الاثنين، 26 ديسمبر، 2011

رسائل خاصة بس بدون زعل 17


سامحوني يا جماعة ... اليوم الرسايل دمها ثقيل شوي.. و مواضيع اليوم من العيار الثقيل .. المزاج معكر .. ومحد فيكم أودع فلوس الخمس مالتي .. ومعاش الشهر الياي خلص ... و مافي فلوس أشتري البتاع أعدل فيه راسي ... أقولكم إذا بغيتوا رسايل سنعة خمسوني ... بس مافي منكم فايدة ... مافي إلا حبيبي بو عبدالله .. دخل في حسابي 100 مليون تومان ... يعني 6 دنانير ... و هذي ما تيب حتى عصوص حشيش ..

وبالمناسبة – لميشزاد دخلت العناية المركزة بعد ما إنفجر عليها بالون سيليكون في صدرها اليسار .. محد قالها تركب 44DDD  وتاخذ نفس شيشة عميق .. المهم تعتذر عن الكتابة... و جذي..

 من قناة .... مع الحب -

تكلمت مع أحد الأصدقاء القدامى على التليفون .. الأخو العزيز الحين أحد المسؤولين الكبار في إحدى القنوات الإخبارية العربية الكبيرة .. المكالمة اللي كان من المفروض تكون دقايق قعدت حوالي ساعة و نص .. و المصيبة أنا اللي متصل .. يعني أخوكم بيسوي جمعية عشان يدفع الفاتورة ... تكلمنا عن الأوضاع في البحرين طبعا .. و طحت فيه طيحة على التغطية الغير متوازنة لقناتهم .. ردوده كانت مثل الصحوة لي .. أنقل بإمانة ما قاله ...

" إحنا في المحطة في البداية حاولنا إنه نتحاشى التغطية على البحرين .. كان عندنا تعليمات نقلل من التغطية .. و بعدين تطورت عندكم الأوضاع .. و إضطرينا إنه ننقل الصورة وإلا فقدنا المصداقية .. و غطيناها على أساس إنها ثورة .. حكومة و معارضة .. فا دايما كنا نقول في تعريف أحد مثل علي سلمان مثلا على إنه أمين عام جمعية الوفاق المعارضة .. بس الحين غيرنا السياسة .. و نعرفه على إنه أمين عام جمعية الوفاق الشيعية ... "

قلت عجيييب ... و ليش هالتغيير ..

قال .." إنت عبالك الإنفجارات في العراق من جم يوم عبثية ؟؟ لا أبدا مب عبثية .. ولا موضوع الهاشمي و المطلك .. العراق بتدخل في حرب طائفية دامية ... هاي بداية خطة إيرانية بإبعاد كبيرة ... أول شي يبون تحويل أنظار العالم عن النظام السوري .. إيران تعرف إنه بشار إنتهى .. و جدامه حوالي 6 شهور .. بس أهو منتهي .. إيران تحاول تكسب الوقت .. عشان تعيد ترتيب أوراقها و مصالحها .. إيران تبي العراق .. منها إمتداد الثورة الإيرانية إلى أطراف العمق العربي ... و منها وجود النجف و كربلاء من الناحية الدينية .. العراق مهمه لهم ... و كانوا يبونها كلها .. بس الحين إقتنعوا إن تقسيمها هو الحل الأفضل .. و لكن ما يمنع من تقتيل السنة هناك و إضعافهم عشان يعطوهم دولة سنية صغيرة و مهلهله.. وفي نفس الوقت .. يشتغلون على لبنان ... و تشغيل حزب الله ... و بعدين .. إشعال الطائفية في الكويت و السعودية..."

"دول الخليج الحين إقتنعت بالخطر الشيعي .. و أدركت فعلا إن إيران هي المحرض ..و أدركت إنها تبي إحداث تغيير طائفي في الخليج... وصارت دول الخليج تحاسب للخطر الإيراني .. وبعض هذه الدول كانت تعتقد إنها عندها علاقات زينة مع إيران و إنها في مأمن من التحركات الشيعية ... و صار لنا إحنا في القناة قناعة إن أحداث البحرين طائفية .. و بكل معنى الكلمة .. وبدينا تحويل في سياسية القناة للتعريف بالخطر الإيراني الشيعي "...

قلت و شنو المطلوب ؟؟؟ قال " البحرين يا طويل العمر خسرت إعلاميا وايد .. حكومتكم كانت مثل السكران .... و لما قعدت ثاني يوم من النوم كان عندها صداع .. و مدروخة .. و قعدت تتخبط .. ما كانوا شايفين إن الأوضاع بتوصل لهالمرحلة .. و إذا كانوا شايفينها فدخلوا في مرحلة إنكار ... و ما سووا شي ليتفادوها ... المفروض البحرين تكون في موقف إعلامي ممتاز .. و لكن غياب الأجهزة الإعلامية الفعالة اضر فيكم وايد .. الوقت ما فات ممكن عمل شي .. هذا إذا الحكومة تحط عقلها براسها ..و تخطط عدل " ... قال لي شي واحد مهم ... "تدري شنو أكبر مشكلة إعلامية في البحرين ؟؟" قلت قوللي ... قال " البحرين ما أبرزت أحد كمتحدث يطلع و يواجه الإعلام الغربي و العربي بكفاءة و فاعلية , و أدري عندكم الكفاءات موجودة "....

قلت له .. بس طلع عندنا سميرة رجب و ...و ...و إيه سميرة رجب ...! قال .." و إنت جم مره بتحط سميرة .. و بعدين .. إهي عندها جم جملة تعيدهم و تزيدهم ...و المشاهد يبي التغيير و الجديد .. سوت اللي عليها .. و التقصير من حكومتكم" ...

إنزين .. إنتوا وين شايفين الأمور سايرة في البحرين ؟؟ قال " الثورة عندكم طائفية .. الصراع عندكم مب ويا شوية يهال يسدون شارع أو يحرقون تاير .. الصراع ويا المرجعية اللي تأتمر بتوجهات إيرانية .. إحنا نشوف الأمور عندكم تصعيدية .. و الله يستركم "....  

هذي كان تحليل لشخص رفيع المستوى في قناة عالمية .. و يدل دلالة واضحة إن اللي إنبرى لساننا و إحنا نقوله على مدى 10 شهور وزود إبتدا يصير له مصداقية ... لإن ريحة خياسهم فاحت .. ومهما حاولوا يخشونها .. الزمن كفيل إنه يطلعها .. و طلعت .. بندوا خشومكم ...

 تنبيه –

أحب أنبه الإخوة و الأخوات إن الخونة إبتدوا حملة يديدة صارلها حوالي أسبوعين أو أكثر.. الخمة يسوون حسابات على تويتر بإسامي سنية .. و يتعمدون يحطون إسم منطقة سنية مع إسمهم مثل الرفاع أو الحد أو الزلاق .. بالعلم إنه الكثير من أهل السنة ما يحطون إسم مدنهم ... بس هم يحاولون يسوونها عشان إحنا نصدقهم .. الغرض منها شيئين .. أول شي يزرعون فتنة بينا و بين بعض .. و الأمر الثاني فتنة بينا و بين القيادة .. الرجاء الإنتباه لهذوله الخونة ..

إذا شفت واحد مسويلك "فلو" و هو ما عنده فلورز فمعناته إنه مدسوس .. إذا الحساب يديد .. إحتمال إنه مدسوس .. خلي بالك منه ... و بعدين لا تفتح ملفات مطرشها لك .. و لا تتكلم وياه على الرسائل المباشرة ... و إذا مجرد شاك إنه خاين .. سوي بلوك و ريح راسك ...

إلى منصور الجمري –

أسمحلي أقولك شي .. و إذا ما سمحت ..و الطقاق ... باقولك ... إنت إنسان واطي .. أدري إن هالكلمة ما بتزعلك لإنك تدري إنك واطي و إنتهازي و منافق و عميل بعد .. إنت تلعب دورك في الإعلام الداخلي و زوجتك على الخارجي .. إنك إطالب الحكومة بإرجاع المفصولين و إطلاق سراح المجرمين هاي شي ... بس إنك تنكر إستشهاد رجل طاعن في السن و يجري ورا رزقه و رزق بيته .. و تنكر إن مؤذن فقير لا له و لا عليه عذبوه ربعكم المجرمين و قطعوا لسانه و هدوا بين الحياة و الموت .. فهذي قمة الوقاحة مع الشعب البحريني السني .. يعني مو كفاية أهاليهم تعذبوا .. جم مره تبون تقتلونهم ؟؟ أنا أقولك ..و أنا مسائل عن اللي أقوله ... إنكارك للجرائم البشعة يخليك شريك فيها ..

إنت إنسان جذاب (يعني كذاب) بعدين تروح تصدق روحك جذاب للبنات .. إحنا عارفينك .. و مفبرك ... و عارفينك ... و راح تتحاسب على كل جذبه و كل فبركة .. و أكبر فبركة الحين تسويها موضوع المظلومية .. مظلومية بإدعائك إن الحكومة عندها خط ممنهج يشيلون فيها الخونة من مراكزهم ... أقول ... يا ريت ... ذاب لسانه و إحنا نطالب بهالشي .. يا ريت الحكومة تخلص من الخونة كلهم... بس .. هاي الحكومة رجعت الكل إعتبارا من أول السنه .. شتبي بعد .. و بعدين .. كنتوا قاعدين ميودين مراكز حساسة في كل مرافق الدولة .. وزارات ..بنوك ...شركات قطاع عام و خاص .. مستشفيات .. عنبوكم ..ما خليتوا شي .. بس ما عجبكم بغيتوا الدولة كلها .. تخسون ... الحين حتى كاتب صغير في أي وزارة ما نثق فيه .. ما أقدر أطالع شيعي وما أفكر ...يا ترى وين كان البارحه ؟ يا ترى قطع شارع ؟ حرق تاير ؟ رمى مولوتوف على شرطي ؟ يا ترى يده ملوثه بدم سني ؟؟؟؟؟

يا منصور ... و الله إني أذكر إسمك و أحس بإشمئزاز ... المهم ... يا ريت تشوفلك جلسة مع روحك .. أدري إنه مب سهل عليك ... بتكون مثل جلسة تحضير أرواح ... لأنه روحك ميتة .... و إذا ما كانت الروح ... فأنا متأكد إنه ضميرك اللي ميت .. إذا وصلت لمرحلة صدق مع الذات راح تعترف لنفسك إن الثورة المزعومة طائفية ... ثورة شيعية ... تبون الحكم ... إعترف يا ... معليه ما أبي أشمئز ثاني مره ... مو إنت صاحب الجملة المشهورة ... إحنا الباقيين و إنتو اللي ماشيين ؟؟ ما شفيت البنرات في الدوار تقول "إرحلوا" ؟ سنة اللي رفعوها يا زوج الست؟ و من اللي يرحل ؟؟مو إحنا؟؟  لا أبوي.. قاعدين ... و على قلوبكم و روسكم .. الديرة ديرتنا .. و إذا مب عاجبك أكيد المحمرة بتعجبك ... القلب داعيلك إذا بتروح ...و داعي عليك إذا بتقعد ...

الهجمة الشيعية المنظمة الحين بقيادة "الوسخ" و الوفاق إنهم يتعرضون لحملة كراهية من السنة ... كل يوم يتحفنا هاي اللي "ما يتسماش" بمقال في عموده ...عساه كسر في عموده .. ويتكلم فيه عن حملة الكراهية .. و إنضم إليه بعض المحامين من أمثال الحواج و الملا و رفعوا قضايا ضد سنة ... أقولك الصج ... أنا شخصيا .. أكرهكم ... ليس كأفراد لا ... و لكن كفكر و كمذهب مسيس .. أكرهكم إيه ... و دور على الأسباب يا شاطر..

الشيعة متمثلة بالوفاق و أبواقها الإعلامية ... أفلست ... بكل المقاييس الأخلاقية و السياسية والإجتماعية ... و قاعدة تدور في دفاترها الصفرا على مظلوميات تحاول فيها تدويل الأحداث ..  يتكلمون عن حملة كراهية ... يتكلمون عن سياسة تمييز وفصل عنصري .. يتكلمون عن إضطهاد ديني .. وخرابيط من هالنوع ... للمعلومية ... فهذي كلها أساليب يهودية ... اليهود هم من أخترعها و أتقنها ... و الحين الشيعة درسوها و حفظوها و طبقوها ...

في حملتهم ذي قاعدين يزيدون في الشرخ ... و يزيدون في كراهيتنا لهم ... بدل ما يحاولون يتقربون لنا ... بدل ما يحاولون لملمة الجراح .. بدل ما يحاولون حل الأزمة ... لالالالا ... قاعدين يعمقونها ... السبب ؟؟... ما يبون حل ... إيران ما تبي حل .. وبالتبعية الشيعة ما يبون حل .. والله لو الحكومة تنازلت لهم .. لطالبوا بشي يديد ... إنسوهم .. و خلهم يقولون إضطهاد ليل نهار ... طز فيهم ..

إلى الشيخ خالد –

معالي وزير خارجية البحرين ... ساعات له شطحات ... و شطحات ما تعجب ربعنا .. المشكلة إنه الشيخ الله يحفظه يتكلم بلغة غير لغتنا ... و هو عليه مسؤوليات مب موجوده علينا .. هو يتكلم بلغة دبلوماسية .. وهاللغة مفرداتها تعني غير عن اللي نعرفه ... يعني ناخذ مثال ... في اللغة الدبلوماسية لما واحد وزير خارجية أي دولة يقول عن شخص (الأخ فلان) معناته ... إبن الكلب الخايس ودي أدخل هالميكروفون في ...... حلجه ... مثال ثاني ... إحنا منفتحين على مناقشة كافة القضايا المطروحة ... معناها ... عشم إبليس في الجنة يا ثور ...و إذا قال قبل مؤتمر صحفي صباح الخير ... يعني أدري أنه يوم مب فايت عسى يو مكم أغبر و متنيل بستين نيلة!! ... وهلون ...

إنزين الشيخ الله يحفظه قال البحرينين حالهم لله ... إنزين شعاد ... إيه حالنا لله لمن غيره يعني ؟؟؟ المصريين حالهم لله ... السويسريين حالهم لله ... الموزمبقيين حالهم لله .. ليش تقوم الدنيا على الشيخ وما تقعد ..و من ربعنا .. مو وقت أي خلافات رأي بينا تطلع على العلن ...و نشمت "إخواننا" الشيعة فينا ... أشوف أنا اللي قمت أتكلم بلغة دبلوماسية !!! قصدي أقول ... ييييياه فهمتوا قصدي ...

أنا ما أدافع عن الشيخ ... و ليه شفته على الريوق على سندويش جبود مثل ما إحنا متعودين ... باقوله ... طال عمرك إحنا في شغلات مب قادرين نبلعها .. و ما نتفق وياك فيها ... و لنا ملاحظات عليها .. و هو بكل رحابة صدر بيقوللي ... صباح الخير ... إحنا منفتحين لمناقشة كافة القضايا المطروحه !!!! و أنا راح أبتسم و أستانس و أكل جبدي .. قصدي سندويشي!! المهم يا جماعة ... مب وقته كلش هالإنقسام ... وجذي  


إلى لجنة تطبيق توصيات لجنة بسيوني –


للاسف هذه اللجنة تحولت من تطبيق التوصيات إلى لجنة استرضاء من خان الوطن والممثلين الذين يفترض فيهم يدافعون عن حقوق اهل الفاتح اما مطنشين اللجنة او واقفين في الصف الغلط، عبدالله الحويحي طالب وفي اول اجتماع أن يتم وقف لجان التحقيق و اللجان التأديبية و هالشي مثبت في محضر الاجتماع الاول للجنة الي كان بتاريخ 8 ديسمبر فمايقدر ينكر او يلف ويدور كعادته. و من اللي أيده تقولون ؟؟؟ حسن عبدالله مدن ما غيره ... إذا ممثلنا الي يفترض فيه يدافع عنا سلمنا لقمة طرية لهم عيل شلون عن الباقي؟

و بعدين  .. بصراحة هاي الشي اللي شيبني .. يطالبون الجماعة ما غيرهم بتعديل المناهج الدراسية .. ما يتكلمون عن الرياضيات .. عشان الناس تعرف تحسب الخمس من غير كالكليتر لا .. و لا الفيزيا ...و لا جغرافيا ... لالالالا يبون تغير المناهج الدينية .. و تقتصر بس على الأمور المشتركة بينا و بينهم ... يا سلام .. يعني إنسى كل أحاديث أبو هريرة "رضي الله عنه و أرضاه" .. إنسى سير أبو بكر و عمر و عثمان ساداتنا في الدين إلى يوم الدين ... و غير أحكام الصلاة و الوضوء و دخل الخمس ... شهالخرطي ذي .. شبقى من ديننا ؟؟ أحسن لنا يعلمون أولادنا فنون التطبير و طق الصدر و مرة وحده يعلمونهم أحكام المتعة و باب فقهي في كيفية إستعمال مكبرات الصوت في إزعاج الخلق !!

طبعا هذا الشي غير تحريف التوصيات و محاولة توجيهها نحو إعطاء من خان الوطن اكبر قدر من المكتسبات ، يمكن اكبر من الي كان موجود قبل الازمة. ونقول لعلي صالح الصالح التقرير قال ان 5 اماكن عبادة مرخصة هدمت مو 36 انت تبي تبنيهم كلهم على حساب الدولة ليش؟

و لجنتنا العبقرية شكلت لجنة فرعية –المفارقة انها لجنة تطبيق توصيات لجنه و تشكل لجنه- مهمة هذي اللجنة الفرعية وضع توصيات للمصالحة الوطنية وحطت توصياتها لكن اهم توصية نستها او تناستها وهي اعتذار الوفاق ومن معها عن ما حدث، بمعنى انهم يقولون مافي داعي يعتذرون انتوا اعفوا عنهم و خلاص!!

طبعا و الفظائع و الفضايح يشيب منها الراس ومابذكرها كلها لكن اطالب الحكومة و اللجنة بعرض ما توصلت له امام الرأي العام البحريني يكفينا خش و دس ما تتعلمون من الدروس؟

تقرير ديوان الرقابه المالية والادارية . . اذا لم تنفذ توصياته فالعمل على أهدار للمال العام



مشاركة من الأخ محمد الزياني  @MohdZayani على درجة عالية من الخطورة- أنشره كما وصلني – وهذه الأولى من سلسلة :



كل سنة يأتينا تقرير ديوان الرقابه المالية مغمور بالتجاوزات والمخالفات المالية وها هو يأتي للسنة الثامنة على التوالي بحله جديدة تحتوي على "الشق الاداري" اي الفساد الاداري .

نبدأ بالمخالفات حسب أهميتها للمواطن . . .

1)      عدد الوظائف الشاغرة في الوزارات الحكومية والتي جائت في التقرير المواصلات 128 وظيفة، أمانة النواب 57، وظيفه هيئة الكهرباء 22 وظيفه، وزارة العدل 267 وظيفه واذا اضفنا اليها الـ 20 الف وظيفة التى وعد بها وزير الداخليه سيكون الناتج 20474 وظيفه اي ان عدد الوظائف يفوق عدد العاطلين عن العمل المسجلين بوزارة العمل . . . .  ويقولون بطالة ويقصون من عندنا 1% .

2)      تمكين و الــ 1% من الشعب . . . الا فلوس الشعب خلنا انبوق بس بطريقه غير مباشرة

أ‌)       استغلال الموظفين القروض المدعومة كمصدر اضافي للدخل فى مجالات تجارية مثل شراء بنايات استثمارية وعقارية .

بالعامية : الموظفين يشترون بنايات عن طريق البنوك وتمكين تدفع الفوائد مالت القروض . . . . يعني يشتري بنايه ويحصل ايجارات وفوق ذي ما يدفع فوائد القرض، لو القرض كان للحاجه والله ما بنقول شيء بس يسوون بسنس من فلوس الشعب والله مصخت السالفة . . . . . جوفوا الجدول وحكموا . . . . الاسكان ما يعطون قرض بقيمة الفوائد

المسمى الوظيفي        مبلغ القرض   مبلغ الفوائد (المدفوع من تمكين )     سبب طلب القرض

مدير – الحسابات      100,000     55,045       استثماري (بنايه تجاريه)

نائب الرئيس – الماليه          120,000     56,389       عقار

مدير أول خدمة العملاء        100,000     47,488       عقار

مدير التخطيط والبحوث        98,442       46,623       عقار

 ب‌)     تم صرف علاوات تعليم الابناء (ثلاثه ابناء كحد اقصى) المدراء 2000 دينار للابن الواحد والرئيس التنفيذي 2500 للابن الواحد وقد بلغ مجموع تكلفه علاوة التعليم 74,113 دينار بحريني .

بالعاميه : والله انا ما أعرف شلون يمشون هذي العلاوات . . . لو مشغلين 10 من اللي ما يشتغلون الفقراه المساكين براتب 500 دينار في الشهر جان التكلفه صارت اقل من 74 الف دينار .

جـ) استئجار مساحه ولم تستغل لمدة 29 شهرا لعدم الحاجه مما ادى الى انفاق 200 الف دينار . . . كما ان هذه المساحه قد جهزة بمبلغ 450 الف دينار

بالعاميه : يعني صرفوا 600 الف دينار (6 مليون روبيه) على مكاتب وما استعملوعها ولا لهم حاجة فيها والله وصرتوا فسقانين وبعدين تقولون ما عندنا فلوس .

والله تمكين عورو قلبي ورفعو عند الضغط و ما اقدر اكمل الحين و ان شاء الله الوزارات الثانيه يايه في الطريج . . . . 8 سنوات يسون تقرير . . .  وديوان رقابه . . . وموظفين . . .  وحطونه في الرف . . . كنسلوا ديوان الرقابه لان الفلوس اللى تصرفونه على اهدار للمال العام.

  والعجيب بالأمر انه منذ تسليمة بتاريخ 12 ديسمبر الى يومنا هذا لم تيم ذكره لا من نواب ولا من الجمعيات سياسة التى من أولوياتها محاربة الفساد المالى والاداري في الوزارات والمؤسسات الحكومية والغريب ايضا بأن تجمع الوفاق لم تذكر التقرير في تجمعها الاخير بتاريخ 24 ديسمبر اي بعد صدورة بـ 12 يوم . . . . فهل لم يتسنى للجمعيات قرائته اشك في الأمر لان التقرير بسيوني يحتوي على  600 صفحة وجميع الجمعيات صرحت بعد صدور التقرير بيوم وبعضها يومين .

بالعاميه  : يعني كل الجمعيات السياسية ومعاهم الوفاق اللى تسوي روحه المدافع عن حقوق الشعب وتمثل الشعب اكوا تمكين يبوقون فلوس الشعب و مانجوف أحد يتكلم  نسيت . . . الوفاق ما تجوف الا اغلاط وزاره الداخيلة والدفاع . . .  والسبب ولا تدرون مب قايل علشان ما يقولون طائفي .

سامحونا طولنا عليكم . . . . الوزارات الثانيه ياي دوركم لا تحاتون



DR. KNOW

هناك تعليقان (2):

  1. بلد خربانة ما ينصلح حالها

    ردحذف
  2. الصراحة عجيب ...تسلم

    ردحذف