رسائل خاصة بس بدون زعل 2

إلى سعيد الحمد

شعلامك بو عبدالله – مو إنت اللي يطق الطار مقلوب يالحبيب و الحقيقة إحنا عارفينها الله يسلمك لأن الشمس ما تنخش بالمنخال – إييييه – مو إنت اللي علمتنا !!؟؟ بس كنا نتوقع منك تطلع علينا وتقول الصج, قول إن جماعة الإعلام و التلفزيون ما يبون يزعلون شادية و ربعها, إيه للحين مسويين لهم خاطر ... و الأخير وياهم يعني؟؟ اليوم وقفوك إنت و باجر سوسن ..و يحطون بدالكم برنامج سخيف دمه (فقيل) واللي يقدمونه بعد يلوعون الجبد.... و اللي صج يبط الجبد الضيوف اللي ييبونهم... ليش كل واحد فيهم لازم يقول – نشكركم على هالبرنامج!!؟؟ أي برنامج الله هداكم بس... يا سعيد مشكلة تلفزيون البحرين مشكلة طالت .. و مشكلته إنه ما تغير من أول إرسال ليومك.... و إنت كنت نسمة هوا منعشة في تلفزيون مشبع بالرطوبة والعفن الفكري ... بس مادام عندنا التلفزيون الأريتيري نطالعه إحنا بخير, بس خوفي بعد يسوون عليه بلوك و نتوهق....!

إلى جمعية وعد و أخواتها

أشوف مسويين روحكم رياييل و سويتوا إجتماع من غير الوفاق, لا ومطلعين بيان شحلوه بعد !! ممكن أحد فيكم يقوللي وين "جسر العدالة الإنتقالية" ذي ؟؟ نعرف جسر الملك حمد و جسر الشيخ عيسى و جسر الملك فهد وحتى جسر المسيب, بس ذي أول مره نسمع عنه ذي – وين صاير؟؟ مو يمكن قصدكم كوبري ؟ ولا يمكن نفق ؟؟ شوفوا عاد, عن الفلسفة الزايدة اللي تحاول تستخف بعقولنا, إييه إحنا يا يبه ما نتعامل مع المفردات المستوردة من مني و مناك. نعرف شنو الجسر و نعرف زين ما زين معنى العدالة و نعرف معنى الإنتقالية, بس تحطهم في جملة وحدة ما يصير يا جماعة, قاعدين تخربطون ترى . وبعدين من صجكم إنتوا إن الأزمة دستورية ؟ و بإمتياز بعد؟ تدرون شلون باخذكم على قد عقلكم الأزمة دستورية نعم. حقي الدستوري في الأمن إنتهكوا جماعتكم ! حقي الدستوري في التنقل من البيت للشغل إنتهكوا ربعكم ! حقي الدستوري في العمل و الترزق دمروا أحبتكم! حقي الدستوري في العلاج و منعتوا عني ! نعم الأزمة دستورية – عندنا دستور وفوقه ميثاق بعد و حضرة جنابكم لعنتوا قفده ... والحين إحنا نطالب بتفعيل الدستور و الميثاق و كل القوانين الوضعية. ونبي تفعيل الدستور السماوي بالأمن و الأمان ...... شقاعدين تخربطون إنتوا؟

واليوم تبون مبادرة ولي العهد ؟ اليوم؟ وينكم يا بعد جبد شادية من 8 شهور ونص ؟ ليش ما قلتوا هالحجي وقت المبادرة ؟ ولا ذاك الوقت قعدتوا أذناب للوفاق إيلعبون فيكم الطيحه وبيو بيو و برو برو ... صج إنه اللي ينام  ويا الجلاب يصحى الصبح مقمل. الله يعطيكم , ما عندنا خرده.

14-11-2011

اليوم 9 أشهر على أحداث 14 فبراير. يعني مبروكين ..و خاصة للبنات اللي حملوا في الخيمة رقم ...همممم نسيت ... و بعدين ما خلوا خيمة أصلا ما تمتعوا فيها , بتقصون على من؟ إنزين خلنا في موضوعنا... جم وحده بتولد طبيعي و جم وحده قيصيريه؟ أبشركم, الحكومة متكفلة بالوضع و النفاس وما يكون لكم فكر...  تقومون بالسلامة يا زبيبات و إذا بغيتوا مساعدات في تسجيل المواليد من غير إسم الأبو ترى حاضرين. أقولكم شي ...... حطوا إسم الأبو شادية ... أو نبيل رجب ... هههههه خخخخخ أصلا محد راح يصدق إنهم كفو بس يلا عن الفضايح... وبعدين قولة المصريين (ضل راجل ولا ضل ...... خيمة) !

إلى الخلية الإرهابية و الوفاق

الحين بتقولون إنه موضوع الخلية مفبرك – أدري فيكم و قلتوه , عبالكم ما أقرا تغريداتكم ! لا متابعكم.. هاي القصلة سيد عبد سيد الجليل سيد خليل سيد من كثر مافي ساده في إسمه صار إنسان ساده.. المهم يقول هاي فبركة حكومية و محد مصدقها و بتفتشل الحكومة جدام الرأي العام .. إنزين أول شي إذا الحكومة إغلطت في شي و إفتشلت فلأنه عندها دم  أما إنتم ماشالله عليكم تغلطون من الصبح ليه الليل ولا تفتشلون ولا شي لإنه ما عندكم لا حيا ولا دم ... ثاني شي , في هالخلية الإرهابية ...ترى التهم لاصقة فيهم مثل لصقة جونسون و الموضوع بيكبر و بيصير هالقد و يمكن ... أقول يمكن بيصيبكم ...وحزتها ترى بوت مشكل... إذا لكم يد في الموضوع ترى حسابكم عندنا...و ندري فيكم عارفين أن الموضوع بيلعوزكم و اللي على راسه ريشه يحسس عليها... و ياحبكم في التحسس على الراس...!

إلى شادية المعروفة بإسم علي سلمان

سمعنا اليوم كان عندك إحضارية في النيابة , و سمعنا إنك رفضت تروح ! الناس عبالهم إنت صاير متعنتر – يعني صاير ريال , بس أنا و إنت ندري ليش ما تبي تروح – أقوووول ؟؟ تبيني أقول ؟ إنت و ربعك ما تيوزون عن العبو و الربو, اليوم بنكشف كل شي, إحنا ما عندنا إلا حقائق إيه يا علي يا سلمان ... يوم إيليك التبليغ ما إتصلت على وكيل ما دري رئيس النيابة يا علي , تنكر هالشي ؟ و سألته متى الإغتصاب قبل التحقيق ولا بعده ؟ قالولك ما عندنا هالشي إحنا ...و قمت ترغي و تزبد و ما عجبك الحجي و تقول بس عيل ماني بيياي ! مو جذي !؟ لايكون عبالك من صج إنت رئيس وزراء و إنك فوق القانون ؟ لا يا حبيب عيسى قاسم , ترى القانون يمشي عليك و على اللي أكبر منك و في اللي يأدبك – و لا تفتكر إن الصعاليك اللي حواليك بيحمونك و السفالة الإيرانية – عفوا أقصد السفارة – بتحميك ...لا يا حلي ...أوهههو قصدي يا حلو ... القانون يمشي عالكبير و الصغير يا كوتوموتو ...

SMS   للميس ضيف

للحين تتكلمين عن الشرف؟ صج عينيج قوية.

بي بي برودكاست

يحكى إنه في الجاهلية دخل رجل على مجلس إبي لهب وجلس و كان عنده سادة قريش. فقال له أبو لهب – ثكلتك أمك يا هذا , من أنت؟ فسكت الأعرابي ولم يرد. فإستشاط إبو لهب غضبا وقال – واللات والعزة إن لم تقل لأسلخنك كما تسلخ الهامورة! فرد الرجل –ستبدي لك الأيام ما كنت جاهلا ويأتيك بالأخبار إن لم تزودا ....فضحك أبو لهب و قال له – بخ بخ . وضحك القوم و تمايلت براطم بنت ضيف وإنتفخت بمقدار 2 سنتيمتر و تراقصت شادية وصدرت جريدة الأيام....

DR. KNOW