في حجي وايد هالأسبوع ... أهمه ... مبروك على البحرين اليوم الوطني ....
إلى الإرهابيين –
إييه إييه إنتوا ... مب عارفين روحكم ؟ إنت
و إنت و إنتي .. اللي سادين شارع البديع .. و اللي حذف مسيل دموع على ناس أبرياء في
منتزه ..و اللي يحرقون تايرات كل يوم وكل ليله .. و اللي إعتدوا على أسرة أجنبية في
سار... إيه إنتو ...إرهابيين .. حاولتوا إرهاب الحكومة و ما فاد .. حاولتوا إرهاب
الشعب ... و الشعب صامد في ويوهكم النيسة .. الحين لفيتوا على النسوان و الأطفال
الأجانب تخوفوهم ... أخ بس لو الحكومة تحكمنا فيكم ... صدقوني إخواني و أحبتي الإرهابيين
... حيكم ما بيقدر يشيل ميتكم ... أخخخخخ ... و إحنا ما عندنا لا بوسنر ولا بسيوني
ولا يعنوا لنا شيء.. أخخخخخخ...
إلى الوفاق و طختها –
حاولتوا إفساد فرحة اليوم الوطني علينا –
بس طز فيكم .. إستانسنا .. و رحنا البر .. و سوينا باربيكيو .. طافكم الصراحه ..
كان ودنا لو يتوا تاكلون ويانا (طل فيكم هاي تقية) ... إنزين كان ودنا تحتفلون
ويانا على طريقتنا (بعد طز فيكم) ... إنزين .. ما تبون تحتفلون ...و الطقاق .. مب
مهم .. الديرة لنا كلنا و اللي يبي يحتفل ..هاي ديرته .. اللي ما يبي .. كيفه ..
بس إحنا مب فاهمين .. تبون تبندون الشوارع .. إنزين .. الشارع ملك لكل مواطن و
مقيم .. مو من حقكم تبندونه .. إنزين ..بندوته .. يو الشرطة إنزين بيطلعونكم .. ما
بتمشون بالطيب .. شتبون يسوون ها؟ يطلبونلكم بيتزا يعني ؟ ولا تبون تكه من ترن
ترن؟؟
إطقونهم بالأصياخ و علب الدهان .. والطابوق
و الحصى .. إنزين .. إذا طقوا عليكم مسيل ..وين الغلط ؟؟ المشكلة إنتوا أدمنتوا
على المسيل .. مثل ما إنتوا مدمنين مخدارات و بيثادين ... وليش تقولون قمع وحشي ؟
إذا عندكم نوعية من القمع غير وحشي خبرونا ... باكلم الداخلية... شنو أسلوب
التفريق اللي يوافق عليه بلبول ؟؟ والله إنتوا ما تستاهلون البحرين ... الحكومة و
الشعب البحريني صابر عليكم .. ونشوف أخرتها وياكم ..
رفيجنا
المحشش يتابع روايته لألف ليلة و ليله على طريقته -
لميشزاد تحكي قصص أبطالها ..
بارويلك يا مولاي قصة أميره إسمها دلمانه...
من حسنها سموها دانه .. ساكنه في قصر دار ماداره بحر يحضنه شطئانه .. خطابها كثر
ومن كل البلاد يبون رضى أبوها و إخوانه .. لكن اللي حبها و ذاب في غرامها بطل مغوار يسمونه علي بو
عمامة .. وكان علي شيخ دين بس في الليل يحب يلبس فستانه .. قاطع الملك كلامها و
قال ... يلبس فستان!!؟؟ بطل مخنث !؟ وشيخ دين وبعمامه ؟ ما قط سمعتها يا خرفانه.. قالت لا يا مولاي هاي صارت و إستوت في زمانه ..و
يعرف الديهي !.. كان يقلب ساعات كهربا و ساعات بطاريه.. المهم إنه كان يدري ما بيعطونها إياها .. فقام سوى خطة ذكية مع
أذنابه .. و في يوم ما أشرقت شمسه ولاغابت أقماره .. قام هو و ربعه و خطفوا دلمانه
... و خذوا بنت الحسب و النسب و الأصول وحطها في سردابه ... غرفة ضيقة معتمه و
كبلها بإصفاده .. غضب الملك و قال ما تتعامل بنات العوايل جذي ... شلون بطل, سود
الله رقاعة ... إنزين ... و بعدين ..
قالت يا مولاي ... بعد ما خطفها طرش لأبوها
من صوبه جماعه ... قالوا له ... ترى بنتك محفوظه و مصيونه و بترجعلك بس بشروط ...
أبوها زعلان و منقهر بس شيسوي .. قال أنا رقبتي سداده ... قالوا له بوعمامه طالب
يدها منك لأجل يناسبك و تكون أصهاره .. رفض أبوها و قال أنا بنتي ما تتزوج إلا
بكرامه .. يلا طلعوا من بيتي و أنا لي حساب ويا بو عمامه ... إستانس الملك ..و
عجبه رد أبوها و قال هذا ريال ينعرف من أعماله .. و شنو سوى ؟؟؟
أهو مولاي إجتمع ويا العائلة و المقربين و
قال شوروا علي يا جاهه .. قال أبنه العود هذي إختنا و حبيبة أبوها و ماخذه كل
دلاله ... أنا أقول أروح أكلم بوعمامه و أقوله عن أبوها وعن حاله... عسى يرجعها
لبيتها و لأبوها و أحضانه ... و قف عمه العود و قال شيقول علينا العربان نترجى من
خاطف حنانه .. أنا أقول نيبه من تحت الأرض ونعدله ختانه... و أقول أحسن نقطعله ..
وقف الأبو وقاطع ..و قال شكرا لعمنا العزيز و كثر الله أمثاله ... البنت بنتنا و
نبيها ترجع سالمه ... روح يا ولدي و شوف شتقدر تسوي ويا بو عمامه .. الملك ما
عجبه الحجي بس قال ...معذور أبوها ومكسوره جناحه..
راح الإبن يا مولاي و قابل بو عمامه .. و
قاله أنا بالنيابه عن أبوي و مرساله .. هد إختنا و بالهدوء بتحصل إستجابه .. قاله البطل
إللي ما له أمانه .. هاي طلبي كان من زمااااان ... بس الحين طلباتي تغيرت و اللي تقوله
إنت إستحاله ... أبي عمكم يعتذر عن اللي قاله .. و يطلع من الديره هو وعياله ... أبي
أبوك يطلع من القصر ويشيل عزاله .. و أبي نخل أبوك و بستانه .. وإذا ما عطيتوني اللي
أبيه بأغتصب دلمانه .. أما الحين فأقولك إنتهت الزياره .. رجع الولد و كله حزن و
ألم و كآبه .. شيقول لأبوه و عمه و رجاله ... الملك متخسبق ما يدري شيقول .. يهز
راسه ويقول .. هذا مب بطل اللي يخطف بنات, قص الله لسانه .. واصلي ..واصلي ..
قالوا لا نفقد الأمل و دزوله أحد ثاني
يعقله .. و تصدق يا مولاي ما فاد وياه ... و كل ما راح له أحد زاد في طلباته ..
الملك متضايق حده و قال ...لو عندي شرحته و علقته بشماعه ... إنسان خسيس وزباله ..
مولاي, ما عجب الحال جيران أبوها و أصحابه
.. وراحوا صلوا في المسيد و نادوا بو عمامه يترك بنتهم دلمانه .. وقالوا إذا تبيها
خذها بالمعروف و الطريج سهل عنوانه .. بو عمامه ما كان أبد يتنازل وحشد غلمانه ...
وفي يوم أسود في حياة دلمانه ...صار ..... نوقف هني و نكمل المره اليايه عشان ما نطول على
لطيفه ...
مقال عجبني -
طالعت مقالا مهما للدكتور عدنان الكبيسي و
هو كاتب عراقي و نشر في جريدة البلاد يوم الجمعة الماضي. و أنا أقتطف منه جزئية
يعدد فيها الكاتب المسئولين العراقيين الذين يحملون جنسيات أجنبية ... و لي تعليق
.. هذا ما قاله...
“وزير خارجية العراق بريطاني الجنسية، وكيل
وزارة الخارجية بريطاني، وسفير العراق في الولايات المتحدة بريطاني، وفي نيويورك إيراني،
وفي استراليا أمريكي، وفي سويسرا بريطاني، وفي اليونان اسباني، ولدى إيران إيراني،
ولدى تونس بريطاني، وفي ألمانيا ألماني، وفي بريطانيا بريطاني، وفي أذربيجان تركي،
وسفير العراق في الجيك جيكي، وفي الصين بريطاني، وفي النمسا نمساوي، وفي بولندا بولندي،
وسفيرنا بفرنسا نمساوي، وفي بلغاريا بلغاري، وبالفاتيكان بريطاني، وسفيرنا المرشح لقطر
فرنسي، وسفير العراق برومانيا روماني، وفي كندا كندي، وممثلنا بالجامعة العربية أمريكي، وسفير العراق في اليونسكو
أمريكي، و في السويد بريطاني، وفي هولندا هولندي،هناك آخران هولندي ونرويجي وآخرون
لم نهتد إليهم. ترى هل تحول العراق بباقة السفراء هذه إلى وكالة دولية يجمع من كل قطر
شوكة، ومن يحمل جنسية أجنبية سيكون قسمه بالولاء للعراق أم لبلد آخر يحمل جنسيته وسبق أن أدى له القسم
بالولاء."
ما أشبه الحالة عندنا في البحرين ولكن من
ناحية المعارضة ... هل لاحظتم إن الكثير من المعارضة إن لم تكن جلها تحمل جوازات
غير البحرينية .. أمثلة .. لننظر .. علي سلمان إنجليزي ... الخواجة و بناته
دانماركيين .. نبيل رجب أمريكي .. الشايب إنجليزي و عباس عمران و الموسوي و
المسقطي و علي الأسود و مطر مطر .. و الحبل على الجرار... بينما ليس في الحكومة أي
مسؤول مزدوج الجنسية ...
السؤال – لماذا يحتفظ هؤلاء بجنسياتهم
الأجنبية؟؟ هل هي مسألة ولاء لتلك الدول؟ أم أن جوازاتهم أقوى من الجواز البحريني؟
أم إنهم يحتمون خلف تلك الجوازات ؟ أم إنهم لديهم خطة (ب) ؟ كل هذه الدول تفرض على
المواطن دفع ضرائب أو أقلها تقديم إقرار ضريبي كل عام- فهل يفعلون ذلك؟ أين الولاء
للبحرين التي ليس بها نظام ضريبي و الإنتماء للبحرين مجاني؟ هل تعلم إن الحصول على
هذه الجوازات يتطلب إداء قسم الولاء لتلك الدول ...فلمن الولاء يا علي سلمان؟؟ وأخيرا - ألا يمنع القانون البحريني إزدواجية الجنسية و
بحصول المواطن على جنسية دولة أخرى يسقط عنها شرف المواطنة البحرينية؟
أفراح بلادي و
أحزانها -
يوم الجمعة العصر رحت المطار أوصل اليهال
...سافروا في الإجازة من غير شر .. أخذني الطريج حوالي 45 دقيقة من مدخل المحرق
بعد الجسر إلى المطار ... الناس مستانسة ... وجوه حلوه .. والكل لابس جنه عيد ..
أعلام البحرين ترفرف عالسيارات و في الأيادي .. لويه .. رجعت البيت عن طريج شارع
البديع .. كان كئيب .. كأنه مهجور .. شرطة الشغب هي الوحيدة اللي في الشارع ..
ريحة مسيل الدموع تملى المكان ...في يوم البحرين ... يوم فرحنا لفرح البحرين ...
ناس إختارت الفرح و البهجة و الإحتفال و ناس إختارت الكآبه و الدمار و الشغب ...
شعب واحد .. مشروخ ... يفصل بينهم دقايق بالسيارة ... وسنين طويلة في المحبة ...
المسألة مسألة إختيار .. فئة من الشعب إختارت .. الأمن و السلام و الأمان بإسم
الديموقراطية المكتسبة... و فئة إختارت الترويع و العنف والفوضى بإسم الديموقراطية المفقودة ... وقلبي
عليج يالبحرين .... قلبي يعورني ...
توتايه –
مكون كبير من الشعب يرفض توقيف بواسل
الشرطة – ليس هكذا يخدم القانون @MOI
SMS -
لا تزال لميس تتحدث عن الشرف ... قالوا إن
تابت فلانه سوت مادري شنو ..!!
بي بي برودكاست –
كانت الأمطار تهطل بغزارة ذات يوم , و أتى
رجل يصرخ في مجلس أبا لهب قائلا .. سيل ...سيل ... فقال أبو لهب ..هبوا يا قوم
فجواد مسوي سيل و علينا مساندته ... فعم الفرح و السرور وضحك من في المجلس بس
بعدين غرقوا و بهالمناسبة السعيدة سويت لميس (زبيدة خانم) عملية تجميل و ندى ركبت
تاكسي و قعدت تصيح و نبول غير قميصه و جذي ...
DR. KNOW
ليست هناك تعليقات:
إرسال تعليق