إلى الجهاد المقدس –
إحنا موعودين من عصابات النفاق بفعالية
الجهاد المقدس هالأسبوع .. وطبعا خرطي مثل طوق القمامة وغيرها... بس وقفت عند هالمسمى .. شنو يوحي لكم
.. ما إستوقفكم ..؟؟ مممممم .. إنزين .. أول شي خطر في بالي ... في جهاد يعني في
حرب .. يعني عنف .. يعني توقعوا دم .. هاي اللي يصير في الحرب لا .. قتلى و جرحى
.. ومشردين .. ولاجئين .. ودمار .. إييه .. و أسرى ... بل بل ... صورة حدها سوده
... ثاني شي .. الجهاد هو أمر من الله عز وجل ... للمؤمنين لإعلاء كلمة الله ...ضد
الكفار والمنافقين ... مافي آية في القرآن الكريم إن الجهاد مفروض على المسلمين
لقتال المسلمين .. بما إنهم نسبوا الجهاد لهم فمعناته .. هم المسلمين ...و إحنا
الكفار والمنافقين ... أو على الأقل الحكومة و المرتزقة و الطبالة... يعني ..... إحنا
...
الجهاد في الدين فقه كامل .. له أصوله ..
وله شروطه ... مب كل حرب جهاد .. و لاكل من مات في هالحرب شهيد ... طبعا ما بادخل
في أمور الفقه .. مب مؤهل .. ولكن أعرف منها ما يكفي إن شروط الجهاد غيرموجودة حتى
يعلنوا الجهاد ... وينسبوه لهم ... و بعدين ... هل في جهاد مقدس و جهاد غير مقدس
..؟؟ هل ورد في القرآن "الجهاد المقدس"" ..؟ على حد علمي لا ..
وردت كلمة الجهاد بروحها من غير صفة .. فا من وين هالمبتدعين ضافوا كلمة المقدس ..؟؟
ما تدرون ..؟؟ إنزين عاد .. بالعدال .. باقولكم ..
يابوها من المسيحيين .. وبالتحديد من
العصور الوسطى من أوروبا .. وأكثر تحديدا من الحروب الصليبية .. كانوا يسمونها
الحرب المقدسة .. لإنها كانت بإسم "الرب" .. وكان البابا ذيج الأيام يعطي
صكوك الجنة .. يعني الريال يروح يحارب في القدس و هو ضامن الجنة .. لو مات ياخذ
الورقة معاه ..ويراويها للملائكة .. ودلوني طريج الجنة... البابا اللي عندنا
..عيسى قاسم الأول .. أعطى البقر اللي عنده صكوك في الجنة ... أي صكوك ..؟؟ أعطاهم
أراضي .. و عقارات ..وحور عين .. إنتوا بس دفنوهم وحطوا معاهم كراتين كوندومز
وفياجرا ... ما بيكون عنده وقت يروح البراده في الجنة يشتريهم .. والريال من يطب هناك وهو بيكون
شغال على بوبيزه... ما تشوفونهم يسوونلهم أعراس ..!!
عندهم الجهاد المقدس .. وتربة كربلاء
المقدسة .. وعاشوراء المقدسة .. الحين ما بقى إلا يسمون .. القلب المقدس ... و
البقر المقدس .. و الكلب المقدس.. و المعبد المقدس .. وكل شي عندهم مقدس .. يعني
كل شي صار بإسم الدين .. و الثيران يقولون دولة مدنية ..!!
المهم
.. بناء على اللي ذكرته .. فمرحلة الجهاد المقدس هي نقلة نوعية في الإحتججات اللي
إستمرت سنة كاملة.. الإحتججات "السلمية" على قولتهم .. بس مسيرات..و
إعتصامات.. ومولوتوف... وزيت .. وسلندرات ...ما يابت نتيجة ... ولا بتييب .. كانت
مثل حرب الإستنزاف اللي كانت بن مصر و اليهود من ال 67 ليه حرب 73 .. كانت مصر
تدري إن حرب الإستنزاف ما راح ترجع سيناء .. بس .. تشغلوا فيهم .. ودربوا جيشهم
..و كانوا مستعدين لما صارت حرب أكتوبر .. وذيله اللي عندنا يبون نفس الشي ..
تشغلوا في الشرطة أشهر .. وهم يدرون ما في من وراها نتيجة .. والحين .. يبون
المعركة .. معركة التحرير .. وكانت الإنطلاقة للمعركة من عيسى قاسم لما قال لهم
" إسحقوهم" .. وتبعها البرنثه علي سلمان .. وقال لا تراجع وليسقط من
يسقط من الشهداء ..و بعدين .. طلع علينا الأكتع ...ولد المجوسية المتمتعة خامنيىء التيس
العود ... بفتوى تجيز وتشجع على قتل الشرطة ..
يعني .. أعلنوا الحرب .. هل إحنا مستعدين
..؟؟ إنشالله الداخليه بتصرف للشرطة فلاتيات.. للدفاع عن نفسهم ... طبعا ما بتكون
حرب منظمة بين جيشين .. لا ..بتكون حرب عصابات .. و إرهاب ..و تفجيرات عشوائية ..
أنا ما أبي أخوف أحد .. بس هاي اللي يبونه .. والصراحة لو سووها .. بيكونوا فعلا
أغبيـــــــــــــــــــــاء ..!! بيحفرون قبورهم بإيديهم .. حزتها .. محد بينتظر
الحكومة ..
طبعا هم .. يراهنون على شي واحد .. التدويل
.. يعني تتدخل الأمم المتحدة .. أمريكا ... إيران .. أي أحد .. وهذا طبعا قمة
التخلف الفكري .. والتخلف الأكبر إنهم يعتقدون إنهم يتسببون بحرب إقليمية بين
إيران و السعودية ... للحين خيسه قاسم و علاوي يراهنون على الدور الإيراني ..
رهانكم خاسر .. مثل كل شي سويتوه .. أيامكم عدد .. إنتهيتوا ...
إلى إيران –
دولة ثيران ... دولة المجوس عبدة النيران
.. هددت أمريكا و الغرب .. بتبند المضيق .. و بتهاجم السفن و البوارج الغربية في
الخليج العربي ( العربي يا علي ياولد سلمان) .. لا وقاموا يطاقعون بمناورات بحرية
.. بطراريد صيد .. وبوانيش.. إستعملوها من زمان تييب جواد فيروز و عائلته للبحرين
... الحين يازعم تهدد حاملات الطائرات الأمريكية .. وطز يا نجاد.. طلعت من نوعية
علي سلمان ... يعني مب ريال .. مب عند كلمتك .. دخلت حاملة طائرات و إنتوا إطالعون
من فوق الجبل .. هاي اللي تقدرون عليه .. عبالنا بس اللي عندنا ما فيهم رياييل ..
طلع الشي ...وراثي ..
إلى نوف و فواز –
تعرفون حبايبي ... نوف السويدي و فواز
صليبيخ .. طلع عليهم تهديد بالتصفية الجسدية... خخخخخخخ .. ضحكوني .. تهديد عاد
..؟؟ وتصفية ..؟؟ ذكروني بالمافيا .. بس المافيا أصلا ما يعلنون .. يصفون وبس ...
وبعدين .. قادرين .. بهايم عيسى قاسم بالزور يعرفون يمسحون روحهم .. عبالهم يقدرون
يسوون شي .. أصلا .. مافيهم ريال من صلب ريال يقدر يجيس شعرة منهم .. وهي مب أول
مرة يهددودن فيها .. هددوا الحمد و سوسن و سميرة رجب و غيرهم و غيرهم ..وحتى حبيبة
الجميع الوديعة منال العوضي .. هددودها ..
أقول للجميع إذا هم ذيله اللي يهددون فإبشروا بطول العمر ...
إلى السفارة
الأمريكية –
طلعت السفارة الأمريكية تحذير إلى رعاياها
.. وطبعا بالإنجلينزي .. التحذير وايد عجبني .. فقرة منه بالذات .. هاي ترجمتها ..
" بعض المتظاهرين يشتبكون مع قوات الأمن و يستعملون أساليب مثل وضع عراقيل في
الشوارع وزيوت , ورمي اسياخ حديدية , ومولوتوف وهذه تسبب أجواء غير مناسبة لقيادة
السيارة " !!! عجبتني هاي الجملة الأخيرة .. ما يقولون إحتمالية الإصابة .. و
لا إنك ياغافل إلك الله ممكن تموت .. أو تتعور .. تنحرق ..لا .. بس أجواء غير جيدة
لقيادة السيارة...
يعني ما يقولون إنه إرهاب .. الظاهر في العرف
الأمريكي رمي المولوتوف .. يعيق السياقة.. بس ..!! والسيارات ليه مشت على بقعة زيت
و تقعد تفتر و تزلق .. مجرد إنها تسوي مثل التزلج على الجليد .. تدريب للسيارات
على رقص باليه مثلا... العجيب .. لو إنه حركة حماس مسوية هالأمور ذي ويا اليهود
جان الشمطاء كلينتون قامت الدنيا على راسهم .. و إرهابيين .. ومادري شنو .. أما
تيوس تيس قاسم يسوونها .. مجرد إعاقة بسيطة .. وأعطى روحك وقت إضافي للوصول ...
فالإحتجاجات سلمية .. حالتكم حالة يل أمريكان ...
إلى القضاء –
قاعدين نحاول نتقبل القرارات الصاردرة عن
محاكمنا .. كلش مب فاهمينها.. زوج أم حمار بنت الخواجة .. طلعوه براءة اليوم ..
ومعاه عدة إرهابيين .. قامت أم حمار و تتبجح إن زوجها و أبوها و مطيقع وكل
المساجين أبرياء.. ومظلومين .. فيا جماعة .. إذا فعلا مظلومين إحنا ما نرضى الظلم
... طلعوهم .. بس إذا مذنبين و طلعتوهم ... بعد ما نرضى.. لإنكم ظلمتونا إحنا ..
إذا ماتبون تحاكموهم .. قولوا .. إذا إنتوا مب كفو تحاكموهم قولوا .. مب عيب .. بس
ياريت إطلعون لنا قائمة بالجرائم اللي الناس يتحاكمون عليها .. وليسته بالجرائم
اللي فيها محاكمات .. وليسته بالجرايم اللي فيها محاكمات مسرحية.. والله ذكرتوني
بمسرحية شاهد ماشفش حاجة.. كله تمثيل في تمثيل .. بس الفرق إنه وحده إخراجها حلو
... ووحده إخراجها سخيف ..
كلمة ومعنى –
طلبت الإخت مرزوقة زوجة رفيجنا مرزوق معنى
كلمة (حرائر).. تقول أسمع هالكلمة بس مادري شنو معناها .. قلتلها فعلا .. الجماعة
وايد يستعملوها .. خليني أسأل الخبير اللغوي راجيش في سوق واقف ..
وهو من نوابغ طلاب سيبويه .. هزراسه هزتين... وقال .. الحرائر كلمة جمع تأنيث تطلق على قطيع من
البقر الأسود .. وعادة ما تتم تربيتهم من أجل الحليب .. والتكاثر .. و التزاوج مع كل
ثور.. وحتى بعض الثيران تعافها لقبحها الشديد .. فيتم إعصاب أعين الثور حتى لايشاهد
و تنسد نفسه .. التزواج كثيرا ما يتم في الخيام .. أو على أرصفة الطرق .. وهالبقر
ماله سعر .. ما ينباع .. لأن اللي ياخذ الحليب ببلاش .. ليش يشتري البقرة... و أحيانا
حتى الثيران تعافها ولا يقبل بها غير الحمير... وجذي
ينن وهو يتكلم فصحى راجيش .. بس بعدين عصب
و يقول .. إنزين أرباب إنت بابا كله يقول في بنشر و إنت ما في تصليح ..!! إنت بابا
مافي زين ..
تصرف عجيب –
وحده في المول تدعي على ولدها أبو السبع
سنوات.. إقعد إنثبر .. علك تكبر و تصير ضابط شرطة .. !!
DR. KNOW
تصرف عجيب...ماهو بعجيب صار ضابط الشرطة لعنة في البحرين، وصرنا احنا الامهات نخاف على ابنائنا من وظيفة في الداخلية .
ردحذفكل شيئ صار معكوس في هذة الديرة..متى بترجع مثل ما كانت محد يدري..ويمكن نحن ننتهي واولادنا بعدنا ينتهون والديرة كما هي، كل اللي علينا الدعاء من الله عزّ وجل أن ينقذنا مما نحن فيه، واتكالنا عليه وعلى مقاطعة الخونة.
طبعاً كالعادة كلامك حكم بس هات من يسمع،،،،