إلى
متى –
أيام و بنصك
السنة على بداية الأحداث .. والوضع من سيء إلى أسواء .. و الإضطرابات تتزايد .. و
الإقتصاد مخنوق .. يمكن موظفين القطاع العام ما يحسون فيه .. بس القطاع الخاص
حاسين فيه على الأخر .. الحالة النفسية عند المواطنين مهزوزة .. المواطن يشعر بإنعدام
الأمن و الأمان .. وفوق ذي كله المواطن يعيش حالة من القهر.. يشوف الإعفاءات .. و
المسامحات ..و الأحكام تنلغى ..و الإنقلابين يرجعون أشغالهم و فاقعين في عيونه بصل
... ما أبي أزيد عليكم ...بس السؤال ... لمتى ؟؟ لمتى بنصبر ..و شقد ..؟؟
المشكلة ..والله
تكلمنا فيها وايد .. بس ولا بفايد .. مشكلتنا مع الحكومة تتلخص بإنعدام
الشفافية... ما ندري شنو صاير .. ولا شنو قاعد يصير ... ولا شنو الحكومة قاعدة
تفكر و تخطط ... ولا شي .. وطبعا الأبواب مفتوحة للإشاعات و القيل و القال .. وكل واحد صار محلل سياسي ماشالله .. وأولهم أنا
... الدولة تتعامل معانا بسياسية اللي ما تعرفه ما بيضرك يا مواطن .. سياسة النعامة
... وهاي عفا عنها الزمن .. المواطن صار عنده وعي و نضوج ... ويرفض أن يكون
بالظلام .. ويرفض التهميش .. هناك من راح يقول ..يا أخي الحكومة ما تقدر تقول كل
شي ... في أسرار دولة .. واشياء لو إطلعت ممكن تسوي الأمور أسواء ... صبروا ...
نقول ..أوكي
...بس لمتى يا حظي ..؟؟ إذا الدولة ما تقدر تبوح .. ماشي .. بس لاتقول إن كل شي
عال العال ..!! يعني لاتخلينا نجذب عيونا و أذونا و حتى خشومنا .. يعني إنه ما
تقول هاي شي ..و الإنكار شي ثاني .. بعد ما نقدر نتحمل إهانة ذكائنا .. ما صارت يا
جماعة.. يعني اللي يقولة تلفزيون البحرين معقول يعني ..؟؟ الديرة ذاك اليوم قاعدة
تحترق و هم حاطين برنامج عن الخيول ..!! معقولة ذي ..؟؟ إنزين ..ما نبيهم ينزلون
الشوارع و يبثون عالهوا .. بس يعطونا برامج تحليلية .. يبون ناس عندها فكر... نبي
نحس إنهم ويانا .. يا أخي .. يكلمون المواطنينن العاديين في الشارع .. أو على
القهاوي إذا حصلوهم.. وصدقوني المواطن البسيط صار عنده فكر.. و منتبه.. ويعرف
إشيبي .. وما نبي ناس تروح إطبل .. ما نبي تطبيل و تزمير .. نبي نعرف إحنا وين و
رايحين وين ..نبي نعرف أخرتها .. ونبي إحترامنا و إحترام عقولنا..
باقولها بصراحة
.. هل الدولة منتظرتنا ناخذ حقنا بيدنا؟؟ ترى نقدر .. تقولنا .. ليش علينا نتنسم
دخنة تايرات سامة و مسيل دموع .. ليش نكون معرضين لمولوتوف و قطع شوارع ... ليش
عيالنا يعيشون بخوف ورعب .. محد في العالم كله يصبر على حكومته سنة كاملة تحل
مشكلة مع حثالة .. الإنجليز ما صبروا ساعات .. ولعنوا قفد الأولي و التالي منهم ..
في أمريكا أيام .. إحنا عندنا بالسنين .. مو حالة يا بعد جبدي يا حكومة .. يبيلكم
تحميلة فلفل هندي .. وجذي
ماذا
تريد الوفاق –
الوفاق يا جماعة
الخير من بداية الأزمة و هي ترفع مطالب .. هذه المطالب تغيرت عدة مرات .. و السقف
إرتفع مرة و نزل مرة ..وأقدر أقول إن هالمطالب نوعين .. نوع ممكن يصير ..وحالا ..و
مطالب هم يدرون إستحالتها و خاصة في الظروف الحالية .. بس يقولون خلونا نطالب فيها
يمكن أو بنحاول أنها تصير مستقبلا .. يعني .. كل الأمور المعيشية إما تحققت أو في
طريقها ... صلاحيات البرلمان .. تمت .. ولو مب كلها ... بس في لحلحة .. مافي داعي
نعدهم .. اللي يعرفون إنه ما بيصير .. إن رئاسة الوزارة تكون في يدهم .. ولا
الحكومة المنتخبة .. السني لايمكن يتصور إنه خليل مرزوق ممكن يصير وزير الداخلية
..و خليل عبدالجليل وزير الدفاع ... إنسوا الموضوع ..
الوفاق ما تقدر
تشيل الجبل خليفة بن سلمان .. وهم يعرفون .. ومتقبلين هالشي .. ولو إنهم ما
يقولونه .. بس هم يراهنون على إن في يوم خليفة بن سلمان ما بيكون موجود و يبون
يكونون على إستعداد لهذا اليوم .. عبالهم الديرة سايبة بس جذي .. بوعلي .. عسى عمره
طويل .. وراه رجال .. يحملون الأمانة من بعده .. و يحمون الديرة من أطماع المجوس و
أذنابهم ...
الوفاق صارت مثل
الدودة الزايدة الملتهبة .. تسويلك أوجاع و ألالام .. المسكنات ما تنفع وياها ..
ما عندك حل إلا عملية إستئصال .. وإلا ... بتصل لمرحلة بتنفجر في داخل جسمك .. و
النتيجة ... تسمم في الدم .. و غيبوبة ... وربما الموت ... العملية سهلة جدا ..
وما تاخذ وقت .. ولكنها ضرورة يحتمها
الوضع الطبي ..
على أي حال ..
حضرت لكم تحاميل تايرات صغيرة .. بنعطيكم إياهم و بعدين ... بنشعلهم .. تفضلوا ..
وبنستانس على الدخنة طالعه من ... أذونكم .. بنسميها عملية (حداد التحميلة ) ...
مممم أدري ربعنا عندهم كلمة بديلة ... بس خلاص ... وجذي
إلى
ندى ضيف –
تعرفونها ذي ..؟
دكتورة .. خاينه .. إخت الخاينة المرتزقة
لميس .. رفيجة الخاينة فاطمة حجي .. ورفيجة الخاين نبيل رجب.. يعني .. كيف ما
قطعتها الخيانة في دمها .. دكتورة الشيشة و معسل التفاح ..قامت تفتي .. فمثلا ..
أفتت إن اللي إسمها بدرية في سنابس و اللي حرقت روحها وماتت .. هي شهيدة... شهيدة
الكاز .. الشيخة ندى قامت تفتي .. منو شهيد ومنو مب شهيد .. ما سمعنا من الشيخة
فتوى تقول إن الشرطة اللي ماتوا شهداء .. أبد .. والحمد لله إنها ما قالت .. مب
محتاجين لفتوى منها ..
مافي شيعي يموت
هالأيام إلا و يشهدونه .. وصار عند بنت ضيف و نبول رجب توكيل إلهي بإن فلان شهيد
.. مب كفاية من العمايم الخايسة .. الحين كل واحد عنده حساب توتير قام يفتي .. لا
وتقول بعد .. من وجهة نظري إن اللي إنتحرت بالنار شهيدة ... من وجهة نظرها ..
أها.. ما تقول شنو مؤهلاتها الدينية .. ولا في أي آية .. إن اللي تنتحر بالحرق
...و تشوي روحها .. شهيدة وتدخل الجنة ... أنا لا أدعي إن هاذي المرة بتدخل الجنة
أو النار .. ما عرف .. ولايهمني .. يلا نفسي .. ولما هالجاهلة بنت الجاهلة تتأول
على رب العالمين و هي تجذب و تدري أنها تجذب .. فهذا دليل على زيف ثورتهم و حتى
مذهبهم .. خفي علينا شوي يا آية الشيطان ندى خامنيىء..
فيه حمار مات في
سترة اليوم .. وقاموا وحطوه في نص الشارع .. حتى الحمار سووه جزء من ثورتهم ..
يلالا شيخة ندى .. سويه شهيد .. شهيد الكنار... ماعرف ياكله مسكين .. شهيد مثل
الديهي ولا شهيد أمواج .. وغيرهم و غيرهم .. بس من وجهة نظرج شيخة .. ما تعتقدين
إنه حرام يجرجرون فيه ميت و يقطونه بنص الشارع ..؟؟
وما إكتفت بإمور
الدين .. قامت أشوف تفتي في أمور التاريخ بعد ... شعندها .. وأعطت أسباب سقوط
الدولية الأموية .. طبعا على حسب النظرية الشيعية .. وأول سبب لسقوط الدولة هو قتل
يزيد للحسين .. ولإنهم شغلوا ناس مثل الحجاج .. وطبعا ..هي تبي توصل لمقارنة إن
سقوط الدولة الأموية كان حتمي ...كما هو سقوط حكم آل خليفة..
صار الكذب و
التزييف والتهويل عقيدة ومنهج لعائلة ضيف بأكملها و معهم الوفاق و نبول رجب و
غيرهم .. و الحكومة لا حس ولاخبر .. وكأنها غير معنية بالموضوع .. ولا كأن في شي
إسمه تعريض البلد وأمن البلد و سمعتها للإبتزاز و التشهير .. مادري ليش الوضع
عاجبهم.. مادري ليش الحكومة ساكتة .. مادري
ندوي .. يبيلج
تحميلة جمرة من شيشة دبل تفاح ... مع الهوز .. وجذي
إلى
السفير الأمريكي –
هيي مان ...
واتساب دوود .. يو كريزي مان .. يو أر نوت كوول مان .. يو أر بلاك فيس ..يسسس ... إنت
شفيك وايد خاكسور .. قولة ربعنا الهوله
..! ها ..؟ ما تعجبك كلمتين حق إنقالوا في مؤتمر المنامة قمت و إنسحبت ..
وين الديموقراطية مالتكم .. وين الرأي و الرأي الأخر .. سوري .. هاي الجزيرة.. بس
هي تبعكم لا ..؟ ماعجبك كلام ضاحي خلفان.. ولا كلام تركي .. مع إنهم ما قالوا إلا
الصج .. إنتوا أكبر تهديد لأمن الخليج .. و المجوس وراكم على طول .. وتلعبون فينا
الطيحة مرة إنتوا و مره هم .. وتتقاسمون الأدوار .. وكله عشان مصالحكم ..
أبد ما راح ننسى
شلون بعتوا البحرين .. و حكومة البحرين .. وشعب البحرين السني ...ومعانا شرفاء
الشيعة ... بعتونا لشوية خمة .. تحت شعارات زائفة.. و إنتوا عارفين زيفها .. و
عارفين إنها ماتركب .. بس حطيتوها ضمن معادلات الربح والخسارة.. وكبرتوها في إطار
إقليمي و دولي ... وضيعتونا .. على الأقل حاولتوا .. لولا ستر الله ..
إذا بتزعل و
بتاخذ على خاطرك .. إزعل .. وروح عند علي سلمان يطبطب على ظهرك ويراضيك .. كان من
الأولى لو إنك (مان) إنك توقف وتقول .. أمن دولكم من أمن أمريكا و إحنا ما بنتخلى
عنكم .. و إحنا و إحنا .. بس لا .. زعلت ..و إنسحبت .. أقول يا .. نسيت شسمك ..
زعلت .. إشرب الخليج ... و إبتدي من مضيق هرمز .. أند لايك ثيزس..
دو يو وانت تحميلة
..؟؟ يس يو دو .. أي نو .. تحميلة بيج ماك .. كتبتها لك بالإمريكي شان تفهمها ..
شفت شلون ..
إلى
الشيخة دينا الصباح –
ما دري شفيها
الكويت .. بلد صغيرة وحلوة ومحافظة .. أشعر إن الكويت نازل عليها إبتلاء.. مادري
ليش .. بس يقولون ... إذا ذهب الحياء ... حل البلاء ...الكويت على صغرها يطلع منها
عجايب كبيرة.. أشياء تزعل .. اشياء مثل البويات و الشواذ و الجنوس و حليمة بولند و
بوحواجب ودشتي وحيدرو ومادري منو .. أشياء ... مثل الشيخة دينا ... حضرتها تنافس
في بطولات بناء الأجسام .. وطبعا هاي يتطلب منها عرض 90% من جسمها ... وحتى هذا ما
كفاها ... قامت و برغبتها وبإرادتها وفصخت ال 10% الباقية وعرضت كامل جسمها
للمصورين و هي مثل ما ولدتها أمها .. إنزين ..أدري بالغت شوي .. الحقيقة كانت
لابسه جوتي .. ومحد ينولد لابس جوتي ... إلا إذا شيوخ ...فا كل شي جايز ..
.. إيه .. شفت الصور.. حوالي 100 صورة.. ما
تحملت أشوف إلا بعضهم .. وصراحة .. جسمها رياضي حلو.. بس شعرت بإشمئزاز كبير .. و
مرارة في الحلق .. لحمنا غالي .. ما يصير جذي يا شيخة .. بلد الطبطبائي والعوضي و
سميط إطلع هالأشكال .. ماصدق.. الشيخة دينا أهانت كل كويتي ..و كل خليجي .. وكل
عربي .. وأقول وكل مسلم .. عيب يا شيخة .. والله عيب .. جتك نيلة يا شيخة .. وتف
عليج ..
إلى
سعادة النائب شمطوط –
يا حليلك .. صج
تينن ... خاطري أيبك في حفلة عيد ميلاد اليهال في ماكدونالدز.. بدل ال كلاون ..
كنت وايد كيوت .. وصوتك جهوري و عجيب .. ذكرتني في أيام زمان اللي كانوا يبيعون
الرويد على الحمار ...
أطالب الحكومة
..ومن هذا المنبر .. والحكومة يتابعونلي أول بأول .. وأطالب مجلسي النواب و الشورى
بإعتبار اليوم الذي تكلمت فيه سعادتكم عطلة رسمية لمملكة البحرين و ضواحيها.. وذلك
إحتفالا و إبتهاجا بهذا اليوم التاريخي وهذا الإنجاز الديموقراطي .. وعساك عالقوة
...
إلى
الحويحي –
سمعت عن مبادرة
لشباب الفاتح بلم الشمل .. و المصالحة بين الجمعيات .. وسعيهم مشكور.. هاي اللي
نبيه من شبابنا .. وإجتمعوا مع عدد من الجمعيات .. وسووا تقدم ملحوظ .. بقدرة قادر
تطلع علينا حضرتك اليوم بمبادرة مصالحة .. إنت ..!!!؟؟؟ شوف ما ابي أغلط ..
والدنيا مغرب .. مادام في مبادرة على الطاولة ... ليش نجهضها بمبادرة ثانية ..؟؟
أقولك .. لأن إنت الله يسلمك ما فكرت فيها في الأول .. كنت مشغول تراضي الخونة ...
ربعك الأوليين .. و شلون ترجعهم أشغالهم ..وشلون .. ترى صج ما أبي أقول .. إذلف عن
ويهي ..
كلمة
ومعنى –
وصلتني هالأسبوع
عدة رسايل تطلب معاني كلمات .. الجماعة يدرون إني ساعدت في تأليف معجم (لسان
العرب) و يبون من علمي اللغوي .. وأنا أرحب بكافة إستفسارتكم .. ياتني كلمة من
الدكتور محمد بنفلاح يسأل فيها عن معنى كلمة (حراك) ... أشكرك دكتورنا على إستفسارك
ولاتنسى تييب وياك شوية هالوباريدول و
لارجاكتيل الله يسلمك.. وكمشة ليثيوم ... صرنا مب عارفين شي يا دكتور .. بس الصراحة
ماعرفت معناها.. ماقط مرت علي .. فإتصلت بكل اللغويين من شعبولا و روبي و غيرهم
...واللي طلع مسافر ..واللي في معهد إعادة تأهيل واللي في السجن ... ما طول عليك
... فيه إستاذ فطحل في العربي إسمه راجيش يشتغل في سوق واقف فسألته ..
قال – دام ظله
..لأن الشمس دايما من وراه – حراك بابا نوعين .. في حراك زين ..وفي حراك واجد مو
زين .. حراك مو زين .. مثل مال الوفاك (الوفاق يعني) ..هذي بابا حراك مثل مال
أمعاء غليظه .. من تحرك مال بطن .. و كله خياس .. هذا بابا مو زين .. أما حراك
واجد زين .. فهو حراك أهل الفاتح ..وأصل الكلمة من (حرك) و هي عظمة في كاحل القدم ..
أي مشى و نهض ووقف .. وطالب بحقه المشروع و المسلوب .. ثم قال .. أرباب إنت في يبي
تصليح بنجر ؟؟ .. يتكلم فصيح بعد شعنده ..
أرجو أن يكون
حصلت إجابة شافية دكتور .. وجذي
DR. KNOW
ليست هناك تعليقات:
إرسال تعليق