إلى واشنطن –
المنظمات الغير حكومية ذي .. هي منظمات
سياسية ..وحقوقية .. وغيرها .. اللي يظن إنها مالها علاقة بالحكومة الأمريكية
غلطان .. هي أيادي طويلة للأخطبوط وإن ماشفت الراس ... وفيها شوك .. وإبر مسمومة
.. هي أحد وجوه السي أي إيه .. يجندون من الشعب أصحاب النفوس الضعيفة والضمائر
الميتة وأصحاب المصالح والأحقاد .. هاي اللي يناسبهم .. يدربوهم .. ويعلموهم ..
ويهدوهم يطعنون في بلادهم .. ناس من أمثال الحرامي أحمد الجلبي في العراق ..
والتافهه بنت نجم في مصر .. وعندنا ... مسيلمة بنفسه ..نبيل رجب والخواجه وربعهم
... وحطوا خط مسانده أمريكي أمثال كريستوف وغيره .. وطبعا الإعلام ...
مخطط المنظمات واحد ... ويطبق على كل الدول
العربية .. مرادهم تقسيمنا وإضعافنا فوق ما إحنا ضعاف .. لخلق شرق أوسط جديد ..
شرق أوسط أليف .. برو برو .. بيو بيو .. صار العراق شبه مقسم في إنتظار التقسيم
الرسمي ... السودان تقسم مره ... وفي إنتظار التقسيم الثاني .. ومصر شغالين عليها
.. السعودية لهم مخطط لتقسيمها لثلاث دول .. أما البحرين ..شيقسمون فيها ..؟؟
مافيها شي يتقسم جغرافيا .. فقالوا ما تسوى ... نسلمها كلها للشيعة .. وبتخدمنا في
المرحلة الثانية في تقسيم الدول المجاورة ...
من بداية الأزمة في البحرين .. وكانت
الخيوط تمتد إلى السفارة الأمريكية في الزنج .. وإلى المنظمات السياسية مثل إن دي
أي .. وهيومان رايتس ووتش .. أطباء من غير (خدود) .. وإستعملوا القنوات الفضائية
الأمريكية والإنجليزية وحتى بعض القنوات العربية المشبوهه ... خلقوا الأزمة ...
وبعدين يشرف بوزنر عندنا يكون واسطة خير يازعم ... تعرفون إن لسان الحية مثل الشوكة .. وهذا هو
اللسان الأمريكي ..
علينا أن ننتبه لعمرنا .. ونقص لسان الحية
.. وإذا مانقدر على الراس .. على الأقل نقص الذيل ... علينا أن ناخذ قرار جريء ..
وقوي .. وأول شي علينا بنبيل رجب وبنت الخواجة و البقية .. علينا تحييد الدور
الأمريكي في أزمتنا .. ونركز على بعدنا العربي والخليجي .. طبعا هاي كلام مبسط جدا
ومختصر لموضع طويل ومتشابك ... ولكن ... لازم نعرف إن القضية قضية وجود .. والوضع
مايستحمل الإستسلام للضغوط ..
الحرية والديموقراطية
على الطريقة الشيعية –
أهالي العراق عليهم أن يتقدموا بالشكر
والقرابين لسيء الذكر بوش الإبن ... يشكروه على نعمة الديموقراطية اللي عندهم ..
وعلينا إحنا أهل البحرين أخذ العبر من درسهم ... واحد ملقوف الحين يقوللي شلازمة
هالكلام ... إدخل في الموضوع ... إنزين ..إنزين .. أشوف رايكم ... وزيرة المرأة
العراقية .. وحدة شيعية غبية وتحمل شهادة دكتوراه طلعت قانون .. تقوللي قانون
يساعد بالنهوض بالمرأة العراقية ..؟ يحسن مستواها ..؟ يحمي الأرامل ..؟؟ إلى أخره
... لا والله ... طلعت قانون يسلب المرأة من حريتها .. ويحدد لها الملابس اللي
ممكن تلبسها والملابس اللي مو ممكن تلبسها .. الملابس الملونه والمزركشه حتى مع
الحجاب والإكسسوارات ممنوعة ...
سعادة الدكتورة إبتهال الزيدي تبي نسوان
العراق وبناتها يلبسون على الطريقة الإيرانية .. والظاهر يفصخونها على الطريقة
الإيرانية بعد ... هي طبعا صدرية .. يعني وزيرة تابعة للتيار الصدري اللي رئيسه
الغبي إبن البهيم مقتدى الصدر .. وتعرفون وقفته مع سردار البحرين ورسالته وتهجمه
على البحرين وحكومتها .. مو وقته أتكلم فيه الحين .. بس أرجع مرة ثانية
للديموقراطية اللي وعدوا الشعب العراقي فيها ... هاي وحده منها ... ولكن واأسفاه
على إخواننا في العراق .. أعطوهم الديموقراطية على الطريقة الشيعية الإيرانية ..
خدعوا شعب العراق بالكلام عن الدولة
المدنية ... نفس الكلام اللي يناهق فيه علي سلمان .. وتمكنوا من السيطرة على الحكم
... وإبتدوا يصادرون الحريات .. حرية ورا حرية تصادرت ... حتى الملابس سعادة
الوزيرة تبي النسوان يلبسون كأنهم قاعدين في مآتم بن زبر .. ومب مهم إنتي شيعية,
سنية, زيدية, مسيحية, أي ديانة وأي معتقد ..مب مهم ... المهم تلبسين اليونيفرم
الشيعي الإيراني ..
لاتخلوا التجربة العراقية تبتعد عن عيونكم
.. إفحصوها .. تعلموها ..وحفظوها ... هاي اللي ينتظره مستقبلنا لو إستلموا الحكم
... أو تدرون ..مب الحكم ... أي موقع قيادي يطيح تحت إيداهم في الحكومة بتشوفون
تغييرات .. ما نسينا البعثات ولا التعينات في الوزارات والشركات السيادية و البنوك
.. اللي نايم ..قوم الله يبارك فيك قوم ...
إلى 14 فبراير –
عادة .. هاليوم عادي .. جدا عادي ... مثله
مثل أي يوم في السنة .. صارله أهمية لما تم إعلان الميثاق فيه .. وصرنا نحتفل فيه
.. وبعدين ...ومن سنة بالضبط .. أعلن الشيعة فيه ثورتهم .. وصار لي هاليوم قدسية
عندهم .. مثل عاشوراء .. وباقي الأيام اللي يقدسوها بمناسبة موت واحد من أأمتهم
... وربطوا قدسية هذا اليوم بمكان مقدس ... تقاطع الفاروق ... وجعلوا من مجسم مجلس
التعاون صنم وعبدوه .. وصنعوا منه أشكال وأحجام .. تفاهة ما بعدها تفاهة ... ناس
تاخذ من كل شي رمز ... لإنه في غياب المعلوم ياخذون المجهول ويسوون منه رمز يمكن
يوصلهم إلى الحقيقة اللي مب موجودة أصلا ..
الإستعدادات لإستقبال هاليوم على قدم وساق
.. خطط ..وخطط مضادة .. الشيعة يبون يوصلون للدوار .. الحكومة تنشر وحدات الجيش ..
وفي نفس الوقت بتسوي حفل غنائي في حلبة البحرين أظن .. هاي اللي إحنا شاطرين فيه
.. أغاني .. طبعا مالها علاقة بمذابح سوريا .. وما يهم إنه دول المنطقة ألغت
الإحتفالات .. إحنا بنسوي أغاني وطنية ... شنو فيها ..؟ مافيها شي .. هاي اللي
بتسويه الحكومة عشان تواجه خطط الشيعة ... تعذرني الحكومة تراني مب رايح .. ورجاء
وصلوا إعتذاري لإحمد الجميري و هند ومادري منو بعد ..
أما الشيعة .. قاعدين يخططون .. بالسر
والعلن ... خليل مزنوق مطلع فيديو وهو يشرح شلون بيرجعون للدوار وشلون يواجهون خطط
الحكومة السرية .. وطبعا إحتفالا بهالمناسبة السعيدة والمقدسة .. بترتفع وتيرة
الحرق والقطع والسلندرات .. يعني يبون يوصلون هناك بإي طريقة ... يبون يفرضون
علينا وعلى هيبة الدولة مطالبهم ..
وبين الخطط الشيعية والخطط المضادة
الحكومية يطلع علينا فواز رمضان .. العلامة المحلل السياسي برأية اللي يقول عنه
"هذا
هو الفعل الصواب وتلك هي الأستراتيجية الصحيحة " ..!! ويقول خلي الحكومة تسمح
للشرذمة يرجعون الدوار ..و بعدين سووا جذي وجذاك .. وبعدين أمريكا بترضى علينا ..
والرأي العام .. ومادري شنو ... ودخل في حجي تحشيش ...
وصراحة صارلي سنة أتابع اللي يكتب على
توتير .. وصراحة أقرا للأخ فواز ..ودايما أشوف تحليلاته فيها من الخطأ الكثير
والسطحية الساذجة ...ولكن تبقى محاولات ولاضير .. ولكن موضوعه الأخير من أغبى ما
قريت خلال السنة الماضية .. وحتى لاحد يفهمني خطأ .. أنا فقط أقول التحليل غبي ولا
أقول الأخ فواز ... السيناريو اللي حطه مهلهل وضعيف و يضر وماينفع... كنت أتمنى لو
سكت .. على أي حال .. ماعندي مشكلة يقول اللي يقوله .. بس يقول إن رايه هو فعل
الصواب ويرسم إستيراتيجية ويقول إنها الصحيحة .. هذا غرور بالنفس يسبب له السقوط
السريع ..
على أي .. اليومين اليايين .. هم أيام حسم
.. سواء أمني أو حواري .. صارلنا على هالوضع سنة .. وتحملنا تجاوزات الشيعة ..
وأكاذيبهم .. وتحملنا تساهل الحكومة .. ولمتى ..؟؟
إلى صدام حسين –
سواء حبيته أو كرهته فهو ميت .. ولا يجوز
عليه إلا الرحمه .. أنا اليوم مب مهتم بالدفاع أو الهجوم عليه .. حسابه عند ربه ..
مهتم فقط ليش أعدموه وصباح العيد .. أعدموه لإن محكمة عراقية تعمل تحت أمر المالكي
عبد إيران وخادمها .. المحكمة قالت إنه قواته قتلت ناس بعد تعرضه لمحاولة إغتيال ...
المحكمة قالت إنها طبقت القانون .. سواء كان قانون سماوي, وضعي أو سياسي مو مهم ..
المهم طبقوه ... لإن الحاكم اللي يقتل شعبه هاي جزاته ..
وصل سيادة المالكي للحكم .. وقتل .. بنفس
أسباب صدام .. ولكن ما نشوفه تحاكم ... المالكي تحالف مع الشيطان في حرب عشان يشيل
الطاغية .. والحرب كلفت مئات الآلاف من الأرواح . بس مب مهم ..طالما إن الطاغية
إنشال ... هاي العدالة .. والمالكي مايرضى إلا إن العدالة تتطبق ...
اللي مب قادر أفهمه .. شلون المالكي ما
يرضى الظلم للعراقيين .. ولكن يرضاه على الشاميين .. أهل حمص وحماه ودرعا وغيرهم
... شلون يوقف مع طاغية يقتل المئات من شعبه يوميا .. مو يوقف وبس ..لا ويساند بعد
بالإسلحة والمقاتلين .. ويدعمه بالأموال والنفط ..وخلى العراق ممر أمن للمساعدات
الإيرانية للأسد .. لكن أقول .. إن شاءالله مصير الأسد راح يكون نفس مصير صدام ..
والمالكي ينتظر دوره ...
إلى المدعو almu8atel@
في العادة أتحاشى أن "أهاجم"
ربعنا .. ولكن لما يسىء بعضنا لبعض .. ما أقدر أسكت .. المذكور أعلاه .. المقاتل
يازعم .. مادري وين يقاتل ..بس مسمى روحه المقاتل ... وخبركم الأسامي على التوتير
ببلاش هالأيام .. المهم قام هالشخص
بالتجني على شرفاء البحرين المخلصين الوطنيين .. وتهجم عليهم بلا سبب .. ربما
إختلفوا معاه بالرأي .. بس طول عمرنا نعرف إن الخلاف في الرأي لايفسد الوضوء .. أو
شي ثاني مادري ..
أجزم بإن هذا الشخص ساقط عربي صف سادس ..
أغلاط إملائية و نحوية بالهبل .. وبخلاف ذلك له رأي سياسي ..أحترمه .. ولكن لايتفق
والمزاج العام .. وبالإضافة إلى إنه ما يشيل ماي من كثر القظوظ اللي فيه ... وفوق
ذي ... يتهجم على الشرفاء ... يعني قولة السوري ... أعمص وبيتجعمص .. ترى عيب جذي
.. إحنا وإن إختلفنا لازم نتحمل بعض .. بس بعض الناس يحبون التحاميل .. وإنتوا
عبالكم بس جماعة علي سلمان اللي يحبونها .. لا .. طلع عندنا اللي يشتيهيها ..
أنا ما أعرف شخصيا الجماعة اللي نشر صورهم
من غير إذنهم وتهجم عليهم .. وأنا لاأنتمي إلى المنبر .. ولا لي مصالح شخصية أو
غيرها معاهم .. أنا أعرف الدكتور رائد الجودر واحد من اللي نشر صورهم .. إنسان على
درجة عالية من الثقافة والذكاء والوطنية .. والدليل إنه لما المقاتل تهجم على
الدكتور هبت الأستاذه هنوف lhanoof2009@ و Rayaanatal3od@ للدفاع عن الدكتور .. وأنا على يقين إن لاعلاقة تربطهم بالدكتور
غير تبادل النقاش الحر والأفكار اللي تصب في مصلحة البلد ..ويعرفون الدكتور .. من
أجمل كتبت الأستاذة هنوف .." أتحداك تكون شجاع وتطلع باسمك الحقيقي مثل
ما الرجال الكفو اللي يازعم انك كشفتهم ولا حلال تكشف غيرك وأنت حرام؟"...
تبي تهاجم
الشرفاء يا رامبو التوتير العنيف .. إكشف إسمك .. ولا تخلي أحد يكشفه لك .. وإذا
إنت مب كفو... لاتتطاول .. وكفاية أقزام الوفاق ومب قاصرينك إنت .. وأطلب من كل
محبيني ..ومحبين الدكتور رائد واللي مسوين فلو لهالشخص .. يسونله إنفولو .. خليه
يتأدب .. وياخذله تحميله سنعه .. وجذي
أسامي القرى –
ما طول عليكم
... قعدوا فوق النخل 94 يوم ولانزلوا.. وفي رواية 95 يوم .. كانوا عايشين على
البلح والرطب .. الرطبة ذيج الأيام قد الهمباية مالت أيامنا .. حسرة علينا ...
المهم .. عبدالملك طرش توتايه لجنودة .. بس يمشون وعفى عنهم .. وذيج الأيام كانت
التوتاية 1400 حرف .. إيه .. وهم ماشيين واحد من الجنود قط سيجارة وماطفاها .. والدنيا
قيظ .. والأرض ناشفة .. جان تشب حريجه شافوا دخنتها في الشام ...!! وإحترق كل
النخيل و الكرانيين اللي منخشين فوق النخل وياهم ... وكلهم إحترقوا لإن المسافة
طويلة ما مداهم ينزلون .. المنطقة اللي كان فيها النخل سموها كرباباد .. أي كرب
أباد .. والكرب هي المصيبة أو البلاء ... أباد معناها أرض أو ديار ... فمعناها أرض
البلاء .. وبجذي أعطيتكم ملخص لإسامي قريتين من قرى البحرين على حسب ما جاء بكتاب
بن المحشش .. هذا ...وجذي ..
DR. KNOW
ليست هناك تعليقات:
إرسال تعليق