رسائل خاصة بس بدون زعل 49

زيارة ولي العهد إلى مآتم سنابس –

كلنا شفنا فيديو زيارة سمو ولي العهد يعزي في علي رضي .. وكلام وايد إنكتب في هالموضوع .. وأنا كتبت على توتير إن الشيخ سلمان سوى بإصله .. والخونة سووا بقلة أصلهم .. عادي ... متعوددددده دايمااااااا ... إللي لفت نظري ... إن "سخيفة الوسخ" تجاهلت الموضوع تماما ... ولا كإن شي صار ... طبعا حطوا صور الزيارة وبس .. إيه ... وحطوا مقابلة مع أخو الميت .. وإستوقفتني جملتين من اللي قاله الأخو:

"كانت هناك هجمات إعلامية شرسة أثرت تأثيرًا كبيرًا على نفسية المرحوم، وأدت إلى تدهور صحته وكانت السبب الرئيس في وفاته".....

وختم رضي بقوله: «لذلك نرجو نحن عائلة الفقيد رد اعتبار حاسم للمرحوم والتصدي للذين لا تهمهم مصلحة الوطن بل مصالحهم الشخصية».....

وفي نفس العدد ... كتب واحد من خمة "الوسخ" ... "علي رضي ضحية الطائفية" ... والأخو سواه شهيد .. بس إستحى يستخدم الكلمة .. 

يعني لازم يخلوني أتكلم ... وإحنا نحب نذكر محاسن أمواتنا .. أو نسكت .. بس مافي فايدة ويا هالخمة .. إستقووا من زيارة الشيخ سلمان .. بس الحقيقة واضحة .. ومب إحنا اللي قلنا ... لا .. الصحافة المغربية هي اللي قالت ... بناء على تصريح من الشرطة عندهم .. ولولا تدخل السفارة البحرينية جان "الفضيحة بجلاجل" ... بس لفلفوا الموضوع .. ويا حب حكومتنا في اللفلفة ...

الريال مات من جرعة زائدة من الفياجرا ... والشرب المفرط للكحول ... الخلط بين الإثنين خطر .. واللي مو مصدق يقرا التحذير على علبة الفياجرا .. فقط للعلم .. أنا أقول هالحجي بناء على معلوماتي الطبية ... إيه ... مابي بعد إطلعون علي إشاعات إني أستخدمها ..!! الجرعة الزائدة في الفياجرا تعتبر 3 حبات وما فوق ... بتسوي الهوايل في قلب الريال .. وإذا زدت عليه الكحول وبإفراط رحت وطي ... ممكن تسبب عمى بنسبة 50% .. زيادة كبيرة في معدل ضربات القلب .. القلب يصير جنه سيارة فورملا .. وهو مسكين حده سيارة تيدا .. ما يستحمل .. وطبعا رجفه .. وعرق .. يعني صورة كلش مو حلوة ..

الأخبار من المملكة المغربية الشقيقة تقول إن المتوفى كان معاه زوار .. بالأحرى زائرات .. بس لما شافوا اللي صار له قاموا يدابجون برع الفيلا .. وقالوا شلنا في السين والجيم ..  بس طبعا أنا متأكد كان قاري عليهم كلمتين وتزوجهم متعة .. إيه بعد أكيد كان يبي بالحلال .. المهم ... هاي معناته .. إنه في المغرب الحين عنده أرملة أو أكثر ..!! ولهم في الميراث أكيد .. ولهم يطالبون فيه ... بس ما أعرف الشرع القرمطي في هالأمور ... ممكن بابا سنفور يشرحلنا في خطبة الجمعة بدل ما يقعد يسحق ...

نرجع لكلام الأخو ... الهجمة الشرسة اللي تعرض لها أثرت على نفسيته ... وتسببت في موته ... واللي ما يتذكر من حوالي سنة طلع على برنامج الراصد .. وحاصروه في الإتهامات عن الطائفية اللي سوواها في هيئة (سوء) تنظيم العمل .. وأتذكر كان مثل الفار المحاصر في الزاوية .. وهاي اللي سببه الأزمة حسب أخوه ... وخلى (الماكينة) ما تشتغل عنده عدل .. وإحتاج للفياجرا .. ويمكن نفس الشي ينقال عن الكحول ..

أنا ما أحكم على شخص ميت أمره في يد ربه ... اللهم حسن الختام ... بس أي رد إعتبار يبونه ..؟؟ واحد مات مخمور .. وفي أحضان ساقطات ..أي إعتبار اللي نرجعه له ..؟؟ لا ويبيه حاسم بعد .. معليه ... الموازين في البحرين كلها صارت مقلوبه ..

كلمة أخيرة لسمو ولي العهد ... سموك .. الشعب بيقدرلك زيارة لعشرات رجال الأمن المحترقين والمتصاوبين وهم يدافعون عن البلد .. هذيله يستاهلون الزيارة .. والمواساة .. والتقدير .. مب اللي ماتوا وهم ... يعربدون ..  وخلينا نعدل من الموازين البحرينية شوي..

إلى الوفاق –

يا جمعية الوفاق .. يا جمعية الشقاق والنفاق .. إني أرى جبودا قد إنبطت .. وحان آوان حرقها في الزبالة ... شفيكم يبه ..؟؟ إلا سباق صغيرون ... ليش معورين راسكم .. ؟؟ تبون وحاولتوا بكل ما عندكم .. وطلعتوا طل .. السباق من أحلى ما يكون في أول يوم وثاني يوم .. ووباقي يوم .. وإن شاءالله بيكون فل الفل .. والفعاليات أخر حلاوة ... مب فعالياتكم ... طز فيكم ومالت عليكم ...

جمعة الخمود مالتكم لاتودي ولاتييب .. وفاشلة .. نفس الأشكال الزفرة تطلع في كل مسيرة .. أشكال تسد النفس مثل ما تسد الطريج .. واللي صج يضحك ... المؤتمر الصحفي مال مطر مطر اللي حضره صحفيين من "الوسخ"  و ... و ... محد غير ... في المؤتمر أصر مطور على النهج السلمي لثوارتهم ... مادري ثورتهم .. وهاجم الحكومة على الإستخدام المفرط للقوة ومسيلات الدموع ... هالقرمطي ..أكيد عمي أو أقلها أعور .. وما يشوف مسببات العنف ...

اللي عجبني كلمة إستخدمها ... يقول فض فوه .. وبط سره .. وأزال ظله .. ودشدش إعظامه .. ونشف ريجه .. يقول "رصدنا" تزايد أعمال العنف من الشرطة .. أول شي .. من إنت عشان ترصد ..!!؟؟ إنت شاكو ..؟؟ عبالكم إنتوا منظمة دولية .. ولاجهاز مخابرات ... ولا جهاز دولة .. إنتوا يا دوب ... يا دوب .. جمعية سياسية شيعية عدد اللي صوتوا في إنتخاباتها 1700 راس .. بس .. وتناهق على ويش أبوييه ... سليمة تجبك إنت واللي وياك ..

إبتديتوا بسياسة الآرض المحروقة .. ما ياب نتيجة .. قمتوا الحين إطبقون سياسة البلد المحروقة .. ولا بييب نتيجة .. إنتوا مجرد أصبع يحرق ويدمر .. وإحنا يد تطفي وتعمر .. وصدقوني .. هانت يا وفاق .. قربت .. ومالكم منا إلا الأصبع ..

 

إلى طيران الخليج –

اللي ما يدري ... هالشركة مفلسة .. خسايرها .. بمئات الملايين .. والحكومة تبي تدعمها بحوالي 2 مليار دولار .. والنواب رافضين .. وطلع حجي وايد على الشركة ومرتباتها العالية والفساد المالي و الإداري .. ويابوا مدير لها من الإردن .. يازعم هو اللي بييب الذيب من ذيله .. وهو اللي أنقذ الشركة الأردنية .. بس هني نشوف الخساير قاعدة تكبر .. مشكلة الشركة بسيطة بس محد يبي يواجه الحقايق..

الشركة فيها حوالي 2000 موظف زيادة .. والحكومة ما تبي تمشيهم .. مع إن الشركة حاولت تصفي على الأقل بعضهم ... بس الجواب .. لا .. حتى المخربين اللي سببوا الضرر للبلد وفصلوهم .. رجعوهم ... شلون الشركة بتنجح .. مادري إذا هاي أسلوبهم في إدارة الشركة .. خب مب تعبانين في الفلوس .. إلا فلوس الشعب .. والشعب متعود على القهر ..

طيران الخليج صارت البقرة الحلوب اللي الكل قاعد يشرب من حليبها .. إلا الشعب .. وأعطيكم أمثلة .. كانت الشركة هي اللي تتولي تدريب طياريها .. الحين وقفوا .. ليش ..؟؟ عشان شركة يديدة هي تتولي عملية التدريب .. حلو ... تقول هاي بيوفر عالشركة ... ؟؟ هععع ... لا أبوي .. زادت التكلفة على الشركة ... والدليل .. تكلفة الساعة الوحدة على جهاز (السميلاتر) .. هاي اللي جنه طيارة بس على الأرض .. التكلفة كانت حوالي 200 دولار لما كانت الشركة هي اللي تسوي التدريب .. وفي كل الشركات في المنطقة .. تكلفة الساعة حوالي 350 دولار .. أما الشركة اليديدة تاخذ 680 دولار ... !! فلوس إلا ببلاش .. عادي ..

مثال ثاني .. شركة (باس) .. هي اللي تمون الطائرات .. وكل شي يروح الطيارة لازم تروح عن طريقها .. غرشة الماي ... اللي تشتريها من أي برادة بمئة فلس .. (باس) توصلها الطيارة ب 600 فلس .. تسأل ليش ..؟؟ الجواب بسيط .. إلا الحليب ببلاش ...

وقود الطيارة ... معقولة إنه طيران الخليج تدفع سعر أعلى للوقود في مطار البحرين ... وقود ياي من بابكو .. أعلى من سعر الوقود في مطار الأردن اللي تستورد بترولها ..!!؟؟ معقولة ..؟؟ وياريت على مطار الملكة عليا وبس .. إلا طيران الخليج تدفع سعر وقود أعلى من السعر الموجود في مطارات هيثرو وفرانكفورت .. !! معقولة ... ؟؟ هاي ما صار حليب .. إلا صار كريم شانتيه .. ودبل بعد .. وتقولون مافي فساد إداري ومالي .. تعرفون شي .. طيران الإمارات والإتحاد والعربية والقطرية يخذون الوقود من دولهم بالمجان ... ما يدفعون .. أما عندنا .. خبر خير .. إحلب ..

وما أبي أزيد عليكم .. بس نقطة أخيرة ... الشركة تدفع حوالي مليون دينار شهريا للفنادق عشان ركاب الترانزيت .. !! عشان الركاب يروحون يريحون حوالي 6 ساعات في الفنادق ... صدقوني يا إخوان .. الشركة مب محتاجة لدعم 680 مليون دينار .. بس لو يخلصون من هالأشياء اللي ذكرتها .. بيكونوا بخير .. ولكن ما خفي كان أعظم ...  

إلى قناة الجزيرة –

صراحة إسمها قناة الخنزيرة ... والعاملين فيها خنازير .. مأجورين .. ينفذون أجندات .. الخنزيرة صارت وزارة خارجية قطر بالوكالة والمتحدث الرسمي بإسمها ... مادري شسالفة قطر .. من متى وقفوا يشوون اللوز .. والحين يشوون نظم سياسية ..!!؟؟ إنزين شفيهم على البحرين ..؟؟ إحنا أولاد عمومة ولا نسوا ..؟؟  الجزيرة مثل كلب الحراسة ما ينهد على أحد إلا إذا راعيه هده عليه .. والجزيرة كلبة وزير خارجيتهم .. أو بالأحرى وزير خارجيتهم مربي خنزيرة ... أو يمكن الخنزيرة إهي اللي تربيه ..

أقل شي ينقال إنها قلة أدب .. أقل شي ينقال إنها سفالة ... وحقارة .. الحقد اللي في قلب حمد بن جاسم قاعد يطلعه على البحرين .. ليش يا دب ..؟؟؟ ما نسيت حوار ..؟؟ بعدك في الماضي ..؟؟ إحنا ما نسينا لما تاخذ "المعارضة" البحرينية وتييبهم من دمشق وتخليهم عندك في الدوحة ... ما نسينا .. بس تناسينا ... الحين إنت تنفذ سياسة لمن ..؟؟ هل هي السادية اللي فيك ...؟؟ ولا أجندة أمريكية ..؟ أو يمكن أسيادك الجدد في فارس ..؟؟

والله عندنا مشكلة مع حكومتنا .. ما يتكلمون .. يحبون الكلام الهادي .. اللي ما نسمعه ... أما الحكومة القطرية .. فعندها من ينابح عنها ... وبصوت عالي .. قناة الجزيرة ... وللأسف ... بدل ما تكون صوت الإعتدال ... صوت العرب بحق ... لا صارت صوت أمريكا في الشرق الأوسط .. ولا مانع إذا دفعت إيران بطريقة أو بإخرى تكون صوت الملالوة .. أي أحد حمد بن جاسم ما يحبه ما يتحاور وياه .. ما يحل الخلاف بالطرق الدبلوماسية .. لا أبوي ... يستخدم بلطجية الجزيرة ... هاي الحقيقة ..

العام .. تقدم حمد بن جاسم بمبادرة ... مبادرة يسلم فيها البحرين للقرامطة .. رجال السعودية لعنوا حبايبه .. وحكومتنا طنشوه ولاعطوه ويه .. وهاي الحجي في تقرير بسيوني مب من عندي .. وبعدين نكاية في البحرين سووا دعوة لفأر العراق .. الأهبل مقتدى الصدر .. دعوة رسمية .. وعاملوه معاملة وزير أو أرفع .. ومن هناك .. من أرض الدوحة .. تطاول هذا الملوط على البحرين .. وطلب تدخل أمير قطر في الوساطة في البحرين ..

ما نبي من الحكومة القطرية تقول إن الخنزيرة مستقلة ... محد ما يعرف إن من أصغر موظف في الجزيرة إلى أكبرهم يقدر يروح الحمام من غير إذن واحد من آل ثاني .. إذا وزير الخارجية طبعا مسافر .. وإهتمام الجزيرة في البحرين خلال الأيام الماضية بلغ ذروته مع الفورملا .. وينقلون أكاذيب .. وتضخيم .. وتهويل .. أنا عبالي أطالع قناة العالم .. واللعنتين على المذكورين ...

إذا الجزيرة فيهم ريال واحد (مع الإعتذار للشيخة مي) خلنا نشوفهم يتكلمون عن البلاوي اللي في قطر ... عشان نصدق إنهم مستقلين ... بس مستحيل هالشي يصير .. ويا بن جاسم .. اللي بيته من زجاج ما يحذف الناس بالحصى .. ولاتعتقد إن الأمريكان بيحمونك .. والفرس غدارين .. ومالك إلا أهلك وناسك وعيال عمك يحمون ظهرك ... بس إنت ما خليت ظهر ما غرست فيه سكين .. ومصيرك تشرب من كاسك .. إنت والخنزيرة...

 ******* في شهر أكتوبر كتبت موضوعين بالإنجليزية عن قناة الحقيرة - اللي ما قراهم ويحب يقراهم .. AL-JAZEERA - NO OPINION BUT OURS

            AL-JAZEERA'S YANKEE CONNECTION

إلى لميس ضيف –

من زمان ما تكلمت عن ميسي ... بس هي سوت توتاية تهاجم اللي إعترض ولي العهد وهو طالع من معبد سنابس .. وهي ما هاجمت ذاك الهجوم اللي تقدر تقول إنه لاذع .. بس قالت هاي مب من عاداتنا .. بس .. ونفس الشي قاله عبدالمجيد العلوي ... وقامت الدنيا عليهم وما قعدت .. ومن ربعهم ... أمبييييه ... قامت تاكل عيالها ... في شغلتين في هالموضوع :

أول شي ... هم قالوا نفس الكلام اللي إحنا نقوله عن أم براطم من سنة وزود .. وكانوا يدافعون عنها .. ويجذبونه ... والحين .. طلع حجينا صج .. ما تبلينا عليها .. لإن هم يقولون .. وهم يعرفونها ... عاجنينها وخابزينها .. وعارفين أصلها وفصلها .. والكلام اللي قالوا أكو .. عشان محد يقول إحنا نفبرك قولة سعيد ..

والشي الثاني ... عن أي ديموقراطية يتكلم أولاد الكلاب اللي حرقوا عليها البلد وهم يطالبون فيها ... إذا توتاية من 140 حرف من وحدة منهم وفيهم ما تقبلوها عيل شلون لو إستلموا الحكم .. وكان في معارضة سنية .. شبيسون فينا ..؟؟؟ هذا هم .. وهاي حقيقتهم .. وكفاية دلع يا حكومة .. وما نبي نصير معارضة سنية معلقين من أعمدة النور ..

إلى الفورملا –

بمناسبة الفورملا .. وهي مناسبة عزيزة على قلبي ... قررت .. أنا الإمام الفالف عشر تقدس سري الشريف وتوابعه ... قررت الظهور عشان أروح السباق و أتونس ويا المواطنين والزوار و العنعنعنعنعنعنعن  مثل ما قالت أم سعود (بنت الميدان على توتير ومالي خلق أكتب إنجليزي .. دوروها وسوولها فلو ...) ... المهم الإمام الفاني عشر شافني أحزم جناطي إلا يبي إيي وياي .. قلتله أبوي ما يصير .. ومنو بيحرس السرداب ..؟؟ وبعدين مب وقتك تظهر..

ما عجبه الحجي .. يقول .. أكا في الديرة ذي سمعت ناس تنادي .. وتقول أدركنا يا إمام .. فالوقت مناسب أطلع .. والفورملا متروس بنات حلوين .. مب مثل بقر زورو اللي يطرشونلي صورهم الله يلوع جبدهم .. قلتله شوف .. هذرة وربربة ما أبي .. ما تروح يعني ما تروح .. إنتظر ليه ياتك الأوامر .. إلا يقول صج ..  باقول ليك .. أنا كل هالمدة ناطر ... ناطر منو ...؟ يعني منو بيعطيني أمر الطلوع .. جان أقوله أيا الغبي .. بعدما ألفوا قصتك ب 1200 سنة الحين ياي تسأل ..؟؟ صج ثور ..

أهو الحقيقة إقتنع .. وقال بارجع أرقد جم شهر .. وأنا خذت طيارة من مطار السرداب .. ووصلت مطار البحرين .. جان موظف الجوازات يقول لي ... جوازك .. قلتله .. ما عندي .. قال شلون ما عندك .. قلت له .. أبوي أنا الإمام الفالف عشر .. قال  دام جذي .. أوكي .. بس ليش ما خبرتنا جان فتحنالك صالة كبار الزوار .. وزعل الريال .. ونادى رئيسة و تجمعوا الموظفين .. وكل واحد يبي أوتوجراف .. إففففف ..

المهم ... خذت تكسي من المطار .. وقلتله .. أبويي ... وديني الفورملا .. عاد سيارة كابريس والتاير الجدامي يلقلق .. وطول الطريج وهو حاط موسيقى .. وكلها ثورية .. قلت عجييييب والله .. وصلنا جان يقول 150 دينار .. قلتله .. حق ويييييه ... قال إيه تسعيرة حكومية .. قلتله أقول ... إنت دفعت الخمس هالشهر ..؟؟ قال ... لا .. قلتله ...وجم عليك .. قال .. فلافمية دينار .. قلتله زين .. أنا الإمام الفالف عشر .. عطني 150  والباقي إدفع حق روحك .. بس طلع الخمس عليه .. جان يقول بس ما عندي الحين .. قلتله زين .. إنزين جم معاك .. قال فلافين دينار .. قلتله .. زين .. عطني إياهم .. وروح دبر الباقي قبل ما أداعي عليك ...وجذي إفتكيت منه ..

عند الباب .. جان صبي حليو .. يقول التذكرة .. قلتله ما عندي .. قال مافي دخول ... قلتله ... يه .. أنا الإمام الفالف عشر .. جان يقول حياك إمامنا .. يقول أنا جدتي حلمت إنت بتطلع في الفورملا .. وأنا كنت أدري إنك بتيي .. تعال أعرفك على السايقين ... يا حليله .. هاملتون يقول لي إمامنا أمباك تبارك سيارتي وتركبها .. طلع في عرج حلايلي هالهيس .. وقال يلا إركب .. الحين دوري في التجارب .. أقوله بس مافيها إلا كرسي واحد .. وماني قاعد في حضنك .. !! بعد الحلايل ما يتأمن لهم .. ! جان يقول لا إمام .. إقعد على مقدمة السيارة .. صوب الرفرف هناك ..

قعدت .. وإبتدا يمشي شوي شوي .. وبعدين أعطوه الإشارة .. جان السيارة جنها صاروخ .. وأنا قاعد .. وشعري يطير في الهوا .. عالخدود يهفهف .. وفردت ذراعيني .. وحسيت كإني في فيلم التايتانك في ذيج اللقطة ... أكيد شفتوني على التلفزيون .. المعلقين .. يقولون شلون جذي .. هاميلتون قاعد يغش .. بس ولا علينا منهم ... وخلصنا التجارب .. وباركت له السيارة .. وقلتله إنت بتفوز يوم الأحد حتى لو دخلت بسيارة إيكو ..

رحت أتمشى .. وأقابل الناس ... ناس حلوة مستانسة .. مفرفشة .. فخورة .. وأكل .. وألعاب .. وشراب .. يا سلام .. وبنات ... من وين هالبنات الحلوة .. كل ذي بنات ... عجييييب ... نصبت الخيمة .. كتبت عليها خيمة الإمام الفالف عشر ..رقم 6 ... ولنا كلام بعدين ...  

 

إلى هيلاري كلينتون –

البنية محتاجة شوية ترفيه .. تبي ترقص سالسا .. وتهز ... والله يطلع منها الشمطاء .. تروح كولومبيا وترقص في ملهى هافانا .. وتاركة بيل داير على حل شعره .. الظاهر إنها نست البنت مونيكا ... أو يمكن هي الدور عليها تلف على حل شعرها .. ما دري .. بس ما بحط بذمتي .. هو أنا ناقص ..!! بس الأخبار من ملهى هافانا إنها شربت .. عصير عنب وشعير ... بس مخمر .. وقامت تراقص حتى البنات .. وعلى فكرة ... السالسا رقصة جدا مثيرة ... وتنتشر في أمريكا الجنوبية ..

بما إنها وزيرة خارجية ربما إن من ضمن مواصفات شغلها إنها تتعلم رقصات البلاد اللي بتروح عليهم .. يعني إذا زارت القاهرة بتروح ترقص على وحدة ونص .. ولا يمكن عشرة بلدي .. بس لازم تسرع قبل الإخوان ما يستلموا الحكم هناك وبعدين لازم تاخذ بيلي معاها محرم ... وإذا .. إذا .. يت عندنا ... إحتمال إنها ترقص ليوة .. بس في شارع المعارض ممكن ترقص دقني دقني ...

وفي تطور مفاجيء وله صلة بالموضوع ... وصلني إن وزير خارجيتنا طلب من سفيرنا في بيروت يشوفونله أحد يدربه على رقص السالسا ... يقول شمعنه هيلاريو وأنا لا ..؟؟ عبالكم بس أدور الأكل .. لا ... أنا رياضي .. إيه .. والرقص صار من الأعراف الدبلوماسية .. يقولون حصلوا مدرس رقص إسمه سمسم و يدلعونه سميرة ... بيوصل الأسبوع الياي ...المهم اللي يحصل صورة للوزير يرقص ... طرشوها علي ..  وجذي ..

DR. KNOW