إلى دول الخليج
العربي المتحدة UAGS -
أتابع مسيرة مجلس التعاون من أول إجتماع
ليومنا ... يعطيكم فكرة جم بالبركة عمري ! أقدر أقول و بكل ثقة إن الإجتماع الأخير
كان يسوى كل هالإجتماعات الواحد و ثلاثين اللي سبقت مجتمعة .. وهي كلمة وحدة في
جملة وحدة ..و قالها بومتعب ... و من غير لف ولا دوران .. قالها .. الوحدة .. هاي
اللي يبيه الشعب الخليجي .. من الكويت لعمان .. شعب واحد .. مصيرنا واحد ..
أفراحنا وحدة ..و أحزانا وحده .. و الخطر اللي علينا واحد .. ناس فرحانه و طايره
من الفرح.... و ناس جبدهم منبط يااااااوووو....
جماعة سألوني – شنو يأثر علينا إن صار في
وحدة خليجية و خاصة في هالأوضاع !؟ حاضر باقولكم .. وهاي تحليلي أنا و ممكن يصيب و
ممكن يخيب.. بس تحليلاتي أبد ما تخيب !! إنزين
... أعتقد إن الحكومة كانت عارفة عن موضوع الوحده ... يعني مو معقولة بو متعب فجر
قنبلة (قنبلة خير) من غير ما يكون صار فيه أخذ ورد مع كل الدول .. و كان في
تسريبات من جم شهر بخصوص الكونفدرالية .. يعني كان في حجي .. المهم ... فأنا أجوف
إن موضوع الوحده بينهي المطالبات الشيعية .. و إن الحكومة أبد مو في عيله من أمرها
تحل الموضوع ... طلعوا المساجين ..إنزين و الطقاق طلعوهم.. المفصولين .. رجعوهم ..
وين المشكلة ؟؟ الحكومة ما عندها مشكلة .. مظاهرات و شغب مني و مناك ... ييياه
طرشولهم جم شرطي بيفرقونهم مثل الفيران .. جمن شرطي سووا شوية نوتي ... شعاد ..
ضربتين على اليد و مشيلهم معاشهم و بونس بعد وإجازة في بانكوك .. المشكلة إن إحنا نبي نشفي غليلنا منهم و حالا
.. نبي الدولة إطيح فيهم طق ليه الله ياخذ روحهم ... الحكومة لها نظرة ثانية ...
أنا أقول إذا السيناريو ذي صحيح فسياسة
التمييع هي سياسة ناجحة .. و بنظر العالم البحرين تعاملت مع الإرهابيين بكل سعة
صدر .. حتى بوزنرو ما غيره يبي الحكومة تستعمل شوية شده زياده .. و الحكومة في
راسها موال ... فا يا جماعة هذي نظرتي للأوضاع و الوحده المنتظرة ...وجذي..
اللي ما يعرفه .. فهو إنسان محظوظ ...
للأسف هالحيوان هو رئيس وزراء العراق .. إنتظر حكام العراق الفعلين ينسحبون و في
نفس الوقت إبتدا عملية نقل السلطة إلى أسيادة الإيرانيين.. أول شي سواه بعد إنسحاب
الأمريكان .. طلع قرار بالقبض على نائب الرئيس .. نائب الرئيس يا جماعة .. يعني لو
البطريق رئيس العراق مات هو بيتولى
الرئاسة ... مادري ليش رئيس العراق اللي مادري شسمه يذكرني بالبنجوين اللي في فيلم
الباتمان ... يبيه ينقبض عليه بتهمة الإرهاب ... معليه يالهاشمي غلطتك إنك سني في
بلد تحكمه الشيعة الصفوية ... أوووه ... نسيت صالح المطلك بعد ... سني ... و نائب
المالكي , ويبي يطرده ... لأنه قال إن المالكي ديكتاتور ..و أسواء من صدام .. ما
عجبت المالكي .. ما يدق عليه من النوكيا و يعاتبه .. لالالالالا ... أمر قبض ...
أعلى إثنين سنة في الدولة مطلوبين للعدالة ... أي عدالة عاد ؟؟ العدالة الصفوية
... على فكرة العقوبة على الهاشمي لو ثبتت هي الإعدام ... !! سفاح بغداد المالكي
كف يدك عن السنة .. أياديك الصفوية ملوثة بدماء السنة ... و سجونك السرية .. والقتل
... والتعذيب ... والإغتصابات ..و التهجير ...والله إنك ديكتاتور أسواء من صدام ب
99 مرة ..
فكرة مخيفة – تخيلوا إن الثورة المزعومة نجحت في البحرين !!! مجرد التفكير فيها
يعور .. تتذكرون هاي الجملة ... إخوان سنة و شيعة .. أها ... جان إحنا إخوانهم اللي من البطة السوده قاعدين في السجون أما ننتظر
تنفيذ أحكام ... أو ننتظر القاضي سيد جعفر يحكم فينا ... هذي كان بيكون مصيرنا ..
تهويل ؟؟ لالالالا ... شيعة العراق هم من إبتداع جملة إخوان سنة و شيعة ... و شفنا
النتيجة ... و ثورة البحرين المزعومة هي نموذج مصغر من العراق ... يكفي إن مرشد
ثورة البحرين هو هادي المدرسي أزال الله ظله النجس وبط سره الوسخ ...
نقطة أخيرة للحيوان المالكي – إذا إنت مهتم
وايد بمحاكمة الإرهابيين و اللي قتلوا عراقيين ... ممكن أقترح السفاح الصدر ...
الحرامي الجلبي ... العميل الحكيم ... وقنبر (ما أبي أوصوفه) .. بس الواضح بما
إنهم شيعة و موالين لإيران فهم بعيدين عن أي مسائلة.... أي بعيدين .. هم ينفذون
أدوارهم على أكمل وجه.. و يا ريت يعرف العالم أجمع إن الشيعة في الحكم هم مجموعة
مصاصين دماء سنية ...إيران كانت الأولى و العراق ثانية ...و البحرين كانت بتكون
ثالثة ! والله ستر..
تركنا لميشزاد وهي
تحجي قصة الأميرة دلمانه ... نتابعها .. مولاي ... في يوم أسود من حياة الأميرة ..
في ذاك اليوم بان شؤم نذيره.. دخل عليها بو عمامة رافع مجاديفه .. و الشرر يتطاير
من عينيه و تكشفه أساريره ... الحقد في
ويهه و بين إيديه .. وقال أبوج رفضني أكون ريلج حتى و إنتي عندي أسيرة .. و الحين بالطيب
أو بالغصب بتكوني لي و أنا راح أكيده .. قالت له .. أنا ما أكون إلا للي قلبه علي
ويحبني وأنا أريده .. و للي حماني و رباني و كبرني ومن الحب أنا أزيده .. و أنا ما
أكون إلا لريال و إنت بين الريال قزم خفت معاذيره .. غضب بو عمامه وأمر أتباعه
فشلوا حركة أطرافها .. تكالبوا على الأميرة .. و شققوا ثيابها .. و طاحت شيلتها
على الأرض تنداس بعد أن كانت تاج لإشرف راس ...
تعالى صراخها ..
و هي تنادي أبوي ... عمي .. أخوي .. وينكم .. و دموعها تنزل عزيزه .. شعرها الأسود
الحرير يتناثربحزن و ألم .. وهي تغتصب من
غير رحمه .. و وقف الإتباع يرقصون و يهللون ... وخلص بو عمامة منها .. و وقف مثل
الأسد اللي أكل غزاله صغيره .. منتشي بزهوة نصر واهم .. وقال ..اليوم أعلن إنج زوجة لي و خليلة ...
بدت علامات
الآسى على الملك وهو يسمع الكلام بحذافيره... و بحركة غير إرادية يتحسس سيفه .. وقال .. ورضت فيه زوج هالملعون بو ضفيره ؟؟
قالت لا مولاي ... و هاي زاد غضبة و هيجه .. ويقول شلون ترفضيني و أنا اللي أحبج
؟؟!! شلون ترفضيني و أنا اللي قلبي عليج ..؟؟ محد يحبج قدي .. وراويتج شقد أحبج ..
قالت له .. إنت تحبني !!؟؟ إنت ما تحب إلا نفسك الدنيئة ... و ما أتزوجك لو إنت
أخر ريال على وجه البسيطة .. وباجر بتحصل جزاك من أبوي و من كل الديرة .. و حزتها
بتندم على فعلتك يا نذل قل مثيله... قال لها .. فكري لباجر ... إذا ما رضيتي فيني
.. بشب فيج النار تنحرقين بسعيرها .. و ما بتكوني لإحد غيري يا أميرة ..
وصلت الأخبار بسرعة لأبوها .. و إجتاحه غضب .. وبدون شوره .. أخذ سيفه و ركب خيله .. و راح يدابج لوكر
بوعمامه في دوار المدينة.. و خيله تنهب الأرض من تحته و الحصى و التراب تثيره ..
ما وعى إلا كل أهله و جيرانه و حبايبه وراه مساندينه .. و الكل شاهر سيفه يبي قطعة
من بو عمامة أو نتيفه .. يبون ينتقمون لشرف بنتهم المسلوب .. و يسترجعون دلمانه الأصيله... وصلوا يا مولاي إلى الجسر الفاصل..و من فوق الجسر نادى أبوها بو عمامه ..
إطلعلي إذ إنت ريال و لا تنخش مثل الحمار العري في الزريبة .. شافوهم عصابة بو
عمامة و ربعه .. و شافوا سيوفهم براقة في شمس الصباح اليديدة .. الملك قاطع و قال ... أكيد عصابة بو عمامة
هاجموهم!! ... قالت لميشزاد .. لا مولاي .. صاروا يتناقزون مثل الفيران في مصيدة وما
عندهم حيلة .. و قالوا مالنا قدرة على أبوها و سيوفه الطويلة ... إحنا حدنا نقدر
على النسوان الضعيفة ...و الجمهور إبتدا يتفرق و يشردون في الزوارنيق العتيجة .. و أولهم بو عمامة ...
البطل المغوار طلع لا بطل ولا نيله .. الملك قال حشى أن يكون له ويا الأبطال سيرة
.. هذا تيس جربان يبيله ذبيحة ..
و تحررت دلمانه
على يد أبوها و ربيعه .. و إرتمت في حضنه تبي عطفه و حنانه وتشكو بو عمامه و صنيعة
.. و تقوله تأخرت علي يا بوي و تركتني ويا الذيابة الأثيمة .. الملك قال – معاها
حق ما تنترك الجوهرة في أيادي مب أمينة ... و شنو رد أبوها ؟؟؟ قالت .. مولاي أنا
تعبت و أبي أنام هالساعة و هالدقيقة .. و بنكمل بعدين و الكلام خلص الحين ومافي داعي نزيده...
إلى السادة و السيدات النواب –
طز فيكم ... مالت عليكم ... فشلتونا .. أف إنكم فشلتونا .. كنت باقول فشلتوا روحكم .. بس .. إنتو متمسحين .. يعني جلودكم صارت مثل جلد التمساح .. يعني ما تستحون .. و إن ما إستحيتوا فإفعلوا ماشئتم ..و إنتوا فعلتوا و ما قصرتوا.. كنا حاطين آمال كبيرة عليكم .. واآسفاه .. واإسلاماه... وامعتصماه .. أجوف ياتني شطحة !؟؟ يمكن مادري .. أقول نواب .. تعرفون الحجاج الثقفي ؟؟ يبيلكم منه زيارة .. المهم ..بعضكم مقدم عريضة .. يطالب بمزايا .. همممم ... و أغلب اللي مقدمينها من اللي دخلوا في التكميلية ... و طلعت بعض الأسامي ... بس قبل ما قول أي شي لازم أكون محشش .. ما ينفع الكلام وياهم و أنا صاحي .. لحظه بارجع لكم..
إنزين .. رجعت .. ميه مسا يا جدعان ..إنزين .. صارلكم 3 أشهر .. شنو قدمتوا للمواطن ؟؟ أقول لكم شي .. إنسوا المواطن ..شنو قدمتوا للوطن !!؟؟ الوطن في محنه ..و أزمة .. وشوارع تتقطع ..و تايرات تنحرق و بلاوي ما أبي أدخل فيها ما تخفى على أحد .. شنو سويتوا .. شنو قلتوا .. ما قلتوا شي ولا تحركتوا و لا كأنكم هيئة تشريعية عليها مسؤوليات .. و مسؤوليات كبيرة ...تتذكرون أيام رمضان اللي طافت ؟؟ تتذكرون أيام ما كنتوا تحببون الأيادي و صوتوا لنا تكفون .. وياريت بس الأيادي .. ماودي أقول شنو بقى ما حببتوه! ... أيام أنا منكم و فيكم و إليكم ... على فكرة .. هاي الجملة لها معنى مختلف تماما بعد الإنتخابات .. ؟؟ تتذكرون البوفيهات اللي كنتوا تسوونها ؟؟ لا ما تتذكرون ؟؟ خلوني أذكركم .. شوراي .. أنا ملقوف ..محشش ..و رايق .. و هاي .. يعني منشع...
بس قبل ما أذكرهم خلنا نشوف بسرعة مطالبهم.. النواب الله يحفظكم مطالبهم بسيطة .. حدها بسيطة .. يبون يتساون مع المواطن العادي .. يييياه كل مواطن عندها دريول خاص له ... شمعنى هم لا!؟ و كل مواطن له –و إنتو بالكرامة – حمام خاص فيه ... و كل مواطن يسونله بوفييه خاص ... ليش هم لا ؟؟ و كل مواطن عنده علاوة تليفون .. و كل مواطن عنده سيارة بي إم .. ما تشوفون الديرة متروسه منهم ؟؟ و الأهم إنه كل مواطن معاشه ما يقل عن 7 ألآلاف دينار شهري.. ليش هم يا دوب 4 ألآلاف و شي !!؟؟ ما يصير عيب... عيب في حقهم ... ممثلين الوطن ذيله .. ولازم يكونون مثل أوسط مواطن ..مو عدل ؟؟
أذكرهم و ناخذ أمثله ..الدكتور جمال صالح كان يقول "الدعوة إلى مصالحة وطنية شاملة من أولوياتي" ...و شعاره .. "معا نبني الوطن" .. إنزين بعد 3 شهور ما سمعنا من سعادة النائب أي دعوة .. سمعنا إنه لبى دعوات غدا و عشا و غير هالدعوات ما سمعنا ... و أنا جزء من معا, متى بنبتدى البنيان دكتور ؟ على فكرة الوطن مبني – لو قلت معا نحافظ على الوطن جان أبرك لك و لنا .. و السؤال .. وينك من المحافظة عالوطن ؟؟
النائبة سوسن تقوي – "المواطن غايتنا" !! كان ذي شعارها في حملتها الإنتخابية .. و صورها كانت تارسة الشوارع و الميادين والصحف ..حتى في المحرق و الرفاع اللي مالها شغل فيهم.. و هي أول مره تفوز بالتصفية الجسدية في تاريخ الإنتخابات ... وآمالنا عليها كانت كبيرة ... و هي اليوم رئيسة لجنة الأمن و الدفاع و الشؤون الخارجية ... يا حللولي ... دائرتها بالكامل كانت محتلة في أيام إحتفالات اليوم الوطني .. ما سمعنا لسعادة النائبة صوت .. علميا ثبت إن النائب ما يقدر يتكلم و يتفل في نفس الوقت .. شنو سوت للمواطن سعادة النائبة ؟؟ اللي فهمته إنها لازم تسوي حق روحها الأول عشان تكون في مزاج حليو تقدر تسوي للمواطن... بس ما أقدر أقول شنو اللي بتسويه للمواطن عاد !! الأنباء تقول إنها هي اللي متزعمة حركة العريضة .. بالمناسبة – هي صاحبة الجملة الشهيرة – الملك عبدالله مخلوق من ضلع إمرأة !! أخ يا ضلعي..
النائبة هجرس ... يي ياي يااااي .. بس حول الموضوع واللي يرحم والديك .. معليه خلينا معاها شوي .. قالت لما رشحت روحها – "أعتمد في برنامجي الإنتخابي على برنامج عمل و ليس وعود فضفاضة ... يعود بالنفع الإقتصادي والمادي على أبناء الدائرة" !! ممكن تعطينا شنو تم من برنامج العمل مال سعادتج ؟؟ يا ترى إنعدمت البطالة في القفول ؟؟ العاطلة الوحيدة اللي حصلت شغل إهي إنتي...يمكن هي كان قصدها ملابس فضفاضة ! إييييه ... جذي معقول ...
سعادة النائبة د. الجودر – أكبر إحباط ...توقعنا الكثير من الدكتورة ... للأسف .. طلعت لا في العير ولا في النفير... من كثر إحباطي من سمية ما أبي أقول أكثر..
النائب شمطوط – مسكين حبيب قلبي .. لا أحد يزعجه .. ما يدري للحين إنه صار نائب.
الدرازي – رئيس المالية ... أحد سمعه ؟ و دائرته جيران دائرة تقوي .. يعني ليليه عفيسه .. قال شي ؟ الظاهر الصحافة ما يدرون عنه .. أو هو ما يدري عنهم .. وخلوه رئيس المالية ؟؟ من صجكم إنتو ؟ والله حاله...
والساعتي كان شعاره .. يدا بيد رايحين مدينة الألعاب مادري شنو نسوي...
عدنان المالكي .... شحواااال ... يقولون لك اليد الطولى في العريضة .. ماشالله ... إنت اللي كانت لك الجرأة و تكلمت عالهوا مباشر عن مخاطر السيارات المعروضة للبيع في الشوارع .. عفية عليك يا بطل ..
شوفوا... ما في داعي أعدد ... قيسوا على الباقين ... بس رجاء حار .. ليه تكلمتوا عن النواب خلوها بالهمس ...سمو نوابنا نايمين ما نبي نزعجهم ... أحد أسباب سكوتهم إنهم ما يعرفون يتكلمون و إن تكلموا خاروها ... مب كلهم عشان ما نعمم .. بس المنتفعين منهم .. المرتزقة الحقيقين...
SMS –
لجماعة 14 فبراير
سووا اللي تبون
.. حرقوا تايرات .. فجروا سلندرات .. ركبوا سلاسل ..كلوا بطيخ .. ما بتخوفونا .. و
طز في أمتن واحد فيكم.
توتاية
–
ياريت اللي ينظمون الإعتصامات والمسيرات ما
يعلنون عنها إلا إذا عندهم ترخيص من الداخلية . ما يصير يخلون الناس في حيرة و أخبار متضاربة ..هاي بيكون أهم سبب فشلها @SAHWAT ALFATEH
بي بي برودكاست –
عاد أبو لهب ذات يوم من رحلة تجارة من
العراق و عاد بالمال الوفير . فدخل خيمته و قال لأم لهب خذي هذا مالكي , فقالت
مالكي أم علاوي ؟؟ فضحك كل من بالخيمة و عم الفرح و السرور و طاح فيها طق بعدين بس
ما منع ميسي إنها بهالمناسبة السعيدة تسوي عملية تجميل حتى صار ويهها مثل
القرقفانه ..و جذي
DR. KNOW
ليست هناك تعليقات:
إرسال تعليق