إلى الحكومة –
الكلام وايد زايد هاليومين .. و الإشاعات تارسة
الديرة.. الملك قابل المعارضة ... لا ما قابل المعارضة .. قاعدين يطبخونها في لندن
على فيش أند شيبس .. لا ما في شي من هالقبيل ... إنزين إحنا ضايعين ...نصدق من و
لا من؟ إحنا الحين نعرف إنه كانت في مباحثات سريه في فبراير و مارس... هالشي معروف
.. و شنو المانع إنه يكون فيه الحين مفاوضات سرية؟؟ أنا أقول لكم ... إحنا السنة
نعرف إن أي إتفاق بيكون على حسابنا .. و خاصة في غياب أي شفافية... تقولون الشيخ
المحمود موجود ؟؟ إيييه ... كان يمكن الشيخ المحمود في مارس يكون محل إجماع سني
... بس اليوم لا ... السنة يبون مشاركة حقيقية و فعالة في أي حوار . ومب بس كمالة
عدد ....
أمس يقول لي محامي شيعي مرموق ... إن في
إتفاق و تم ... و راح يتم إقالة الحكومة و حل البرلمان ... و الملك يطلب من الشيخ
خليفة إعادة تشكيل الحكومة ... و الشيخ خليفة بيعتذر .. يعني فيلم هندي .. قلتله
... من صجكم إنتو؟؟ إنتو تحلمون في الليل و تصدقونه الصبح؟... ما في فايده وياكم
... أجسام البغال و عقول عصافير ... قلتله – روح إحلم حلم أكثر واقعية ... إحلم إن
علي سلمان صار رئيس وزراء بريطانيا - بحكم
جواز سفره – هاي أقرب للواقعية من إنه يصير رئيس وزراء البحرين ... و لا تثقلوا في
العشا ترى مب زين...
إلى نوره المعروف
بعلي سلمان –
هالأسبوع ما خليت محطة إلا وطلعت عليها ..
المشكلة .. إنك وايد مصدق روحك .. عبالك صاير شي حضرتك ... الحقيقة ..و للأمانه
التاريخية أنا شفتك عالجزيرة حوالي 5 دقايق ... ماقدرت أكثر .. التقية كانت شغاله
وياك على بو بيزه .. و ما إستحملت .. إنت طبعا تكلم الناس اللي ما يعرفونك بخطاب
عقلاني و جميل .. بس إحنا عاجنينك و خابزينك .. فلا تبيع علينا خبزك ..
وبعدين حضرتك قاعد على بورد جذي ... وراسك
مكسور عاليمين – عسى كسر في رقبتك , قول آمين .. و يدك اليسار ما قعدت .. تتهتز و
تطلع فوق و تنزل و تفتر .. هذي الظاهر بقايا من أيام أول .. أيام الطبول و الدف و
مادري شنو... بس الصج .. وايد سكسي .. تعرف الديهي ؟؟ ... يلا في الأخير مردك أصلك
حتى لو شنو ما حاولت تخش .. على أي ..مابي أدخل في الخرطي اللي قلته ...ما يستاهل
... بس ... ليش كل شوي و تقولون (دولة مدنية) !؟ شنو شايفنا ؟ دولة دينية؟ دولة
عسكرية ؟ ما إحنا دولة مدنية و أكثر دول الشرق الأوسط مدنية بعد .. شنو اللي
حضراتكم بتضيفونه ؟ إذا قانون الأسرة رفضتوه –وهو قانون مدني – و أخذتوا راي عيسى
قاسم فيه و ما وافق ... و يا ريت الأمر أنتهى عند عيسو ... إلا حولتوه على
السيستاني !! وما وافق... لا وتقول ما تؤمنون بولاية السفية!! .. يا سلام .. خوش
دولة مدنية عندكم ... يلا إنتو وربعك ... ذلفوا من ويوهنا ...يلا .. ما عندنا خرده
.....
رفيجنا المحشش يتابع
روايته لألف ليلة و ليله على طريقته -
قالت لميشزاد .. مولاي .. باقولك قصص ما سمعتها
من قبل و ما تنعاد .... قصص تسلي وقتك بدل الرقاد .. قصص فيها عشق و ثورة و إضطهاد
... قصص سمعناها من الأجداد .. أجداد مال أول و قالوها للأحفاد.. أعرف شلون أونسك
حتى لو ما خذت المراد... تعجب الملك من كلامها وشنو هالقصص اللي ما سمعها من قبل و
ما تنعاد ؟ إنتي من تكوني يا لميشزاد؟؟؟؟؟ قالت ... أنا يسموني عاهرة الوقت و
الأيام و الراي و البلاد .. ضحك الملك و قال شمعنى يعني هالكلمة اللي قلتيها
بالفصحى !!؟؟ ما عجبها الحجي بس شبتقوله ملك و طبعه حاد... و توه من شوي بيقطع
رقبة رجبمان لولا غياب الجلاد ... سأل الملك وليش يسمونج كل هالأسامي يا سليلة قوم
لوط و عاد ؟ قالت مولاي – لأني أبيع الكلام لكل من دفع و زاد ... أبيع الكلام في
سوق النخاسة كل يوم و طول الوقت و في كل البلاد .. تقلبت في سراير أغراب عشان بي
بي أو أي باد .. أنا يا مولاي بقايا إنسانه , أنا أتناثر مثل الرماد ..
ليتني ما سألت يبتيلي الرقاد ... قولي قصتج
و سمعيني قبل ما يحل موسم الجراد .. عدل الملك قعدته و صبوله نبيذ عصرته جاريتة سعاد
... و شربت لميشزاد الكاس لإخر نقطة وقالت لا تقطعوه و خلي النبيذ مداد .. ورجبمان قعد يم الولد عليان و يعطيه نظرات كلها وداد
.. و الشموع ترجف ويا النسايم اللي يايه من سلماباد ... و تنحنحت لميشزاد .. و قالت
... كان ياما كان ... في بلد ما فيه واد .. عاش ملك ظالم معروف بالإستبداد .. قتل
و سجن من المواطنين بغير تعداد .. المواطن ماله من حقوق مثله مثل الجماد ...
وإستعبد الناس إستعباد.. دشتيريار تضايق و قال هذوله ملوك أعمالهم مثل وجوههم كلها
سواد .. لا بارك فيهم رب العباد.. و هنا دخل عليه أحد الحراس يقول – مولاي يودنا
أحد المواطنين يسرق الدياي من حظيرتنا ليطعم الأولاد .. شتأمر فيه مولاي نسجنه أو
نتركه هداد ؟؟ رد دشتيريار و قال إقطعوا راسه لاجل يكون عبره للعباد ...!!
إنزين – سوري عالمقاطعة كملي يالميشزاد ...
شربت لميشزاد كاس ثاني و قالت ... ظهر في هذا الوقت فارس مقداد ...ما رضى بالظلم و
إسمه على مسمى المقداد ... أنفرجت أسارير دشتيريار و قال أنا أحب الرجل النشمي
الشداد ...كملي ... فقالت .. مولاي هالريال كان مغوار وكأنه عنترة بن شداد .. قوي
ولكن رؤوف ...عالم و محنك و شيخ والدين له عماد ... وقف يخطب في الناس و حرضهم على
الجهاد ... دشتيريار متشقق و مستانس ويقول هذا
من الأسياد .. كملي ..كملي ... شفت يا رجبمان شلون الرجال مب تقولي أحمدي
نجاد ... ورجبمان غايص لي شوشته ويا الغلام عليان يرتب معاه ميعاد ... وقاله –
تعرف الديهي !!؟ .. تكمل لميشزاد وتقول ... مولاي .. في وسط هالجهاد ما نسى
المقداد إنه إنسان فوقع في حب جارية والحب ماله أبعاد ... إعتدل دشتيريار و قال
كفو عليه من إنسان يعشق و لكنه ما ينسى الجهاد ... إييييه ... كملي ... قالت
هالبنت كان إسمها قطر السماد ... رفع الملك حاجبه الأيسر و بإستغراب ..قال شنو شنو
؟؟ قطر السماد !!؟؟ قالت إيه مولاي .. كان السماد شي حلو في ذيج الأيام مستورد من
المحمره و من بغداد ... وكان المقداد يا مولاي شاعر ولا إبن جاد .. قال الملك ومن
هذي بن جاد؟؟ .. قالت مادري مولاي بس
المهم كان المقداد يقول فيها قصيدة كل ما طول بينهم البعاد .. قال الملك ...سمعينا
من قصايد المقداد..... قالت .. يقول يامولاي ...
ألا ليت الفؤاد يسكن و ينسى قطر السماد
**** ولكن وين أي دونت سي هيرأي فيل سو ساد
لها عبق الورود و شذاها في حدائق بابل
**** أين الحدائق ذهبت و ما بقى
منها إلا السماد أغار من نسائم الفجر إن هي لامست خدك *** وأحسد الكاز في
شعرك و حتى بيض القراد
إيه و جذي يا مولاي .. هز الملك راسه مو مقتنع ...بس قال ...زين
..واصلي, وتزوج قطر السماد؟ قالت لا مولاي .. هو كان متزوج و له أولاد ... الملك
مو عاجبه الحجي .. بس قال .. ما يمنع ..الشرع سمحله إذا قدر وزاد .. قالت ...
مولاي, وفوق ذي قطر السماد كانت بنت إخته نهاد !!! هب الملك من مقعده ...و قال
شنهو؟ خالها ؟؟ قال حشى ..هذي زندقة و حتى إلحاد ... قالت مولاي .. كل مره كان
ينام معاها يقول أخر مره ... بس ما فاد... يحبها يا مولاي وحبه لها في إزدياد...
بس كل هذا إنهار في يوم كان الجو حلو و براد ...
الشرطة طرشوله ذاك اليوم قوة يقبضون عليه و
إيبونه المركز بالأصفاد ... تبسم الملك و قال .. يخسون .. ما بيقدرون على سليل بن
شداد .. أكيد قاتلهم و نكل فيهم وكان لهم بالمرصاد !!!!! قالت ...لا يا مولاي ...
شرد على السطوح و إنحاش في تانكي ماي مثل زهيوية كرباباد.... الملك غضب ..و صرخ
...ما قاوم ؟؟ .. ما ضربهم بسيفه؟؟ قالت لا مولاي ..خذوه مثل القرد القلاد ... قال
الملك و أنا أقول عليه سليل بن شداد !!.. طلع
هشك بشك مثل ليلى مراد... تف عليه من خسيس يستاهل الرجم في الأعياد ... لميشزاد وقفت تقول مولاي هو كان زنديق و
فاجر و منافق و حرامي أموال يتامى بس كان مناضل وله أمجاد!!.. غضب الملك غضب كبير
وقال هاي أمجاد ؟؟.. هذا وغد من الأوغاد ... يلا ذلفوا عن ويههي كلكم جماعة و أفراد ...
قالت لميشزاد....... بس باقولك مولاي .....
إنشالله بنكمل المره اليايه مع أحد أبطال
لميشزاد المغاوير.... بس الحين أسوي حق راسي إعادة تعمير ... النشعة طارت مثل
الأثير ... خلي الصنف يشتغل و ياخذني أطير...
SMS إلى وزارة الداخلية –
نشكر
كل منتسبي الوزارة في يومهم الإحتفالي من الغفير إلى سعادة الوزير على مجهوداتهم
في حفظ الأمن و في مواجهة المنحرفين .. ورجاء تذكروا إني أحبكم في حالة صار علي
قضية أو شي ! بس الحقيقة كنت أتمنى هالسنة الإحتفالية تكون لتكريم شهداء و جرحى
رجال الأمن ... غريبة ما يابو طاريهم.... سقط سهوا يا ترى ؟؟؟؟؟؟
خاطرة –
بالنسبة للجنة تنفيذ توصيات عمي بسيوني –
بس أقولهم ...شحواااال ... نسمع كلام عجيب و غريب قاعد يطلع .. بس باقول للجنة ترى
عيونا عليكم عشرة عشرة .. و قاعدين نشتم ريحة شياط قوية... عسى بس ما إحترقتوا ...
كانت بس خاطرة سريعة لإني ماحب أخلي شي في
خاطري – و جذي
شعائر محرم و خلصت .. وقالوا مكبرات صوت و
صبرنا... بس الظاهر نسوا يطفوهم ..ممكن أحد يذكرهم لو سمحتوا @MO7RAM #BAHRAIN #MOI
بي بي برودكاست –
بينما أبو لهب في مجلس مع وجهاء قبائل إذ
دخل عليهم الحراس و معهم أسير صيني.. قال الحراس يا أبا لهب إنه جاسوس كان يتجسس
على مصنع معسل التفاح .. فقال له أبو لهب ..ويحك يارجل كيف تجرؤ على هكذا أمر؟؟
فقال الرجل 體育新聞組綜合報導 世界新聞網 北美華文新聞、華商資訊體育新聞組綜合報導 世界新聞網 北美華文新聞、華商資訊 فقال أبو لهب 還在改搭火箭
林書豪心懷感 فعم الفرح و السرور و أمر أبو لهب و كسروا الصيني و طقت بنت الخواجه
إصبع ..إيه ..و لبست حليمة سنام الجمل و هزت و لميس ما كانت موجوده كانت في البندر...
و جذي ....
DR. KNOW
ليست هناك تعليقات:
إرسال تعليق