رسائل خاصة بس بدون زعل 30

إلى الحوار رقم 2 –

صحيت يوم الثلاثا ومثل ما أسوي كل يوم .. أتفحص التوتير و أنا أشرب فنجان قهوة .. والعادة أغلب التوتيرات كلها صباح الخير و العسل والمعسل  .. اليوم صحيت على توتير يغلي وأسخن من الكوفي اللي أشربها .. يا فتاح يا عليم يا رزاق يا كريم .. شيللي صار في الليل ..؟؟  حتى في الليل ما سمعت ولا سلندراية .. ولا كان في حتى مسيل دموع .. عيل ليش الناس شاطة ..؟؟ وبعدين شفت كلمة "حوار" ... وضحكت .. قلت شفيهم الشباب والشابات محششين من صباح الله خير.. وتكررت الكلمة .. وتكررت.. وبعدين .. أشوف إسم نبيل ... عبالي نبيل ماغيره .. و أخيرا أوضحت الصورة...

الأستاذ نبيل الحمر مسوي تويتاية ... عفوا.. كانت قنبلة .. قطها أخر الليل و راح يرقد .. قال إن إتصالات بدأت مع مختلف القوي السياسية من أجل التهيئة لحوار وطني يؤدي إلى لم الشمل و الوحدة الوطنية .. وقال في توتاية ثانية .. إن كل الآراء والمقترحات لن تمنع .... شفتوا .. كلها جملتين وعفس المزاج البحريني العام .. وصار يبيلنه حشيش .. جنه إحنا كنا قاصرين .. إنزين .. أنا الموضوع كلش ما عجبني .. وأقوللكم ليش ..

يا أستاذ نبيل ... هل التوتير أصبح وسيلة رسمية لنشر أخبار الدولة ..؟؟ هل الخبر ذي من السطحية إنك تحذفه علينا من خلال توتاية 140 حرف ..؟؟؟ ومتى ... الفجر ... !! ولما تقول إتصالات ... ممكن تقولنا لنا من المتصل ..؟ إنت ..؟ الديوان ..؟ الإنجليز ..ولا الأمريكان .. ولا الجني الأزرق ..؟؟ ومع من ..؟ هالقد الدولة عندها إستخفاف بالسنة ..؟ بعد كل اللي صار الدولة تعاملنا خلكم في شغلكم و إدفعوا فواتيركم و روحوا القهاوي و ما عليكم ... إنتوا خلوا السياسة لنا ... إحنا نفهم و إنتوا لا .. لا تشغلوا بالكم .. بس إذا إحتجنالكم إطلعون في مظاهرة بنخبركم ...

أعتقد الأخ فواز رمضان قال عن هالخطوة "جنون سياسي" ... وأنا أقول إنها جنون .. مادري عاد سياسي .. إجتماعي .. بطيخي ..مادري .. وأنا أقوللكم من الحين .. الحوار فاشل قبل ما يبدى .. ولا السنة بيعجبهم أي نتائج تطلع عنه ..ولا الشيعة .. هاي في حالة تم الحوار .. وفي حالة ما إنسحبت الوفاق كالعادة ... متعوددده دايماااااا ... الحين الحمر ما بيعلن عن الحوار لو ما تم التوافق عليه من قبل .. سواء من إجتماعات مباشرة.. أو من خلال وسيط .. و أعتقد إنها تمت من خلال الأمريكان .. والأمريكان ضغطوا على الجانبين .. وحصلوا على موافقة.. الموافقة من القيادات في الحكومة والوفاق .. أشخاص معدودين .. الحين بيحاولون تسويقة للإتباع .. و الصوبين شايطين .. يعني بصراحة .. لا الحكومة على تواصل مع الشعب ... ولا الوفاق على تواصل مع أتباعها ..  

المشكلة .. الدور الأمريكي ما بينتهي بتنظيم الحوار .. بيبقون حتى نهاية الحوار .. وبيضغطون طول الطريج .. قبول الوفاق بإي قرارات حتى لو ماكانت كل مطالبهم إلا إنه يبقى مكسب ولو قليل .. وأي تنازل حكومي ولو قليل فهو خسارة كبيرة .. وبتكون على حساب السنة .. الإنصياع للضغط الأمريكي يذكرنا إننا سياسيا مجرد "عفاطي" في بحر متروس بهوامير وحيتان .. وتبقى السيادة مجرد كلمة أكبر وايد من معناها الحقيقي ...

إنزين .. الدعوة لحوار ثاني ..في رأيي إعتراف ضمني من الحكومة إن الأولي كان ... ممممم .... خرطي .. على حد تعبير الوفاق ... إذن .. الوفاق كانت على حق .. وإلا ليش الحوار الثاني  .. وخاصة إن الحكومة قالت بعد الحوار إنه مافي حوار ثاني ولاثالث.. نشوف الحين السالفة تغيرت .. تعودنه .. لا عفا الله عما سلف ...صارت عفا الله عما سلف وعما سيأتي ... هاي مثال واحد بس ... والأمثلة خلال هالسنة كثيرة ... بس منو اللي قاعد يحسب... اكيد مب أنا .. معناة الحجي .. إن الكادر الطبي راح يرجع ... وأولهم العكري و حاجي و ضيف... ومعناته إن المساجين بنشوفهم طالعين واحد ورا الثاني .. وإلا شلون بينجح الحوار ومشيمع قاعد يخيس في السجن... فلا تستبعد إنه و إبراهيم شريف يكونوا طرف في الحوار ...

في المقابل ... ما أعتقد بنشوف توقف للعمليات الإرهابية في الشوارع .. لإنه ببساطة الوفاق ما تسيطر على كل الشارع .. ولو إنها ممكن تخف في الحدة ... طبعا إذا إنسحبت الوفاق فعندها راح نشوف أبواب جهنم تتفتح في البحرين .. وهاي ورقة الضغط الوفاقية... اللجوء إلى الشارع .. ونفس الشي إذا فشل الحوار ..

من صوبها ... ترى الوفاق وضعها مب ذاك الزود جدام ربعها .. ودخولها الحوار بيعتبرونة خيانة .. كان بإمكان الوفاق الدخول في حوار من 18 فبراير و تفادينا كل هالبلاوي .. ورفضت كل دعوات الحوار ... فاليش الحين ..؟؟ وهل تحقق أي شي من مطالبهم ..؟ هاي الكلام لجماعتهم ... وين راحت دماء الشهداء ال 64 ..؟ هاي اللي يدعونة .. من شهيد الطوفة و السيكلر و الرصيف و غيرهم ..

إنزين عشان ينجح الحوار فالزاما إن الوفاق تطلع بشي عود .. ما يبون كرسي وزارة ولا ثنتين .. لا .. يبون رئاسة الوزارة .. أقل من جذي بيفقدون البقية الباقية من تابعينهم ... سبق وإن عرضت عليهم رئاسة الوزارة بعد عدة سنوات ... نسيت كم سنة .. بس أظن 10 أو 15 سنة .. الحين الوضع إختلف .. ما يبون ينتظرون .. يبونها الحين ... وأقوللكم .. لو أخذوها اليوم أو بعد 100 سنة فإعلم إنها نهاية البحرين .. والنظام البحريني ... والسنة يعرفون هالشي و السنة بيكون لهم ردة فعل ...  

إذن ... الفجوة كبيرة بين الحكومة و بين الوفاق .. مب من السهل إنك تعطي من صلاحياتك وتقوي الطرف الأخر... تقوية الوفاق مقدمة للإستئثار بالحكم .. والكل عارف هالشي .. وعشان جذي أي حوار سيفشل .. ويمكن الحكومة عارفة إنه راح يفشل .. وبعدين تقول للرأي العام ..ترى سوينا كل شي و مافاد وياهم .. بالنسبة للوفاق .. هم عارفين إنه بيفشل .. من جذي هم يبون حوار سري ومن غير أطراف ثانية ... ما يبون أحد ..ولا حتى وعد .. بروحهم ..

إحنا يا جماعة مب محتاجين لا لحوار و لا هم يجتمعون .. برأيي المتواضع المحشش .. أول شي على الحكومة إنها تفرض الأمن و لو بالقوة الجبرية ... ويتم وقف كل مشاكل العنف ... وتعالوا نبتدي المسار الديموقراطي من الأول ... حلوا هالبرلمان التعبان ... زيدوا من صلاحيات البرلمان اليديد .. وخلوا الوفاق تدخل .. و تطالب عن طريق البرلمان كل اللي تبيه ... ويكون الحوار برلماني دستوري .. يمكن التغيير اللي يبونه .. وعلى فكرة مو بس أهم اللي يبون تغيير .. إحنا بعد .. التغيير ممكن يكون بطيء نوعا ما .. بس فيه .. هذه هي الديموقراطية .. أما إن الوضع مو عاجبني و أقعد أرعب الناس ..وأدمر الإقتصاد .. و أخذ البلد رهينة عندي ..ويلا تعال تفاوض .. ما بيمشي هالحجي ..

نقطة أخيرة .. إحتمال الحكومة تحسب الأمور بحسابات إحنا ما نعرفها .. هاي طبعا لإن الدولة ما تعاملنا بالشفافية اللي نستحقها .. من هذه الأمور زيارة عمي بسيوني خلال ساعات ... و الذكرى السنوية الأولي لثورة 14 فيراير لا رحمة عليها .. وبعض الحراك السني خلال هالشهر.. ولا ننسى أهم حدث ... الفورميلا ..  فهل الحكومة على دراية باللي يبي يقولة أونكل بسيوني و هم سووا خطوة إستباقية ذكية ..!!؟؟ أدري بتقولون ذكية ..؟؟ من الحكومة ..؟؟  ما باعلق ..هل هي إجهاض لإحتفالات الوفاق و شارعها بعمليات تخريب وإرهاب ..؟؟

أما جمعية التجمع فهي في خبر خير .. وكأن الحوار يخص موزامبيق مب البحرين .. وللحين ننتظر منهم بيان .. أو تصريح .. أو توتاية .. ولكن الجمعية ... تعيش أخر أيامها في غرفة إنعاش .. على أجهزة ... و لو فيهم أحد يفهم ... يسحب كابل الكهربا .. الموت لهم رحمة ...

إنشالله فهمتوا  ..؟؟ و إنشالله وضحت لكم الصورة .. والسينوريوهات .. ؟؟ بس... واللي يرحم والديكم ... اللي فهم يي يفهمني لإني مب فاهم شي ... !!

التحليل السيكولوجي لعيسى قاسم –

طلبت مني الأستاذة @alhanoof2009 بإجراء تحليل نفسي لقيادات الوفاق .. وطبعا هي ماطلبت مني إعتباطا .. إهي تعرف أبحاثي في مجال الطب النفسي والولادة وتصليح السيارات .. وأبحاثي في هالمجال تدرس جنبا إلى جنب مع كتب فرويد .. مابي أطول عليكم في المقدمة وتقولون قاعد أمدح في نفسي .. ومداح نفسة يبيلة رفسة .. المهم .. ثاني يوم إتصل فيني واحد حلايلي حده .. يقول .. دكتور نو شيخنا عنده مشكلة و نمباك تساعده .. قلت يبوه العيادة ..  إنزين أنا اسميها عيادة تجاوزا .. هي الحقيقة صندقة في  بلدية المنامة ..

المهم يابوه ..وطالعت في ويهه .. أقول أنا أعرفه ذي .. أقوله ..إنت مب ولد قاسم ..؟؟ قال إيه ... قلتله .. أها .. إنت وايد كنت نوتي .. باد بوي ... شتبي .. قال عندي مشكلة سرية دكتور ... قلتله إنزين .. إنبطح على الكوارتين.. ما إنتوا متعلمين على الإنبطاح .. وإرتاح .. وقوللي شنو مشكلتك .. قال .. من يوم خطاب مال يوم الجمعة اللي قلت .. إسحقووووة .. و أنا تعرضت لهجوم عنيف .. والحين أشوف كل ما تمتعت في وحده ... خبرك .. أعجز ... ما أقدر أعطيها حقوقها الشرعية .. مسكين الريال تلعثم .. و إستحى ... وقال .. دكتور إلحقني .. أمر بمرحلة ... خمول .. عاطفي ..

إنزين .. أنا باشخصلك المرض من الناحية النفسية .. ما أبي أشخصة من الناحية العضوية لإني توني متغدي .. المشكلة عيسو .. أقدر أسميك عيسو ..؟ قال إيه اللي تبيه بس .. أمبه هالمرحلة تنتهي .. قلت إنزين .. خلني أسألك .. شلون حسيت و إنت تقول إسحقوووووة ...؟؟ إبتسم ... حسيت بقوة .. بنشوة ... حسيت إني جنكيزخان .. أو حتى أكثر .. كنت الخميني براسه ... كانت عجيبة ... كنت أرغي .. و أزبد .. وبعدين ..قلت هيهات منا الدلة .. والآلاف تردد ورايا .. شعور بالعظمة ... ما بعده شعور .. كنت أقدر أقوم بعشر متعات ..

إنزين يا شيخ وين المشكلة عيل ..؟؟ المشكلة .. كلهم قعدوا يهاجموني .. ويسبوني .. و يقولون عني حجي بطالي ... حتى نورة يقولي حق ويه تقولي شذي .. هدا كلش مو زين ... ونفسيتي تعبت يا دكتور .. وهديلة الطبالة سحقوني .. سحقوني .. والضاهر سوولي عمل ربطوا لي شغلي ...والحين .. تعقدت .. إنزين ... بس يكفي .. خليني أقولك عيسو .. إنت فيك غضب .. والغضب ناتج من أمور داخلية و قديمة .. قام عيسو و يصيح ... إشفيك ..؟؟ قال .. أنا وأنا ياهل كله كنت أنطق في الحوزة ... ومابي أقول شنو بعد .. قلتله ..شفت شلون .. هاي مشكلتك .. عندك مخزون من الغضب مسببلك عقدة بالنقص .. وهاي مسويلك سلوك عدواني ... وإنت في الأساس إنسان ذليل .. ومن جذي كله تقول هيهات من الدلة ..

وممكن من مسببات الغضب .. إختلال هرموني خلال الدورة الشهرية .. بس تعال هاي ما ينطبق عليك .. لو نورة جان أوكي ... المهم عرفنا السبب ..الحين للعلاج من السلوك العدواني اللي عندك .. أبيك لما تحس بغضب إطيح طق في مخده .. يقاطعني يقول .. دكتور فيني أطيح طق في واحد سني ..!!؟؟ لا ..لا ..لا ... نوتي .. ما يصير .. خلك في غرفة بروحك إنت و المخدة .. ليه شعرت زين .. إطلع و أخطب ... زين ..؟؟ قال .. بس دكتور .. والموضوع الفاني ..؟؟ يعني الثاني .. إيييييه ... بحولك على الدكتورة فوز .. مالت الكويت ذي .. الحين إنتهى وقتك ..ونورة قاعد ينتظر ..  إدفع عند راجو و إنت طالع ... قال .. عندي تأمين صحي من شركة التأمين الإيرانية .. قلتله .. ما ناخذ ...يلا برو برو...

إلى لميس ضيف –

شافتني شوية مشغول عنها قامت تلعب بذيلها ... وياحبها باللعب في الذيول ... وادي السيليكون ذي طرشت توتاية إنها رايحة بيروت لمؤتمر المرأة الخامس .. ممثلة عن البحرين ... وتقول تصفيق .. مستانسة على روحها .. أول شي مادري شنو هالمؤتمر ذي اللي محد يدري عنه إلا هي وجم وحده .. وطبعا طز في أي قرارات تصدر عنه .. بيروت بلدها الروحي .. هناك إنولدت من يديد .. صارت مسخ شبيه بإنسان ... جم عملية تجميل صاروا يا ميسي ..؟؟ 19 ..؟؟ 20 ..؟؟ مسوية عمليات تجميل مثل ما أنا مسوي رسايل .. المهم ..

أنا أبي أعرف .. إنتي بإي صفة تمثلين البحرين ونسوان البحرين ..؟؟ يا ترى .. إنتي تمثلين بدرية و حصة و عايشة ..؟؟ هل في أي عامل مشترك معاهم ..؟؟ ولا إنتي تمثلين معصومة وزينب وزهراء ..؟؟ أشك أصلا إنج تمثلين أحد غير مصالحج .. ياترى مريتي على جم واحد عشان إطلعي فلوس السفرة..؟؟

من يومين وحدة رفيجتها مسوية معاها مقابلة يازعم على فرانس مادري شنو .. شفت من المقابلة دقيقتين أو 3 قبل لاتلوع جبدي .. بس اللي شافوا المقابلة ...لاحظتوا شقد هي مخنفه ..؟؟؟ وايد مخنفه عن ما أعرفها من قبل .. خناف هني بمعنى الشخص اللي يتكلم من خشمه .. وهي كلمة عربية فصيحة لا تسونلي سالفة بعد .. ومالها علاقة بخناف سترة يعني السرير ... المهم الظاهر من كثر عمليات التجميل في خشمها صارت تخنف بالحجي .. وايد مزعج .. وبعدين حتى براطمها تتحرك بصورة غير إرادية .. من جذي ما تقدر تتكلم مثل البشر من حلجها .. وإخنفت ..

شهداء مبارة كرة القدم –

حالة العرب حالة ... ماكفاهم قطع الشوارع على إخوانهم .. والمولوتوف على إخوانهم .. وبإسم المطالبة بالديموقراطية .. قاموا الحين يذبحون بعض بإسم كرة قدم .. 74 ماتوا في دقايق .. معقولة .. وهاي في بلد قدموا الشهداء بالمئات من أجل الحصول على الديموقراطية .. هذي هي نتيجة الديموقراطية ... ؟؟ ليش العرب ما يعرفون معناها .. ؟؟ وليش ما يعرفون شيسوون فيها ..؟؟ عبالهم الديموقراطية إنت حر تقتل و تنقتل .. وبس .. ما ينفع ويا العرب إلا الدكتاتورية ...عشان ما يذبحون بعض .. شي محزن ..

قصيدة عجبتني –

هالأيام مهتم وايد بشعر أبوالقاسم الشابي .. و شفتله قصيدة "إذا الشعب يوما" وخذت منها جم بيت قلت يمكن بتعجبكم .. الله يرحمه - جنه بعده موجود بينا وكان يدري ياللي بيصير فينا...

إذا الشعب يوما أراد الحوار    ********     فلابد أن نسخن  الجدر

الحكومة تطبخ بروحها وتعزم  ********    واللي مايي  ماله  عذر

وحذافة المولتوف بيحضرون   ********    من سترة ودراز والعكر 

وننسى أيام الآسى وكل الحزن  ********    وننسى العنف وأيام الغدر

ونسوي مصالحة ورقص ولويه *******    ونبوس على لحية ذاك الزفر

عشنا بزمن الواطي فيه يعلى    ********   والفار قام يهجم فيه عالنمر

ويالبحرين ما دخلج شر ولاشفتيه  ********  السكين ما دخلت بس إلا شبر

DR. KNOW