تحذير حكومي : يجب تجنب قراءة
الرسالة وأنت في وعيك . وعليه تنصح وزارة الصحة الجميع بتناول أي نوع من المخدرات
يمكنهم الحصول عليه قبل و أثناء وبعد القراءة.
سياسة الوفاق وحكومة
الإخفاق –
لا تزال السياسة الوفاقية مستمرة في إحتجاز
البحرين وأهلها رهينة للحصول على ما يريدون ... إحنا ملينا .. وفاض فينا ..
والحكومة ضاربة طناش .. ولا كإنها موجودة .. ولا لها أسنان تعض .. ولا يد تضرب ..
ولا مخ يفكر .. ولا أذنين تسمع ... هاي اللي خلى حيوان وفاقي ما يسوى جوتي عامل
بنغالي يقول .. إحنا الحكومة ... واللي وقف مع الحكومة إختار الورقة الخسرانه ...
أكيد بيقول جذي .. مادام الحكومة تمسح لهم جوخ .. وتحك لهم على جرب .. ويا سيدي
إرضى .. أو بالأحرى يا سيد إرضى ..
يوم الأحد .. طرشت الوفاق إرهابيها على
كوبري الشيخ خليفة .. ورموا مولوتوف وحصى على سيارات ناس ما يعرفونهم .. ولا لهم
لا ناقة ولا تيس .. ناس أمنيين .. في لحظة صاروا ضحية إرهاب .. وأنا كنت واحد منهم
.. وشفت ناس تدخل في سيارتهم حصى وتكسر الدريشه الخلفية .. يتركون السيارة في
الشارع ويركضون طلبا للحماية .. وكنت وجه لوجه مع اللي الإرهابيين اللي يقطون ..
ناس جهله .. أغبياء ... خرفان .. تستغلهم الوفاق على الأرض لتحقيق مكاسب سياسية ..
اللي صاير كله على حساب السنة .. الحكومة
فشلت في إحتواء الأزمة .. وفشلت في التعامل معها .. على الأقل هاي اللي شايفينه
السنة .. الحكومة تسوي المستحيل لإسترضاء شيعة الوفاق ... لدرجة الحقيقة تثير
الإستغراب والتعجب .. شلون الحكومة تسمح
لهم يبتزونها بهالصورة المخجلة ..؟؟ من شنو خايفة حكومتنا ...؟ هل الوفاق بهذي
القوة .. ولا حكومتنا بهذا الضعف ..؟؟ شي ما يصدقه عقل .. من أول يوم في الأزمة
وإحنا نعطي المبررات للحكومة ... البلد بتضيع ولازلنا نعطيها التبريرات .. لمتى
..؟؟؟
الحكومة قلبت موازين العدالة ... الشرطة
صارت توقف جدام النيابة والمحاكم .. والإرهابيين يتبجحون على شاشات الفضائيات ..
مافي حكم واحد على مدار سنة تنفذ .. مع إنه صدرت أحكام قضائية .. إلا إنها كلها
قاعدة تتأجل أو تحفظ أو تسقط التهم ... القانون صار مكتوب على ورق تواليت .. مضبوط
كلام الوفاقي إذن .. إحنا الحكومة .. القانون مات يا جماعة .. ولا عزاء لإهل السنة
...
الحوار –
ما عندنا موضوع غيره هاليومين ... والموضوع
مب عاجبني ومسبب لي إزعاج ... أعتقد إن الموضوع أكبر من مجرد قعدة ونقاش .. الموضوع
تنازلات كبيرة .. ولعبة كبيرة ... واللعبة علينا .. هاي رأيي في الحوار .. وممكن
أكون جدا خطأ في تحليلي ... ولكن ما أشوفها إلا جذي ..
الوفاق والحكومة متفقين على مبادىء الحوار
... ويمكن على أكثر من مبادىء .. يعني كل شي تم .. والحين بيسوون مسرحية الحوار ...
شوية دراما .. عشان السنة والشيعة يشترون النتايج ... ويتقبلوها .. في إعتقادي إن
اللي نشرته السي إمن إن الأسبوع الماضي تم الإتفاق عليه .. و إن هي بتكون نتايج
الحوار ..
الوفاق قالت تبي حوار بينها وبين الحكومة
... وما تبي طرف ثالث .. والتجمع مبرز روحه ... وبارك الحوار .. والشيخ المحمود
سبح عكس التيار ... وتعرض لهجوم لموافقته على الحوار ... وبقدرة قادر عكس إتجاهه
وموقفه 180 درجة ... وفي هذا الوقت بالذات .. ليش ...؟ في البداية إعتقدت إن الشيخ
مب عاجبته اللي قاعد يصيير .. وإنه رجع إلى "رشده" .. أو إلى الشارع السني
اللي أعطاه الشرعية ..
ولكن الحين لي رأي ثاني .. أعتقد إن
الحكومة طلبت من الشيخ الإنسحاب من الحوار حتى تلبي واحد من شروط الوفاق .. إن
الحوار يكون بينهم وبس من دون السنة ... وجذي .. الشيخ رفع الحرج عن الحكومة ..
والوفاق تاخذ اللي تبيه من البداية .. مب بداية الحوار ... بداية التنازلات
العلنية ... وبتييكم التنازلات مثل تحاميل الفيل ... بس واحد ورا الثاني ... عشان
ما تعوركم وايد ... ومع ذلك راح تعور .. خلوا كمية وفيرة من الفازلين في متناول
اليد ...
السي إن إن – المقربة من الوفاق – (عشنا
وشفنا الوفاق مقربة من السي إن إن وهذا يدل على الفشل الحكومي الذريع ) تقول إن
شرط بدء الحوار (التخلص) من رئيس الوزراء .. وهاي مصيبة .. والسنة عارفين هالشي ..
وغير مظاهرة جدام بيته مافي في يدهم شي يسوونه ... الحكومة بتسوي اللي تبيه وترضي
الشيعة ... الغريب في الموضوع إنه في كل مظاهراتهم ونغمات سياراتهم تقول يسقط حمد
.. ولا مره قالوا يسقط خليفة ... فالسؤال ... متى بيسوون حوار ثاني للمطالبة برحيل
الملك ...؟؟؟
صعبة عليهم يطالبون برحيل الملك ورئيس
الوزراء مرة وحدة ... فا يدرون عليهم تجزئة مطالبهم .. وما عندهم مشكلة ...
بينتظرون .. ما بيمضي وقت طويل قبل ما تشوفون إنه اللي يبونه هو الحكم بالكامل ..
البلد بالكامل .. بالتقسيط زين لإنه حتى دول مجلس التعاون بتتأقلم مع الوضع ..
طبعا قبل ما يحولون البحرين إلى مقاطعة إيرانية ...
الوفاق إشترطت وجود الجمعيات المتحالفة
معها .. من وعد وتقدمي وأخاء ومادري منو .. اللي كلهم على 30 و40 عضو .. بس السنة
ما تبيهم .. وحطت 3 شروط .. الحوار يكون على أساس مبادرة ولي العهد اللي رفضوها
أصلا من سنة .. ووثيقة المنامة المرفوضة من السنة وتوصيات بسيوني اللي كل رفضها
... ويبون إستفتاء على النتايج ..
والله الحكومة فقعت لي 7 مرارات .. كل ما
أركب مرارة تنبط ... رحت شريت من السوق المركزي .. بس زفرين وما يعقون ويفقعون .. وفيه
عملية يديده .. يركبون بالونات مسوينها من تواير السيارات بدل المرارة .. وعليها ضمان ما تنفقع .. فقررت
أسويها .. وإذا ضبطت خل كلنا نسويها ..
إلى نبيل العربي –
ضحكتني يا بلبل العرب .. الأخو مثل ما
تعرفون هو أمين الجامعة العربية .. يوم الأثنين قال في مؤتمر صحفي مع جماعة
أوروبيين .. إن الوضع السوري قد يتدهور .. ويحذر من حرب أهلية ... إنتهى كلامه ...
وما قدرت أيود روحي من الضحك .. وأنا عبالي أنا المحشش ... طلع عندنا أمين عام جامعة
الدول اللي ما دري شنهي محشش أكثر مني .. مئات الآلاف من السوريين تشردوا .. مئات
الآلاف من حالات الإغتصاب و التعذيب و الجرحى وأعداد مجهولة الرقم من القتلى
وملايين جوعى ... والأخو يحذر من حرب أهلية ...
شنو تسمي اللي صاير هناك يا بلبل
..؟؟؟ يمكن بس مناورات عسكرية .. يمكن لعبة
يهال بس عنيفة شوي .. يمكن ... أي يمكن ياخوك (ده إنت خاليتها خل خالص) .. ده كلام
ده يا راجل .. يعني كل اللي حاصل يا بابا ولسه مش حرب أهلية .. أمال هي الحرب إيه
بس ... أفيدونا ..
إلى ندى ضيف –
من أغرب التقارير الصحفية اللي شفتها كانت
تقرير البي بي سي ... كان تقرير مبتذل .. سطحي .. سخيف .. والله لو كان إعلان
مدفوع الأجر ما كان بالصورة اللي بغته ندوي ... بس مهما طالعته وصدقوني كل مرة
تنفقع مرارتي ... ما أدري شنو كان القصد منه ... شيبون يقولون ..؟؟؟ هل هو إستعراض
لعضلاتها المالية ..؟؟ ولا هو لذوقها في اللبس والفاشن ...؟؟ والفساتين اللي شرتها
من باريس وما دري من وين ... وبهالمناسبة .. يمكن ما تدرون إنها راحت الأسبوع
الماضي على دبي وإشترت فستان من إيف سان لوران ... بعشرين ألف درهم ... ألفين
دينار ... عشان تلبسه في المحكمة ... مممممممممم ...
يمكن بتقول من وين لها كل هالفلوس .. طبعا
التقرير قال إنه زوجها مطور عقاري .. بس ما قالوا إن محمد الطواش اللي كان في ريل
كابيتا .. هو أحد أسباب إن البنك (متنيل بستين نيله) الحين ... وإنه كان ياخذ
عمولات عن (أبو جنب) .. وبالملايين ...
وكله على حساب البنك والمستثمرين اللي في البنك ... ومن هالفلوس تقوم الست ندوي وتشتري
بورش و ملابس و فيلا أخر حلاوة .. اللهم لاحسد .. ما نحسد أحد على مال حلال عشان
نحسد المال الحرام ...
والطواش هذا ... من أنجس خلق الله ..
وأخبثهم .. ومثل ما تشوفون .. وافق شن طبقة .. والخبيثون للخبيثات ... وفي رسالة
قادمة باعطيكم كامل التفاصيل عن الطواش ذي .. في الشغل ومع أهله وخواته ...
إنتظروها .. ويمكن تستغربوا شلون بقى هالشخص تحت الردار ماله حس ولا خبر .. بينما
زوجته على الفضائيات و سجن وبلاوي ... هاي بروحها قصة ... وقصة كبيرة ... إنتظروها
..
عرض عمل جديد –
هاليومين الإتصالات تييني في السرداب على
الخط الأرضي بكثافة يا جماعة .. وعلي ضغوطات كبيرة عشان أقبل شغل يديد وأطلع من
السرداب .. إتصل علي الأنبا مرقص بولس من شبرا في القاهرة .. وقال لي .. حضرتك
الإمام الفالف عشر ..؟؟ مسا الخير يا إمام .. إحنا عندنا مشكلة إنو البابا شنودة
مات .. إتخطف مننا يا حبة عيني و هو في عز الشباب .. ده كان 90 سنة بس .. ولسه كان
بيتأهل عشان يخش دنيا .. فيا أفندم إمام .. مش لاقيين حد ياخد محله .. وقررنا إنو
إنت نعملك بابا .. ده إنت الإمام الفالف عشر ..
فاقلت له .. يا لهوي ياخوي .. يا لهوي ..
أنا الإمام الفالف عشر ( الروم ميت ) مال الفاني عشر أصير بابا .. ؟؟ إنزين منو
ماما ..؟؟ لا حبيبي .. خليني في السرداب أتسردب .. ومب طالع عشان أسكن في دير
وتحطون بخور رخيص .. أنا مب طالع من السرداب إلا عالدرة .. وقلتله ما أمبه .. ومنها
إتصالات من أوباما .. ومن بابا الفاتيكان .. وساركوزي .. والحين مقتدى الصدر إتصل
.. وقال روح لهم .. ترى أغاتي إحنا وهم واحد .. حتى لباسنا متشابه .. وطباعنا وحده
.. قلت له روح إذلف .. جان يقول .. إنزين رشحني مكانك ..
أنا ومن خلال هالرسالة ... أتوجه إلى الكنيسة
القبطية يعينون الأنبا مقتدى الصدر بابا لكم .. وياريت تخلون الأسقف علي سلمان
نائب أول له .. بس ديروا بالكم على أولادكم في الدير منهم ...
جماهير كرة القدم –
تكلمت في الرسالة السابقة عن المعلقين على
مبارايات كرة القدم .. اليوم باتكلم عن المشجعين .. وذيلة أسوأ من المعلقين .. قول
المعلق نفتك منه بعد ساعتين .. بس المشجعين .. يا ويلي .. ما منهم فكاك .. إييك
ثاني يوم الدوام .. شفت شسوينا فيهم البارحة ..؟؟؟ بعد قلبي ميسي ... كان عجيب ..
ييييياه .. أحسن لاعب في العالم .. شفت الفاول اللي عليه في الدقيقة 17 ..؟؟ يبون
يكسرون ريله .. وييله الرد ... لا .. شفيك إنت الفاول في الدقيقة 30 كان أشد .. بس
راواهم .. 3 أقوال في الدقيقة 9 و الدقيقة 50 و الدقيقة 63 ..
عنبوكم شنو ذي .. قاعدين تاخذون ملاحظات
لعبة بلعبة ..!!؟؟ لو سوويتوا جذي في المدرسة جان ما طلعتوا موظفين على 300 دينار
.. واللي يقهر .. سمعت واحد يقول شفت مبارة البارحة 3 مرات .. البركة في الجزيرة
.. شوراهم .. 200 محطة رياضية .. بس عيد وزيد .. من تخلص المبارة حطها مرة ثانية
.. ما في داعي تسوي مثل أول .. تبرمج الفي سي أر .. وتسجل المبارة .. ويصير عندك
أشرطة تارسة الطوفة ... اللي ما يعرفون شنو ذي .. هاي جهاز فيديو للتسجيل والتشغيل
إنقرض في عصر الدينوصورات ..
واللي صج صج يبط الجبد .. تحصلك مجموعة
قاعدين في ستاربكس على كوفي و يتكلمون عن برشلونه و الريال جنهم هم ملاك الفريق ..
وتسمع واحد يقول .. إحنا يوم شرينا ديفيد فيا كانت وايد زينة الصفقة .. ترى خذنا
برخيص ... بس 17 مليون ... يا بلاش .. عنبوك .. إنت بروحك متلسف دينار و200 تشتري
الكوفي ... إسكت لا بارك الله فيك ... واحد ثاني يقول .. عرضنا على المدرب
جوارديولا عقد يديد .. أجوف المفاوضات متعثرة شوي .. بس أنا أعرفه زين ما زين ..
بيقعد ..وين بيروح يييياه .... خف علينا يا وارن بافيت يا سيروس يا كوفي عنان المفاوضات
..
ومن الصوب الثاني .. إحنا بعنا كاكا لباريس
سان جيرمان على نهاية الموسم .. الحقيقة كاكا زين بس ما سوى شي للفريق والحين
بنييب واحد لخط الوسط عنده إمكانيات هجومية ودفاعية و على الأجنحة ويلعب حارس بعد
... يا أخي إنقطم وسطك إن شاء الله .. وكاكا على ويه اللي يابتك .. من صجكم إنتوا
..!!؟؟ بس ... خلصت همومنا ومشاكلنا و حياتنا عشان نتكلم كإن عندنا أسهم في
البرشلونه ولا الريال ..!!؟ ليش كل هالإندفاع و الترابط وياهم .. شاكو إنت بالنسبة
لهم .. !!؟ شتفرق عليك إذا ربح برشلونه الكاس و الريال الدوري .. روح شوف بيتك
وحالك .. تبي طالع محد قال لا .. طالع ... بس كل شي بالعقل .. ولما البرشا ولا
الريال يوزعون عليكم أرباح وإنتوا قاعدين في ستاربكس حزتها لك الحق تتكلم .. ناس
فاضية ..
حكمة في الحب –
منذ عدة سنوات قالت لي مسؤولة في بتلكو
كانت تشتغل في الإستعلامات في ذاك الوقت .. قالت ياتني مكالمة ... وكانت من الصوت
صوت لطفل .. فتقول العادة الأطفال يتعبثون بالتيلفون .. فما نعطيهم مجال وايد
يتكلمون .. ونقطع الإتصال .. الطفل قال .. أبي أكلم أمي وما عندي تليفونها .. فقالت
له .. شنو إسم الماما ... قال إسمها الأول .. قالت له شنو إسمها كامل .. إسمها
ماما فلانه ... تقول الولد ما بين عليه إنه يتعبث .. قلتله كم عمرك .. قال 6.. بس
أنه قلت بسأله سؤال ويكون أخر سؤال ... وقلتله ... ووين ماما الحين ... قال في
الجنه ... وصار لها هناك وايد .. وإشتقت لها .. وخاطري أكلمها ... عندكم رقم الجنه
..؟؟
تقول توني باقطع الإتصال لما قال هالكلام
.. جان حسيت قلبي يذوب في ضلوعي ... وصرت مب متمالكة نفسي .. وطلعت مني أه عودة ..
ولا شعوريا صرت أصيح .. وبصوت عالي ... وباقي الموظفين يطالعوني ... وييون يبون
يشوفون شصاير ... وأنا أبعدهم بيدي .. وأبي لو الولد جدامي جان لميته وضميته ..
وقلتله وأنا أحاول أحبس دموعي .. وليش تبي تكلمها حبيبي .. قال اليوم عيد الأم
ورسمت لها في المدرسة كارد وعليه ورده أبي أعطيها إياه .. تقول جان ماقدرت أستحمل
أكثر وصرت أصيح بهيستيريا ..
ما أبي أذكر أكثر من قصة محزنة .. بس لازم
في كل يوم الأم أتذكرها .. وهالسنة إنتوا وياي .. فحبيت أقولها لكم ... إذا كانت
الماما موجودة .. فاروحوا وحبوا على راسها ويدها وخذوا رضاها .. فهي أكبر نعمة ..
وإذا كانت عند ربها .. إطلب لها الرحمة .. والمغفرة .. مو في يوم الأم .. في كل
يوم .. في كل صلاة .. في كل سجدة ..
قصيدة –
الرسالة الماضية طوفت قصيدة بسبب المزاج ..
أو تعكره .. المزاج مب أحسن الحين .. بس القراء اللي تعودوا يشوفوها .. بعطيكم
وحدة .. وأمري لله .. بارجع أتغزل .. هالمره في أي وحده إسمها نجوى .. والقصيدة
بإسمها ..
تشكوا القوافي إن هـــي ما كتبت إلا لحبيبة في القلــب سكناهــــــــا
فأوقفت شعــــري ينشد لحسنــاء يتغزل في حور عينيها وفتناهـــــا
حباها الله جمـــــالا وعقـــــــلا وزينهـــــــــا بالإدب فحــلاهــــــــا
لها رقة نسائم الصبح إن هـــي تناغمت على الأغصـــان شذاهـــــا
بصفاء ثلج ناصـــع البيــــاض غطى سفوح الجبال وإحتضن علاها
وذاك الشهد يقطر من شفتيهــا لذة لشارب تمنى قربها ورضاهــــا
زهرة هي في روضة الحيـــاة تتفتح كل يوم فتسعــد محزون تـــاه
تبث عبيرها في رونق قدســي فيرقص الجمال في معابد بجفناهــا
غردت البلابل لحسنها وأنشدت أنغام من لحن الحياة هي معناهـــــا
عذبة كأحلام وردية لطفلـــــة تلهو بسحابة فأمطرت منه ريحانها
رهيف قلبهــا, رقيق دمعهـــا نقي حبها, صفي ضحكها وبكاهــــا
تبث الأمــل والســلام معــــا وتهب الفرح والإلهام في مداهــــــا
هي فوز لمــن فاز بقلبهــــــا وإختارته ليـــكون بقربــاهــــــــــا
إن ذكروا الهوى قالوا نجوى هي الهوى , والهوى يهـــواهـــــا
DR. KNOW
السلام عليكم ورحمة الله وبركاته إمامنا الفالف عشر
ردحذفقرأت الرسالة وأنا بكامل وعيي هذا إذا ظل هناك جزء منه من خلال ما مرّ علينا صرنا لانعرف هل نحن في حالة وعي أو----
إلى متى ؟؟؟؟هذا ما يفكر فيه المواطن شبعنا صبر-- صرنا مثل الآلات تسير وتنفذ حسب برمجة محددة إلى أن تنتهي مدتها واعتقد صلاحيتها قربت على الانتهاء.
على الاقل غيرت لنا شوية جو بقصيدتك.. يالها من نجوى.