتري .. وكلمة أخيرة .. تحمل تسافر بالبطاقة .. بيقصبونك .. يكفي فرق تحويل العملة
.. وخلي عنك الديج والديايه ..
تلفزيون البحرين –
في مثل مصري يقول .. الناس مصيبتها سبت وحد
.. وتلفزيون البحرين مصيبته ما مرت على حد .. سخافة .. وسذاجة ما لها وصف ..
والحمدلله هالتلفزيون مب من المحطات اللي أطالعها .. بس في رمضان يصير ضرورة .. آذان
المغرب وآذان الفجر .. وتبتدي المهازل بعد آذان المغرب مباشرة .. ببرنامج ولا أسخف
.. مادري شسمه الحقيقة .. بس عبارة عن أسئلة وألغاز تافهة .. ومباشرة وراه الكامير
المخشوشة مادري المغشوشة ..
أفكار مستهلكة .. وغبية .. عفا عنها الزمن
وتراكم عليها الغبار .. وقام تلفزيون البحرين وقدمها وليتهم يقطعون الإرسال بعد
آذان المغرب عشان ما يعطون المتفرج إرتفاع مفاجىء في ضغط الدم وإنخفاض في مستويات
الذكاء .. الظاهر ما يبون أحد أكثر من خمس سنوات في العمر يطالع .. أو إنهم يبثون
لنزلاء مستشفى السلمانية فرع الطب النفسي والعصبي ..
هل ينزل مستوى الذكاء عند القائمين على
هالبرامج في رمضان ..!!؟؟ بس الغباء الرمضاني مب حكر على تلفزيون البحرين .. عامة
التلفزيونات العربية تنصاب بنفس الأعراض الغبية .. بس طبعا تلفزيون البحرين ياخذ
الجائزة الأولى في الغباء .. وأعتقد وراه مباشرة الإم بي سي .. اللي بالغصب عن كل
المشاهدين حطوا مسلسل عمر .. ومسلسل لعادل إمام .. عادل إمام المفروض يكون في بيت
عجزة ويا صباح قاعد يسوي مسلسلات .. كفاية يا عادل .. إرحم سنك .. ولو إنك تحاول
تساعد إبنك يصير مخرج يا زعم ..
مهازل الإم بي سي ما تتوقف عند مسلسل عمر
وعادل .. لا .. بإسم رمضان .. صار غصب عنك يا مسلم تشارك ببرامج المسابقات ..
وقالوا إنه رمضان كريم .. وبيعطونك فلوس وسيارات وخرابيط .. بس الحقيقة إنت إذا
ربحت دينار .. هم يربحون 100 .. من الإعلانات و الشركات الراعية .. ومن شركات
الإتصالات اللي تتصل عليهم ويحسبون عليك الإتصال بذيج الحسبة ... وياخذون جزء بسيط
من فلوسك ويعطوها لسعيد الحظ اللي إختاروا إسمه ..
الأسئلة غبية .. واللي يجاوبون أغبى .. في
برنامج صار فرض رمضاني علينا .. برنامج خروف وحلوف .. تهريج وضحك عالذقون .. أما
نصيب الأسد الغبائي فيتوجه للبنت مادري الولد اللي إسمها شوجي .. من صجها ذي .. كل
دقيقتين وقامت تهز .. وترقص .. وراسها يروح في صوب .. وخشمها في الصوب الثاني ...
وتهز جنها طقاقة في خيمة في صخير .. لا والمصيبة مستخفة دمها .. ما أنسى يوم تقول
.. أشكرك ربي على كل النجاح اللي أعطيتني إياه .. ما قصرت .. !!! غباء ...
بس شكر للإم بي سي .. على الأقل السنة
ريحونا من حليمة اللي أجدادها من بولندا .. مشكورين .. وجذي وهلون..
اللهم إني صائم
اللهم إني صائم
DR. KNOW
السلام عليكم اول مرة اقرأ لك مقال و يكون بهالتشاؤم ليش كلشي مو عاجبك كل شخص له راي و حتى الدعايه اللي مو عاجبتك قريت لناس في تويتر انهم حبوها و سجلوها عشان يشوفونها و برامج تلفزيون البحرين كل واحد على قده بالعكس الكميرا المخشوشه حلو و ممتع و ممثلينه بحرينين يعني انه دايما اقرا لك و احب مقالاتك و دايما كنت تضحك و صاحب نكته لكن اليوم خانك التعبير صراحه و ارجو انك تتقبل مني هالتعليق و اتمنى لك الخير و السعادة
ردحذفطبعا كتبت الرسالة اليوم من غير كوفي فلك علي شوي ..والحقيقة ماجفت أحد عاجبه الإعلان ولا فكر زين ولا الكاميرا .. يمكن اللي أتابعهم ذوقهم مثلي .. أي شي تسويه راح تلاقي ناس تحبه وناس ما تحبه .. فعادي .. أنا كتبت اللي في خاطري ومب بالضرورة يتوافق مع جميع الأذواق .. ويسعدني تواصلك ..
ردحذفالرسالة غطت كل النقاط التي تدار في المجالس عن الحلقات والدعايات
ردحذفوسخافات تلفزيون البحرين
اما بخصوص علي سلمان والشارع الشيعي : لقد تشبعوا بما فيه الكفاية
من الوفاق وخرابيطهم
تسلم دكتور
السلام عليكم ورحمة الله وبركاته
ردحذفتتحدث اليوم عن الغباء،، بالفعل الناس أنواع ،منهم من يكذب ويصدق كذبته فهو غبي، ومنهم من يستمع ويشاهد ويصدق ما يسمعه ويشاهده فهو غبي، المسكين هو في آعتقادي شعب البحرين اللي قاعد يتمسك بأي شيء قد يريحه ويهديه ويوصله إلى بر الأمان ومنها برامج هايفة مستواها يتناسب مع الهروب من الواقع .قرأت رسالتك أكثر من مرة وبتمعن بالفعل وجدتها صادقة تتحدث عن الواقع،(مافي تشائم)هذا هو واقع بلدنا كما آراه أنا فقد يكون من يخالفني الرأي،،،،تسلم دكتورنا خواطرك اعتقد أنها توافق خواطري،،عندما أقرأها وأقارنها بما هو موجود في الواقع.