إلى علي سلمان –
والأخير وياك ... ترى صج مللتني .. وبأخسر
قراء و السبة لعانتك.. ملوا منك .. تخليني أكتب لك كل يوم و ترك .. وبعدين يعني
..؟؟ يلا مو موشكلة .. إبتلشنا فيك ..
خليتني أقرا "الوسخ".. وأنا صج أكرهها .. أحس أن فيها نجاسة.. نجاسة
فكرية.. إتوضيت بعد ما خلصت منها .. وكانت النجاسة واضحة في مقابلتك وياهم .. اللي
لفت نظري إن الناس خذوا الكلام الواضح و علقوا عليه .. وهدوا الكلام المبطن الخطير
.. وعموما سواء كان الواضح ولا المبطن فهو يبين مدى التخبط و الإفلاس اللي عندك ..
الكل تكلم عن ولاية السفية و الخليج العربي و مادري ويش .. أنا باتكلم في أشيا
ثانية محد ياب طاريها . نشوف ..
اول ما شفت من المقابلة كلمة موتتني من
الضحك .. قال الصحفي التافه إن سعادة الشيخ "بدد مخاوف دول الجوار"
هههههه .. طبعا يقصدون السعودية .. هههههه.. الصحفي دمه خفيف .. ... الجماعة معطين
لروحهم أهمية... السعودية خايفة منك يا طبال ..؟؟؟هاي اللي قاصر .. تعرف نايف يا
علي ؟؟ إنت و طايفتك كلها ما تسوون عند نايف قوطي تونه فاضي.. وعلى فكرة لكم نفس
الريحة .. بس طبعا خلي القوطي أسبوع يخيس شوي.. من صجكم إنتوا ..؟ مادري شنو
حكومتنا تفكر و تخطط ..بس إنتوا ترى ما تستحملون دقايق وياهم إذا بغوا يأدبوكم ..
تدري شي ... مافي داعي للشرطة .. صدقني يا نورة الشرطة النسائية كفاية عليكم ..
إذا مب الكشافة بعد ... عيب عليك هالحجي .. لازم تعرفون حجمكم .. إنتوا ترى نكره
... لا شيء .. بس الحكومة الله يسامحها سوت منكم شي .. عندكم شعور كاذب بالعظمة ..
مضر لصحتكم ...صدقني ..
التخبط والإنحطاط اللي إنت وعصابتك فيه ما
شفناه من قبل .. تقول في المقابلة .. «محاولة لصرف النظر عن البعد السياسي لمشروع سياسي
لا علاقة له بالدين والطائفة، إذ إن مشروع المعارضة هو مشروع ليبرالي، وليس مشروعاً
دينياً»... مب هاي كلامك ؟؟ أنا ما أخترعت شي .. بس أنت قلت هالجملة و قامت عليك
القيامة ... مب منا إحنا .. لا ..من ربعك إنت .. المعممين اللي مثلك .. أنا ودي
أعرف .. أنتوا ترقدون في العمايم ولا تفصخونها ؟؟ في واحد قالي إنكم تخشون مصروفكم
في العمامة ..صج؟؟ مب مهم .. قاموا عليك يا علي لإنه مب ذي اللي إنتوا متفقين عليه
.. ولا ذي اللي مخططين له ... أهم أغبياء ..شتقول عاد .. ما يعرفون أساليب
المراوغة و المناورة ... طالب واحد من اللي مخهم فاح تحت العمامة بتدخل علماء و
سماهم علماء المسلمين .. أخ ياقلبي .. طبعا هو يقصد خامنيىء و المدرسي و الصدر
والمكوة .. ذيله هما علمائه .. يبيهم يتدخلون و يقصونه لك ... مادري عاد شيقصون ..
عطهم شي يقصونه لك ..
في نفس اليوم يا
علاوي ..وعلى حسابك على توتير .. قلت " التعبير الأدق إن مشروع المعارضة السياسي
هو مشروع يطالب بالديموقراطية وليس ليبراليا !!" ... أه يا كليتي .. ممقن نعرف شنو مشروع المعارضة يا
علي ؟؟ .. ممقن؟؟ هو ليبرالي ولا لا ؟؟ وشلون يكون مشروعها ديموقراطي و لكن مب
ليبرالي ؟؟ شنو يعني ليبرالي يا علي ؟؟ أنا باقولك .. الفكر السياسي الليبرالي قائم على حرية الإنسان
الشخصية في المعتقد الديني و الإقتصادي ومشاركة الشخص في الحكومة و بناء المؤسسات
العامة وتفعيل الدستور من أجل إصلاح الدولة و الفرد .... إذن إنت تقول إنه مطالبكم
غير ليبرالية... إذن ما تبون هالأشيا .. إذن عن أي ديموقراطية تتكلم ؟؟ المعمم
المصنن ما يعرف من الليبرالية إلا إنها تتعارض مع أفكار التطبير و اللطم .. مع إنه
النظام الليبرالي يسمحلك إطق روحك ليه تشبع ..ومحد يقولك لا ..
تتقلب لنا مرة
على بطنك و مرة على ظهرك يمقن يفيدك في براحة أو في مزرعة .. ويانا ما يدور هالحجي
.. عموما .. ما أبي أرد على موضوع ولاية السفية .. الكل رد.. عجبتني جملة سخيفة قلتها
يبين مدى غباءك ..تقول "إن البحرين لها نمو سياسي مختلف، ولها تطلعات مختلفة،
البحرين لا يمكن أن يصلح أمرها إلا بوجود حكومة تمثل الإرادة الشعبية».... مختلف
عن باقي دول الخليج العربي .. قصدك من كل هاللف و الدوران إن البحرين فيها شيعة
بإعداد كبيرة و هاي اللي يخلي البحرين مختلفة عن الكل .. و على دول المجلس يسون
لنا إعتبار ..وإن يتقبلوا رئيس وزارة شيعي إللي هو إنت في الغالب .. وجذي ..
باقولك شي تخليه حلق في أذونك ... طز .. طز فيك و في شيعتك .. البحرين, السعودية,
الكويت و باقي دول المجلس .. دولة وحدة.. مصيرنا واحد .. حياتنا وحده.. الدم
يوحدنا .. إنتوا دمكم إبراني وعراقي ..
إحنا دولة وحدة يا علي .. بقيادة السعودية ...مايقبل نظام شيعي ... وخاصة بعد
العراق ..تأكد من هالشي .. وحامض على بوزك..
إنتوا صج
موجودين ..بس وجودكم مثل عدمه .. لاتقدمون بس تأخرون .. أشباه طائفة منحلة تعيش
على خرافات و أكاذيب وهلوسات سياسية و دينية ... لا تعنوا لنا شيء... سياسيا يا
علي ..إنتوا البعوضة اللي تحاول تعيش بمص دمنا ..واللي إحنا بنطقها بمضرب ذبان..وإذا
خطيناها...فعمرها أسبوعين .. ما يزيد..
تنتقل يا علي
تعطينا درس في الديمقراطية ..و تطالب بتطبيق النظام البريطاني في البحرين.. مع
الأخذ بخصوصيات البحرين.. مادري شنو هالخرابيط.. ينيت إنت؟؟ من صجك؟؟؟ النظام
البريطاني يا علوي ..؟؟ دام إنه عاجبك أقترح تشيل بقجتك وتلحق بالشهابي و صفوان
...وفكنا يا أخي من شر وجودك بينا.. وخذ معاك أحبتك كلهم.. بايبلك ديسكاونت على
طيران الخليج ما عليك ...أوه ..نسيت إنت ما تسافر عليها.. مو مشكلة .. اللي تبيه
يصير بس روح لحضن كاميرون .. يعجبونك الإنجليز يالهيس .. ؟؟ أنا ما حب الفيش أند
شيبس ...ولا أحب نظامهم .. ولا البقر اللي عندك يعرفون شنو الماجنا كارتا.. ولا
يعرفون إن النظام الإنجليزي تطور على مدى 900 سنة اللي إنت حضرتك تبي تطبقة في يوم
و ليلة.. غبي..
أبي أختم
الرسالة لك لإنك مللتني و القراء بالسخافات اللي عندك.. والنقطة هي تهديد للحكومة
ولنا .. إذا ما إستجبنا لمطالبكم فراح تخلون حياتنا جحيم .. وأنا بالنيابة عن شعب
البحرين أقولك تعرف المثل المصري اللي يقول .. أعلى ما في خيلك إركبه... بس ياخوفي
الحصان يركبك يا علي ... لإنك مو متعلم تركب ... خذلك تحميلة حصان ..
إلى التجمع –
مابي أحد يقوللي
إني أشق الصف .. أصلا مافي صف أشقه .. خلونا نكون واقعيين ..و لا ننخش كلنا ورا أصبع
... ما شق صفنا إلا التجمع ..و اللي ميودين التجمع .. ناس ما عندها أجنده سياسية
.. قالها المحمود على الجزيرة و هو يبتسم .. يا فرحتي .. جمعية سياسية ما عندها برنامج
سياسي !!؟ جمعية كل مين إيدو إلوه ... الناس .. يعني القاعدة الجماهيرية .. لها توجه
معين من الأزمة ...وواضح .. الأمانة العامة مالت التجمع كل واحد عنده توجه... يعني
المحمود يقول شي.. والحويحي يقول شي ...و هاشم في واد .. و قيس على ذلك... بالله عليكم
من الي شق الصف .. والله أبي أشق .... ثيابي منكم ...
الحويحي باشا ذي
... تحفة .. في رسائل 17 قلت إن الجوكر ذي طالب بوقف اللجان التأديبية و لجان التحقيق
..ما إبي أعيد إرجعوا للرسالة بليز ... كنت يمقن أول واحد نشر الخبر.. وللحين منتظر
جائزة البوليتزر .. معقولة كريستوف عنده ثنتين و أنا ولا وحده !!؟؟ المهم ... هاي الشخص
عضو لجنة تطبيق النساء .. عفوا .. بسيوني .. وراح هناك بصفته عضو التجمع .. مب بصفة
شخصية ...ولا عن جمعية هز الوسط العربي لا .. راح بالنيابة عني وعن كل اللي وقفوا في
الفاتح ... والمهرج ذي طالب بإشياء عمي بسيوني ما وصى بها ! يعني الأخ صار بسيوني أكثر
من بسيوني نفسه !! اقروا مقال الخميس في أخبار الخليج وعامود الكاتب محمد مبارك ...
من طلب منه ياخذ
هالمواقف ذي ؟؟ هل المحمود موافق ؟؟ هل سألوا أحد منا ؟؟ شنو الآلية اللي أخذوها عشان
يوصلوا لهالقرار؟؟ ... هل كان في إجماع ؟؟ أقول .. إنتوا جمعية أي كلام إنتوا.. لاتزعلون
.....فاشلين... إذا .. أقول .. إذا صار حوار مرة ثانية ...إنتوا اللي بتمثلونا ؟؟ عزة
الله بنضيع ..مب كفاية الحكومة .. الحين إنتوا..؟؟؟ جمعية هز الوسط مالت الأستاذ حويحي
ذي ... تدرون إنه في 2006 كان متحالف مع الوفاق ؟؟ نعم .. كانت وحده من الجمعيات السبع
.. الحويحي كان متحالف ويا نورة ..تصدقون عاد ؟؟ ... بس في ليلة مافيها ضو قمر... قلب
عليه...إيه قلب عليه .. اوهههووو .. عاد إنتوا
بعد لا تاخذونه بذاك المعنى بل بل .. الواحد ما يعرف يقول لكم كلمة ..بل .. قلب عليه
سياسيا ..و إنسحب...
تقولون كفو ..رجع
لعقله ... أقول .. هعععع ... ياترى.. يا من تفرج و إشترى .. هل قلب عليه لإنه ياته صفقة أحسن من الحكومة
...!؟؟ هل هو وباقي أعضاء جمعية فيفي عبده ياتهم ترقيات في أعمالهم ..؟؟ اللي صار وكيل
و اللي صار مدير و اللي صار رئيس.. وخلها عالله ... لا ومن محاسن الصدف.. وشوف
حكمة ربنا يا مسلم .. كلهم ترقوا في نفس الوقت ..!! وبعد فترة بسيطة من إنسحابهم...
هل كان ذي السبب ..؟؟ هل كان في شي ثاني بعد ..؟؟؟ ما حط في ذمتي .. مادري ..
هل حويحي ذي له مصداقية
في الشارع السني ؟؟ أنا أقولكم ..ماله شي .. زيلش .. زيرو ..صفر .. ولا أدنى قبول
.. الدليل .. حضرته نزل الإنتخابات .. دائرته فيها حوالي 14000 ناخب سني مسجل .. جم
صوت حصل ؟؟؟ 200 وشي ..بس ... إذا أهل دائرته رفضوه يمثلهم في دائرة وحدة .. شلون نخليه
يمثل الشعب .. !؟؟ ومن غير إنتخاب !!؟؟؟ هاي حجي ذي !؟؟ وبعدين .. يا أستاذ حويحي
.. سؤال ... في خيمتك الإنتخابية.. من وين حصلت الكهربا ...ها ..؟ محول الكهربا ماكان
بعيد عن الخيمة .. إنشالله بس ما كان عمال الهيئة اللي مدت لك كيبل ونورت الخيمة..
من هيئة الكهربا اللي إنت كنت مدير التوزيعات فيها.. طبعا عقب ما حصلت الترقية .. ونتمنى
ما كان ببلاش .. وتسوي مثل النائب بو 37,500 !!؟؟؟ وأتمنى إنك دفعت البيل ...مجرد تسائل
بس ...
نمط الحويحي خذه
وياه للجنة التطبيق .. وشي مؤسف الحقيقة.. كنا نتمنى أحد يمثلنا .. يمثل مصالحنا
..ويمثل الجزئية اللي تخصنا في بسيوني ...خسارة... يمثل مصالح ...يمكن مصالح نفسه
..الحكومة.. الوفاق .. مادري .. بس اللي أعرفه .. إنه مب مصالحي ...
و عبدالله هاشم
.. عبدالله ملينا منك .. ملينا من أفكارك ... وإنت ما تمثلني .. ما نسيت صورك في السلمانية
.. وما نسيت ظهورك على قناة العالم .. و ما نسيت في 1997 قلت إن السلندرات و المولوتوف
حق مشروع .. وما نسيت دفاع المحمود عنك إنك (تبت) ...ما سمعت لا توبة و لا إعتذار
.. وتدرون يقولون إذا مادري منو تابت .. مادري شتسوي.. واللي ما يعرف يطرشلي
عالخاص و باقوله ...و يا خوفي بس بعد ما ياخذ اللي يبيه من التجمع يتوب عن التجمع ويرجع
لربعه اصحاب السلندرات و الملتوفات... ولو اني اشك انهم يقبلونه وبيصير مثل المعلقة
لا متزوجة و لا مطلقة .. عبدالله إنحرق مثل تاير ميشلان ليلة البارحة..
لجميع أعضاء الأمانة
مالت التجمع ... انا ادري ان في ناس منكم ذابحين عمرهم حق البلد و يشتغلون ليل نهار
لكن اللي تجمعه النملة (المخلصين في التجمع) في سنه ياكله البعير (الحويحي و هاشم)
في لقمة .. لذلك عطيتكم تحميلة ... تحميلة فلفل هندي ..يمقن .. يخليكم تتناقزون
و تطردون عشاق الكراسي و المناصب اللي خذوها بفضلي أنا وربعي .. إستغلوا الموقف ودخلوا
من تحت الباب و من الفتحات .. إنتهازين .. وصوليين .. حرقوا روحهم ..
إلى
جامعة البحرين –
رجعتوا
نفايات بنت القرمزي (المناضلة من تحت) و معاها 2 بدي جارد ..و تكلمنا ..و رفعنا
صوتنا ... وصارخنا .. ومافي فايدة... أعطوتنا تحميلة و سكتنا .. رجعتوا وياها 400
خاين .. وسكتنا .. ما بقى إلا حوالي 38 حيوان .. وهذيله متهمين بقضايا جنائية ..
وشنو جنايتهم ؟؟ مختلفة .. أنا ما يهمني إلا قضية ضرب وشروع بالقتل ضد أخونا خالد
السردي ... واللي للحين في المحاكم من تأجيل إلى تأجيل .. المهم .. وصلت رسالة
لجامعتكم الموقرة تأمركم بإعادة ال 38 ذيلة .. !! الحقيقة مادري ليش .. و إستنادا
لأي قانون .. و أي عرف ..!
نعرف ان رئيس الجامعة الموقر عبد مأمور... و ينفذ
الي ينقال له بالحرف بدون نقاش او حتى إعتراض... بس كان خاطري.. وفي خاطر كل شريف
.. في سالفة ارجاع الطلبة ال 38 المجرمين الي عليهم قضايا في المحاكم انك تاخذ موقف
ولو مره وحده في حياتك...
يا اخي... المسؤول
الكبير الي طرش لك رسالة يطلب منك عودة الطلاب فورا تقدر ترد عليه برسالة تقول فيها
ان هذا الشي ممكن يسبب ازمة في الجامعة ... وإنه ممقن يعطل سير العملية التعليمية ...و
انك تتمنى الالتزام بتوصيات بسيوني في إعادتهم بعد ان تنتهي محاكمتهم و تهدأ نفوس الطلاب
الي اعتدى عليهم المجرمين.
تصوروا المنظر
معاي .. السردي يدخل محاضرة و بدون أن يلاحظ إن اللي قاعد يمه هو نفسه اللي كان
يبي يقطه من السطح .. هو اللي طاح فيه طق .. هو اللي سيل دمه .. هو اللي يبي يموته
.. وينتبه عليه ..ويعرف من هو .. شفتوا المنظر ... يبط الجبد ..؟؟ إلا أوف ...
عيزنا نحاول نعطي تبريرات لتصرفات الحكومة .. في كل شي .. في كل الأزمة .. شي مب
معقول ... يا جماعة .. ذيلة عليهم قضايا جنائية ... لو في قضية تمت داخل الجامعة
... في أي جامعة في العالم .. العقوبة بتكون الطرد .. أقلها الفصل لحين تصدر المحكمة
أحكامها في التهم أو البراءة ... حتى عمي بسيوني قال يعودون بعد الحكم فيهم ....
شقاعد يصير ...؟؟
طبعا ... كان حلم
من احلامي و تبخر ... إنك تسجل موقف ... بس بمجرد ما ياتك الرسالة رحت تركض مثل الكتويل...
تعرف الكتويل..؟ ذي ..اللي يحطونه في المطار عشان يعرف وين اتجاه الريح ... و هبة هواء
توديه يمين و هبة هواء توديه يسار... ونسم علينا الهوا .. المهم انك رحت تركض مثل الكتويل...
وطالبت عمادة القبول و التسجيل بمخاطبة الطلبة المفصولين الي من ضمنهم سليلة الحسب
و النسب المناضلة (من تحت طبعا) نفايات القرمزي ... و نادتهم العمادة عشان يستلمون
رسالة اعادة القيد الي كان يكفي ان ترسلونها لهم على عنوانهم في بريد مسجل ...
لكن غباء المسؤولين
في الجامعة عندك خلاهم ينادون الخمة... و ما
بسميهم طلاب يستلمون رسالتهم من الجامعة ..و عند البوابة بدل من ان يرسل جهاز الامن
رجل أمن أمين طرش واحد من الخونه معاهم .. و راحوا كلية المعلمين و صار احتفال بعودة المناضلة
(من تحت) نفايات القرمزي وهالشي كاد ان يلقب الجامعة إلى ساحة معركة لولا لطف الله..
ودي يكون عندنا مسؤول
ريال يقول لا ... لما يحس فعلا ان في شي غلط لكن هيهات منا الريايل كل مسؤولينا اشباه
رجال... او خل نقول بعضهم عشان ما نبات الليلة
في الحد... خصوصا و ان سجن خمس نجوم مخصص لمشيمع و ربعة ... اما لي انا فسجون القذافي
بتكون رحمة بالنسبة حق الي بيخلونا فيه مو احنا الطوفة الهبيطة !!
على قولة المثل ..الحظ حق الشلقة و البلقة
... !
إلى السنة –
صباح الخير ..
صح النوم .. مرتاحين ؟؟ .. إنزين .. شفتوا العرض العسكري أمس ..؟؟؟ لا مب عيال
المشير .. لا .. عيال نصر الله وأحفاده ... سووا عرض عسكري .. منظم .. لابسين
ينيفورم بعد .. عيال حزب الله .. بس ما كان في الضاحية و لا في الجنوب ... كان في
سترة ... جزيرة سترة .. مالتنا ... اللي بين المنامة و الرفاع .. سووا عرض عسكري
..نعم .. في عاصمة الثورة .. وكان فيه عرض للبنات .. الزبيبات .. مب عشان يتمتعون فيهم .. لا .. ليه حزت الحزة
.. البنات ذيله بيكون في يدهم سلاح .. و إنتوا الهدف ... وبعد ما يخلصون منكم ...
متعة تايم ..
ووين الحكومة
..!!؟؟ متى بتتحرك ..؟ جم سني مستعدين إضحون فيه قبل ما تتحركون ... ؟؟ بالنسبة
للحكومة و الإعلام الرسمي .. إحنا فوق النخل .. وكل شي تمام التمام ... والدليل
إنهم ما وقفوا رقص عارضة و سامري و سيوف ... متى بتتعلمون ..؟؟ السيف ما صنعوه
عشان الناس يرقصون وياه.. ما في بطولات في حلبات الرقص .. المراجل مو هناك .. هكم
الجماعة .. سووا مليشيا .. واليوم عندهم مولوتوف .. و باجر كلاشينكوف ..و إحنا على
التلفزيون قاعدين نرقص بالسيف ..
إحنا في خطر ..
والخطر حقيقي .. والأزمة يبيلها معالجة و معالجة حقيقية .. قاعدين نعالج سرطان في
دمنا بالبندول ... إذا إستمرينا على هالعلاج ... النتيجة حتمية ... وتحاميل
التخدير ما عادت تخدرنا .. تحركوا ..
إلى
أسامة التميمي –
مبروك يا سمسم
... صرت بطل .. ونجم تلفزيوني ... على قناة العالم عاد .. ألد أعداء البحرين ..
صرت بطل عندهم .. مستانس ..؟؟ بعت ديرتك يا سعادة النائب .. لعدونا .. و رفيج عدوي
... عدوي .. و أنت عدو لي الحين .. وللبحرين .. للأسف ما يقولون عن قضايا المخدرات
و التزوير و السب و القذف اللي عليك .. يقولون بس إنك نائب سني .. إنت عرة السنة
.. ما لنا صلة فيك .. ولا نبيك .. لف خذلك تحميلة سيد قشطة .. لف تف عليك ..
إلى
أمريكا –
يا بلد
الأخلاقيات العالية .. يا بلد الحريات .. يا بلد الديموقراطيات .. يا بلد
جوانتانمو .. يا بلد أبو غريب .. و أخلاقيات أبوغريب .. وصل فيكم الحال .. جنودكم
يتبولون على الأموات ..!!؟؟ هذوله اللي مسدحين لما كانوا عايشين خلوا جنودكم
يبولون على روحهم ... خلوهم يصحون من نومهم ينادون مامي .. و دادي .. يبون ينتقمون
منهم الحين .. ما كفاهم إنهم قتلوهم .. طلعوا حقدهم الجبان .. على جثث ...
لما طلعت فضايح
أبو غريب قلتوا إنها أفعال محصورة بإشخاص .. لما طلعت فضايح جوانتانمو قلتوا نفس
الشي .. لما دنستوا المصاحف .. قلتوا نفس الشي .. إنتقمتوا من بن لادن .. وقطيتوه
في البحر .. والحين جنودكم يتبلون على شهداء طالبان .. و تقولون إنها حادثة
منفصلة... إنتوا اللي ذبحتونا بحقوق الإنسان .. ولوعتوا جبدنا إنتوا و نبول بن رجب
.. إحنا ما نبي منكم تحترمون حقوق الناس اللي عايشه ... ممكن تحترموا حقوق الناس
الميته !!!؟؟ ماتوا ..خلاص ..ما منهم أذية ... دنستوا حقوقهم و حرمتهم .. يا مستر
أوباما .. عندي لك تمثال الحرية .. سويته لك تحميلة .. لف هالسوده ..
DR. KNOW
ليست هناك تعليقات:
إرسال تعليق