إلى القضاء –
الحقيقة مادري .. أوجه الكلام للقضاة ولا
للحكومة ... ولكن الظاهر إنتوا الإثنين مشتركين في جريمة يحاسب عليها القضاء...طبعا
...لو كان أصلا فيه قضاء.. جريمة في حق العدالة... إن لم نقل في شرع الله ... وين
القصاص العادل ... مب بس في قضية دهس الشرطة اللي تمييز ألغت أحكامها ... في كل
القضايا اللي قدمت أمام المحاكم و المتعلقة بالإحداث ... مافي قضية ... قضية وحدة
حكم فيها و أصبح الحكم نهائي ... وكأن الحكومة ما تبي تصدر أحكام ... من تأجيل إلى
تأجيل ... إلى إلغاء أحكام ... إلى إعادة محاكمة ... إلى شطب الدعاوى من أساسها ...
إلى تخفيف ... إلى عفو ... مسخرة ما بعدها مسخرة... ضيعتوا هيبة القضاء و القانون
و الدولة ... ما تستحون تقعدون على منصاتكم .. وتقولون تأجيل ؟؟؟
هل الدولة خايفة من الحثالة الإرهابيين ؟؟
لو كانت فعلا خايفة فمعناته ... إما إنهم عندهم القدرة على شعللة البلد – يعني حرقها
– و الدولة خايفة من هالشي ... أو إن مطالبهم مشروعة و هم على حق .. فإذن إحنا على
الباطل ... فإذن كل واحد ينثبر في بيته ...ولا على كوفي شوب و خلنا نرجع للمغازل
لإنه ما ننفع لشي ثاني ... وكل واحد يلغي حساب التويتر و خاصة القروبات ..
الحسابات الشخصية خلوها للمغازل ... وعشان نتابع إنتصارات الجماعة الثانيين و
ندزلهم تهاني و تبريكات ...
أقول... حكومة ... فقدتوا تواصلكم مع الشعب
اللي ثبتكم .. و فقدتوا كل شي جميل سواه هالشعب المغلوب على أمره ... خلكم يبا في
سباقات القدرة ... و بدل ما تصرفون فلوس على الخيول ... دخلونا إحنا الجحوش في
سبقاتكم ... والله عندنا قدرة عجيبة على التحمل ... و مثل ما قلنا تعريف تحمل هي و
تحامل مشتقين من كلمة تحميلة ... و إحنا اللي كنا نعطي التحاميل صرنا إحنا اللي
ناخذهم ... و تعطونا كل تحميلة أكبر من الثانية ... لا و مسنينين بعد ... المهم
دخلونا سباقات القدرة و شرط نفوز في كل سباق ... بس سؤال فني ... يسمحون بمشاركة
الجحوش مع الخيول؟؟
شنو السالفة ممكن تفهمونا ؟؟ هل المسألة
عمي بسيوني ؟؟ ترى باكلمه ... ولا المسألة إتفاقيات تورطتوا فيها ... ولا هي هفوة
... ولا علينا قسوة ... ولا يمكن حنا ما نسوى !!؟؟ نبي أجوبة ... و أجوبة مقنعة
... حقنا عليكم .. و هذي أقل الحقوق ... تدرون أسلوبكم في معالجة الأزمة خلاهم
أقوياء ..؟؟ إنتو خليتوا شوية حثالة .. مخنثين ... خليتوهم رياييل ... لاحد يزعل
رجاء... ما بقى فينا .. إذا الحجي ما طلع ترى بننفجر مثل سلندراتهم .. بس يا خوفي
حزتها تلقون القبض علينا بتهمة الإنفجار الغير أرادي ... خليتوا وحده ساقطة ...
تقول غصبن عنكم .. ما عندنا سيادة؟؟ إنسوا السيادة ...و إنسوا كل شي ... ما عندنا
كرامة !!؟؟ حتى هالسافلة المنحطة تتطاول عليكم ...و طبعا علينا ... إحنا و إنتوا
واحد ولا نسيتوا ... و إحنا اللي خذنا مسبات عشانكم ..و تحملنا .. يعني خذنا عنكم
تحميلات ..مب تحميلة ولا ثنتين ...
قولوا
لنا ... شنو السالفة .. إحنا ترى ضايعين .. ما ندري رايحين ولا يايين .. إحساسنا
بالضياع إنتوا سببه...لأن إحنا نحس إنكم ضايعيين ... إذا ضايعيين قولوا ترى مب عيب
... عندنا جي بي إس ... حطوا يدكم في يدنا ... وبنوصل ... خطوة خطوة .. بنوصل ..
مهما كانت التكاليف و مهما كانت التضحيات .. إحنا مستعدين ... أنا مستعد ... بس
قولوا عاد ... حتى تقررون .. نبي حشيش .. ننسطل و ننسى البلاوي اللي إحنا فيها ..
ما يصير نتلقى كل هالأخبار و إحنا صاحيين ... الضرب في الميت حرام يا حكومة ... و حالتنا
لله ..
إلى النواب –
من غير لف ولا دوران .. تعرفون لين الواحد
راجع من شغله ...تعبان ... و ميت من اليوع ... يبي ياكل و ينام ... وتقوم زوجته
تحطله الأكل ... اللحم محروق ... و العيش ما نضى ... و الصالونه مالحة ... وتقوله
...سوري حبيبي ..كنت على التليفون ويا البنات و سهيت ... عذر قبيح ... صح؟؟ إنتوا
هذي العذر ... إنتو عذر قبيح ... بتزعلون كيفكم .. طقوا راسكم في طوف المجلس ...
أو تفلوا على بعضكم بعض ... تعرفون حبة الهيربيز اللي تطلع على الشفايف ؟؟ الحبه
ذي اللي ليه طلعت تضايق و تعور وشكلها مقزز و تحط عليها مرهم زفيركس ... إنتوا حبة
هيربيز على شفايف البحرين ... برلمان هزيل ... و نواب أهزل ..
حطينا عليكم أمال عريضة .. يت خيبتنا أعرض
.. أعرض من مقعداتكم اللي قاعدة تكبر و تعرض كل يوم .. عنبوكم ما سمعتوا عن
الريجيم ؟؟ إنزين هدكم من الريجيم .. رياضة ؟ الحين عيني عليكم باردة صرتوا تفرشون
عا كرسي لبي إم بالكامل .. مع إنكم كنتوا قبل المجلس ما تغطون نص كرسي مازدا ..
صراحة أنا مفتشل من أنانيتكم ... أنا مفتشل جدام نفسي قبل أي أحد ثاني .. ما بتكلم
عن العريضة ما غيرها... مو مهم ... هي مو أكثر من ورق تواليت مثلها مثل قراراتكم
... لو طلع شي..
تذكرون أيام كنتوا حاطين شعارات براقة؟؟ أيام
الإنتخابات طبعا .. مو الحين .. الحين ما عندكم شي .. طلعتوا مثل البالون و منفوخ
هوا ساخن .. راحت ذيج الأيام ... أيام الشعارات .. و شتبون فينا الحين .. أيام
كنتوا تحببون الأيادي عشان صوت واحد .. الحين الصوت صار مصدر إزعاج حزة البوفيه ..
و إذا أحد فيكم بالغلط رد على تليفونه يقول بارجعلك بس أخلص إجتماع اللجنة ... و
إبشر خير إنه يرد عليك ... وإذا رد فهو رفع عتب ليس إلا .. و كلمتين معسولتين و
إذلف ..
اليوم سمعت إن د. جمال صالح أخيرا تكلم ..
و طلب من وزارة الصحة إيضاح عن أكياس السيليكون مال تكبير الصدر إذا أمان ولا لا
!! الدكتور خايف على ديود حريمنا ... مشكور ما قصرت .. لازم يكونوا في حالة صحية ممتازة
ليه حذفوا على بناتنا مولتوف .. وبعدين .. لازم الصدر يكون ثابت و مرتفع إذا
سيارتها زلقت على بقعة زيت .. وصدرها ما يقعد يلق يمين و يسار و نفتشل.. والأهم
إنه في حالة الإصطدام نتأكد إنه بيكون وسائد هوائية مساعده .. ما تنبط ... مثل ما
إنبطت جبودنا .. وبعدين الدكتور يبي يتأكد
إنه ما يليك و يفش و يسوي بلاوي ... مع إنها مشكلة محدودة في فرنسا و الدكتور يعرف
هالحجي ... يا ريت يا دكتور تشوف موضوع الكوندومز .. فيه نوعية من المفروض تضوي في
الظلمة .. بس الحقيقة كثير من الرياييل و الحريم إشتكوا لي بإن إنارتها خفيفة ..
واللي يسلمك تستجوب وزيرة الصحة بهالخصوص ... وتحددوا من المسؤول عن هذا الإستخفاف
.. وتعاقبوا الجهة المسؤولة ... قبل ما يكبر الموضوع ... و يطلع من يدنا .. وما
نعرف أي باب نطق لجل المشكلة .. تدري هاي مسألة حياة أو موت ...
دكتور
...إسمعني ... مع إحترامي لك ... تدري إنك
سخيف !؟ حدك سخيف و ما عندك سالفة .. إنت صارلك 3 شهور ساكت و أول ما تكلمت قمت
تشطح ... لو بقيت ساكت جان وايد أكرملك ... ولنا .. يعني عبالك بما إنك طبيب يازعم
إنت مسئول عن الصحة العامة .. دكتور ... إفففففففففف ... كلش مو وقتك ... بوقف بس لإني
أحبك ...
بعض النواب حطوا حطة الدكتورة البلوشي... الوزيرة
الوحيدة اللي ميودة وزارتين .. ووزارة الصحة يبيلها 3 وزراء .. و هي ميودتها بارت تايم أحسن من إنتوا ميودين
أمور الشعب يا نواب ... والسبه .. يبون يعرفون ليش التنمية أخذت مكاتب في المرفأ
المالي .. إنزين أنا أقولكم المكان غلط .. حده غلط ...وما يناسب الوزارة .. و يمكن
الحكومة بغت تساعد المرفأ و دزتهم هناك ... و الموضوع كله مكلف نص مليون دينار
سنوي .. بس سؤال ... لسعادة النواب .. جم خسر الإقتصاد البحريني في 11 شهر من
الأحداث ؟؟ ممكن أحد فيكم يا عباقرة الزمان و المكان يجاوب ؟؟ إستجوبتوا أحد عن
خسائر الإقتصاد يا ليوث ؟؟ (جمع ليث يعني أسد) بعد تسولنا سالفه.. تدرون إن
التقديرات تجاوزت ال 3 مليار دينار؟ ... هل في هذه الأوضاع يستاهل الموضوع ... لا
و الله ما يستاهل و لكن إنتوا فاضيين .. مافي في جعبتكم شي ..ولا عندكم حلول ..
عبالكم إذا كشرتوا عن أنيابكم بتعجبون اللي صوتولكم ... عشان المرة اليايه... إيه
بس طلعوها على شي عدل .. و زين سوت فيكم الوزيرة و ما ردت عليكم .. عارفتكم أغبياء
.. مهرجين .. و فاضيين ... وهي مشغولة ..وما عندها وقت للتفاهات ..
جم واحد فيكم يعرف شنو في تقرير ديوان
الرقابة المالية ؟؟ جم واحد فيكم قراه ؟ جم واحد فيكم قراه و... ما فهمه ؟؟ خليها
مستورة ... أنا ما سألت إلا و أنا عندي معلومات و أقدر أطلعها ... و راح إنشالله
أطلعها... بس عندي سؤال لسعادة النائبة هجرس .. يا ترى تعرفين طريقة الإستجواب لو
بعدج ؟؟ يمكن تعرفين ... بس هل يا ترى عندج سؤال .. مشروع قرار ... بطيخ .. سمبوسة
... جباتي ...أي شي ؟؟
أحمد قراطة ... وين سمعت هالإسم ؟؟؟ نسيت
ما أتذكر ... إيييييه ... أشوفله صور للحين معلقة على طوف بيوت هنود ... نجح ذي ؟؟
يعني صار ضمن الأربعين ؟؟ مادري ... ما سمعناله صوت .. سوسن .. من يوم التفلة و
إنتي لا حس ولاخبر ... نشف ريجيج ؟؟ خلص كل اللي عندج ؟؟ سمية ... وينج أبوي ؟؟ كنتي
وايد أحسن كطبيبة و ليتج ظليتي طبيبة...... شمطوط .. تعلمت شلون يشتغل الميكرفون
؟؟ في حالة إنه في شي تبي تقوله .. الصراحة بيكون يوم مشهود .. الساعاتي ...
الظاهر تعرف تكتب بس ما تعرف تتكلم ... و أفكارك نظرية و صحفية ... بوقيس ...
شخبار جماعاتك ... ما تقدر تستعين فيهم تمشي شغل المجلس ؟؟؟ الباقي بنتكلم عنكم
المرة الياية .. بس حتى القدامى جنهم رقدوا ... أو ... عرفوا أن المجلس ... صار
حده خرطي .... و ضيعوا أي حماس كان موجود عندهم ... وضيعونا معاهم ...
نقطة قبل الأخيرة ... الساعة الحين 12:04
بالضبط بعد نص الليل ... و الجو حلو ...و فاتح باب البلكونه .. و للحين أسمع أصوات
الإشتباكات .. و أصوات التسقيط... و الهرنات ... بس حبيت أعرف .. إنتوا وين ؟؟
إنشالله راقدين زين ما زين ؟؟ نوم العافية ... أقول أبوي .. روحوا المجلس الثلاثاء
..و طالبوا بمشروع قرار بفتح إستيراد الحشيش من تركيا و بإسعار مدعومة... يمقن نرضى عنكم ... وإلا ... فا بسويلكم تحميلة
الفيل ...
نقطة أخيرة ... سمعتوا عن قرار محكمة
التمييز اليوم .. و عن قرارات التأجيل من المحاكم الإبتدائية و الإستئنافية ؟؟
عندكم شي تحبون تقولونه للشارع اللي قاعد يغلي ؟؟ الناس اللي حطوكم في كراسيكم
ودهم يسمعون منكم إنكم تسمعون نبضهم ... صراخهم وصل للعالم كله و إنتوا للحين ما
سمعتوا .. لإنكم صم بكم عمي ..
إلى نبيل رجب –
تمثيلية رائعة الأسبوع اللي طاف ... أهنيك
على الإبداع ... و بنيتنا pinkii_heart @ تقعد تقولي ليل ونهار
مبدعنا و مبدعنا ... وينها تيي تشوفك !! إنت تنبطح مني ... و الدنيا توقف مناك ...
والله شي عجيب .. كريستوف ما قصر وياك .. وفرانس برس بعد ما يحتاي .. حمارة
القايلة نزيهه بعد ما قصرت .. أي نزيهه؟ ... إنت شوف وزارة الخارجية الأمريكية
بكبرها تطلع تصريح عنك ... ليكون إنت شي وإحنا ما ندري ؟؟ .. ليكون إحنا ظالمينك
وعليّه ... حتى الداخلية طلعت بيان في الحال ... أي بيان ؟؟ قول سلسلة بيانات و
أفلام فيديو ... و الله حاله حالتنا إحنا البحرينيين ... ما جذب ريالنا ...ما جذب
..
أهنيك نبول .. إنت ... إنت .. أكبر من
حكومتنا .. إنت حصن منيع .. إنت فوق كل قوانين الدولة .. حتى الدبلوماسيين الأجانب
مسائلين ..أما إنت فلا حبيبي .. سوي اللي تبيه .. مب إنت بروحك .. علي سلمان بعد
.. يكتب رسالة سطرين للملك و تقوم الدنيا ... شي عجيب و الله .. يعني الحين الدولة
في قبضة إثنين مخنثين ... ييييه ...محد قال لنا إنه عشان يكون لك كلمة عالدولة
لازم تكون مخنث في الأول ... ومابي أستعمل كلمة شاذ .. لإنها كلمة مستحدثة ... أما
مخنث فهي كلمة عربية فصحى .. و تعرفوني أحب لغتنا العربية ... فا مابي أحد يفهمها
عالطريقة العامية ...ويقول لي إنت تقول كلام عيب .. هاي فصحى .. أقولكم ... فهموها
بالطريقة اللي تعجبكم لإني ما عدت فاهم شي ... يبيلي حشيش أقوى..
المهم نبول .. إنت طيرت بالون إختبار.. و
فحصت الجو.. و الأخبار ياتك إن الهوا في صالحك .. وإن كنت ما تدري قيمة روحك
فالحين عرفت.. هاي من ناحية .. من ناحية ثانية .. إنتوا قاعدين تخسرون على الأرض
.. و مكانك سر .. مافي تحريك.. جذي إنت حركت الأمور شوي و رديتوا على الصفحات
الأولى .. وقناة العالم صار عندها شي تقوله و البي بي سي و غيرهم .. و إنت بعدك
منبطح على الأرض و إعلامك إشتغل ... ووزعوا لكل العالم و للحين إنت على بطنك ... متعودة
دايماااااااا ... وطلعوا صورك و إنت مضروب ... و العالم صدق .. يييياه الصور ما
تجذب ... حتى أنا صدقت .. وتبي الصج ... إستانست ... بس يا فرحة ما تمت ... الصور
قديمة ... وولد الخواجة طالع في الصور ... وشكله جذي كان حليو ... حتى التاريخ من
2005 مكتوب عالصور ...و العجيب ... إن كريستوف و ربعه بعد مصدقين إنك مضروب ...
ليكون إنت ميود صور ولا فيديوات على كريستوف ويا نعجة ولاشي !!؟
والله الدنيا صارت بالمقلوب .. الموازين
إنقلبت .. و الزمان أخر الزمان ... شي يزعل الحقيقة ... بس عزائنا إن نبول ..
بينبطح على بطنه مرة ثانية ... وهالمرة يمكن مب الدنيا اللي بتقوم ... يمكن أشياء
ثانية .... المهم تكون مستانس يا .... يا... بلبل ..
كلمة و معنى –
كتبت توتاية عن نبول ينبطح في الشارع
...فرد علي د. محمد بنفلاح حبيبنا يسأل عن معنى كلمة إنبطح .. و أنا أشكر صديقي
الدكتور على هذا السؤال المهم .. و بصفتي متمقن في اللغة العربية بحكم صداقتي مع
شعبولا و أبو الأسود الدؤولي يسعدني أن
أعطيك الجواب الكافي من الدكتور المشافي .. هي كلمة عربية أصيلة ورد ذكرها في كثير
من كتب العرب في الجاهلية و ما بعد ..أما حديثا فقد أعتمدت في ميثاق الأمم لحقوق
المخنثين .. والإنبطاح ..من كلمة بطحة .. و اللي على راسه بطحة يحسس عليها ..
فيعني أصبح الرأس لا يعي ... يعني ما يحطش منطق ..قولة سعيد صالح ...
وحديثا يتم إستعمال الكلمة لتعني ... إنسدح
.. أو إستلقى .. إنبطح نبول على بطنه ... أي جهز نفسه لإستقبال تحميلة .. و هي
وضعية إشتهر بها أعضاء فرقة شهربان الموسيقية و طباليها .. أما الآن .. فإن مجمع
بحوث اللغة العربية يبحث إلغاء الكلمة و إستعمال كلمة (نبول) عوضا عنها ... فلان تَنَبّلَ
.. أي إنسدح ... فلان ياخذ نبول ... يعني مستلقى في الشارع لحين وصول الإسعاف...
ولو إن الأخيرة فيها أكثر من معنى ... بس يلا ... وجذي
خبر عاجل –
وصلني هالخبر الحين ... مجلس الشورى يطلق
مبادرة للمصالحة الوطنية !! أه يا قلبي ... حرام عليكم ... يا جماعة .. حرام ...
المنظر السياسي صاير مثل جيق سو بازل .. بالعربي .. اللغز مال قطع الصور و كل قطعة تقربك من الصورة
الأصلية ... الصورة ... كيئبة ... مزعجة ... تبون نتصالح ؟؟ نبوس راسهم ؟ خشمهم ؟
يدهم ؟؟ إذا في أكثر حاضرين ...ترى .. بأمركم إحنا .. راونه منطقة البوس و بنبوس
.. مصالحة ؟؟؟؟؟ من يصالح من ؟ من صجكم إنتوا ؟؟ هالقد مستخفين فينا ... ؟؟ مصالحة
؟؟
سامحيني صارلي مدة ما كتبت عنج و عن
الساقطة الدكتورة مالت الشيشة ... دكتورة و تشيش .. خوش طب .. عذريني مشغول شوي ..
بس راجعلج ... جريب
إنسانيات إنسان –
DR. KNOW
تسلم يدك ويسلم فمك ، والله انك بتتكلم عن واقع البحرينين
ردحذف