إلى
المقشع –
إنزين ..
والأخير يعني .. ويا الوفاق .. وويا الحكومة ... هاي حالة بالله عليكم ..؟؟ والله
حالتنا حالة ... وما تسر حبيب ... بس تسر إيرن .. تدرون إن المسألة صارت خرطي لا
..؟؟ الشي زاد عن حده .. ترى هو كان زايد من فبراير العام .. وإحنا متحملين ..
يعني مركبين تحاميل .. أي مركبين .. قولوا لابسين تحاميل .. متحملين تعنت وإرهاب ومضايقات
الوفاق .. ومتحملين سكوت الحكومة ... ليش موافقة على تجمع ليومين في منطقة جدا
حيوية ...؟ طفنا السنة وللحين الإعتصامات شغالة ... والعنف زايد ... والكذب على
بوبيزة .. والأخييييييير ... ؟؟ نبي نعرف ..
أم براطم إحتجت
على تجمع الفاتح اللي إستمر 4 ساعات .. تقول إنه تسبب بإزمة مرورية ... كون إحنا
ما نزلنا من السما ... لا ..ما نزلنا من السما ولكن كنا ملائكة .. الوفاق طلعوا من
تحت الأرض ولكن بصورة شياطين ... ليش
الوفاق و الحكومة مصرين على إختبار وتحدي صبرنا ..؟؟ هالقد إحنا هامشين بالنسبة
للإثنين ...؟؟ إحنا أثبتنا وجودنا في الفاتح .. وبصور حضارية .. ولا تزال الهمجية
شعارهم ...
ممكن أحد يقول
لنا شنو صاير ... هل إنتوا في حوار مع بعض ..؟ وما أقصد الجزر ... والله يمكن بعد
تسونها ... حوار في حوار .. شعار حلو ترى .. هو في حوار في السر والله أعلم ثم
الأمريكان ... بس العجيب إنه يتم من غير ما حتى الوفاق ما توقف أعمال الشغب ..
يعني فعلا هو حوار من غير شروط .. والدليل إنهم ما وقفوا العنف .. معقولة ..؟؟؟
وبعدين ... منو يمثلنا في الحوار ..؟ تكفون بس لاتقولون الحويحي وهاشم ... ترى مو
بعيدة يعطونهم جامع الفاتح عربون إتفاق ... ويحولونه لمآتم ... !! أخ تعور ذي
..
إلى
أم براطم –
بمناسبة الحديث
عنها .. تذكرون هي نزلت رأيها في تجمع الفاتح العظيم .. وسمته حشا ..؟؟؟ وهاي
تويتات بمناسبة تجمع المقشع الجديد :
· المتجمهرون
اليوم – حشا – ما يقلون عن 20 مليون .. قلنا حشا
· ولا
غصبتم أحد – حشا – يروح , ولا إستجيدتوهم
· ولا
صار عندنا أزمة في السوق المركزي – حشا – وكل الديرويلية والسوكورتي ما وقفوا عن
العمل, لإن "الغيادة" سمحت لكم ..
· وتصر
المعارضة على التجمهر ليلا "وذلك ممنوع في قانون التجمعات" لاخوفا من
إنكشاف مدى هزالة التجمع – حشا – بس التمتع في الليل أحلى..
· العشرين
مليون اللي إجتمعوا في ساحة ما تشيل ألفين ما سدوا شارع البديع – جاؤوا محلقين مثل
الشياطين – لذا لم نشهد أختناقا مروريا ..
· ولا
تدخلت القنوات الإيرانية – حشا – في تصدر التجمهر أخبارها مع بث مباشر ..
· ولا
إن التجمهر برعاية إيران – حشا - ...
· ولا
إن التجمهر بغرض سب الحكومة والسنة – حشا –
· كان
الخير والصلاح هو غاية التجمهر ولم تستخدم عبارات التسقيط والتخوين – حشا
· ولا
التجمر طائفي أبدا , كل الأطياف الشيعية ممثلة , يووووه قلنا – حشا
· ولا
سهلت الداخلية التجمهر أبدا – حشا
· ولا
نصبت الوفاق خيمة 69 للترفيه عن المتجمهرين , يوووه – حشا
· صج
ما رفعت أعلام حزب الله ولا إيران هي مرفوعة في قلوب المتجمهرين ولا يبون البحرين
مقاطعة إيرانية , قلنا – حشا
· صراحة
يا جماعة نبي هالتجمهر يكون يومي و نبي 5 دقايق تمر من غير ما نقول بلطجية ومرتزقة
وطبالة ومجنسين
· الإيرانيين
والمحمرين والقطيفية كلهم مواطنين من أيام تايلوس – حشا
وكل تجمهر وشغب
وإحنا مستانسين لإن إحنا الشعب .. وخلي المرتزقة و بلطجية النظام ياكلون تبن .. لإن
إحنا الباقيين وهم إلى الزوال ... وجذي
من باراك
إلى باراك –
كان في خبر على
قناة العربية من يومين .. خبر مهم جدا .. ولكنه مر مرور الكرام .. باراك .. لا مو
الخال الأمريكي .. هاي يهود باراك وزير الدفاع الصهيوني .. طالب باراك مال أمريكا
بإنه يقل من ضغطه على بشار الكلب .. وقال
بالحرف الواحد ..خفي علينا يا أمريكا .. مصلحة إسرائيل تتطلب إستمرار بشار حبيبنا
في الحكم ... بشار ومن قبله أبوه حاميين
حدودنا وسهرانين على راحة المستوطنيين في الجولان .. يا أوباما .. بشار ريال من
ظهر ريال ... من باعونا الجولان وهم محافظين على كلمتهم معانا .. ما يصير نتخلى
عنه .. ما يصير إيي واحد نظيف .. ويطالبنا بالجولان .. سوينا غلط في مبارك ..
وتخلينا عنه وهو أعطانا الغاز وما قصر و خلانا ندخل غزة وما قصر .. ووقف معانا ..
وإنتوا تخليتوا عنه وإحنا تبعناكم ..
هاي الغلطة ما
نبي نعيدها مع بشار .. وبعدين إحنا بنسادنه بنعطيه معلومات إستخباراتية .. و سلاح
و اللي يبيه ... ما بنقوله لا .. وإحنا
بنسق مع ملالوة إيران .. أحبابنا هم .. وبنسق ويا شيعة العراق .. ولاتنسى حبيبنا
نصرالله .. إذا بشار يبي بنطرش أسلحة لحزب الله .. عشان يساعدونه .. بس تبي الصج
... حزب الله عنده سلاح وايد .. وإحنا مستانسين إنه قاعد يستعمله على السوريين ..
وكل شي تمام .. سوريا فيها حول الثلاثين مليون .. لو مات مئة ألف مو مشكلة ترى ..
المهم بشار يستمر .. فا خف عليه يا أوباما ... إيه ونسيت .. نبي أمريكا تساعد
حبايبنا الشيعة في البحرين ... ترى قالوا لنا بيساعدون بشار ... بس يبون مساعدات
منكم ويا آل خليفة .. يلا راونه همتكم ...
إلى
روسيا مع الحب –
هذا إسم لفيلم
قديم لجيمس بوند .. ولكن شكلها الوفاق اللي ترتمي في كل حضن شوي أخذت الفكرة
وراحوا يدابجون على أبواب سفارة روسيا في بيروت .. وفد مكون من 3 أنجاس .. واحد
معمم جنه إسمه سلطان .. وواحد مال حقوق الجرابيع .. وإسمه ربيع .. وواحد مال مكتب
إعلامي إسمه مصبوغ مادري مدهون .. شي جذي .. المهم .. ماخذين ويا السفير الروسي
صورة جنهم في عزا ... والوفاق طلعوا بيان ونشروا على كل وسائل الإعلام الإيراني
ومستانسين على روحهم .. وهذا مقتطفات ..
عنوان البيان : موسكو تبدي استعدادها لدعم مطالب الشعب
البحريني
وقال بيان للمعارضة البحرينية في الخارج "أن
وفدها طالب السفير الروسي وروسيا "بدعم المطالب الديمقراطية للشعب البحريني في
التحول نحو الديمقراطية الحقيقية".
واشار البيان الى ان السفير " ابدى استعداد روسيا
لمساندة الشعب البحريني في مطالبه الشعبية بوصفها مطالب انسانية وعادلة، واعدا بنقل
هذه المطالب لحكومته والتواصل مع المعارضة البحرينية".
الحين قاموا الوفاق يتشكون علينا للروس
أجوف ... الظاهر عيزوا من الأمريكان والإنجليز والعرب و كله .. الحين قالوا الروس
حبايب إيران وبشار .. وأكيد بيوقفون معانا .. ويا حيا الله الروس .. طبعا البيان
صادر من جمعيات تابعة للوفاق فما نقدر نحكم على مصداقيته .. بس مكتوب بكلام
دبلوماسي .. ولما السفير (يوعد) يعني (إبقى قابلني) ... يعني قولتنا .. يصير خير
... يعني في المشمش .. وبعدين شمعنى السفير في بيروت .. الوفاق مب قصرة ويا
السفراء في البحرين .. كأنهم وزارة الخارجية صايرين .. ليش ما سمعنا علي سلمان راح يزورهم و يطلع
سفيرهم اللي في البحرين هالبيان ...؟؟
وبمناسبة إستعدادهم لمساندة شعب البحرين
... يا ترى أي شعب هاي اللي بيساندونه ..؟؟ هل هم يتكلمون عن المكون اللي خان ..
ولا المكون اللي صمد في وجه الخونه ..؟؟ وبعدين شفنا مساندتهم للشعب السوري .. هل
هذي نوعية المساندة اللي ينتظرها البحيرينيين ...؟؟؟؟ ليش يا ترى روسيا مستعدة تساعد (شعب) البحرين ..
وتلعن حبايب الشعب السوري ..؟؟ مصالح ؟
حكمــة فــي الحـــب –
أسامــي
القــرى –
المهم اليوم
بنتكلم عن أبو صيبع .. ويقول الحشاش إن أصل التسمية يعود إن أهل القرية كان عندهم
12 أصبع في يدهم وريولهم .. يعني كان لهم أصبع دندول .. وكان إسم القرية أبو صبع
.. ولما وصل لهم الحجاج قام وقطع لهم الدندول
مالهم .. وصاروا من غير دندول ... وجذي صار إسمها أبو صيبع ..
قصيـــدة –
أشكركم على تشجيعكم في الرسالة السابقة على
المديح على القصيدة السابقة .. وأشكر كل اللي ما عجبتهم بس ما قالوا شي .. هاي
وحدة ثانية بإسلوب مختلف عن الأولى .. وإن شاء الله تعجبكم .. وإذا فعلا عجبتكم
فرجاءا سرعوا بفلوس الخمس .. وإذا ما عجبتكم بعد سرعوا بالخمس عشان ما أحط وحدة
ثانية ولا أدعي عليكم ...
رحلة شجون
كـــم قلــــــــت إنــــي أهـــــــواك يا إمـــرأة أعطيــــك عينـــاي فــــداك
ترخــــص حيــاتي من أجـــــــلك ويعـــز علي رمش يسقط من عينـــاك
ملئت قلـــــبي دفئـــا وحنـــانـــــا وفــاضــت جوانحــــي تهيــم بهـــواك
أشتــــاق إليــــك وأنتــــي معـــي ويـــزداد الشــــوق لوعــة في فرقــاك
صنعت من أوراق أشعاري زهورا زرعتهـــــــا في صدري لتقطفها يـداك
ووهبتـــك عينــــاي أقمـــــــــارا تأخــــذ الضيــــــــاء من ضيــــــــــاك
وجعلــت من أفكــــاري بحـــــورا نبحـــرها ســــويا تحت صفاء سمـــاك
ما فــــارقني طيفـــــك للحظـــــة وإن نسيــت نفسي ماكنت لأنســــــــاك
أحبـــــــــك بجنـــون عاقــــــــل عـــــــــــاف الرشـــــد ولبى نـــــــداك
هــــذه الدنيــــا لي مهجعــــــــــا كــــانت فيهــــــا الوسائــــد
نهــــــــداك
وهــــــذه الدنيـــــا لي زهــــــرة عبــــــــق فيهـــــا عطــــر شــــــــــذاك
ويسعــدنـي حبـــك في دنيـــــاي فمــــا الدنيـــــا لتكون دنيـــا لــــــولاك
تعالــي نهــجر الكـــون سويـــــا نرقص ونشدو بين النجوم وخلف
الأفلاك
وأقـــص عليك قصـــــة هـــواك كلما أشرقت شمسك وهـــــــل مســــــاك
وندمـــر الحــزن الدفيـــــن فينـا ونغلـــــــق على كـــــل جفــــن
باكـــــــي
ونشعــــل أفراحنــــــا شمـوعـــا تتـــــــلألأ علـى غصـــــــــن صبــــــــاك
أحبـــك,
لوقلتها مع كل نفــــــس ألــــــــــف
مـــــــــرة, ما وفــــــــــــــــاك
DR. KNOW
ليست هناك تعليقات:
إرسال تعليق